അബുദാബി : രിസാല സ്റ്റഡി സര്‍ക്കിള്‍ അബുദാബി സോണ്‍ സാഹിത്യോത്സവില്‍ അല്‍ വഹ്ദ സെക്ടര്‍ ജേതാക്കളായി. സയ്യിദ് ഹാമിദ് കോയമ്മ തങ്ങളുടെ പ്രാര്‍ഥന യോടെ ആരംഭിച്ച സമാപന സമ്മേളനം ഇ. പി. മജീദ്ഹാജി ഉദ്ഘാടനം ചെയ്തു. എസ്. എസ്. എഫ്. സംസ്ഥാന പ്രസിഡന്‍റ് അബ്ദുല്‍ ജലീല്‍ സഖാഫി കടലുണ്ടി മുഖ്യ പ്രഭാഷണം നടത്തി.
എട്ട് സെക്ടറിലായി നടന്ന മത്സര ത്തില്‍ അല്‍ വഹ്ദ സെക്ടര്‍ ചാമ്പ്യന്മാരായി. മുസഫ്ഫ സെക്ടര്‍ രണ്ടാം സ്ഥാനവും ഖാലിദിയ്യ സെക്ടര്‍ മൂന്നാം സ്ഥാനവും നേടി. നാല് സെഷനി ലായി നടന്ന മത്സര ത്തില്‍ നൂറു കണക്കിന് മത്സരാര്‍ഥി കളാണ് മാറ്റുരച്ചത്.
പ്രൈമറി വിഭാഗ ത്തില്‍ ഉമൈദ് (ഖാലിദിയ്യ സെക്ടര്‍), ജൂനിയര്‍ വിഭാഗ ത്തില്‍ ഹാശിര്‍ (നാദിസിയ്യ സെക്ടര്‍), സെക്കന്‍ഡറി വിഭാഗ ത്തില്‍ മാഹിര്‍ (നാദിസിയ്യ സെക്ടര്‍), സീനിയര്‍ വിഭാഗ ത്തില്‍ അന്‍സാര്‍ സഖാഫി (മുസഫ്ഫ സെക്ടര്‍) എന്നിവര്‍ കലാ പ്രതിഭ കളായി തെരഞ്ഞെടുക്കപ്പെട്ടു. തുടര്‍ന്നു വിജയികള്‍ക്ക് സമ്മാന ങ്ങള്‍ നല്‍കി.
സാഹിത്യോത്സ വിന്റെ ഭാഗമായി വെബ്‌ സൈറ്റിലൂടെ നടത്തിയ ക്വിസ്മത്സര ത്തിലെ വിജയികളെ ഷാജഹാന്‍ അബ്ബാസ് നടുക്കെടുപ്പിലൂടെ പ്രഖ്യാപിച്ചു. അബൂബക്കര്‍ സിദ്ധീഖ് (ദുബായ്), സാജിദ ഹുസൈന്‍ (അല്‍ഐന്‍), അബ്ദുല്‍ഖാദിര്‍ (അജ്മാന്‍) എന്നിവരാണ് ഒന്നും രണ്ടും മൂന്നും സ്ഥാനങ്ങള്‍ നേടിയത്.
