സ്ഥിരതക്കും തുടർച്ചക്കും വ്യക്തമായ മുൻ ഗണനയുള്ള ബജറ്റ് : അദീബ് അഹമ്മദ്

February 2nd, 2026

adeeb-ahamed-managing-director-lulu-financial-holding-ePathram
അബുദാബി : ആഗോളതലത്തിൽ നിലനിൽക്കുന്ന അസ്ഥിരതകൾക്ക് ഇടയിലും സ്ഥിരതക്കും തുടർച്ചക്കും വ്യക്തമായ മുൻ ഗണനയുള്ള ബജറ്റാണ് കേന്ദ്ര ധനകാര്യ വകുപ്പ് മന്ത്രി നിർമ്മല സീതാരാമൻ അവതരിപ്പിച്ചത് എന്ന് ലുലു ഫിനാൻഷ്യൽ ഹോൾഡിംഗ്സ് മാനേജിംഗ് ഡയറക്ടർ അദീബ് അഹമ്മദ് അഭിപ്രായപ്പെട്ടു.

പ്രവാസി ഇന്ത്യക്കാരുടെയും വിദേശ നിക്ഷേപ കരുടെയും പങ്കാളിത്തം ലഘൂകരിക്കുന്നതിന് ലക്ഷ്യമിട്ടുള്ള നിരവധി പദ്ധതികൾ പ്രതീക്ഷക്കു വക നൽകുന്നതാണ്.

ഇന്ത്യക്കു പുറത്ത് താമസിക്കുന്ന വ്യക്തികളുടെ വ്യക്തിഗത നിക്ഷേപ പരിധി 5% ൽ നിന്ന് 10% ആയി ഉയർത്തിയതും കൂടാതെ ഇവരുടെ തന്നെ മൊത്തം പരിധി 10% ൽ നിന്ന് 24% ആയി ഉയർത്തിയതും കൂടുതൽ എൻ. ആർ. ഐ. ക്കാരുടെ നിക്ഷേപം കൂട്ടാൻ സഹായകരമാകും.

TAN ഒഴിവാക്കി പ്രവാസികൾകളുടെ വസ്തുക്കൾ വിൽക്കുമ്പോൾ, വാങ്ങുന്നയാളുടെ പാൻ അടിസ്ഥാനമാക്കിയുള്ള ചലാൻ ഉപയോഗിച്ച് TDS നിക്ഷേപിക്കാൻ അനുവദിക്കാനുള്ള നിർദ്ദേശം, എൻ. ആർ‌. ഐ. കളായ പ്രോപ്പർട്ടി വിൽപ്പനക്കാരുടെ നടപടികൾ കൂടുതൽ ലളിതമാക്കപ്പെടും.

ലിബറലൈസ്ഡ് റെമിറ്റൻസ് സ്കീമിന് കീഴിലുള്ള വിദേശ ടൂർ പാക്കേജുകളിലും വിദ്യാഭ്യാസ, മെഡിക്കൽ ആവശ്യങ്ങൾക്കുള്ള പണം അടക്കലു കളിലും TCS 5% ൽ നിന്ന് 2% ആയി കുറക്കുന്നതിലൂടെ കൂടുതൽ പേർക്ക് ഇതിന്റെ ഗുണം ലഭിക്കുകയും ചെയ്യും. ടൂറിസം രംഗത്ത് കേരളം ആഗോള തലത്തിൽ തന്നെ മികവ് പുലർത്തി വരുന്നു. ഈ ഘട്ടത്തിൽ ടൂറിസം രംഗത്തിനും ഈ ബഡ്ജറ്റിൽ കൂടുതൽ പ്രാധാന്യം അർഹിക്കുന്നുണ്ട്.

ഇന്ത്യയിൽ ഏറ്റവും കൂടുതൽ വിദേശ നാണ്യം ലഭിക്കുന്ന സംസ്ഥാനങ്ങളിൽ മുൻപന്തിയിൽ നിൽക്കുന്ന കേരളത്തിന് കാലഘട്ടത്തിന്റെ ആവശ്യത്തിന് അനുസൃതമായി വരും ബഡ്ജറ്റുകളിൽ കൂടുതൽ മികച്ച പദ്ധതികൾ പ്രഖ്യാപിക്കപ്പെടും എന്നും അദീബ് അഹമ്മദ് പ്രത്യാശ പ്രകടിപ്പിച്ചു.

- pma

വായിക്കുക: ,

അഭിപ്രായം എഴുതുക »

അൽ ഖൂസ് ക്രിയേറ്റീവ് സോണിൽ പെഡസ്ട്രിയൻ – സൈക്കിൾ പാലം തുറന്നു

January 24th, 2026

roads-transport-authority-dubai-logo-rta-ePathram
ദുബായ് : പൊതുഗതാഗതം പ്രോത്സാഹിപ്പിക്കുക, പരിസ്ഥിതി സൗഹൃദ നഗര വികസനം ഉറപ്പാക്കുക എന്നീ ലക്ഷ്യങ്ങളോടെ ദുബായ് റോഡ്‌സ് ആൻഡ് ട്രാൻസ്‌പോർട്ട് അതോറിറ്റി നടപ്പിലാക്കി വരുന്ന പദ്ധതികളിൽ അൽ ഖൂസ് ക്രിയേറ്റീവ് സോണിൽ വിപുലമായ അടിസ്ഥാന സൗകര്യ വികസനം പൂർത്തിയാക്കി എന്ന് അധികൃതർ.

കാൽനടയിലും സൈക്കിളിലുമുള്ള യാത്ര പ്രോത്സാഹിപ്പിക്കുന്നതിനായി അൽ മനാറ സ്ട്രീറ്റിൽ പുതിയ പെഡസ്ട്രിയൻ–സൈക്കിൾ പാലം നിർമ്മിച്ചു. മെട്രോയും ബസ് സ്റ്റേഷനുകളും അൽ ഖൂസ് ക്രിയേറ്റീവ് സോണുമായി നേരിട്ട് ബന്ധിപ്പിക്കുന്ന നടപ്പാതകളും മൊബിലിറ്റി ഹബുകളും ഒരുക്കിയിട്ടുണ്ട്.

വലിയ സാംസ്കാരിക പരിപാടികളിൽ റോഡുകൾ നടപ്പാതകളാക്കി മാറ്റുന്ന ‘സൂപ്പർ ബ്ലോക്ക്സ്’ പദ്ധതി അൽ ഖൂസ് ആർട്സ് ഫെസ്റ്റിവലിൽ ആദ്യമായി നടപ്പാക്കും. കലാകാരന്മാർക്കും ഡിസൈനർമാർക്കും സംരംഭകർക്കുമായി ഈ മേഖലയെ ക്രിയേറ്റീവ് ഹബ്ബാക്കി മാറ്റും എന്നും ആർ. ടി. എ. അറിയിച്ചു.

- pma

വായിക്കുക: , , , , , ,

അഭിപ്രായം എഴുതുക »

ആരോഗ്യ പ്രവർത്തകർക്ക് സാമ്പത്തിക അംഗീകാരം പ്രഖ്യാപിച്ച് ഡോ. ഷംഷീർ വയലിൽ

January 20th, 2026

dr-shamsheer-vayalil-burjeel-holdings-ePathram

അബുദാബി : രോഗികൾക്ക് സാന്ത്വനവും കരുതലുമായി പ്രവർത്തിക്കുന്ന മുൻ നിര ആരോഗ്യ പ്രവർത്തകർക്ക് 15 മില്യൺ ദിർഹം (37 കോടി രൂപ) സാമ്പത്തിക അംഗീകാരം പ്രഖ്യാപിച്ച് MENA യിലെ പ്രമുഖ ആരോഗ്യ സേവന ദാതാക്കളായ ബുർജീൽ ഹോൾഡിംഗ്‌സ്.

ഗ്രൂപ്പിന്റെ വിവിധ സ്ഥാപനങ്ങളിൽ നഴ്സിംഗ്, രോഗീ പരിചരണം, ഓപ്പറേഷൻസ്, അനുബന്ധ സേവനങ്ങൾ തുടങ്ങിയ വിവിധ വിഭാഗങ്ങളിലായി ജോലി ചെയ്യുന്ന ഏകദേശം 10,000 മുൻ നിര ആരോഗ്യ പ്രവർത്തകർക്ക് ആനുകൂല്യം ലഭിക്കും.  ഗ്രൂപ്പ് ‘ബുർജീൽ 2.0’ എന്ന അടുത്ത വളർച്ചാ ഘട്ടത്തിലേക്ക് കടക്കുന്ന സന്ദർഭ ത്തിൽ ബുർജീൽ പ്രൗഡ് ഇനീഷ്യറ്റിവിന്റെ ഭാഗമായാണ് അംഗീകാരം.

അർഹരായ ജീവനക്കാർക്ക് അവരുടെ ജോലിയുടെ അടിസ്ഥാനത്തിൽ ഒരു മാസത്തെ അല്ലെങ്കിൽ പതിനഞ്ചു ദിവസത്തെ അടിസ്ഥാന ശമ്പളത്തിന് തുല്യമായ തുക നൽകും.

ബുർജീൽ ഹോൾഡിംഗ്‌സ് സ്ഥാപകനും ചെയർമാനും സി. ഇ. ഒ. യുമായ ഡോ. ഷംഷീർ വയലിൽ, അബു ദാബി ഇത്തിഹാദ് അരീനയിൽ ബുർജീൽ വാർഷിക യോഗത്തിൽ 8,500 ത്തോളം ജീവനക്കാരെ മുൻ നിർത്തിയാണ് ഈ പ്രഖ്യാപനം നടത്തിയത്.

ഡോ. ഷംഷീറിന്റെ പ്രസംഗം നടക്കുമ്പോൾ ജീവന ക്കാരുടെ മൊബൈൽ ഫോണിൽ ലഭിച്ച സർപ്രൈസ് എസ്. എം. എസ്. വഴിയാണ് സാമ്പത്തിക അംഗീകാരം ലഭിച്ച വിവരം ആരോഗ്യ പ്രവർത്തകർ അറിയുന്നത്.

വൈകാരികമായിരുന്നു പലരുടെയും പ്രതികരണം. അംഗീകാരം ഉടൻ ബാങ്ക് അക്കൗണ്ടിൽ എത്തും എന്ന് ഡോ. ഷംഷീർ അറിയിച്ചപ്പോഴേക്കും ആരോഗ്യ പ്രവർത്തകരിൽ നിന്ന് കയ്യടികൾ ഉയർന്നു.

“യാതൊരു നിബന്ധനകളുടെയും അടിസ്ഥാനത്തിലല്ല ഇത് നൽകുന്നത്. ആരോഗ്യ സേവനത്തിന്റെ നട്ടെല്ല് ആയ ഫ്രണ്ട്-ലൈൻ ടീമുകളുടെ കൂട്ടായ പരിശ്രമ ത്തിനുള്ള അംഗീകാരമാണിത്. ഇവരാണ്‌ രോഗികളുമായി ഏറ്റവും അടുത്ത് ഇടപഴകുകയും സമ്മർദ്ദങ്ങൾക്ക് നടുവിലും മാന ദണ്ഡങ്ങൾ അനുസരിച്ച് പ്രശ്നങ്ങൾ തത്സമയം പരിഹരിക്കുകയും ചെയ്യുന്നത്. അവരോടുള്ള നന്ദിയും വിശ്വാസവും പ്രകടിപ്പിക്കുന്നതാണ് ഈ അംഗീകാരം,” ഡോ. ഷംഷീർ പറഞ്ഞു.

- pma

വായിക്കുക: , , , , , , , , ,

അഭിപ്രായം എഴുതുക »

ഐ. സി. എ. ഐ. യുടെ ‘തരംഗ്-26’ ശ്രദ്ധേയമായി

January 20th, 2026

i-c-a-i-abu-dhabi-chapter-tarang-2026-ePathram
അബുദാബി : ഇന്‍സ്റ്റിറ്റ്യൂട്ട് ഓഫ് ചാര്‍ട്ടേഡ് അക്കൗണ്ടന്റ്‌സ് ഓഫ് ഇന്ത്യ (ഐ. സി. എ. ഐ.) അബുദാബി ചാപ്റ്റർ 37-ാമത് വാര്‍ഷിക സെമിനാറും രണ്ടാമത് ജി. സി. സി. വാര്‍ഷിക സി. എ. കോണ്‍ഫറന്‍സും സംഘടിപ്പിച്ചു.

‘തരംഗ് 26 : വേവ്‌സ് ഓഫ് ട്രാന്‍സ്‌ഫോര്‍മേഷന്‍, ബ്രിഡ്ജിങ് നേഷന്‍സ്’ എന്ന പ്രമേയത്തിൽ അബുദാബി ഹോട്ടല്‍ കോണ്‍റാഡില്‍ നടന്ന സെമിനാറിലും കോണ്‍ഫറന്‍സിലും ലോകത്തിന്റെ വിവിധ ഭാഗങ്ങളില്‍ നിന്നുള്ള പ്രമുഖർ സംവദിച്ചു.

വ്യവസായ മന്ത്രാലയം ആക്ടിംഗ് അണ്ടർ സെക്രട്ടറി ഇബ്തിസാം അൽ സാദി, നീതിന്യായ മന്ത്രാലയം ഉദ്യോഗസ്ഥൻ ഡോക്ടർ അബ്ദുല്ല സുലൈമാൻ അൽ ഹമ്മാദി, ക്രിപ്റ്റോ പ്രസിഡണ്ട് മുഹമ്മദ് അൽ ഹാകിം, രാജ്യസഭാ മെമ്പർ രാഘവ് ചദ്ദ, മുൻ ക്രിക്കറ്റർ ഇർഫാൻ പത്താൻ, ഹാഷിം ഖുദ്സി, മിച്ച് ഹച് ക്രാഫ്റ്റ് തുടങ്ങിയ പ്രമുഖർ പ്രോഗ്രാമിന്റെ ഭാഗമായി.

ഡിജിറ്റല്‍ നവീകരണം, സുസ്ഥിരത, മാറുന്ന ബിസിനസ് മാതൃകകള്‍ എന്നിവ യിലൂടെ ആഗോള സാമ്പത്തിക രംഗത്തുണ്ടാകുന്ന മാറ്റങ്ങള്‍, രാജ്യങ്ങള്‍ തമ്മിലുള്ള സഹകരണം ശക്തമാക്കുന്നതില്‍ സാമ്പത്തിക വിദഗ്ധരുടെ പങ്ക് എന്നിവ സംബന്ധിച്ചുള്ള ചര്‍ച്ചകൾ നടന്നു.

സ്റ്റോക്ക് മാര്‍ക്കറ്റ് ട്രെന്‍ഡുകള്‍, സ്റ്റാര്‍ട്ടപ്പ് തന്ത്രങ്ങള്‍, ബേങ്കിങ് സൊല്യൂഷനുകള്‍ തുടങ്ങിയ വിഷയങ്ങളില്‍ പാനല്‍ ചര്‍ച്ചകളും മോട്ടിവേഷണല്‍ പ്രസംഗങ്ങളും നടന്നു. സമാപന ചടങ്ങില്‍ ബിസിനസ് എക്‌സലന്‍സ്, ഫിനാന്‍സ് എക്‌സലന്‍സ്, യൂത്ത് ലീഡര്‍ഷിപ്പ് അവാര്‍ഡുകള്‍ വിതരണം ചെയ്തു.

തുടര്‍ന്ന് പ്രശസ്ത ബോളിവുഡ് ഗായകന്‍ പാപ്പോന്‍ നേതൃത്വം നൽകിയ സംഗീത നിശയും അരങ്ങേറി. Image Credit : FB PAGE

- pma

വായിക്കുക: , , , , , , , , , ,

അഭിപ്രായം എഴുതുക »

ലുലു എക്സ് ചേഞ്ച് ‘സെൻഡ് & വിൻ 2025’ ക്യാമ്പയിന്‍ സമാപിച്ചു

December 6th, 2025

lulu-exchange-send-and-win-camp-2025-winners-ePathram

അബുദാബി : പ്രമുഖ ധനകാര്യ പണമിടപാട് സേവന സ്ഥാപനം ലുലു എക്സ് ചേഞ്ച് ഒരുക്കിയ ‘സെൻഡ് & വിൻ 2025’ പ്രൊമോഷണൽ ക്യാമ്പയിൻ സമാപിച്ചു. അബുദാബി അൽ വഹ്ദ മാളിലെ ലുലു എക്സ് ചേഞ്ച് വേദിയിൽ നടന്ന തത്സമയ മെഗാ നറുക്കെടുപ്പ് ചടങ്ങിൽ വിജയികളെ പ്രഖ്യാപിച്ചു. ബമ്പർ സമ്മാനം ഡോംഗ് ഫെംഗ് മേയ്ജ് എസ്‌. യു. വി. കാർ അജയ് ചൗഹാൻ ഹക്കിം ചൗഹാൻ കരസ്ഥമാക്കി.

ഡോംഗ് ഫെംഗ് ഷൈൻ വിജയിയായി ഫരീദ നമുഗർവാ തെരഞ്ഞെടുക്കപ്പെട്ടു.10 പേർക്ക് 10 ഗ്രാം സ്വർണ്ണ സമ്മാനങ്ങളും പ്രഖ്യാപിച്ചു. നഗര സഭാ ഉദ്യോഗസ്ഥൻ അഹ്മദ് അൽ മൻസൂരിയുടെ നേതൃത്വത്തിൽ ആയിരുന്നു നറുക്കെടുപ്പ്.

lucky-winners-of-lulu-exchange-send-and-win-promotion-2025-ePathram

ഇംതിയാസ് അഹമ്മദ് മുഹമ്മദ് ഹയാത്ത്, ആമിർ ഷെഹ്‌സാദ് മുഹമ്മദ് ആരിഫ് സെയ്ദി, ജഹാംഗീർ അസ്ലാം ഈദ് മർജാൻ, ഗ്രേസിയേൽ വിൽമാ യോർ ഡി ഗുസ്മാൻ, ഹാജി മന്നാൻ ഷാഹുൽ ഹമീദ് ഷാഹുൽ ഹമീദ്, പർബതി തമാങ് ഭോല ബഹദൂർ തമാങ്, നൗഫൽ താജുദീൻ മൈദീൻ കുഞ്ഞ് താജുദീൻ, വഖാസ് അഹമ്മദ് അക്ബർ ഖാൻ, ദീപേഷ് ഭട്ടതിരി, അംജദ് ഖാൻ സർവാർ ജാൻ എന്നിവർക്കാണ് സ്വർണ്ണം ലഭിച്ചത്.

2025 ആഗസ്റ്റ് 25 മുതൽ നവംബർ 22 വരെ നീണ്ടു നിന്ന ‘സെൻഡ് & വിൻ 2025’ ക്യാമ്പയിൻ കാലയളവിൽ ലുലു എക്സ് ചേഞ്ച്, ലുലു മണി ആപ്പ് എന്നിവ മുഖേന ആദ്യമായി പണം അയച്ച ഉപഭോക്താവിന് ഡോംഗ് ഫെംഗ് ഷൈൻ സെഡാൻ സമ്മാനമായി നേടാൻ അവസരം ലഭിച്ചു.

മറ്റ് എല്ലാ ഇടപാടുകളും നടത്തിയവർക്ക് കോംടെക് ഗോൾഡിന്റെ ഒരു കിലോ ഗ്രാം വരെയുള്ള സ്വർണ്ണം സമ്മാനമായി നൽകുന്ന ഒന്നിലധികം നറുക്കെടുപ്പു കളുടെ പ്രവേശനത്തിലേക്കുള്ള യോഗ്യത നേടി. ഇതിലൂടെ ഉപഭോക്താക്കൾക്ക് സമ്മാനങ്ങൾ നേടാനുള്ള കൂടുതൽ അവസരങ്ങൾ ലഭിച്ചു.

വ്യവസായ പങ്കാളികളായ യു. എ. ഇ. ഡോംഗ് ഫെംഗ് മോട്ടോർ കോർപ്പറേഷൻ എക്സ്ക്ലൂസീവ് ഡിസ്ട്രിബ്യൂട്ടർ മഹി ഖൂരി ഓട്ടോ മോട്ടീവും ബ്ലോക്ക്‌ ചെയിൻ അധിഷ്ഠിത ഡിജിറ്റൽ ഗോൾഡ് ഇക്കോ സിസ്റ്റം കോംടെക് ഗോൾഡുമാണ് പിന്തുണ നൽകിയത്.

ലുലു എക്സ് ചേഞ്ചുമായുള്ള സഹകരണം ക്യാമ്പ യിന്റെ മൂല്യ നിർണ്ണയത്തെ ശക്തിപ്പെടു ത്തുകയും ഉപഭോക്തൃ കേന്ദ്രീകൃതമായ സേവനത്തിനും വിശ്വാസ്യതക്കും പ്രാധാന്യം നൽകുകയും ചെയ്തു. ക്യാമ്പയിൻ പങ്കെടുത്ത എല്ലാ ഉപഭോക്താക്കളോടും ഞങ്ങൾ ആത്മാർത്ഥമായ നന്ദി അറിയിക്കുന്നു എന്ന് ലുലു എക്സ് ചേഞ്ച് സി. ഇ. ഒ. തമ്പി സുദർശനൻ പറഞ്ഞു. FACE BOOK

- pma

വായിക്കുക: , , , , ,

അഭിപ്രായം എഴുതുക »


« Previous Page — « Previous « അൽ ഐൻ മലയാളി സമാജം ‘ഉത്സവം സീസൺ-12’ ശനിയാഴ്ച
Next » — Next Page » ഐ. സി. എ. ഐ. യുടെ ‘തരംഗ്-26’ ശ്രദ്ധേയമായി »



  • ഇ-ഇൻവോയ്സിംഗ് ബോധ വത്കരണ ക്ലാസ് നവംബർ 21ന്
  • എമിറേറ്റ്സ് ലേബർ മാർക്കറ്റ് : ബുർജീൽ ഹോസ്പിറ്റൽ ഒന്നാം സ്ഥാനത്ത്
  • കെ. എം. സി. സി. ലീഗൽ സെൽ-അദാലത് ഞായറാഴ്ച
  • ‘ഹാർവെസ്റ്റ് ഫെസ്റ്റിവൽ-2026’ ആഘോഷിച്ചു
  • മെഹ്ഫിൽ മെരെ സനം സീസൺ-5 നവംബർ 21 ന്
  • നസീർ രാമന്തളിയുടെ പുസ്തകം പ്രകാശനം ചെയ്തു
  • വാദിയൻസ് വിദ്യാലയ ഓർമ്മകൾ ‘കിതാബിലെ കിസ്സകൾ’ പ്രകാശനം ചെയ്തു
  • ഒന്നിച്ചില്ലെങ്കിൽ എന്താ… ഒന്നിച്ചൊരു പ്രണയ കാലം ആസ്വദിച്ചില്ലേ…?
  • സുല്‍ത്വാനിയ ‘ഹൃദയ വെളിച്ചം’ ആറാം ഭാഗം പ്രകാശിതമായി
  • ഈദ് അൽ ഇത്തിഹാദ് : പൊതുഅവധി പ്രഖ്യാപിച്ചു
  • സെന്റ് ജോർജ് ഓർത്തഡോക്സ് കത്തീഡ്രൽ കൊയ്ത്തുത്സവം ഞായറാഴ്ച
  • സി. എച്ച്. മുഹമ്മദ് കോയ : ഇതിഹാസത്തിന്റെ നാൾവഴികൾ
  • വിദ്യാർത്ഥികൾക്കായി ഏകീകൃത ഡിജിറ്റൽ തിരിച്ചറിയൽ കാർഡ്
  • ഇസ്‌ലാമിക് സെന്ററിൽ ‘ഫാമിലി ഗെറ്റ് ടുഗെതർ-2026’
  • കടയ്ക്കൽ പ്രവാസി ഫോറം : പുതിയ ഭാരവാഹികൾ
  • പെരുമ പയ്യോളി : പുതിയ കമ്മിറ്റി നിലവിൽ വന്നു
  • കെ. എം. സി. സി. നിയമ സെമിനാർ : നവംബർ 15 ന്
  • ഗ്ലോബൽ വില്ലേജിൽ ‘ദീപാവലി മേള’ അരങ്ങേറും
  • അല്‍ മദീന ‘വിന്‍റര്‍ ഡ്രൈവ്’ സീസണ്‍-15 : ലോഗോ പ്രകാശനം ചെയ്തു
  • ഗ്ലോബൽ വില്ലേജ് : ‘എ മോർ വണ്ടർഫുൾ വേൾഡ്’ എന്ന പ്രമേയത്തിൽ 31-ാമത് പതിപ്പ്



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine