അബുദാബി : മലയാള സാഹിത്യ ത്തിന് നീര്‍മാതള ത്തിന്‍റെ സൗരഭ്യം പകര്‍ന്നു നല്‍കിയ മാധവിക്കുട്ടി എന്ന കമല സുരയ്യ യുടെ  ഒന്നാം ചരമ വാര്‍ഷികത്തോട് അനുബന്ധിച്ച് അബുദാബി കേരള സോഷ്യല്‍ സെന്‍റര്‍ സാഹിത്യ വിഭാഗം സംഘടിപ്പി ക്കുന്ന അനുസ്മരണ സമ്മേളനവും സാഹിത്യ സദസ്സും മെയ്‌   28  വെള്ളിയാഴ്ച രാത്രി 8 മണിക്ക് കെ. എസ്‌. സി. മിനി ഹാളില്‍ നടന്നു.  പരിപാടിയില്‍ സാഹിത്യ  സാംസ്കാരിക രംഗത്തെ പ്രമുഖര്‍ സംബന്ധിച്ചു.  കഥ, കവിത, അനുസ്മരണ പ്രഭാഷണം എന്നിവയും  ബാബുരാജ് ഒരുക്കുന്ന ‘കാവ്യ ശില്‍പം’,  ഇ. ആര്‍. ജോഷി ഒരുക്കുന്ന ‘നീര്‍ മാതളം പൂത്ത കാലം’ എന്ന കഥാ ആവിഷ്കാരം എന്നിവയും അരങ്ങേറി.