 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : ഇസിയാർ ബൊല്ലെയിൻ സംവിധാനം ചെയ്ത “ഈവന്‍ ദി റെയിൻ” എന്ന ചലച്ചിത്രം സെപ്റ്റംബര്‍ 16, ഞായറാഴ്ച്ച വൈകീട്ട് 8 മണിക്ക് അബുദാബി കേരള സോഷ്യല്‍ സെന്‍റെറില്‍ പ്രദര്‍ശിപ്പിക്കും. തുടര്‍ന്ന് ഓപ്പണ്‍ ഫോറവും ഉണ്ടായിരിക്കും. കേരള സോഷ്യല്‍ സെന്‍റെര്‍, പ്രസക്തി, നാടക സൗഹൃദം, കോലായ, ആര്‍ട്ടിസ്റ്റ ആര്‍ട്ട്‌ ഗ്രൂപ്പ്‌ എന്നിവയുടെ സംയുക്ത ആഭിമുഖ്യത്തിലാണ് സിനിമാ പ്രദര്‍ശനം. പ്രവേശനം സൗജന്യമായിരിക്കും.
- pma
വായിക്കുക: കേരള സോഷ്യല്‍ സെന്റര്‍, സിനിമ
അബുദാബി : കൂടംകുളം സമരത്തിനു പിന്തുണയേകിക്കൊണ്ട് പ്രസക്തിയുടെ ആഭിമുഖ്യത്തില്‍ അബുദാബിയില്‍ സംഘ ചിത്രരചനയും സാംസ്കാരിക കൂട്ടായ്മയും സംഘടിപ്പിച്ചു. അജി രാധാകൃഷ്ണന്‍ സ്വാഗതം പറഞ്ഞു. വി. ടി. വി. ദാമോദരന്‍ പരിപാടി ഉദ്ഘാടനം ചെയ്തു. പ്രസക്തി വൈസ് പ്രസിഡണ്ട്‌ ഫൈസല്‍ ബാവ അധ്യക്ഷന്‍ ആയിരുന്നു. അബുദാബി കേരള സോഷ്യൽ സെന്ററില്‍ നടന്ന സംഘ ചിത്രരചനയില്‍ ജോഷി ഒഡേസ, ശശിന്‍സാ, രാജീവ്‌ മുളക്കുഴ, കാർട്ടൂണിസ്റ്റ് അജിത്‌, രാജേഷ്‌ കൂടംകുളം, നദീം മുസ്തഫ, ഇ. ജെ. റോയിച്ചൻ, ഷാഹുല്‍ കൊല്ലംകോട്‌, ഗോപാല്‍ജി, ശിഖ ശശിന്‍സാ, ഐശ്വര്യ ഗൌരി നാരായണന്‍ തുടങ്ങിയവര്‍ പങ്കെടുത്തു.
- ഫൈസല്‍ ബാവ
വായിക്കുക: കല, കേരള സോഷ്യല്‍ സെന്റര്‍, പ്രതിഷേധം
അബുദാബി : ഇന്ത്യന്‍ സ്വാതന്ത്ര്യ സമരത്തിനു കേരളം സമര്‍പ്പിച്ച വിപ്ലവ നക്ഷത്രവും ഇന്ത്യന്‍ നാഷണല്‍ ആര്‍മി യുടെ ക്യാപ്റ്റനും പ്രമുഖ സാമൂഹിക പ്രവര്‍ത്തക യുമായിരുന്ന ക്യാപ്റ്റന്‍ ലക്ഷ്മിയെ കേരള സോഷ്യല്‍ സെന്റര്‍ അനുസ്മരിക്കുന്നു.
അബുദാബി കേരള സോഷ്യല്‍ സെന്ററില്‍ ജൂലൈ 28 ശനിയാഴ്ച രാത്രി 9 മണിക്ക് നടക്കുന്ന അനുസ്മരണ സമ്മേളന ത്തില്‍ ദല സാഹിത്യ വിഭാഗം സെക്രട്ടറി ഷാജഹാന്‍ മുഖ്യ പ്രഭാഷണം ചെയ്യും. ക്യാപ്റ്റന്‍ ലക്ഷ്മിയുടെ പോരാട്ട ജീവിതത്തെ ആസ്പദ മാക്കിയുള്ള ഡോക്യുമെന്ററി പ്രദര്‍ശനവും ഉണ്ടായിരിക്കും.
- pma
വായിക്കുക: കേരള സോഷ്യല്‍ സെന്റര്‍, സാംസ്കാരികം
അബുദാബി : ശക്തി തിയ്യേറ്റേഴ്‌സ് കേരള സോഷ്യല്‍ സെന്ററില്‍ ഒരുക്കിയ ഇഫ്താര്‍ വിരുന്നില്‍ അബുദാബി യിലെ കലാ സാമൂഹിക സാംസ്കാരിക മാധ്യമ രംഗത്ത് പ്രവര്‍ത്തിക്കുന്ന പ്രമുഖരും കെ. എസ്. സി. അംഗങ്ങളും ശക്തി കുടുംബാംഗങ്ങളും പങ്കെടുത്തു.
- pma
വായിക്കുക: കേരള സോഷ്യല്‍ സെന്റര്‍, ശക്തി തിയേറ്റഴ്സ്
അബുദാബി : കേരള സോഷ്യല്‍ സെന്റര്‍ സംഘടിപ്പിച്ച വേനലവധി ക്യാമ്പ് വേനല്‍ത്തുമ്പികള്‍ സമാപിച്ചു.
ആടിയും പാടിയും കളിച്ചും ചിരിച്ചും വിനോദവും വിജ്ഞാനവും പങ്കു വെച്ചും ഒഴിവു ദിനങ്ങള്‍ വളരെ ആഹ്ലാദ ഭരിതമാക്കി സണ്‍ഡേ തിയേറ്റര്‍ ഡയറക്ടര്‍ ഗോപി കുറ്റിക്കോലിന്റെ നേതൃത്വ ത്തില്‍ നടന്ന ക്യാമ്പ് പുതുമ നിറഞ്ഞ പരിപാടികള്‍ കൊണ്ടും ആസൂത്രണ ത്തിലെ മികവ് കൊണ്ടും വ്യത്യസ്തമായി.
കെ. എസ്. സി. പ്രസിഡന്റ് കെ. ബി. മുരളിയുടെ അദ്ധ്യക്ഷത യില്‍ ചേര്‍ന്ന സമാപന സമ്മേളന ത്തില്‍ ഗോപി കുറ്റിക്കോല്‍, ക്യാമ്പ് ഡയറക്ടര്‍ മുസമ്മില്‍ പാണക്കാട്, വനിതാ വിഭാഗം കണ്‍വീനര്‍ ഷൈലജ നിയാസ്, കരിക്കുലം കണ്‍വീനര്‍ ടി. കെ. ജലീല്‍, ബാലവേദി പ്രസിഡന്റ് ഐശ്വര്യ നാരായണന്‍ എന്നിവര്‍ ആശംസകള്‍ നേര്‍ന്നു.
വൈക്കം മുഹമ്മദ് ബഷീറിന്റെ പ്രേമലേഖനം, പൂവമ്പഴം എന്നീ കഥകളെ ആസ്പദമാക്കി ഹരി അഭിനയ യുടെ സംവിധാന ത്തില്‍ അവതരിപ്പിച്ച ചിത്രീകരണം, ജയേഷ് നിലമ്പൂരിന്റെ സംവിധാന ത്തില്‍ അരങ്ങേറിയ ‘മരം കരയുന്നു’ എന്ന ലഘു നാടകം, ബിജു കിഴക്കനേല സംവിധാനം ചെയ്ത ‘പൊല്ലാപ്പ്’ എന്ന ഹാസ്യ നാടകം എന്നിവ മികവു പുലര്‍ത്തി. ക്യാമ്പില്‍ ചിത്രീകരിച്ച ഡോക്യുമെന്ററിയും സമാപന ത്തില്‍ പ്രദര്‍ശിപ്പിക്കുകയുണ്ടായി.
ക്യാമ്പില്‍ പങ്കെടുത്ത കുട്ടികളുടെ സാഹിത്യ സൃഷ്ടികള്‍ മാത്രം ഉള്‍പ്പെടുത്തി ക്കൊണ്ട് സെന്ററിന്റെ ചുമര്‍ മാസികയായ ജാലകം, വേനല്‍ത്തുമ്പി കളുടെ ജാലകം എന്ന പേരില്‍ ഗോപി കുറ്റിക്കോല്‍ പ്രകാശനം ചെയ്തു.
ചടങ്ങില്‍ സെന്റര്‍ ജോ. സെക്രട്ടറി വേണു ഗോപാല്‍ സ്വാഗതവും കലാ വിഭാഗം ജോ. സെക്രട്ടറി എം. സുനീര്‍ നന്ദിയും പറഞ്ഞു.
- pma
വായിക്കുക: കുട്ടികള്, കേരള സോഷ്യല്‍ സെന്റര്‍, നാടകം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
