ദുബായ്‌ : രിസാല സ്റ്റഡി സര്‍ക്കിള്‍ ദുബായ്‌ സോണ്‍ വിദ്യാര്‍ത്ഥികളുടെ സാമൂഹ്യ, സഹജാവ, നൈസര്‍ഗിക പോഷണത്തിനായി വേനല്‍കൂടാരം സമ്മര്‍ ക്യാമ്പ് സംഘടിപ്പിക്കുന്നു. ജൂലായ്‌ 23, 24 തിയ്യതികളില്‍ ദുബായിലെ വിവിധ സ്ഥലങ്ങളില്‍ നടക്കുന്ന ക്യാമ്പിന്റെ ഉദ്ഘാടനം ജൂലായ്‌ 23ന് രാവിലെ 8 മണിക്ക്‌ ദുബായ്‌ മര്‍കസില്‍ വെച്ച്‌ നടക്കും.
ഫാമിലി അവയര്‍നെസ്‌, എഡ്യൂഫോര്‍ സൈറ്റ്‌, ഒരു മൊട്ടുണരുന്നു, എന്റെ ശരീരം, എനിക്ക്‌ ചുറ്റും, ഹുവല്‍ ഖാലിഖ്‌, അമ്പട ഞാനേ, തുടങ്ങിയ വിവിധ സെഷനുകളില്‍ മത സാമൂഹ്യ സാംസ്കാരിക രംഗങ്ങളിലെ പ്രമുഖര്‍ പങ്കെടുക്കുന്ന ക്യാമ്പിന്റെ രജിസ്റ്റ്രേഷന്‍ ആരംഭിച്ചു.
പങ്കെടുക്കാന്‍ താത്പര്യമുള്ളവര്‍ ജൂലായ്‌ 18ന് മുമ്പ്‌ 0507490822, 0502400786 എന്നീ നമ്പറുകളില്‍ ബന്ധപ്പെടുക.
അബുദാബി : മലയാളി സമാജം ഒരുക്കുന്ന 
അബുദാബി : അബുദാബി ശക്തി തിയേറ്റേഴ്സ് അവര്‍ ഇന്റര്‍നാഷനല്‍ അബുദാബിയുടെ സഹകരണത്തോട് കൂടി നടത്തിയ ചോദ്യോത്തര മല്‍സരം “എന്റെ കേരളം” കേരള സോഷ്യല്‍ സെന്ററില്‍ നടന്നു. കേരളത്തെ കുറിച്ചുള്ള സമഗ്രമായ വിവരങ്ങള്‍ അടങ്ങിയ മല്‍സരത്തിനു ശ്രീ. സി. ഒ. കെ., ശ്രി. സന്തോഷ് കുമാര്‍ എന്നിവര്‍ നേതൃത്വം നല്‍കി.
ഷാര്‍ജ : ജൈവ വൈവിധ്യത്തിനും പരിസ്ഥിതി സംരക്ഷണത്തിനും പ്രാധാന്യം നല്‍കി ക്കൊണ്ട്, ഫ്രണ്ട്സ് ഓഫ് കേരള ശാസ്ത്ര സാഹിത്യ പരിഷത് കൊച്ചു കൂട്ടുകാര്‍ക്കായി ഒരുക്കുന്ന ചങ്ങാതിക്കൂട്ടം ഷാര്‍ജ എമിറേറ്റ്സ് നാഷണല്‍ സ്ക്കൂളില്‍ ജൂലായ്‌ 12 മുതല്‍ 16 വരെ നടക്കും.
