ദുബായ് : കെ. എം. സി. സി. കോഴിക്കോട് ജില്ലാ കമ്മിറ്റി യുടെ ആഭിമുഖ്യ ത്തില്‍ ജൂണ്‍ 17 വെള്ളിയാഴ്ച രാവിലെ എട്ടു മണി മുതല്‍ ദുബായ് കെ. എം. സി. സി. ഓഡിറ്റോറിയ ത്തില്‍ സൗജന്യ മെഡിക്കല്‍ ക്യാമ്പും കാല്‍ ലക്ഷം ദിര്‍ഹമിന്‍റെ തുടര്‍ പരിശോധനാ സഹായവും ഏര്‍പ്പെടുത്തുന്നു.
കിഡ്നി രോഗ വിദഗ്ധനായ ഡോ. ബാബു ശെര്‍ഷാദിന്‍റെ നേതൃത്വ ത്തിലുള്ള ഐ. എം. ഫെസ്റ്റ് മെഡിക്കല്‍ ടീമാണ് ക്യാമ്പിന് നേതൃത്വം നല്കുക. മുന്‍കൂട്ടി രജിസ്റ്റര്‍ ചെയ്യുന്ന 100 പേര്‍ക്കാണ് സൗജന്യ പരിശോധനക്ക് അവസരം ലഭിക്കുന്നത്.
മലബാര്‍ ഗോള്‍ഡ് ഗ്രൂപ്പിന്‍റെ സഹകരണത്തോടെ തുടര്‍ പരിശോധനകളും സൗജന്യ മരുന്നും ക്യാമ്പില്‍ ലഭിക്കും. ഇതു സംബന്ധിച്ച് ചേര്‍ന്ന ജില്ലാ പ്രവര്‍ത്തക സമിതി യോഗത്തില്‍ പ്രസിഡന്‍റ് ഹംസ പയ്യോളി അദ്ധ്യക്ഷത വഹിച്ചു.
ജബല്‍ അലി ഡിസ്കവറി ഗാര്‍ഡനിലെ കെ. പി. ഹൗസില്‍ ചേര്‍ന്ന യോഗത്തില്‍ ജില്ലാ ജന. സെക്രട്ടറി ഇബ്രാഹിം മുറിച്ചാണ്ടി പരിപാടികള്‍ വിശദീകരിച്ചു. ഓര്‍ഗ. സെക്രട്ടറി ഇസ്മായില്‍ ഏറാമല, ഖാലിദ് വെള്ളിയൂര്‍, വലിയാണ്ടി അബ്ദുല്ല, പി. കെ. അബ്ദുല്‍ കഹാര്‍ എന്നിവര്‍ പ്രസംഗിച്ചു.
ഏറാമല ഖാദര്‍, റഈസ് കോട്ടക്കല്‍, അബ്ദുല്‍ മജീദ്, മൊയ്തു അരൂര്‍, കെ. പി. മുഹമ്മദ്, ഇ. പി. എ. ഖാദര്‍ ഫൈസി, കെ. കെ. മുഹമ്മദ്, ഷഫീഖ് മോഡേണ്‍, മൂസ കൊയമ്പ്രം എന്നിവര്‍ ചര്‍ച്ച യില്‍ പങ്കെടുത്തു.
സൗജന്യ മെഡിക്കല്‍ ക്യാമ്പില്‍ രജിസ്റ്റര്‍ ചെയ്യുവാന്‍ 04 22 74 899 – 050 34 89 670 (കെ. കെ. മുഹമ്മദ്), 050 25 42 162 ( സുബൈര്‍ വെള്ളിയോട്) എന്നീ നമ്പരുകളില്‍ ബന്ധപ്പെടാവുന്നതാണ്. കെ. എം. സി. സി. ഓഫീസില്‍ പ്രത്യേക കൗണ്ടറും സജ്ജീകരിച്ചിട്ടുണ്ട്.
