ദോഹ : ഖത്തര്‍ കെ. എം. സി. സി. മണലൂര്‍ മണ്ഡലം കമ്മിറ്റി സംഘടിപ്പിക്കുന്ന മാപ്പിളപ്പാട്ട് സന്ധ്യ ‘നിലാപ്പൂക്കള്‍’ മാര്‍ച്ച് 31 വ്യാഴാഴ്ച രാത്രി 8 മണിക്ക് ദോഹാ സിനിമ യില്‍ നടക്കും.
പ്രശസ്ത മാപ്പിളപ്പാട്ട് ഗവേഷകനും കൈരളി ടി. വി. യിലെ ‘പട്ടുറുമാല്‍’ വിധി കര്‍ത്താവു മായ ഫൈസല്‍ എളേറ്റിലാണ് നിലാപ്പൂക്കളുടെ അവതാരകന്‍.
പ്രവാസ ലോകത്തെ ശ്രദ്ധേയനായ യുവ ഗായകനും പട്ടുറുമാല്‍ പരിപാടി യിലൂടെ പ്രശസ്തനുമായ ഹംദാന്‍, പട്ടുറുമാല്‍ ജേതാവ്‌ ഷമീര്‍ ചാവക്കാട്, ആദില്‍ അത്തു, സുറുമി വയനാട്, ഗോള്‍ഡി ഫ്രാന്‍സിസ്, ഐഡിയ സ്റ്റാര്‍ സിംഗര്‍ പരിപാടി യിലൂടെ രംഗത്ത്‌ വന്ന ലമീസ് ചാവക്കാട് തുടങ്ങിയ ഗായകര്‍ തങ്ങളുടെ ആലാപന മികവില്‍ ‘നിലാപ്പൂക്കള്‍’ ക്ക് സൌരഭ്യം പകരുന്നു.
ഈ പരിപാടി യിലേക്കുള്ള ടിക്കറ്റുകള്‍ കെ. എം. സി. സി. ഓഫീസിലും, ദോഹാ സിനിമ യിലും ലഭിക്കും.
-അയച്ചു തന്നത് : കെ. വി. അബ്ദുല്‍ അസീസ്‌, ദോഹ.
