 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : യുവ കലാ സാഹിതി ദുബായ് അല്‍കൂസ് യുണിറ്റിന്റെ ആഭിമുഖ്യത്തില്‍ ഓണാഘോഷത്തോട് അനുബന്ധിച്ച് പ്രവാസി മലയാളി കള്‍ക്കായി നടത്തുന്ന കഥാരചനാ മത്സര ത്തിലേക്ക് സൃഷ്ടികള്‍ ക്ഷണിക്കുന്നു. വിഷയം : ‘ഇങ്ങനെ എത്ര നാള്‍ ‘
സൃഷ്ടികള്‍ സപ്തംബര്‍ 30 ന് മുമ്പ് yks.onam2012 at gmail dot com എന്ന ഇ മെയില്‍ വിലാസ ത്തില്‍ അയക്കുക.
സൃഷ്ടിയോടൊപ്പം കഥാകൃത്തിന്റെ നാട്ടിലെയും ഗള്‍ഫിലെയും മേല്‍വിലാസവും ഫോണ്‍ നമ്പറും ഉണ്ടാകണം. വിവരങ്ങള്‍ക്ക് : 050 14 66 465.
- pma
വായിക്കുക: യുവകലാസാഹിതി, സാഹിത്യം
ദുബായ് : സ്വതന്ത്ര ചിന്ത യുടെയും സര്‍ഗാത്മക സ്വാതന്ത്ര്യ ത്തിന്റെയും പ്രസരം മലയാളി കളെ ആദ്യമായി അനുഭവിപ്പിച്ച ഒരു തലമുറയുടെ കുലപതി വൈക്കം മുഹമ്മദ് ബഷീറിനെ ദല അനുസ്മരിച്ചു.
അന്ധകാര ത്തിന്റെയും അപമാന വികരണ ത്തിന്റെയും അഗാധ ഗര്‍ത്ത ങ്ങളില്‍ നിന്ന് താന്‍ കണ്ടെടുത്ത അന്തസ്സാര ശൂന്യമായ ജീവിത ങ്ങള്‍ക്ക് അസ്തിത്വവും ആത്മാവും നല്‍കിയ ബഷീറി ന്റെ സൃഷ്ടികള്‍ വരും തലമുറ നെഞ്ചോട് ചേര്‍ത്ത് സൂക്ഷിക്കുമെന്ന് അനുസ്മരണ സമ്മേളനം വ്യക്തമാക്കി.
തീഷ്ണവും സാഹസിക വുമായ ജീവിത ത്തിന്റെ സഞ്ചാര പഥങ്ങള്‍ നല്‍കിയ എതിരനുഭവ ങ്ങളില്‍ നിന്ന് നേടിയ ഊര്‍ജ മാണ് ശില്പ സദൃശമായ രചന കള്‍ക്ക് രൂപം നല്‍കാന്‍ ബഷീറിന് കെല്പ് നല്‍കിയതെന്ന് സമ്മേളനം ഉദ്ഘാടനം ചെയ്ത മാധ്യമ പ്രവര്‍ത്തകന്‍ കെ. കെ. മൊയ്തീന്‍ കോയ അഭിപ്രായപ്പെട്ടു. കണ്‍ മുന്നില്‍ കണ്ടതും അനുഭവിച്ച് അറിഞ്ഞതുമായ പച്ച യായ യഥാര്‍ത്ഥ്യ ങ്ങള്‍ക്ക് ജീവന്‍ നല്‍കിയ ഒരു കഥ പറച്ചില്‍ കാരനായാണ് താന്‍ ബഷീറിനെ നോക്കി ക്കണ്ടത് എന്ന് ബഷീറി ന്റെ ബാല്യകാല സഖിക്ക് പുനര്‍ ചലച്ചിത്രാവിഷ്‌കാരം നല്‍കുന്ന നിര്‍മാതാവ് മൊഹസിന്‍ അഭിപ്രായപ്പെട്ടു.
മലയാള ഭാഷ യുടെ പിതാവ് തുഞ്ചത്ത് എഴുത്തച്ഛന്‍ ആണെങ്കിലും മലയാള ഭാഷയുടെ സൗന്ദര്യം ലളിത മായ ഭാഷ യില്‍ സാധാരണ ക്കാരന് വായിച്ചു ആസ്വദിക്കത്തക്ക രീതിയില്‍ മാറ്റി ത്തീര്‍ത്തതില്‍ വൈക്കം മുഹമ്മദ് ബഷീറിനുള്ള പങ്ക് മലയാള ഭാഷ ഉള്ളിടത്തോളം ഓര്‍മ്മി ക്കപ്പെടും എന്ന് സാംസ്‌കാരിക പ്രവര്‍ത്തകനായ നാരായണന്‍ വെളിയങ്കോട് അഭിപ്രായപ്പെട്ടു. മതേതരത്വ ചിന്തയും മാനവികതയും എന്നും ഉയര ത്തില്‍ പ്രതിഷ്ഠിച്ച ബഷീര്‍, പുറം ലോകത്തെ അസ്വാതന്ത്ര്യ ത്തേക്കാള്‍ തടവറയാണ് തനിക്ക് അഭികാമ്യം എന്ന് ചിന്തിച്ച പ്രക്ഷോഭ കാരിയിരുന്നു എന്ന് യോഗത്തില്‍ അദ്ധ്യക്ഷത വഹിച്ച ദല പ്രസിഡന്റ് മാത്തുക്കുട്ടി കാടോണ്‍ അഭിപ്രായപ്പെട്ടു.
ബഷീറിനെ അനുകരിച്ച് എഴുതിയ ‘സുല്‍ത്താനെ പോലെ’ എന്ന കൃതിയുടെ കര്‍ത്താവ് ഉല്ലാസ് ആര്‍ കോയ, തന്റെ കൃതി യെയും ബഷീറിനെയും പറ്റി സംസാരിച്ചു. സമ്മേളന ത്തില്‍ ബഷീര്‍ രചിച്ച ‘നീതിന്യായം’ എന്ന കഥ ദല ബാലവേദി അംഗം സുല്‍ത്താന്‍ നസീര്‍ അവതരിപ്പിച്ചു. ദല സാഹിത്യ വിഭാഗം കണ്‍വീനര്‍ എ. വി. ഷാജഹാന്‍ നന്ദി പറഞ്ഞു.
- pma
അബുദാബി : വിശുദ്ധ റമദാന്‍ മാസത്തില്‍ അബുദാബി മലയാളി സമാജം സംഘടിപ്പിക്കുന്ന ഇസ്‌ലാമിക് സാഹിത്യ മത്സരം ആഗസ്റ്റ്‌ 9, 10 തീയ്യതി കളില്‍ രാത്രി 9.30ന് മുസ്സഫ യിലെ സമാജം അങ്കണ ത്തില്‍ വെച്ച് നടക്കും.
കൂടുതല്‍ വിവരങ്ങള്‍ക്ക് ബന്ധപ്പെടുക. 02 55 37 600, 055 44 620 78.
- pma
വായിക്കുക: മലയാളി സമാജം, സാഹിത്യം
അബുദാബി : പയ്യന്നൂരിലും പരിസര ങ്ങളിലുമുള്ള വിവിധ ജീവ കാരുണ്യ പ്രവര്‍ത്തന ങ്ങള്‍ക്ക് ഓള്‍ കേരള വിമന്‍സ് കോളേജ് അലംമ്‌നി അബുദാബി ചാപ്റ്റര്‍ സഹായ ധനം നല്‍കി.
ദേശീയ മാസ്റ്റേഴ്‌സ് അത്‌ലറ്റിക് മീറ്റില്‍ സ്വര്‍ണ മെഡല്‍ നേടി നവംബറില്‍ ചൈന യില്‍ നടക്കുന്ന ലോക മീറ്റില്‍ പങ്കെടുക്കാന്‍ യോഗ്യത നേടിയ പയ്യന്നൂരിലെ ടി. സരോജിനിക്ക് പതിനായിരം രൂപ സഹായം നല്‍കി.
5,000 മീറ്റര്‍ നടത്ത ത്തില്‍ സ്വര്‍ണവും സ്റ്റീപ്പിള്‍ ചെയ്‌സില്‍ വെങ്കലവും നേടിയ തായിനേരി സ്വദേശി സരോജിനി കൂലിപ്പണി എടുത്താണ് കുടുംബം പുലര്‍ത്തുന്നത്. കഴിഞ്ഞ വര്‍ഷം അമേരിക്ക യില്‍ നടന്ന ലോക മീറ്റില്‍ പങ്കെടുക്കാന്‍ യോഗ്യത നേടിയിരുന്നു എങ്കിലും ഭാരിച്ച ചെലവ് താങ്ങാന്‍ കഴിയാത്തതിനാല്‍ പങ്കെടുത്തിരുന്നില്ല.
എന്‍ഡോസള്‍ഫാന്‍ ദുരിത ബാധിതരെ സഹായിക്കാന്‍ പതിനയ്യായിരം രൂപയും തൃക്കരിപ്പൂരിലെ വൃദ്ധസദന ത്തിന് മുപ്പതിനായിരം രൂപയും അലംനി സഹായം നല്‍കി.
പയ്യന്നൂര്‍ സൗഹൃദ വേദി പ്രസിഡന്റ് വി. ടി. വി. ദാമോദരന്റെ നേതൃത്വ ത്തില്‍ നടത്തുന്ന ജീവകാരുണ്യ പ്രവര്‍ത്തന ങ്ങളിലൂടെ യാണ് അവര്‍ ഈ സഹായം കൈമാറിയത്. ഇന്ത്യ സോഷ്യല്‍ സെന്ററില്‍ വെച്ച് സംഘടനാ ഭാരവാഹികള്‍ സഹായം കൈമാറി. ശാന്തി രമേഷ്, ആശാലത, ഭവാനി കുട്ടികൃഷ്ണന്‍, രാജലക്ഷ്മി മോഹന്‍ നമ്പ്യാര്‍ എന്നിവര്‍ സംബന്ധിച്ചു.
- pma
ദുബായ് : ദൃശ്യ ശ്രാവ്യ മാധ്യമ ങ്ങളുടെ കടന്നു കയറ്റം വായനയെ ബാധിക്കുന്നു എന്ന ആശങ്കയ്ക്ക് അര്‍ത്ഥമില്ല എന്ന് പ്രഭാഷകനും എഴുത്തു കാരനുമായ അബ്ദു റഷീദ് കുട്ടമ്പൂര്‍ അഭിപ്രായപ്പെട്ടു .
സലഫി ടൈംസ് ഫ്രീ മീഡിയയും കേരള റീഡേഴ്‌സ് ആന്‍ഡ് റൈറ്റേഴ്‌സ് സര്‍ക്കിളും (ദുബായ് വായന കൂട്ടം) സംയുക്തമായി നടത്തിയ വായന പക്ഷാചരണ സംഗമ ത്തില്‍ മുഖ്യ പ്രഭാഷണം നിര്‍വ്വഹിക്കുക യായിരുന്നു അദ്ദേഹം.
ദിവസേന എന്നോണം വായന ലോകത്ത് ബെസ്റ്റ് സെല്ലറുകള്‍ വര്‍ദ്ധിച്ചു വരുന്നത് ഇതാണ് നമ്മെ ബോദ്ധ്യപ്പെടുത്തുന്നത്. പ്രവാസ ജീവിത ത്തിന്റെ തിരക്കു കള്‍ക്കിടയിലും വര്‍ദ്ധിച്ചു വരുന്ന നവ മാധ്യമ ങ്ങളുടെയും സാഹിത്യ കൂട്ടായ്മ കളുടെയും എഴുത്തു കളരി കളുടെയും നിത്യ സാന്നിധ്യം വിളിച്ചറിയിക്കുന്ന വസ്തുതയും മറ്റൊന്നല്ല.
സമൂഹ ത്തിന്റെ പ്രതീക്ഷ കള്‍ക്ക് അനുസരിച്ച് എഴുത്തുകാര്‍ ഉയര്‍ന്നെങ്കില്‍ മാത്രമേ അവരുടെ രചനകളെ സമൂഹം സ്വാഗതം ചെയ്യുകയുള്ളൂ എന്നു നാം തിരിച്ചറിയണം. അനാവശ്യ വിവാദ ങ്ങളില്‍ നിന്നകന്നു നില്‍ക്കാനും ക്രിയാത്മക പ്രവര്‍ത്തന ങ്ങള്‍ക്ക് നേതൃത്വം നല്‍കാനും സാഹിത്യ കാരന്മാര്‍ തയ്യാറാകേണ്ടതുണ്ട്. വിഷ്വല്‍ മീഡിയ യുടെ അമിത സ്വാധീനം വളരുന്ന തലമുറ യില്‍ അനാരോഗ്യ കരമായ സമീപനങ്ങള്‍ വളര്‍ത്തി എടുക്കുമ്പോള്‍ മൂല്യങ്ങളുടെ കാവലാള്‍ ആവേണ്ട ബാധ്യത എഴുത്തുകാര്‍ ഏറ്റെടുക്കണം എന്നും അബ്ദുറഷീദ് കുട്ടമ്പൂര്‍ പറഞ്ഞു.
വായന കൂട്ടം പ്രസിഡന്റ് അഡ്വ. ജയരാജ് തോമസ് അദ്ധ്യക്ഷത വഹിച്ചു. സലഫി ടൈംസ് മാനേജിംഗ് എഡിറ്റര്‍ കെ. എ. ജബ്ബാരി സ്വാഗതം ആശംസിച്ചു.
ഒരുമാസം നീളുന്ന പത്ര-പുസ്തക ആനുകാലിക പ്രസിദ്ധീകരണ പ്രദര്‍ശനം അല്‍ ദീക് ഇന്‍സ്റ്റിറ്റിയൂട്ട് ഡയറക്ടര്‍ ഡോ. വി. എ. അഹ്മദ് കബീര്‍ ഉദ്ഘാടനം ചെയ്തു. എം. സി. എ. നാസര്‍ , ജീനാ രാജീവ്, പുന്നക്കന്‍ മുഹമ്മദലി, രാജന്‍ കൊളവിപ്പാലം, സുബൈര്‍ വെള്ളിയോട്, ഡയസ് ഇടിക്കുള, അബ്ദുള്ളക്കുട്ടി ചേറ്റുവ, എ. റഷീദ് തുടങ്ങിയവര്‍ നേതൃത്വം നല്‍കി.
2012 ജനുവരി മുതല്‍ ജൂണ്‍ വരെ ഗള്‍ഫ് മേഖല യില്‍ നിന്ന് സാമൂഹിക പ്രതിബദ്ധത, ജീവ കാരുണ്യ പ്രവര്‍ത്തനം, മാധ്യമ പ്രവര്‍ത്തനം, സാഹിത്യ സാംസ്‌കാരികാദി മണ്ഡല ങ്ങളിലും വ്യക്തിമുദ്ര പതിപ്പിച്ച വിവിധ ബഹുമുഖ പ്രതിഭാ പുരസ്‌കാര ജേതാക്കളായ 23 പേര്‍ക്ക് സ്വീകരണ സംഗമവും സംഘടിപ്പിച്ചു .
ഐസ്സക് ജോണ്‍, പുന്നയൂര്‍ക്കുളം സൈനുദ്ദീന്‍, എല്‍വിസ് ചുമ്മാര്‍, ഷീലാ പോള്‍, ലത്തീഫ് മമ്മിയൂര്‍, കമാല്‍ കാസിം, നെയ്യാറ്റിന്‍കര നൗഷാദ്, ലീനാ സാബു വര്‍ഗീസ്, തുടങ്ങിയവര്‍ അനുമോദനച്ചടങ്ങിന്റെ പ്രതീകമായ പുഷേ്പാപഹാരം ഏറ്റുവാങ്ങി മറുപടി പ്രസംഗം നിര്‍വഹിച്ചു. യു. എ. ഇ. യിലെ പൊതു പ്രവര്‍ത്തകന്‍ സബാ ജോസഫ് ഉദ്ഘാടനം ചെയ്തു. മാപ്പിള കലാ അക്കാദമി ചാപ്റ്റര്‍ പ്രസിഡന്റ് നാസര്‍ പരദേശി കൃതജ്ഞത രേഖപ്പെടുത്തി.
- pma
വായിക്കുക: nri, വായനക്കൂട്ടം, സംഘടന, സാംസ്കാരികം, സാഹിത്യം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
