 |
 |
 |
 |
 |
 |
 |
 |
 |
 |
 |
 |
 |
 |
കുവൈറ്റ്‌ : കുവൈറ്റ്‌ കേരള ഇസ്ലാഹി സെന്റര്‍ ഫര്‍വാനിയ യൂണിറ്റിന്റെ ആഭിമുഖ്യത്തില്‍ പഠന ക്യാമ്പും സമൂഹ നോമ്പു തുറയും സംഘടിപ്പിച്ചു. വെള്ളിയാഴ്ച അസ്വര്‍ നമസ്കാരത്തിനു ശേഷം ഫര്‍വാനിയ മസ്ജിദ് അല്‍ നിസാലില്‍ (ഫര്‍വാനിയ പാര്ക്ക്) നടന്ന പഠന ക്യാമ്പില്‍ മൗലവി അബ്ദുല്ല കാരക്കുന്ന്, പി. എന്‍. അബ്ദുല്‍ ലത്തീഫ് മദനി, ജാഫര്‍ സലഫി എന്നിവര്‍ ക്ലാസ് എടുത്തു.
- ജെ.എസ്.
അബുദാബി : അഞ്ചാമത് ഗള്‍ഫ്‌ ഓര്ത്തഡോക്സ് ക്രൈസ്തവ യുവജന പ്രസ്ഥാനം വാര്‍ഷിക സമ്മേളനം 2010 സെപ്തംബര്‍ 9, 10, 11 തീയതി കളില്‍ അബുദാബി സെന്റ്. ജോര്ജ് ഓര്ത്തഡോക്സ് കത്തീഡ്രലില്‍ വെച്ച് നടക്കുന്നു. പരിശുദ്ധ മോറാന്‍ മാര്‍ ബസ്സേലിയോസ് ദിദിമോസ് പ്രഥമന്‍ ബാവാ മുഖ്യ രക്ഷാധി കാരി യായി വിപുല മായ ഒരു കമ്മിറ്റി തന്നെ ഈ പരിപാടി യുടെ വിജയകര മായ നടത്തി പ്പിനായി രൂപീകരിച്ചു. സമ്മേളന ത്തിന്‍റെ മുന്നോടി യായി ജി. ഓ. വൈ. സി. ലോഗോ പ്രകാശനം ആലുവ യില്‍ നടന്നു.
അഭിവന്ദ്യ യാക്കോബ് മാര്‍ ഐറേനിയസ് മെത്രാപ്പോലീത്ത ലോഗോ പ്രകാശനം ചെയ്യുന്നു
അഭിവന്ദ്യ യാക്കോബ് മാര്‍ ഐറേനിയസ് മെത്രാപ്പോലീത്ത ലോഗോ പ്രകാശനം നിര്‍വ്വഹിച്ചു. സമ്മേളന ത്തിന്‍റെ മുന്നോടി യായി നിരവധി പരിപാടി കള്‍ ആസൂത്രണം ചെയ്തിരിക്കുന്നു. തിരുവനന്ത പുരം. വെട്ടിക്കല്‍ ദയറാ, ദല്‍ഹി എന്നിവിട ങ്ങളി ലായി മേഖലാ സമ്മേളന ങ്ങളും, ഓര്‍ത്ത ഡോക്സ് യുവജന പ്രസ്ഥാനം കേന്ദ്ര കമ്മറ്റി അഖില മലങ്കര അടിസ്ഥാന ത്തില്‍ നടത്തുന്ന ക്വിസ് മത്സരവും ഉണ്ടാകും. ക്വിസ് മത്സര ത്തില്‍ ഒന്നാം സമ്മാനം ലഭിക്കുന്ന ടീമിന് ഗള്‍ഫ്‌ കോണ്‍ഫറന്‍സില്‍ പങ്കെടുക്കു വാനുള്ള അവസരവും കാഷ് അവാര്‍ഡും ട്രോഫിയും പ്രശംസാ പത്രവും ലഭിക്കും.
വിശദ വിവരങ്ങള്‍ ഉള്‍ക്കൊള്ളിച്ചു കൊണ്ട് ജി. ഓ. വൈ. സി. യുടെ http://www.goyc2010.com/ വെബ്സൈറ്റ്‌ തയ്യാറാക്കി.
റവ. ഫാദര്‍. ജോണ്‍സണ്‍ ഡാനിയേല്‍ വെബ്സൈറ്റ്‌ ഉദ്ഘാടനം ചെയ്യുന്നു.
സെന്റ്. ജോര്ജ് ഓര്ത്തഡോക്സ് കത്തീഡ്രല്‍ വികാരി റവ. ഫാദര്‍. ജോണ്‍സണ്‍ ഡാനിയേല്‍ ഈ സൈറ്റിന്‍റെ ഉദ്ഘാടനം നിര്‍വ്വഹിച്ചു. സമ്മേളന ത്തില്‍ പങ്കെടുക്കാന്‍ ആഗ്രഹിക്കുന്നവര്‍ക്കു ഈ സൈറ്റില്‍ നിന്നും രജിസ്ട്രേഷന്‍ ഫോം ലഭിക്കും.
പ്രകൃതി യെ സംരക്ഷിക്കാന്‍ സഭ നടപ്പാക്കി കൊണ്ടിരിക്കുന്ന പരിസ്ഥിതി കമ്മീഷന്‍റെ ഭാഗമായുള്ള ബോധ വല്‍കരണ പരിപാടി കളും ചര്‍ച്ച കളും ഈ സമ്മേളന കാലത്ത് നടക്കും. “സമാധാനത്തിന്‍റെ വൈരുദ്ധ്യാത്മികത” എന്ന വിഷയ ത്തില്‍ പ്രമുഖര്‍ നയിക്കുന്ന ചര്‍ച്ചാ ക്ലാസുകളും അംഗങ്ങളുടെ വിവിധ കലാ പരിപാടികള്‍, കരകൌശല പ്രദര്‍ശനം എന്നിവയും ഉണ്ടായിരിക്കും.
- pma
ദുബായ്‌ : ദുബായ്‌ സെന്റ് തോമസ് കത്തീഡ്രലില്‍ ഇന്ന് തോമാശ്ലീഹായുടെ ദുഖ്‌റാനാ പെരുന്നാള്‍ കൊണ്ടാടുന്നു. ഡോ. സഖറിയാസ്‌ മാര്‍ അപ്രേമിന്റെ മുഖ്യ കാര്‍മ്മികത്വത്തില്‍ കുര്‍ബാനയും നേര്ച്ച വിളമ്പും ഉണ്ടാകും. തുടര്‍ന്ന് നടക്കുന്ന മാര്‍ത്തോമ്മ സ്മൃതി സിമ്പോസിയത്തില്‍ മാര്‍ അപ്രേം മുഖ്യ പ്രഭാഷണം നടത്തും. ദുബായില്‍ നടന്ന പത്ര സമ്മേളനത്തില്‍ പള്ളി വികാരി ഫാദര്‍ ബിജു പി. തോമസ്, സഹ വികാരി ഫാദര്‍ പത്രോസ് ജോയ്‌ എന്നിവര്‍ അറിയിച്ചതാണിത്.
- ജെ.എസ്.
വായിക്കുക: മതം
അബുദാബി: മത സാംസ്കാരിക വിദ്യാഭ്യാസ ജീവകാരുണ്യ പ്രവര്‍ത്തന രംഗത്ത് പ്രവര്‍ത്തിച്ചു വരുന്ന വൈ. എം. സി. എ. യുടെ അബുദാബി ഘടകം ഒരുക്കുന്ന ‘സാന്ത്വനം 2010’ എന്ന പരിപാടി യുടെ ഭാഗമായി ആലപ്പുഴ ജില്ല യിലെ 25 നിര്‍ദ്ധന വിദ്യാര്‍ത്ഥി കള്‍ക്ക് സ്‌കോളര്‍ ഷിപ്പ് നല്‍കും. 10, 12 ക്ലാസ് കഴിഞ്ഞ് ഉപരി പഠന ത്തിനായി 5000 രൂപ വീത മാണ് നല്‍കുക എന്ന് അബുദാബി യില്‍ വിളിച്ചു ചേര്‍ത്ത വാര്‍ത്താ സമ്മേളന ത്തില്‍ വൈ. എം. സി. എ. ഭാരവാഹി കള്‍ അറിയിച്ചു.
കഴിഞ്ഞ ആറു വര്‍ഷ ങ്ങളായി ഓരോ ജില്ല യിലെയും കുട്ടികള്‍ക്ക് വൈ. എം. സി. എ. അബുദാബി ഘടകം സാമ്പത്തിക സഹായം നല്‍കി വരുന്നുണ്ട്. ആഗസ്റ്റ് ഒന്നിന് ആലപ്പുഴ യില്‍വെച്ച് നടക്കുന്ന ചടങ്ങില്‍ സ്‌കോളര്‍ ഷിപ്പ് വിതരണം നടത്തും.
വൈ. എം. സി. എ. നാഷണല്‍ ചെയര്‍മാന്‍ കെ. ജോണ്‍ ചെറിയാന്‍, സ്റ്റേറ്റ് ചെയര്‍മാന്‍ വി. സി. സാബു, പ്രോഗ്രാം കോ – ഓര്‍ഡിനേറ്റര്‍ സാബു പരിമനം, ആലപ്പുഴ ജില്ലാ പ്രസിഡന്‍റ് തോമസ് പോള്‍ എന്നിവര്‍ പങ്കെടുക്കും.
കേരളത്തിലെ തിരഞ്ഞെ ടുക്കപ്പെട്ട അനാഥ മന്ദിര ങ്ങളിലെ രോഗി കള്‍ക്ക് ചികിത്സാ സഹായം, അബുദാബി യില്‍ പാവപ്പെട്ട തൊഴിലാളി കള്‍ക്ക് നിയമ സഹായം, നാട്ടിലേക്ക് വിമാന ടിക്കറ്റ് എന്നിവ യും വൈ. എം. സി. എ. യുടെ ജീവകാരുണ്യ പദ്ധതി കളാണ്. ഈ വരുന്ന ഒക്ടോബര്‍ മാസ ത്തില്‍ പ്രമുഖ രായ ഗായകരെ പങ്കെടുപ്പിച്ചു കൊണ്ട് അബുദാബി യില്‍ സ്റ്റേജ്‌ഷോ സംഘടിപ്പി ക്കുവാനും തീരുമാനി ച്ചിട്ടുണ്ട്.
വൈ. എം. സി. എ. അബുദാബി ഘടകം ഭാരവാഹികള്‍ വാര്‍ത്താ സമ്മേളനത്തില്‍
വാര്‍ത്താ സമ്മേളനത്തില്‍ വൈ. എം. സി. എ. അബുദാബി ഘടകം പ്രസിഡന്‍റ് സാമുവല്‍ മത്തായി, വൈസ് പ്രസിഡന്‍റ് ബിജു ജോണ്‍, ജനറല്‍ സെക്രട്ടറി റജി സി. യു, ട്രഷറര്‍ ബിനു തോമസ്, ചാരിറ്റി കണ്‍വീനര്‍ കോശി സാം, ജോ.സെക്രട്ടറി അനില്‍ ജോര്ജ്, വനിതാ വിഭാഗം കണ്‍വീനര്‍ മോളി മാത്യു എന്നിവരും പങ്കെടുത്തു.
- pma
വായിക്കുക: മതം, വൈ.എം.സി.എ., സംഘടന, സാമൂഹ്യ സേവനം
അബുദാബി : അബുദാബി യിലെ സെന്റ്. ജോര്‍ജ്ജ് ഓര്ത്തഡോക്സ് കത്തീഡ്രല്‍ സംഘടിപ്പിക്കുന്ന ‘സംഗീത സന്ധ്യ- 2010’ ജൂണ്‍ 4 വെള്ളിയാഴ്ച വൈകീട്ട് 6 മണിക്ക് നാഷണല്‍ തിയേറ്ററില്‍ അരങ്ങേറും. പ്രശസ്ത പിന്നണി ഗായകരായ ബിജു നാരായണന്‍, ജാസി ഗിഫ്റ്റ്‌, രഞ്ജിനി ജോസ്‌ എന്നിവര്‍ നയിക്കുന്ന ഗാന മേളയും ചലച്ചിത്ര നടനും മിമിക്രി ആര്‍ട്ടിസ്റ്റുമായ കോട്ടയം നസീര്‍ അവതരിപ്പിക്കുന്ന മിമിക്രിയും ‘സംഗീത സന്ധ്യ- 2010’ ല്‍ അവതരിപ്പിക്കും. പരിപാടി യിലേക്കുള്ള പ്രവേശനം പാസ്സിലൂടെ നിയന്ത്രിക്കുന്നു.
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
