 |
 |
 |
 |
 |
 |
 |
 |
 |
 |
 |
 |
 |
 |
ദോഹ: രണ്ടാഴചയോളം നീണ്ടു നിന്ന 12ാമത് അറബ് ഗെയിംസ് വര്‍ണാഭമായ ചടങ്ങുകളോടെ ദോഹയില്‍ സമാപിച്ചു. ദോഹക്ക് അറബ് കായിക വസന്തം സമ്മാനിച്ച മേള ഇന്നലെ കൊടി ഇറങ്ങുമ്പോള്‍ കായിക ഇനങ്ങളില്‍ മെഡലുകള്‍ വാരിക്കൂട്ടിയ ഈജിപ്ത് തന്നെ അഞ്ചാം തവണയും ചാമ്പ്യന്‍ പട്ടം നിലനിര്‍ത്തി. 90 സ്വര്‍ണവും 76 വെള്ളിയും 67 വെങ്കലവുമടക്കം 233 മെഡലുകളുടെ തിളക്കവുമായാണ് ഈജിപ്ത് കിരീടം ചൂടിയത്. 54 സ്വര്‍ണവും 45 വെള്ളിയും 39 വെങ്കലവുമടക്കം 138 മെഡലുമായി ടുണീഷ്യയാണ് രണ്ടാം സ്ഥാനത്ത്. 35 സ്വര്‍ണവും 24 വെള്ളിയും 54 വെങ്കലവുമടക്കം 113 മെഡലുമായി മൊറോക്കോ മൂന്നാം സ്ഥാനത്തും, 32 സ്വര്‍ണവും 38 വെള്ളിയും 40 വെങ്കലവുമടക്കം 110 മെഡല്‍ നേടി ആതിഥേയരായ ഖത്തര്‍ നാലാം സ്ഥാനത്തുമെത്തി.
15 സ്വര്‍ണമടക്കം 45 മെഡല്‍ നേടിയ സൗദി അറേബ്യ, 14 സ്വര്‍ണമടക്കം 63 മെഡല്‍ നേടിയ കുവൈത്ത്, 12 സ്വര്‍ണമടക്കം 37 മെഡല്‍ നേടിയ ബഹ്റൈന്‍, പത്ത് സ്വര്‍ണമടക്കം 35 മെഡല്‍ നേടിയ യു. എ. ഇ., നാല് സ്വര്‍ണമടക്കം 21 മെഡല്‍ നേടിയ ഒമാന്‍ എന്നിവയ യഥാക്രമം ആറ്, ഏഴ്, എട്ട് സ്ഥാനങ്ങള്‍.
വര്‍ണാഭമായ ചടങ്ങുകളോടെയാണ് 12ാമത് അറബ് ഗെയിംസിന് കൊടിയിറങ്ങിയത്‌. അല്‍സദ്ദ് സ്റ്റേഡിയത്തില്‍ നടന്ന പരിപാടിയില്‍ ഖത്തര്‍ കിരീടാവകാശി ശൈഖ് തമീം ബിന്‍ ഹമദ് ആല്‍ഥാനി പങ്കെടുത്തു. ഇറാഖി ഗായകന്‍ ഖാസിം ബിന്‍ സഹ്റിന്‍റെയുടെ സംഗീത വിരുന്നും തുടര്‍ന്ന് നടന്ന കണ്ണഞ്ചിപ്പിക്കുന്ന കരിമരുന്ന് പ്രയോഗവും സമാപന ചടങ്ങിന് മിഴിവേകി. 2015ലെ 13ാമത് അറബ് ഗെയിംസിന്‍റെ ആതിഥേയരായ ലബനാന് ഗെയിംസ് പതാക ചടങ്ങില്‍ കൈമാറി.
-
അബുദാബി : നാലാമത് എ. കെ. ജി. സ്മാരക 4 എ സൈഡ് ഫുട്‌ബോള്‍ ടൂര്ണമെന്റ് ഫൈനല്‍ മല്‍സരങ്ങള്‍ കേരള സോഷ്യല്‍ സെന്‍ററില്‍ നടന്നു. കെ. എസ്. സി. അങ്കണ ത്തില്‍ തടിച്ചു കൂടിയ കാണികളെ സാക്ഷി നിര്‍ത്തി ക്കൊണ്ട് മൂന്നു ദിവസം നീണ്ടുനിന്ന ടൂര്ണമെന്റ് ഇന്ത്യന്‍ ഇസ്ലാമിക് സെന്റര് പ്രസിഡന്‍റ് പി. ബാവഹാജി ഉദ്ഘാടനം ചെയ്തതു.
മുതിര്‍ന്ന വര്‍ക്കും കുട്ടികള്‍ക്കു മായി നടത്തിയ ടൂര്‍ണമെന്റില്‍ ഇരു വിഭാഗ ങ്ങളിലുമായി 32 ടീമുകളാണ് എ. കെ. ജി. സ്മാരക എവര്‍ റോളിംഗ് ട്രോഫിക്കു വേണ്ടി കളിക്കള ത്തില്‍ ഏറ്റു മുട്ടിയത്.
കെ. എസ്. സി. പ്രസിഡന്‍റ് കെ. ബി. മുരളി യുടെ അദ്ധ്യക്ഷത യില്‍ ചേര്‍ന്ന ഉദ്ഘാടന ചടങ്ങില്‍ കായിക വിഭാഗം സെക്രട്ടറി പി. കെ. ജയരാജ് ടൂര്‍ണമെന്റിനെ കുറിച്ച് വിശദീകരിച്ചു. ഇന്ത്യാ സോഷ്യല്‍ ആന്‍ഡ് കള്‍ച്ചറല്‍ സെന്റര് പ്രസിഡന്‍റ് രമേഷ് പണിക്കര്‍, അബുദാബി മലയാളി സമാജം പ്രസിഡന്‍റ് മനോജ് പുഷ്‌കര്‍ എന്നിവര്‍ സംസാരിച്ചു. കെ. എസ്. സി. ജനറല്‍സെക്രട്ടറി അഡ്വ. അന്‍സാരി സൈനുദ്ദീന്‍ സ്വാഗതവും കായിക വിഭാഗം ജോ. സെക്രട്ടറി ദയാനന്ദന്‍ നന്ദിയും പറഞ്ഞു.
-സഫറുള്ള പാലപ്പെട്ടി.
- pma
വായിക്കുക: കായികം, കേരള സോഷ്യല്‍ സെന്റര്
അബുദാബി: അബുദാബി ശൈഖ് സുല്‍ത്താന്‍ ബിന്‍സായിദ് അല്‍നഹ്‌യാന്‍ സ്റ്റേഡിയ ത്തില്‍ നടന്ന നാലാമത് സി. എച്ച്. ഫുട്‌ബോള്‍ കപ്പ് യു. എ. ഇ. എക്‌സ്‌ചേഞ്ച് സെന്റര് ടീം കരസ്ഥമാക്കി.
വാശിയേറിയ മത്സര ത്തില്‍ ഇഞ്ചോടിഞ്ച് പൊരുതി ക്കളിച്ച് അബു അഷറഫ് സ്‌പോര്‍ട്ടിങ്ങിനെ സഡന്‍ഡെത്തി ലൂടെ മറി കടന്നാണ് യു. എ. ഇ. എക്‌സ്‌ചേഞ്ച് സെന്റര് ടീം ഒരു ലക്ഷം രൂപയും ചാമ്പ്യന്സ് ട്രോഫിയും കരസ്ഥമാക്കിയത്. തിങ്ങി നിറഞ്ഞ കാണികളുടെ ആവേശം, നാട്ടില്‍ നടക്കുന്ന സെവന്‍സ് ടൂര്‍ണമെന്റുകളുടെ പ്രതീതി ഉണര്‍ത്തി.
കഴിഞ്ഞ മൂന്ന് വര്‍ഷ ങ്ങളിലെ ചാമ്പ്യന്മാരായ ജി സെവന്‍ അല്‍ ഐന്‍, കഴിഞ്ഞ രണ്ടു വര്‍ഷത്തെ റണ്ണറപ്പായ കോപി കോര്‍ണര്‍ ദുബായിയും സെമിഫൈനല്‍ കാണാതെ പുറത്തു പോയത് കാണികളെ നിരാശരാക്കി. കേരള, തമിഴ്‌നാട് സ്റ്റേറ്റ് താരങ്ങള്‍ അണിനിരന്നു. സീ ഗള്ളിനെ അതിവിദഗ്ധമായി നേരിട്ടാണ് യൂണിവേഴ്‌സിറ്റി താരം ഷബീര്‍ നയിച്ച അബു അഷ്‌റഫ് സ്‌പോര്‍ട്ടിങ് ഫൈനലില്‍ കടന്നത്.
തയ്‌സി പ്രൈമാര്‍ക്ക് അബുദാബിയെ ഒന്നിനെതിരെ രണ്ടു ഗോളു കള്‍ക്ക് പരാജയ പ്പെടുത്തിയാണ് യു. എ. ഇ. എക്‌സ്‌ചേഞ്ച് സെന്റര് ഫൈനലില്‍ കടന്നത്.
വിജയികള്‍ക്ക് സുധീര്‍കുമാര്‍ ഷെട്ടി ചാമ്പ്യന്സ് ട്രോഫിയും മൊയ്തു എടയൂര്‍ റണ്ണര്‍ അപ്പ് ട്രോഫിയും അബ്ദുല്ല അല്‍ മിന്‍ഷാലി ഒരു ലക്ഷം രൂപ യുടെ കാഷ് അവാര്‍ഡും സമ്മാനിച്ചു.
മികച്ച കളിക്കാരനായി ഷബീറിനെയും (അബു അഷ്‌റഫ്) ഗോള്‍ കീപ്പറായി നൗഷാദിനെയും (യു. എ. ഇ. എക്‌സ്‌ചേഞ്ച്) തിരഞ്ഞെടുത്തു. എം. പി. അബ്ദുസ്സമദ് സമദാനി എം. എല്‍. എ. കളിക്കാരെ പരിചയ പ്പെടുത്തി.
- pma
വായിക്കുക: കായികം, കെ.എം.സി.സി.
അബുദാബി : കല അബുദാബിയും ബ്ലാക്ക് & വൈറ്റ് കല്ലൂരാവി ക്ലബ്ബും സംയുക്ത മായി മലയാളി സമാജ ത്തില്‍ ഇന്‍റര്‍ യു. എ. ഇ. കബഡി ടൂര്ണമെന്റ് സംഘടിപ്പിക്കുന്നു. യു. എ. ഇ. യിലെ വിവിധ നഗര ങ്ങളില്‍ നിന്നുള്ള ഇരുപതോളം ടീമുകള്‍ ഏറ്റുമുട്ടും. നവംബര്‍ 18 വെള്ളിയാഴ്ച ഉച്ചയ്ക്ക് 2 മണി മുതലാണ് ടൂര്ണമെന്റ് ആരംഭിക്കുക. നോക്കൗട്ട് അടിസ്ഥാന ത്തില്‍ നടക്കുന്ന ടൂര്ണമെന്റ് രാത്രി 9 ന് സമാപിക്കും.
സമാപന ചടങ്ങില്‍ മികച്ച ടീമുകള്‍ക്കും കളിക്കാര്‍ക്കും ട്രോഫികളും മെഡലുകളും കാഷ് പ്രൈസും സമ്മാനമായി നല്‍കും. ഏഴു തവണ കേരള സംസ്ഥാന കബഡി ടീമിന്‍റെ നായകനായ ബാലചന്ദ്രന്‍, സംസ്ഥാന ടീം അംഗ ങ്ങളായ അഷറഫ് കെ. എം., സജിത്ത് കുണിയില്‍, രാജേഷ് കുതിരക്കോട് തുടങ്ങിയ താരങ്ങള്‍ വിവിധ ടീമുകള്‍ക്ക് വേണ്ടി ജഴ്‌സി അണിയും.
മുസ്സഫ യിലെ മലയാളി സമാജം ഓപ്പണ്‍ ഗ്രൗണ്ടിലാണ് ടൂര്ണമെന്റ് നടക്കുക. സമാജം ആക്ടിംഗ് പ്രസിഡന്‍റ് യേശുശീലന്‍ ടൂര്ണമെന്റ് ഉദ്ഘാടനം ചെയ്യും. കല അബുദാബി യുടെ വാര്‍ഷികാഘോഷ പരിപാടി യുടെ ഉദ്ഘാടന ത്തോട് അനുബന്ധിച്ചാണ് കബഡി ടൂര്ണമെന്റ് സംഘടിപ്പിച്ചിട്ടുള്ളത്. പങ്കെടുക്കാന്‍ താത്പര്യമുള്ളവര്‍ ബന്ധപ്പെടുക.
സുരേഷ് പയ്യന്നൂര്‍ (050 570 21 40), സി. കെ. അബ്ദുള്ള (050 58 20 744), മലയാളി സമാജം 02 55 37 600.
- pma
വായിക്കുക: കല, കായികം, മലയാളി സമാജം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
