മസ്‌കറ്റ് : ഒമാനിലെ ഖാബൂറക്ക് സമീപം ടാക്‌സി ട്രക്കിലിടിച്ച് കണ്ണൂര്‍ സ്വദേശി മരിച്ചു. രണ്ടു പേര്‍ക്ക് പരിക്കേറ്റു. തളിപറമ്പ് ശ്രീകണ്ഠപുരം നെടിയങ്ങ അയ്യകത്ത് പുതിയ പുരയില്‍ മുഹമ്മദ്കുഞ്ഞിന്റെ മകന്‍ മുസ്തഫയാണ് (31) മരിച്ചത്. ബിദായ യില്‍ കഫ്തീരിയ നടത്തുന്ന ഇദ്ദേഹം ചൊവ്വാഴ്ച വൈകുന്നേരം ഖാബൂറയിലെ ഹൈപ്പര്‍ മാര്‍ക്കറ്റിലേക്ക് പോകവെ യാണ് അപകടം. മുസ്തഫ സഞ്ചരിച്ചിരുന്ന ടാക്‌സി നിയന്ത്രണംവിട്ട് ട്രക്കിലിടിക്കുക യായിരുന്നു എന്ന്‍ ബന്ധുക്കള്‍ പറഞ്ഞു.
ബിദായക്കും ഖാബൂറക്കു മിടയില്‍ ബിരീഖില്‍ ടാക്‌സിക്ക് കൈ കാണിച്ച യാത്രക്കാരനെ കയറ്റാനായി വെട്ടി തിരിച്ച ടാക്‌സി നിയന്ത്രണംവിടുക യായിരുന്നുവത്രെ. ടാക്‌സി ഡ്രൈവറായ ഒമാന്‍ സ്വദേശിക്കും മറ്റൊരു യാത്രക്കാരനുമാണ് പരിക്കേറ്റത്. സൊഹാര്‍ ആശുപത്രി യില്‍ സൂക്ഷിച്ചിരി ക്കുന്ന മുസ്തഫയുടെ മൃതദേഹം നടപടികള്‍ പൂര്‍ത്തിയാക്കി നാട്ടില്‍ എത്തിക്കാനുള്ള ശ്രമം പുരോഗമിക്കുന്നു. ഒന്നര വര്‍ഷം മുമ്പാണ് ഇദ്ദേഹം ഇവിടെ കഫ്തീരിയ ആരംഭിച്ചത്.
-അയച്ചത് : ബിജു കരുനാഗപ്പള്ളി
- pma
