ഒമാന്‍ : എട്ടു വയസ്സുകാരി മലയാളി പെണ്‍കുട്ടി ഒമാനില്‍ നീന്തല്‍ കുളത്തില്‍ മുങ്ങിമരിച്ചു. പത്തനം തിട്ട കോന്നി എനിമുള്ള പ്ളാക്കല്‍ സന്തോഷ് -മിനി ദമ്പതി കളുടെ മകള്‍ അക്ഷയയാണ് (എട്ട്) മരിച്ചത്. സ്കൂള്‍ അവധി ക്കാലത്ത് പിതാവിനെ സന്ദര്‍ശിക്കാന്‍ അമ്മക്കൊപ്പം എത്തിയതാണ് അക്ഷയ.
മുസന്നക്ക് സമീപം മുലദ യില്‍ സന്തോഷ് ചുമതലക്കാരനായ തോട്ടത്തിലെ സ്വിമ്മിങ്പൂളില്‍ മെയ്‌ 15 ചൊവ്വാഴ്ച വൈകുന്നേരം മൂന്നോടെയാണ് അപകടം. മാതാപിതാ ക്കള്‍ക്കൊപ്പം കുളിക്കാന്‍ ഇറങ്ങിയ കുട്ടി, രക്ഷിതാക്കള്‍ എന്തിനോ വീടിനകത്ത് പോയി തിരിച്ചു വരുമ്പോള്‍ വെള്ളത്തില്‍ മുങ്ങി താഴുന്നതാണ് കണ്ടത്‌. ഉടന്‍ മുലദ ആശുപത്രിയില്‍ എത്തെിച്ചെങ്കിലും രക്ഷിക്കാനായില്ല.
15 ദിവസം മുമ്പാണ് ഭാര്യ മിനിയും മകള്‍ അക്ഷയയും സന്ദര്‍ശക വിസയില്‍ സന്തോഷിനെ കാണാന്‍ ഒമാനില്‍ എത്തിയത്.
- pma
