അല്‍ഐന്‍: പ്രമുഖ പ്രവാസി സാംസ്കാരിക സംഘടന യായ ബ്ളൂ സ്റ്റാര്‍ സംഘടിപ്പിക്കുന്ന 15 ആമത് ഫാമിലി സ്പോര്‍ട്സ് ഫെസ്റ്റിവല്‍ വെള്ളിയാഴ്ച അല്‍ഐനിലെ യു. എ. ഇ. യൂനിവേഴ്സിറ്റി സ്റ്റേഡിയ ത്തില്‍ നടക്കും. മേളയില്‍ ഒളിമ്പ്യന്‍ എം. ഡി വല്‍സമ്മ ആയിരിക്കും മുഖ്യാതിഥി എന്ന് ബ്ളൂസ്റ്റാര്‍ പ്രസിഡന്‍റ് ജോയി തണങ്ങാടനും സെക്രട്ടറി ആനന്ദ് പവിത്രനും അറിയിച്ചു.
ഇന്ത്യന്‍ അംബാസഡര്‍ ടി. പി. സീതാറാം, ഡോ. ജവഹര്‍ ഗംഗാരമണി, ഡോ. ബി. ആര്‍. ഷെട്ടി തുടങ്ങിയ പ്രമുഖര്‍ ഉദ്ഘാടന ചടങ്ങില്‍ പങ്കെടുക്കും.
വിവിധ ഇന്ത്യന്‍ സ്കൂളു കളില്‍ നിന്നും ക്ളബുകളില്‍ നിന്നുമായി നാലായിരത്തോളം പേര്‍ പങ്കെടുക്കും എന്ന് മേളയുടെ സാങ്കേതിക കാര്യ ചുമതല വഹിക്കുന്ന അബ്ദുല്ല കോയ, ഉണ്ണീന്‍ പൊന്നത്തേ്, ഹുസൈന്‍, സവിതാ നായിക് എന്നിവര്‍ അറിയിച്ചു.
സെവന്‍സ് ഫുട്ബാള്‍,വോളിബാള്‍, കബഡി, വടംവലി, ത്രോബോള്‍ തുടങ്ങിയ മല്‍സര ങ്ങളാണ് നടക്കുക. മേളയോട് അനുബന്ധിച്ച് രക്തദാന ക്യാമ്പും സൗജന്യ വൈദ്യ പരിശോധനയും ഈ വര്‍ഷവും ഉണ്ടാകും.
- pma
