 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : കലാ സാംസ്കാരിക കൂട്ടായ്‌മ മെഹ്ഫിൽ ഇന്റർ നാഷണൽ സംഘടിപ്പിക്കുന്ന ‘മെഹ്ഫിൽ മേരെ സനം സീസൺ-4’ പ്രോഗ്രാം 2025 നവംബർ 22 ശനിയാഴ്ച വൈകുന്നേരം 5:30 മുതൽ ഷാർജ ഇന്ത്യൻ അസോസ്സിയേഷൻ ഹാളിൽ നടക്കും.
വിവിധ മേഖലകളിൽ മികവ് തെളിയിച്ച പ്രതിഭകളെ ആദരിക്കും. ഷോർട്ട് ഫിലിം ഫെസ്റ്റിവൽ, അവാർഡ് വിതരണം, കൂടാതെ കരോക്കെ ഗാനമേള, ഫാൻസി ഡ്രസ്സ്‌, മിമിക്രി, നൃത്ത നൃത്യങ്ങൾ എന്നിവ മെഹ്ഫിൽ മേരെ സനം സീസൺ-4 കൂടുതൽ ആകർഷകമാക്കും. വിവരങ്ങൾക്ക് : 050 402 1997.
- pma
ദുബായ് : അന്തരിച്ച കവി അസ്മോ പുത്തൻചിറയുടെ അനുസ്മരണാർത്ഥം യൂണിക്‌ ഫ്രണ്ട്സ് ഓഫ് കേരള (യു. എഫ്. കെ.) പ്രവാസി എഴുത്തുകാർക്കായി നൽകി വരുന്ന കഥ-കവിത പുരസ്കാര വിജയികളെ പ്രഖ്യാപിച്ചു.
കഥ വിഭാഗത്തിൽ മുർഷിദ ഫാരീസ് വഫിയ്യ എഴുതിയ കാവുപന്തി, കവിത വിഭാഗത്തിൽ ഉണ്ണികൃഷ്ണൻ കൊട്ടാരത്തിൽ എഴുതിയ യുദ്ധക്കപ്പൽ എന്നീ രചന കളാണ് തെരഞ്ഞെടുക്കപ്പെട്ടത്.
ശുഭ ടീച്ചർ, ബി. ടി. ശ്രീലത, ജിഷ പനക്കോട്, പി. വി. ഷാജികുമാർ, മധു പനക്കാട്, ഷൈജു നീലകണ്ഠൻ, ഹരികൃഷ്ണൻ എന്നിവർ അടങ്ങിയ പാനലാണ് വിജയികളെ തെരഞ്ഞെടുത്തത്. എഴുത്തുകാരൻ ശൈലൻ വിജയികളെ പ്രഖ്യാപിച്ചു.
യു. എഫ്. കെ. വൈസ് പ്രസിഡണ്ട് ഷെഫീഖ്, സെക്രട്ടറി അബ്ദു സമദ്, നിസാർ ഇബ്രാഹിം, കെ. ആർ. രമേഷ് എന്നിവർ ചടങ്ങിൽ പങ്കെടുത്തു.
2025 നവംബർ 9 ഞായറാഴ്ച നാല് മണിക്ക് ഷാർജ അന്താ രാഷ്ട്ര പുസ്തകോത്സവത്തിലെ റൈറ്റേഴ്‌സ് ഫോറം (ഹാൾ നമ്പർ 7 ൽ) വെച്ച് പുരസ്കാരങ്ങൾ സമ്മാനിക്കും.
- pma
ദുബായ് : മുഹമ്മദ് റഫി ഫൗണ്ടേഷന്‍ സെക്രട്ടറിയും കേരള ഹാസ്യ വേദി സെക്രട്ടറിയും ആയിരുന്ന നാസർ പരദേശി യുടെ സ്മരണാർത്ഥം ഇവന്റ് ടൈഡ്സ് നൽകുന്ന പ്രഥമ ‘പരദേശി പുരസ്കാരം’ മാധ്യമ പ്രവർത്തകനും നിരൂപകനുമായ നാസർ ബേപ്പൂരിന് സമ്മാനിക്കും.
2025 ഒക്ടോബർ 25 ഞായറാഴ്ച വൈകുന്നേരം 7 മണിക്ക് ദുബായ് മംസാറിലെ സയാസി അക്കാദമി ഫോക്‌ ലോർ തിയ്യേറ്ററിൽ ‘സൗ സാൽ പെഹലെ’ എന്ന പേരിൽ നടക്കുന്ന പരിപാടിയുടെ വേദിയിൽ വെച്ച് അവാർഡ് സമ്മാനിക്കും.
ജമീൽ ലത്തീഫ്, ഡോ. ബാബു റഫീഖ്, അഡ്വ. മുഹമ്മദ് സാജിദ് എന്നിവർ അടങ്ങുന്ന ജൂറിയാണ് അവാർഡ് ജേതാവിനെ തെരഞ്ഞെടുത്തത്.
പ്രവാസ ലോകത്തെ സാംസ്കാരിക ജീവിതത്തിൽ കലാ രംഗത്ത് നൽകി വരുന്ന സംഭാവനകൾ മുൻ നിർത്തിയാണ് നാസർ ബേപ്പൂരിനെ ഈ അവാർഡിന് പരിഗണിച്ചത് എന്ന് ഇവന്റ് ടൈഡ്സ് ഡയറക്ടർ യാസിർ ഹമീദ് അറിയിച്ചു.
- pma
വായിക്കുക: remembering, social-media, ദുബായ്, പൂര്‍വ വിദ്യാര്‍ത്ഥി, പ്രവാസി, ബഹുമതി, സംഘടന, സാഹിത്യം
ദുബായ് : വിഖ്യാത ഗായകൻ മുഹമ്മദ് റഫിയുടെ നൂറാം ജന്മ വാർഷിക ആഘോഷങ്ങളുടെ ഭാഗമായി 2025 ഒക്ടോബർ 25 ഞായറാഴ്ച വൈകുന്നേരം 7 മണിക്ക് ദുബായ് മംസാറിലെ സയാസി അക്കാദമി ഫോക്‌ ലോർ തിയ്യേറ്ററിൽ ‘സൗ സാൽ പെഹലെ’ എന്ന പേരിൽ സംഗീത സമർപ്പണ പരിപാടി നടത്തുന്നു.
അനശ്വര ഗായകൻ മുഹമ്മദ് റഫിയുടെ ജനനം മുതൽ മരണം വരെയുള്ള സംഗീത യാത്രയുടെ ഒരു ബയോ മ്യൂസിക് ഷോ ആയിരിക്കും ഇത് എന്നും ഷോ ഡയറക്ടർ യാസിർ ഹമീദ് അറിയിച്ചു.
മുഹമ്മദ് റഫി, ലതാ മങ്കേഷ്‌കർ എന്നിവർ പാടി അവിസ്മരണീയമാക്കിയ പ്രശസ്ത ഗാനം കൂടിയാണ് സൗ സാൽ പെഹലെ.
യുവ ഗായകരായ ഡോ. സൗരവ് കിഷൻ കല്യാണി വിനോദ് എന്നിവർ എന്നിവരുടെ നേതൃത്വത്തിലുള്ള ഗായക സംഘം ഗാനങ്ങൾ ആലപിക്കും. കലാ സാംസ്കാരിക രംഗത്തെ പ്രമുഖർ സംബന്ധിക്കും.
യു. എ. ഇ. യിലും ഇന്ത്യയിലും മറ്റ് ഗൾഫ് രാജ്യങ്ങളിലും പരിപാടികൾ സംഘടിപ്പിക്കുന്ന ഇവന്റ് ടൈഡ്സ് 18 ആം വാർഷിക ആഘോഷം ‘സൗ സാൽ പെഹലെ’ വേദി യിൽ അരങ്ങേറും എന്നും സംഘാടകർ അറിയിച്ചു.
- pma
വായിക്കുക: remembering, അനുസ്മരണം, ദുബായ്, സംഗീതം
ദുബായ് : മലബാർ പ്രവാസി (യു. എ. ഇ.) കമ്മറ്റിയുടെ ആഭിമുഖ്യത്തിൽ കേരള സർക്കാർ നോർക്ക പ്രവാസി അംഗത്വ രജിസ്‌ട്രേഷനും നോർക്ക മുഖാന്തിരം നടപ്പിലാക്കുന്ന വിവിധ പദ്ധതികളിൽ ചേരാനും ഉള്ള അവസരം ഒരുക്കുന്നു. ഹെൽപ് ഡസ്കും പ്രവർത്തിക്കും. നോർക്ക പ്രധിനിധി കളുമായുള്ള മുഖാമുഖവും നടക്കും.
2025 ഒക്ടോബർ 19 ഞായറാഴ്ച വൈകുന്നേരം 4 മണി മുതൽ 7 മണി വരെ ദുബായ് കറാമയിലെ മദീന വൈഡ് റേഞ്ച് ഓഡിറ്റോറിയത്തിലാണ് പരിപാടി.
പ്രധാനമായും രണ്ട് പദ്ധതികളാണ് പ്രവാസി നോർക്ക കാർഡും പ്രവാസി ഇൻഷ്വറൻസും. യു. എ. ഇ. യിലെ പ്രവാസി കേരളീയർക്ക് ഈ പദ്ധതികളുടെ പ്രാധാന്യവും സാദ്ധ്യതകളും വ്യക്തമാക്കുന്നതിനും അംഗങ്ങളായി ചേർക്കുന്നതിനും കൂടിയാണ് ഈ പരിപാടി സംഘടിപ്പിക്കുന്നത്.
പ്രവാസി ഇൻഷ്വറൻസ് പദ്ധതിയിലേക്കുള്ള രജിസ്‌ട്രേഷൻ ഈ മാസം 22 വരെ ഉണ്ടാവുകയുള്ളൂ. സാധാരണക്കാരായ പ്രവാസികൾക്ക് ഏറെ പ്രയോജന കരമായ ഈ പരിപാടിയിൽ പങ്കെടുക്കണം എന്ന് മലബാർ പ്രവാസി ഭാരവാഹികൾ അറിയിച്ചു.
വിവരങ്ങൾക്ക് 055 391 5151, 056 292 2562, 050 578 6980 എന്നീ നമ്പറുകളിൽ ബന്ധപ്പെടുക.
- pma
വായിക്കുക: expat, help-desk-, malabar-pravasi, nri, social-media, തൊഴിലാളി, ദുബായ്, നിയമം, പ്രവാസി, യു.എ.ഇ., സംഘടന, സാമൂഹ്യ സേവനം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
