റോയൽ പാരീസ് മാസ്റ്റർ ഷെഫിന് യാത്രയയപ്പ് നൽകി

June 25th, 2023

sentoff-cheff-deira-royal-paris-hotel-ePathram

ദുബായ് : പ്രവാസ ജീവിതം മതിയാക്കി പോകുന്ന പുതുവാട്ടിൽ കുഞ്ഞി മൂസക്ക് സഹ പ്രവർത്തകർ യാത്രയയപ്പ് നൽകി. ദുബായ് ദേരയിലെ റോയൽ പാരീസ് ഹോട്ടൽ & റെസ്റ്റോറന്‍റ് എന്ന സ്ഥാപനത്തിലെ മാസ്റ്റർ ഷെഫ് ആയിരുന്നു കുഞ്ഞി മൂസ. കഴിഞ്ഞ 25 വർഷമായി അദ്ദേഹം ഈ സ്ഥാപനത്തിൽ ജോലി ചെയ്യുന്നു. രുചികരമായ തലശ്ശേരി, മലബാർ മട്ടൻ ബിരിയാണി അദ്ദേഹത്തിന്‍റെ മാസ്റ്റർ പീസ് ആണ്‌.

റോയൽ പാരീസ് ഹോട്ടൽ മാനേജറും മദീന ഗ്രൂപ്പ് സി. ഇ. ഒ. യുമായ അസീസ് പാലേരി മൊമെന്‍റൊ സമ്മാനിച്ചു. മജീദ് കണ്ടിയില്‍, അഫ്സൽ, ഷെമീം പാറാട്, അബ്ദുള്ളക്കുട്ടി മറ്റു സഹ പ്രവർത്തകരും ചേർന്ന് പ്രത്യകം ഉപഹാരങ്ങൾ സമ്മാനിച്ചു.

നജം പാലേരി, ഷെമീം, ശൈഖ് മുക്താർ അലി, റസൽ, കൈസർ, കെ. വി. കുഞ്ഞബ്ദുള്ള, ഷഹാസാദ് അലി, അഷ്‌കർ, സഫ്‌വാൻ, സിറാജ് എസ്‌. ഒ. കെ. ആസിഫ് എന്നിവർ ആശംസകൾ നേർന്നു. അബ്ദുള്ളകുട്ടി ചേറ്റുവ സ്വാഗതവും അഫ്സൽ കെ. പി. നന്ദിയും പറഞ്ഞു.

- pma

വായിക്കുക: , , ,

അഭിപ്രായം എഴുതുക »

മാധുര്യമേറിയ മാമ്പഴങ്ങളുമായി ലുലുവിൽ മാംഗോ മാനിയ

May 18th, 2023

lulu-mango-mania-2023-ePathram
അബുദാബി : യു. എ. ഇ. യിലെ ലുലു ഹൈപ്പർ, സൂപ്പർ മാർക്കറ്റുകളിൽ മാംഗോ മാനിയ ആരംഭിച്ചു. അൽ വഹ്ദ മാളിലെ ലുലു ഹൈപ്പർ മാർക്കറ്റിൽ നടന്ന ചടങ്ങിൽ ലുലു അബുദാബി – അല്‍ ദഫ്ര റീജ്യണല്‍ ഡയറക്ടർ അബൂബക്കർ ടി. പി. യുടെ സാന്നിദ്ധ്യത്തിൽ അബുദാബി കാർഷിക കാര്യ വിഭാഗം എക്‌സി ക്യൂട്ടീവ് ഡയറക്ടർ മുബാറക് അൽ ഖുസൈലി അൽ മൻസൂരി മാംഗോ മാനിയ ഉദ്ഘാടനം ചെയ്തു.

ഒരാഴ്ചക്കാലം നീണ്ടു നില്‍ക്കുന്ന മാംഗോ മാനിയയില്‍ 15 രാജ്യങ്ങളിൽ നിന്നുള്ള 75 -ല്‍ അധികം മാമ്പഴ ഇനങ്ങള്‍ ഈ വര്‍ഷം ഉള്‍പ്പെടുത്തിയിട്ടുണ്ട്. ഈ മാസം 23 വരെ മാംഗോ മാനിയ നീണ്ടു നിൽക്കും.

actor-antoney-peppe-inaugurate-lulu-mango-mania-in-dubai-ePathram

ഇന്ത്യയിൽ നിന്നുള്ള ബദാമി, അല്‍ഫോന്‍സോ, ഹിമപസന്ത്, നീലം, പോൻസേ, സെലാസേഷൻ, ഗെലന്ത്, ഹിന്ദി, ടോമി, കുരി, സെനാര, സിബ്ധ, സുഡാനി തുടങ്ങിയ വിവിധ രാജ്യങ്ങളിലെ എറ്റവും മുന്തിയ ഇനങ്ങളാണ് ലുലുവില്‍ ലഭ്യമാവുക.  യു. എ. ഇ. യുടെ വിവിധ ഭാഗങ്ങളിൽ നിന്നുള്ള മാമ്പഴങ്ങളും ലഭ്യമാണ്.

വൈവിധ്യമാര്‍ന്ന മാമ്പഴങ്ങളുടെ ഈ മേളക്ക് ഉപഭോക്താക്കളില്‍ നിന്ന് മികച്ച പ്രതികരണം ലഭിക്കുന്നു. വർഷങ്ങളായി ഉപഭോക്താക്കളിൽ നിന്ന് വൻ പിന്തുണയാണ് മാമ്പഴ മേളക്ക് ലഭിച്ചു കൊണ്ടിരിക്കുന്നത്. ഇപ്രാവശ്യവും മാംഗോ മാനിയ വൻ വിജയം ആയി തീരും എന്നു തന്നെ യാണ് പ്രതീക്ഷ എന്നും ലുലു അധികൃതർ പറഞ്ഞു.

- pma

വായിക്കുക: , , , ,

അഭിപ്രായം എഴുതുക »

ലുലു ഇന്ത്യാ ഉത്സവ് 2023 : 60 ഭാഗ്യ ശാലികൾക്ക് 3 കിലോ സ്വർണ്ണം സമ്മാനം

January 28th, 2023

indian-ambassedor-sanjay-sudheer-inaugurate-lulu-utsav-2023-ePathram
അബുദാബി : ഇന്ത്യയുടെ വൈവിധ്യ പൂർണ്ണമായ സംസ്‌കാരവും പാരമ്പര്യവും രുചികളും ലോക ജനതക്കു കൂടുതല്‍ പരിചയ പ്പെടു ത്തുന്ന തിനായി യു. എ. ഇ. യിലെ ലുലു ഹൈപ്പർ മാർക്കറ്റുകളിൽ ‘ഇന്ത്യ ഉത്സവ്’ വൈവിധ്യമാര്‍ന്ന പരിപാടികളോടെ തുടക്കം കുറിച്ചു. ഇന്ത്യയുടെ 74 ആമത് റിപ്പബ്ലിക് ദിനത്തോട് അനുബന്ധച്ച് ഇരു രാജ്യങ്ങളും തമ്മിലുള്ള സാംസ്‌കാരിക ബന്ധം ശക്തി പ്പെടുത്തുന്നതിനുള്ള ലുലു വിന്‍റെ ശ്രമങ്ങളുടെ ഭാഗമായാണിത്.

അബുദാബി അൽ വഹ്ദ മാളിലെ ലുലു വിൽ നടന്ന ചടങ്ങിൽ ലുലു ഗ്രൂപ്പ് ഇന്‍റർ നാഷണൽ ചീഫ് എക്‌സി ക്യൂട്ടീവ് ഓഫീസർ സൈഫി രൂപവാല യുടെ സാന്നിദ്ധ്യ ത്തിൽ ഇന്ത്യൻ സ്ഥാനപതി സഞ്ജയ് സുധീർ ഉദ്ഘാടനം നിർവ്വഹിച്ചു.

ഇന്ത്യയും യു. എ. ഇ. യും തമ്മിലുള്ള ഊഷ്മള ബന്ധത്തെ വാണിജ്യം, പാചക രീതി, സംസ്കാരം എന്നിവ യിലൂടെ ലുലു ഇന്ത്യ ഉത്സവ് മനോഹരമായി രൂപപ്പെടു ത്തുന്നു എന്ന് ഇന്ത്യൻ സ്ഥാനപതി സഞ്ജയ് സുധീർ പറഞ്ഞു. ഇന്ത്യയുടെ സംസ്‌കാരം, പാചക രീതികൾ, ജീവിത ശൈലി, ഫാഷൻ, ഭക്ഷണ പാനീയ ങ്ങൾ തുടങ്ങിയവ അടുത്തറിയാനുള്ള മികച്ച അവസരമായി ‘ഇന്ത്യ ഉത്സവ്’ മാറും.

lulu-utsav-2023-win-gold-promotion-ePathram

പരിപാടിയുടെ ഭാഗമായി മികച്ച ഓഫറുകൾ ഇന്ത്യൻ ഉത്പന്നങ്ങൾക്ക് പ്രഖ്യാപിച്ചിട്ടുണ്ട്. ലോകം എങ്ങുമുള്ള ആളുകൾക്ക് ഇന്ത്യൻ കര കൗശല വസ്തുക്കൾ, ഖാദി ഉത്പ്പന്നങ്ങൾ, പ്രാദേശിക പാചക രീതികൾ, ലഘു ഭക്ഷണങ്ങൾ എന്നിവ പരിചയപ്പെടുത്തുന്ന തിനും പ്രോത്സാഹി പ്പിക്കുന്നതിനുമായി പ്രത്യേക സ്റ്റാളുകളും ലുലു വില്‍ ഒരുക്കിയിട്ടുണ്ട്.

ഇന്ത്യയിൽ നിന്നുള്ള ഉത്പ്പന്നങ്ങൾ കൂടുതല്‍ ജനങ്ങളിലേക്ക് എത്തിക്കുവാന്‍ ലുലു ഹൈപ്പർ മാർക്കറ്റ് നടപ്പാക്കിയ ‘ഇന്ത്യ ഉത്സവ്’ ഉദ്ഘാടനം ചെയ്യാൻ കഴിഞ്ഞതിൽ സന്തോഷം ഉണ്ടെന്നും ഇന്ത്യൻ സ്ഥാനപതി പറഞ്ഞു.

lwahda-mall-lulu-utsav-2023-ePathram

ഭക്ഷ്യ ഉത്പന്നങ്ങൾ, വസ്ത്രങ്ങൾ, ഗിഫ്റ്റ് സെറ്റുകൾ, പരമ്പരാഗത മധുര പലഹാരങ്ങൾ, അവശ്യ വസ്തുക്കൾ തുടങ്ങിയവ സീസണില്‍ ഉടനീളം ലഭ്യമാകും. ഉത്സവ ത്തിന്‍റെ ഭാഗമായി വൈവിധ്യമാര്‍ന്ന കലാ സാംസ്‌കാരിക പരിപാടി നടക്കും.

ഈ വർഷം ആദ്യ പാദത്തിൽ ലുലുവിൽ നിന്നും സാധനം വാങ്ങുന്ന ഉപഭോക്താകൾക്ക് ലുലു ‘വിൻ ഗോൾഡ് പ്രൊമോഷന്‍’ പദ്ധതിയില്‍ പങ്കാളികള്‍ ആകുവാന്‍ അവസരം ലഭിക്കും.

നൂറ് ദിർഹത്തിന് സാധനങ്ങള്‍ വാങ്ങിക്കുന്നവർക്ക് ഇലക്ട്രോണിക് റാഫിളിൽ പങ്കാളികള്‍ ആവാന്‍ അവസരം ലഭിക്കും. 60 ഭാഗ്യ ശാലികൾക്ക് 3 കിലോ സ്വർണ്ണം സമ്മാനം നല്‍കും.

പ്രൊമോഷൻ കാലയളവിൽ യു. എ. ഇ. യിലെ ലുലു ഹൈപ്പർ മാർക്കറ്റ് സന്ദർശിക്കുന്ന അതിഥിയോടൊപ്പം നൃത്തം ചെയ്യാനുള്ള അവസരം ലഭിക്കും. LuLu UTSAV 2023

- pma

വായിക്കുക: , , , , ,

അഭിപ്രായം എഴുതുക »

അന്താരാഷ്ട ഭക്ഷ്യ മേളയില്‍ പുതിയ ഉൽപ്പന്നങ്ങൾ വിപണിയിലിറക്കി ലുലു ഗ്രൂപ്പ്

December 7th, 2022

new-food-products-of-lulu-abu-dhabi-international-food-fair-ePathram
അബുദാബി : യു. എ. ഇ. സഹിഷ്ണത വകുപ്പ് മന്ത്രി ശൈഖ് നഹ്യാൻ ബിൻ മുബാറക് അൽ നഹ്യാൻ ഔദ്യോഗിക ഉദ്ഘാടനം നിർവ്വഹിച്ച അബുദാബി അന്താരാഷ്ട്ര ഭക്ഷ്യ മേളയിൽ ലുലു ഗ്രൂപ്പിൻ്റെ പുതിയ ഉൽപ്പന്നങ്ങൾ വിപണിയിൽ ഇറക്കി. അബുദാബി എക്സിബിഷൻ സെന്‍ററിൽ കഴിഞ്ഞ ദിവസം നടന്ന ചടങ്ങിൽ യു എ ഇ കാലാവസ്ഥ വ്യതിയാന – പരിസ്ഥിതി വകുപ്പ് മന്ത്രി മറിയം അൽ മെഹെരി, അബുദാബി ചേംബർ വൈസ് ചെയർമാനും ലുലു ഗ്രൂപ്പ് ചെയർമാനുമായ എം. എ. യൂസഫലി എന്നിവരും സംബന്ധിച്ചു.

sheikh-nahyan-bin-mubarak-inaugurate-abu-dhabi-international-food-fair-2022-ePathram

യു. എ. ഇ. ഉപ പ്രധാന മന്ത്രിയും പ്രസിഡൻഷ്യൽ കാര്യ മന്ത്രിയും അബുദാബി കാർഷിക ഭക്ഷ്യ സുരക്ഷാ അഥോറിട്ടി ചെയർമാനുമായ ശൈഖ് മൻസൂർ ബിൻ സായിദ് അൽ നഹ്യാന്‍റെ രക്ഷാ കർതൃത്വത്തിലാണ് മൂന്നു ദിവസങ്ങളിലായി അബുദാബി അന്താരാഷ്ട ഭക്ഷ്യ മേള സംഘടിപ്പിച്ചത്.

പ്രാദേശിക ഉത്പന്നങ്ങൾ സംഭരിക്കാൻ ലുലു ഗ്രൂപ്പ്

അബുദാബിയിൽ നിന്നുള്ള കാർഷിക ഉൽപ്പന്നങ്ങൾ കൂടുതലായി സംഭരിക്കാൻ പ്രമുഖ സ്ഥാപനമായ സിലാലുമായി ലുലു ഗ്രൂപ്പ് ധാരണ പത്ര ത്തിൽ ഒപ്പു വെച്ചു.

mou-sign-between-lulu-silal-for-local-food-production-and-supply-ePathram

ധാരണ പ്രകാരം പ്രാദേശിക കാർഷികോത്‌പ്പന്നങ്ങൾ കൂടുതലായി സംഭരിച്ച് ലുലു ഹൈപ്പർ മാർക്കറ്റുകളിൽ ലഭ്യമാക്കും. പ്രകൃതി സഹൃദ പാക്കിംഗ് വ്യാപകം ആക്കുകയും ചെയ്യും.

യു. എ. ഇ. കാലാവസ്ഥ വ്യതിയാന – പരി സ്ഥിതി വകുപ്പു മന്ത്രി മറിയം അൽ മെഹെരി, എം. എ. യൂസഫലി എന്നിവരുടെ സാന്നിദ്ധ്യത്തിൽ സിലാൽ ചീഫ് എക്സിക്യൂട്ടീവ് ഓഫീസർ സൽമീൻ ഉബൈദ് അൽ അമെരി, ലുലു ഗ്രൂപ്പ് ഡയറക്ടർ എം. എ. സലിം എന്നിവരാണ് ധാരണാപത്രത്തിൽ ഒപ്പു വെച്ചത്.

- pma

വായിക്കുക: , , , ,

അഭിപ്രായം എഴുതുക »

കൈ പുണ്യം സീസൺ 2 പാചക മത്സരം

October 11th, 2022

kmcc-ladies-wing-kaipunyam-cooking-competition-ePathram

അബുദാബി : സംസ്ഥാന വനിതാ കെ. എം. സി. സി. കമ്മിറ്റിയുടെ ആഭിമുഖ്യത്തിൽ ‘കൈ പുണ്യം സീസൺ -2’ എന്ന പേരിൽ ബിരിയാണി, പുഡ്ഡിംഗ് പാചക മത്സരം സംഘടിപ്പിക്കുന്നു. യു. എ. ഇ. യിൽ താമസക്കാരായ ഇന്ത്യൻ സ്ത്രീകൾക്കായി സംഘടിപ്പി ക്കുന്ന മത്സരം 2022 ഒക്ടോബർ 22 ശനിയാഴ്ച 3 മണി മുതൽ ഇന്ത്യൻ ഇസ്ലാമിക് സെന്‍ററിൽ വെച്ച് നടക്കും.

അബുദാബിയിലെ സാമൂഹ്യ – ജീവകാരുണ്യ രംഗ ങ്ങളില്‍ ശ്രദ്ധേയമായ ഇടപെടലുകള്‍ നടത്തി വരുന്ന കൂട്ടായ്മയാണ് വനിതാ കെ. എം. സി. സി. കമ്മിറ്റി.

പാചക കലയിൽ വനിതകൾക്ക് തങ്ങളുടെ കഴിവുകൾ പ്രകടിപ്പിക്കുന്നതിനും അതോടൊപ്പം കമ്മറ്റിയുടെ ജീവ കാരുണ്യ പദ്ധതികൾക്കു ഒരു കൈത്താങ്ങ് ആകുവാൻ കൂടിയാണ് കൈ പുണ്യം സീസൺ -2 പാചക മത്സരം സംഘടിപ്പിച്ചിരിക്കുന്നത് എന്ന് ഭാരവാഹികൾ അറിയിച്ചു.

മത്സരത്തില്‍ പങ്കെടുക്കുവാന്‍ ഓണ്‍ ലൈന്‍ രജിസ്ട്രേഷന് ഈ ലിങ്കില്‍ ക്ലിക്ക്  ചെയ്യാം. കൂടുതല്‍ വിശദ വിവരങ്ങൾക്ക് 052 569 5180, 054 364 5768, 054 550 4439 എന്നീ നമ്പറു കളിൽ ബന്ധപ്പെടാം.

- pma

വായിക്കുക: , , , , ,

അഭിപ്രായം എഴുതുക »

1 of 3123

« Previous « എയർ സുവിധ പിൻവലിക്കണം : ഇൻകാസ്
Next Page » ബുര്‍ജീല്‍ ഹോള്‍ഡിംഗ്സ് ഐ ഡി എക്സില്‍ ലിസ്റ്റ് ചെയ്തു; ആദ്യ ദിനം വിപണിയില്‍ മികച്ച പ്രതികരണം »



  • ടി. വി. കൊച്ചു ബാവ സ്മാരക സാഹിത്യ പുരസ്കാരങ്ങൾ പ്രഖ്യാപിച്ചു
  • തൊഴിൽ നഷ്ട ഇൻഷ്വറൻസില്‍ അംഗത്വം എടുക്കാത്തവര്‍ക്ക് 400 ദി​ർഹം​ പിഴ
  • ഇന്‍റര്‍ നാഷണൽ പീസ് കോൺഫറൻസിൽ സലാം പാപ്പിനിശ്ശേരി മുഖ്യാതിഥി
  • ഫോറം ഫോർ പീസ് പത്താം പതിപ്പ് അബുദാബിയില്‍
  • കറൻസികൾ അംഗീകൃത മാർഗ്ഗങ്ങളിലൂടെ കൈമാറ്റം ചെയ്യണം
  • നബിദിനം : സെപ്റ്റംബർ 29 വെള്ളിയാഴ്ച പൊതു അവധി
  • ഗർഭ പാത്രത്തിലുള്ള കുഞ്ഞിൻ്റെ സങ്കീർണ്ണ ശസ്ത്ര ക്രിയ വിജയകരം
  • മുജീബ് മൊഗ്രാൽ സ്മരണാര്‍ത്ഥം നാനോ ക്രിക്കറ്റ് ടൂർണ്ണമെന്‍റ് സംഘടിപ്പിച്ചു
  • ഗള്‍ഫ് കര്‍ണാടക രത്‌ന അവാര്‍ഡുകള്‍ സമ്മാനിച്ചു
  • സെസ്സ് യു. എ. ഇ. സംഗമം സംഘടിപ്പിച്ചു
  • സാമൂഹ്യ പ്രവർത്തകർ കൈകോർത്തു : വഴിയോരത്തു കഴിഞ്ഞ മലയാളി നാട്ടിലേക്ക് തിരിച്ചു
  • കെ. എസ്. സി. പൂക്കള മത്സരം ഞായറാഴ്ച
  • വേറിട്ട അനുഭവമായി Inspiro 2023 പ്രവർത്തക ക്യാമ്പ്
  • 1000 പേര്‍ ചേര്‍ന്ന് ഒരുക്കിയ പൂക്കളവും 31 രാജ്യക്കാര്‍ അണി നിരന്ന് ഓണ ക്കളിയും
  • ബുറൈമിയും അൽ ഐനും ബന്ധപ്പെടുത്തി പ്രതിദിന ബസ്സ് സര്‍വ്വീസ്
  • ഏക ദിന പഠന ക്യാമ്പ് ‘RECAP’ ശ്രദ്ധേയമായി
  • മലയാളി സമാജത്തിൽ തിരുവോണം വരെ പൂക്കളം
  • പ്രവാസി സംഘടനകളുടെ സ്വാതന്ത്യ്ര ദിന ആഘോഷം ശ്രദ്ധേയമായി
  • ഉപന്യാസ മത്സരം : റഫീഖ് സക്കറിയ ഒന്നാം സ്ഥാനം നേടി
  • എം. എൻ. കാരശ്ശേരിക്ക് മലയാളി സമാജം സാഹിത്യ പുരസ്കാരം



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine