അബുദാബി : മലയാളി സമാജം, കേരള സോഷ്യല്‍ സെന്‍റര്‍ അങ്കണ ത്തില്‍ സംഘടിപ്പിച്ച കേരളോത്സവം ആയിരങ്ങളുടെ സാന്നിദ്ധ്യം കൊണ്ടും വൈവിദ്ധ്യ മാര്‍ന്ന പരിപാടികള്‍ കൊണ്ടും ശ്രദ്ധേയമായി.
സമാജ ത്തിന്‍റെയും മറ്റു സാംസ്കാരിക കൂട്ടായ്മ കളുടെയും തട്ടുകടകളും നാടന്‍ ഭക്ഷ്യ വിഭവങ്ങളും ചന്തയും സ്‌കില്‍ ഗെയിമുകളും ഹലുവ ബസാറും ബുക്ക് സ്റ്റാളുകളും ബിരിയാണി ചന്തയും തട്ടു പൊളിപ്പന്‍ നൃത്ത സംഗീത പരിപാടി കളും ലേലം വിളികളും കേരളോത്സവത്തെ ആഘോഷ പൂരമാക്കി.
രണ്ടു ദിവസ ങ്ങളിലായി അബുദാബി യിലെ ആയിരക്കണക്കിന് മലയാളി കളാണ് സമാജം കേരളോ ത്സവ വേദിയില്‍ നിറഞ്ഞൊഴുകിയത്. അബുദാബി മലയാളി സമാജ ത്തിലെ കലാകാരന്മാരും കലാകാരികളും സ്റ്റേജില്‍ നൃത്ത ച്ചുവടുകളും പാട്ടുകച്ചേരിയും ഒരുക്കി ആഘോഷം വര്‍ണ്ണാഭമാക്കി.
മലയാളി സമാജം പ്രസിഡന്‍റ് മനോജ് പുഷ്‌കര്‍, ജനറല്‍ സെക്രട്ടറി കെ. എച്ച്. താഹിര്‍, ട്രഷറര്‍ അമര്‍കുമാര്‍, കലാവിഭാഗം സെക്രട്ടറി ബഷീര്‍, ബിജു കിഴക്കനേല തുടങ്ങിയവര്‍ നേതൃത്വം നല്‍കി.
ഡിസംബര്‍ 31 ന്‍റെ രാത്രിയില്‍ നടന്ന മെഗാ റാഫിള്‍ നറുക്കെടുപ്പില്‍ ഒന്നാം സമ്മാനമായ നിസ്സാന്‍ സണ്ണി കാര്‍ 13334 എന്ന നമ്പറിനാണ് ലഭിച്ചത്. മാത്രമല്ല മറ്റു ആകര്‍ഷകങ്ങളായ സമ്മാനങ്ങള്‍ താഴെ കൊടുത്തിരിക്കുന്ന നമ്പറുകള്‍ക്കും ലഭ്യമായി.
47863, 30243, 03697, 30537, 41722, 49659, 20278, 53720, 37426, 56595, 17018, 14313, 15483, 47067, 32734, 26888, 41164, 19094, 45082, 53835, 43918, 28571, 43693, 18189.
സമ്മാന ജേതാക്കള്‍ സമാജം ഓഫീസുമായി 02 66 71 400 എന്ന നമ്പരില്‍ ബന്ധപ്പെടുക
- pma
അനുബന്ധ വാര്‍ത്തകള്‍
വായിക്കുക: ആഘോഷം, മലയാളി സമാജം
