അബുദാബി : അന്തരിച്ച ചലച്ചിത്രകാരന്‍ ലോഹിതദാസിന്റെ സ്മരണാര്‍ത്ഥം അലൈന്‍ ബ്ലൂസ്റ്റാര്‍ സംഘടിപ്പിച്ച ഹ്രസ്വ സിനിമാ മത്സരവും ചലച്ചിത്ര മേളയും അലൈന്‍ ഇന്ത്യന്‍ സോഷ്യല്‍ സെന്റര്‍ ഓഡിറ്റോറിയ ത്തില്‍ നടന്നു.
മത്സരത്തിന് എത്തിയ 12 ഷോര്‍ട്ട് ഫിലിമുകളില്‍ നിന്നും ഏറ്റവും മികച്ച സിനിമ യായി ഷാജി സുരേഷ് ചാവക്കാട് സംവിധാനം ചെയ്ത ‘ഒട്ടകം ‘ തിരഞ്ഞെടുക്കപ്പെട്ടു. മികച്ച സംവിധായകന്‍ ഇസ്‌കന്ദര്‍ മിര്‍സ, നല്ല നടന്‍ നൗഷാദ്, നല്ല നടി സുമ സനല്‍ ,മികച്ച ബാലതാരം ഷാന്‍ സൈജി, എഡിറ്റര്‍ വഹാബ് തിരൂര്‍ , ഛായാ ഗ്രഹണം രൂപേഷ് തിക്കോടി.
മുഖ്യാതിഥി ആയി ചലച്ചിത്ര സംവിധായകന്‍ ബിജു വര്‍ക്കി പങ്കെടുത്തു. ബ്ലൂ സ്റ്റാര്‍ പ്രസിഡന്റ് ജോയി തണങ്ങാടന്‍ , സെക്രട്ടറി ആനന്ദ് പവിത്രന്‍ , ഡോ. സുധാകരന്‍ , ഇന്ത്യന്‍ സോഷ്യല്‍ സെന്റര്‍ പ്രസിഡന്റ് ജിമ്മി, സെക്രട്ടറി മൊയ്തീന്‍ ,വൈസ് പ്രസിഡന്റ് ശശി സ്റ്റീഫന്‍ , ജോയന്റ് സെക്രട്ടറി ഷാജി ഖാന്‍ എന്നിവരും പങ്കെടുത്തു. വിജയികള്‍ക്ക്‌ ഉപഹാരങ്ങളും കാഷ് അവാര്‍ഡുകളും സമ്മാനിച്ചു.
- pma
അനുബന്ധ വാര്‍ത്തകള്‍
വായിക്കുക: ഇന്ത്യന്‍ സോഷ്യല്‍ സെന്റര്‍, ബഹുമതി, സിനിമ
