അബുദാബി : സംഗീത പ്രേമികളുടെ കൂട്ടായ്മയായ ‘ഉമ്മ അബുദാബി'(യൂണിയന്‍ ഓഫ് മലയാളം മ്യൂസിക് ആന്‍ഡ് ആര്‍ട്സ്) ഒരുക്കുന്ന സംഗീത – നൃത്ത നിശ’മിസരിപ്പട്ട്’ ഏപ്രില്‍ 24 വെള്ളി യാഴ്ച രാത്രി എട്ടര മണിക്ക് അബുദാബി കേരളാ സോഷ്യല്‍ സെന്ററില്‍ അരങ്ങേറും.
യു. എ. ഇ. യിലെ പ്രമുഖ ഗായകരായ യൂസുഫ് കാരക്കാട്, ബഷീര്‍ പൊന്മള, നിത്യാ ബാലഗോപാല്‍, ലിനിതാ എബ്രഹാം, ഉന്‍മേഷ് ബഷീര്‍, സിറാജ് പാലക്കാട്, ആന്‍സി, യൂനുസ്, ജയ്സി തോമസ്, അമല്‍ ബഷീര്‍ കാരൂത്ത്, പ്രീതാ മോഹന്‍ തുടങ്ങിയ വരോ ടൊപ്പം മാപ്പിളപ്പാട്ട് രംഗത്തെ പഴയ കാല ഗായിക ആബിദ റഹ്മാന്‍ പരിപാടി യില്‍ മുഖ്യ അതിഥി ആയിരിക്കും.
മിസരിപ്പട്ടിനു മുന്നോടി യായി നടക്കുന്ന സാംസ്കാരിക സമ്മേളന ത്തില്‍ സാമൂഹ്യ സാംസ്കാരിക രംഗത്തെ പ്രമുഖര്‍ സംബന്ധിക്കും. പരേതനായ ചിറയിന്‍കീഴ്‌ അന്‍സാര്‍ സ്മരണാര്‍ത്ഥം ഉമ്മ അബുദാബി ഏര്‍പ്പെടുത്തിയ മികച്ച സാമൂഹ്യ പ്രവര്‍ത്ത കനുള്ള ഈ വര്‍ഷ ത്തെ പുരസ്കാരം അബുദാബി മലയാളി സമാജം മുന്‍ പ്രസിഡന്‍റ് ഷിബു വര്‍ഗ്ഗീ സിന് സമ്മാനിക്കും.
- pma
അനുബന്ധ വാര്‍ത്തകള്‍
വായിക്കുക: പ്രവാസി, സംഗീതം, സംഘടന, സാംസ്കാരികം
