“ഈണം ദോഹ”യുടെ പിന്തുണയോടെ ഫ്രെയിം വണ്‍ മീഡിയ കൈരളി ടി. വി. ക്ക് വേണ്ടി അവതരിപ്പിച്ച നാസര്‍ അല്‍ ഹജരിസ് “കൈരളി ഫെസ്റ്റ്” ഈദ് – ഓണാഘോഷം (അഹലന്‍ റമളാന്‍ – ലൈവ് പ്രോഗ്രാം) സെപ്റ്റംബര്‍ 3ന് ഖത്തറിലെ ഐ. സി. സി. അശോക ഹാളില്‍ അരങ്ങേറി. നോര്‍ക്ക മുന്‍ ഡയറക്ടര്‍ കെ. കെ. ശങ്കരന്‍ ഉദ്ഘാടനം ചെയ്ത പരിപാടിയില്‍ “ഹലോ മര്‍ഹബ” എന്ന പരിപാടിയുടെ അവതാരകനായ റെജി മണ്ണേലും ഖത്തറിലെ പ്രമുഖ വ്യക്തിത്വങ്ങളും പങ്കെടുത്തു.
ഫ്രെയിം വണ്‍ മീഡിയ ഡയറക്ടര്‍ ബിജോയ്‌ കുമാര്‍ കൈരളിയുടെ ഖത്തറിലെ പ്രവര്‍ത്തനത്തെ പറ്റി വിശദീകരിച്ചു. ജിമ്സി ഖാലിദ്‌ അവതാരക യായിരുന്ന പരിപാടിയില്‍ കണ്ണൂര്‍ സമീര്‍, അന്‍ഷാദ് തൃശൂര്‍, റിയാസ് തലശ്ശേരി, ഷക്കീര്‍ പാവറട്ടി, ആഷിക്ക് മാഹി, ജിനി ഫ്രാന്‍സിസ്, നിധി രാധാകൃഷ്ണന്‍, അനഘ രാജഗോപാല്‍, ജിമ്സി ഖാലിദ്‌ എന്നിവര്‍ ഗാനങ്ങള്‍ ആലപിച്ചു.
കോല്‍ക്കളിയും, ഒപ്പനയും, സിനിമാറ്റിക്ക് ഡാന്‍സും എല്ലാം ഒത്തുചേര്‍ന്ന പരിപാടി ഏറെ ഹൃദ്യമായി.
– അബ്ദുല്‍ അസീസ്‌ കെ. വി. – ചാവക്കാട് – ദോഹ – ഖത്തര്‍
-
അനുബന്ധ വാര്‍ത്തകള്‍
വായിക്കുക: ഖത്തര്‍
