 |
 |
 |
 |
 |
 |
 |
 |
 |
 |
 |
 |
 |
 |
ദോഹ : പയ്യന്നൂര്‍ സൗഹൃദവേദി യുടെ നാലാം വാര്‍ഷികാഘോഷം വൈവിധ്യമാര്‍ന്ന പരിപാടി കളോടെ ആഘോഷിച്ചു. ഐ. സി. സി. അശോകാ ഹാളില്‍ ഖത്തറിലെ ഇന്ത്യന്‍ അംബാസഡര്‍ ദീപാ ഗോപാലന്‍ വാധ്വ നിലവിളക്ക് കൊളുത്തി ഉദ്ഘാടനം നിര്‍വ്വഹിച്ചു.
സൗഹൃദവേദി അബുദാബി ഘടകം സ്ഥാപക നേതാവും മുന്‍പ്രസിഡണ്ടും ജനറല്‍ സെക്രട്ടറി യുമായിരുന്ന വി. ടി. വി. ദാമോദരന്‍, ഐ. സി. സി. പ്രസിഡന്റ് കെ. എം. വര്‍ഗീസ്, അമൃത ടി. വി. എഡിറ്ററും ഫ്രണ്ട്‌സ് ഓഫ് തൃശ്ശൂര്‍ ജനറല്‍ സെക്രട്ടറി യുമായ പ്രദീപ്‌ മേനോന്‍ തുടങ്ങിയവര്‍ സന്നിഹിതരായിരുന്നു.
സൗഹൃദവേദി യുടെ ചിട്ടയായ സേവനങ്ങള്‍ മറ്റു സംഘടനകള്‍ക്കു കൂടി മാതൃക യാണ് എന്ന് ഉദ്ഘാടന പ്രസംഗത്തില്‍ ഇന്ത്യന്‍ അംബാസഡര്‍ പറഞ്ഞു. പ്രവര്‍ത്ത കരുടെ ഐക്യവും സഹകരണവും അതിലേറെ സൗഹൃദവും ഏറെ ആകര്‍ഷിച്ചു എന്ന് അംബാസഡര്‍ കൂട്ടിച്ചേര്‍ത്തു.
ഗള്‍ഫ്‌ നാടുകളില്‍ പത്ത് ശാഖകള്‍ ഉള്ള സൗഹൃദവേദി പ്രവര്‍ത്തകരെ ഒരേ കുടക്കീഴില്‍ കൊണ്ടു വരാന്‍ സാധിക്കും എന്നും അവര്‍ പ്രത്യാശ പ്രകടിപ്പിച്ചു.
കള്‍ച്ചറല്‍ സെക്രട്ടറി സുബൈര്‍ ആണ്ടിയില്‍, രവീന്ദ്രന്‍ കൈപ്രത്ത്, വാസുദേവ് കോളിയാട്ട്, എം. കെ. മധുസൂദനന്‍ എന്നിവരുടെ നേതൃത്വ ത്തില്‍ നടത്തിയ അഞ്ചു മണിക്കൂറിലേറെ നീണ്ടു നിന്ന കലാസന്ധ്യ ശ്രദ്ധേയമായി. സുബൈര്‍ ആണ്ടിയില്‍ തയ്യാറാക്കിയ പയ്യന്നൂരിന്‍റെ ഡോക്യുമെന്‍ററിയും ഉദ്ഘാടന ചടങ്ങും ഏവരുടെയും പ്രശംസ പിടിച്ചുപറ്റി.
പ്രസിഡന്റ് കക്കുളത്ത് അബ്ദുള്‍ഖാദര്‍ അദ്ധ്യക്ഷത വഹിച്ചു. ജനറല്‍സെക്രട്ടറി സുരേ ഷ്ബാബു സ്വാഗതവും ജനറല്‍ കണ്‍വീനര്‍ വേണു കോളിയാട്ട് നന്ദിയും പറഞ്ഞു. അതിഥികളായ വി. ടി. വി. ദാമോദരനും പ്രദീപ്‌ മേനോനും അംബാസഡര്‍ ഉപഹാരം നല്‍കി.
നാലു പതിറ്റാണ്ടോളം പത്രപ്രവര്‍ത്തനവും സാമൂഹിക പ്രവര്‍ത്തനവും നടത്തി ക്കൊണ്ടിരിക്കുന്ന കക്കുളത്ത് അബ്ദുള്‍ഖാദറിനെ സ്വന്തം തട്ടകത്തിന്‍റെ ആദര സൂചകമായി ഐ. സി. സി. പ്രസിഡന്റ് കെ. എം. വര്‍ഗീസ് പൊന്നാട അണിയിച്ചു.
സൗഹൃദവേദി യുടെ അംഗങ്ങളുടെ ക്ഷേമത്തിനായി രൂപീകരിച്ച ‘ആശ്രയ’ ത്തിന്‍റെ പ്രാധാന്യ ത്തെപ്പറ്റി ചെയര്‍മാന്‍ ശ്രീജിത്ത് വിശദീകരിച്ചു. രാജഗോപാലന്‍ കോമ്പയര്‍ ആയിരുന്നു.
ജീവകാരുണ്യ പ്രവര്‍ത്തനത്തിന്‍റെ ഭാഗമായി വേദിയുടെ ധന സഹായം അതിഥികള്‍ ബന്ധപ്പെട്ടവര്‍ക്ക് കൈമാറി.
വൈസ് പ്രസിഡണ്ടു മാരായ രാജീവ്, കൃഷ്ണന്‍ പാലക്കീല്‍, വത്സരാജന്‍, എക്‌സിക്യൂട്ടീവ് കമ്മിറ്റി മെംബര്‍ രമേശന്‍ കോളിയാട്ട്, അനില്‍കുമാര്‍, പവിത്രന്‍, സതീശന്‍, ശിവദാസന്‍ എന്നിവരുടെ നേതൃത്വ ത്തില്‍ ആയിരുന്നു കലാവിരുന്നും സാംസ്‌കാരിക പരിപാടികളും ഒരുക്കിയത്.
സലീം പാവറട്ടി, ജിനി ഫ്രാന്‍സിസ്, ഹംസ കൊടിയില്‍, അനഘ രാജഗോപാല്‍, ആന്‍ മറിയ എന്നിവര്‍ ഗാനങ്ങള്‍ ആലപിച്ചു . ജ്യോതി രമേശന്‍റെ നേതൃത്വ ത്തിലുള്ള ഡാന്‍ഡിയ നൃത്തവും, ഭരതനാട്യം, സിനിമാറ്റിക് ഡാന്‍സ്, കഥാപ്രസംഗം, ആസിം സുബൈര്‍ അവതരിപ്പിച്ച അവ്വൈ ഷണ്‍മുഖി എന്ന ഡാന്‍സും ജിംസി ഖാലിദ്, ഫര്‍സീന ഖാലിദ് എന്നിവരുടെ അവതരണവും കലാപരിപാടികള്‍ ആകര്‍ഷകമാക്കി.
പരിപാടി കളില്‍ പങ്കെടുത്ത കലാകാരന്മാര്‍ക്കും കലാകാരികള്‍ക്കും നിര്‍വാഹക സമിതി അംഗങ്ങള്‍ പാരിതോഷികങ്ങള്‍ നല്‍കി.
– അയച്ചു തന്നത് : അബ്ദുല്‍ ഖാദര്‍, ദോഹ
- pma
അബുദാബി: സാഹിത്യ കൂട്ടായ്മയായ കോലായയുടെ ഇരുപത്തിയഞ്ചാമത് ലക്കം ജൂണ്‍ 22 നു ബുധനാഴ്ച അബുദാബി കേരള സോഷ്യല്‍ സെന്ററില് വെച്ചു നടന്നു. കെ. എസ്. സി. പ്രസിഡന്റ് കെ. ബി. മുരളി, കെ. എസ്. സി. സാഹിത്യ വിഭാഗം സെക്രട്ടറി സുരേഷ് പാടൂര്‍, വനിത വിഭാഗം കണ്‍വീനര്‍ ഷാഹിദാനി വാസു എന്നിവര്‍ അതിഥികളായിരുന്നു. ഒ. ഷാജി, ഷരീഫ് മാന്നാര്‍, ടി. കെ. മുനീര്‍, ഫൈസല്‍ ബാവ, അജി രാധാകൃഷ്ണന്‍ , ശശിന്‍ സാ, സുഭാഷ് ചന്ദ്ര, സുനില്‍ മാടമ്പി, പ്രീതാ നമ്പൂതിരി തുടങ്ങിയവര്‍ കോലായയുടെ കഴിഞ്ഞ കാല പ്രവര്‍ത്തനത്തെ വിലയിരുത്തി സംസാരിച്ചു. അസ്മോ പുത്തന്‍ചിറ അദ്ധ്യക്ഷനായിരുന്നു.
പ്രശസ്ത കഥാകൃത്ത് ആര്‍. ഉണ്ണിയുടെ അബുദാബി ശക്തി അവാര്‍ഡു ലഭിച്ച ‘കോട്ടയം 17 ’ എന്ന കഥയുടെ വായനയും പഠനവും നടത്തി. അന്തലക്ഷ്മി കഥ വായിച്ചു. കഥയെ കുറിച്ച് ടി. കെ. ജലീല്‍ പഠനം അവതരിപ്പിച്ചു. തുടര്‍ന്നു നടന്ന ചര്‍ച്ചയില്‍ എസ്. എ. ഖുദ്സി, ഫാസില്‍, അശറഫ് ചെമ്പാട്, രാജീവ് മുളക്കുഴ, കൃഷ്ണകുമാര്‍, അനില്‍ താമരശ്ശേരി, ഇസ്കന്ദര്‍ മിര്‍സ എന്നിവര്‍ കഥയെ കുറിച്ച് സംസാരിച്ചു.
-
വായിക്കുക: കേരള സോഷ്യല്‍ സെന്റര്‍, സാംസ്കാരികം, സാഹിത്യം
അബുദാബി: അബുദാബി ഇന്ത്യന്‍ സ്‌കൂള്‍ ( ADIS) അബുദാബി ഇന്‍റര്‍നാഷണല്‍ കമ്മ്യൂണിറ്റി സ്‌കൂള്‍ എന്നിവ ഉള്‍ക്കൊള്ളുന്ന ഇന്ത്യന്‍ സ്‌കൂള്‍ കോംപ്ലക്‌സിന് അബുദാബി എജ്യുക്കേഷന്‍ കൗണ്‍സിലിന്‍റെ അംഗീകാരം ലഭിച്ചു എന്നും മുസ്സഫ മുഹമ്മദ് ബിന്‍ സായിദ് സിറ്റിയില്‍ ഇന്ത്യന്‍ സ്‌കൂള്‍ കോംപ്ലക്‌സ് ആരംഭിക്കുമെന്നും അബുദാബി ഇന്ത്യന്‍ സ്‌കൂള്‍ ചെയര്‍മാന്‍ ഡോ. ബി. ആര്‍. ഷെട്ടി വാര്‍ത്താ സമ്മേളന ത്തില്‍ അറിയിച്ചു. ബി. ആര്‍. ഷെട്ടിയെ കൂടാതെ സ്‌കൂള്‍ പ്രിന്‍സിപ്പല്‍ വി. കെ. മാത്തൂര്‍, സ്‌പോര്‍ട്‌സ് കമ്മിറ്റി അംഗം സര്‍വ്വോത്തം ഷെട്ടി എന്നിവരും പങ്കെടുത്തു.
നിലവിലെ ഇന്ത്യന്‍ സ്‌കൂളില്‍ 5,800 കുട്ടികളാണുള്ളത്. പുതിയ സ്‌കൂളില്‍ 12,000 കുട്ടികള്‍ക്ക് പ്രവേശനം നല്‍കാന്‍ സാധിക്കും. ആധുനികമായ എല്ലാ സൗകര്യങ്ങളോടെയും നിര്‍മ്മിക്കുന്ന കെട്ടിടത്തില്‍ 2012 ല്‍ തന്നെ ഇന്ത്യന്‍ സ്‌കൂള്‍ പ്രവര്‍ത്തനം ആരംഭിക്കും. പുതിയ സ്‌കൂള്‍ കോംപ്ലക്‌സില്‍ ഒരു ക്ലാസ് മുറിയില്‍ 25 വിദ്യാര്‍ത്ഥികള്‍ക്കു മാത്രമേ പ്രവേശനം നല്‍കാവൂ എന്നാണ് അബുദാബി എജ്യുക്കേഷന്‍ കൗണ്‍സിലിന്‍റെ നിര്‍ദ്ദേശം. ബി. ആര്‍. ഷെട്ടി പറഞ്ഞു.
അബുദാബി ഇന്ത്യന്‍ സ്‌കൂളിന്‍റെ അക്കാദമിക് വിജയങ്ങള്‍ പ്രഖ്യാപിക്കാന്‍ വിളിച്ചു ചേര്‍ത്ത തായിരുന്നു വാര്‍ത്താ സമ്മേളനം. ഇന്ത്യന്‍ സ്‌കൂളിന്‍റെ പഠന നിലവാരം ഏറെ മികച്ചതാണ്. കഴിഞ്ഞ അഖിലേന്ത്യാ സെക്കന്‍ഡറി സ്‌കൂള്‍ പരീക്ഷ യില്‍ ഇന്ത്യന്‍ സ്‌കൂളില്‍ നിന്ന് പരീക്ഷ എഴുതിയ 319 പേരും ഡിസ്റ്റിംഗ്ഷ നോടെ ഉയര്‍ന്ന മാര്ക്ക് നേടിയാണ് പാസ്സായത്. പ്രിന്‍സിപ്പല്‍ വി. കെ. മാത്തൂര്‍ വിശദീകരിച്ചു.
പന്ത്രണ്ടാം ക്ലാസ് സയന്‍സ് വിഭാഗ ത്തില്‍ 98 % മാര്ക്ക് വാങ്ങി യു. എ. ഇ. യില്‍ തന്നെ ഒന്നാമന്‍ ആയത് ഇന്ത്യന്‍ സ്‌കൂളിലെ അഖിലേഷ് മോഹന്‍. കൊമേഴ്‌സ് വിഭാഗത്തില്‍ ലവീന്‍ നാന്‍ഖാനി 96.4 % മാര്ക്ക് നേടി ഒന്നാമനായി.
അതുപോലെ ഉന്നത വിജയം നേടിയ സാര്‍ഥക് ഭാസ്‌ക് (97.6 %), ആരതി പ്രഭു (96.4 %), പ്രിയങ്ക പ്രഭു (96 %), വിശ്രുത് (94 %) എന്നിവരും ഇന്ത്യന്‍ സ്‌കൂള്‍ വിദ്യാര്‍ത്ഥികള്‍ തന്നെയാണ്.
യു. എ. ഇ. യിലെ ഏറ്റവും വലിയ വിദ്യാഭ്യാസ അവാര്‍ഡായ ശൈഖ് ഹംദാന്‍ അവാര്‍ഡ് നേടിയ നവമി കൃഷ്ണ, കാഞ്ചന്‍ രാജീവ്, മുഹ്‌സിനാ സിയാബുദ്ദീന്‍, ഗുര്‍സി മാര്‍ജിത് സിംഗ് എന്നിവര്‍ അബുദാബി ഇന്ത്യന്‍ സ്‌കൂള്‍ വിദ്യാര്‍ത്ഥികള്‍ ആണ്.
- pma
വായിക്കുക: ബഹുമതി, വിദ്യാഭ്യാസം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
