 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : യു. എ. ഇ. സന്ദര്‍ശന ത്തിന് എത്തുന്ന കേന്ദ്ര ഊര്‍ജ്ജ വകുപ്പ് സഹമന്ത്രി കെ. സി. വേണു ഗോപാലിന് പയ്യന്നൂര്‍ സൗഹൃദവേദി യുടെ നേതൃത്വ ത്തില്‍ അബുദാബി ഇന്ത്യ സോഷ്യല്‍ സെന്‍ററില്‍ സ്വീകരണം നല്‍കും. ഒക്ടോബര്‍ പതിനഞ്ചാം തീയ്യതി ശനിയാഴ്ച വൈകുന്നേരം ആറു മണിക്കാണ് പരിപാടി.
– അയച്ചു തന്നത് : വി. ടി. വി
- pma
വായിക്കുക: ഇന്ത്യ സോഷ്യല്‍ സെന്റര്, കേരള രാഷ്ട്രീയ നേതാക്കള്‍
അബുദാബി : കേന്ദ്ര ഊര്‍ജ്ജകാര്യ സഹമന്ത്രി കെ. സി. വേണുഗോപാലിന് അബുദാബി മലയാളി സമാജ ത്തില്‍ സ്വീകരണം നല്‍കുന്നു. ഒക്ടോബര്‍ 15 ശനിയാഴ്ച വൈകുന്നേരം 8 മണിക്ക് മുസ്സഫ യിലുള്ള സമാജം അങ്കണ ത്തിലാണ് സ്വീകരണം.
പദ്മശ്രീ എം. എ. യൂസഫ് അലി ചടങ്ങില്‍ മുഖ്യാതിഥി ആയിരിക്കും. അബുദാബി യിലെ പ്രമുഖ വ്യാവസായിക, സാമൂഹ്യ പ്രവര്‍ത്തകരും ചടങ്ങില്‍ പങ്കെടുക്കും. മന്ത്രിയായ ശേഷം ആദ്യമായി യു. എ. ഇ. യില്‍ എത്തുന്ന മന്ത്രിക്ക് വിപുലമായ സ്വീകരണ പരിപാടി കളാണ് മലയാളി സമാജം ഒരുക്കുന്നത് എന്ന്‍ ഭാരവാഹികള്‍ അറിയിച്ചു.
- pma
വായിക്കുക: കേരള രാഷ്ട്രീയ നേതാക്കള്‍, മലയാളി സമാജം
അബുദാബി : യു. എ. ഇ. യുടെ നാല്പതാം ദേശീയ ദിനാഘോഷ ങ്ങള്‍ക്ക് ഇന്ത്യന്‍ സമൂഹ ത്തിന്‍റെ ഐക്യദാര്‍ഡ്യം പ്രഖ്യാപിച്ചു കൊണ്ട് ഇന്ത്യാ സോഷ്യല്‍ സെന്റര് (ഐ. എസ്. സി.) പ്രശസ്ത മാന്ത്രികന്‍ ഗോപിനാഥ് മുതുകാടിന്‍റെ മാജിക്‌ ഷോ അവതരി പ്പിക്കുന്നു.
സ്റ്റാര്‍ സിംഗര്‍ ജേതാക്കളായ നജീം അര്‍ഷാദ്‌, മൃദുല വാര്യര്‍, നടിയും നര്‍ത്തകി യുമായ ശ്രുതി ലക്ഷ്മി എന്നിവര്‍, സംഗീതവും നൃത്തവും ഇടകലര്‍ത്തി അവതരി പ്പിക്കുന്ന മുതുകാടിന്‍റെ ‘വേള്‍ഡ്‌ ഇല്യൂഷന്‍സ്‌’ മാജിക്‌ ഷോ യില്‍ ഉണ്ടായിരിക്കും.
പ്രമുഖ വ്യാപാര സ്ഥാപനങ്ങളായ എന്‍. എം. സി. ഗ്രൂപ്പ്, യു. എ. ഇ. എക്സ്ചേഞ്ച് സെന്റര്, അല്‍ റിയാമി ഗ്രൂപ്പ് എന്നിവര്‍ ‘വേള്‍ഡ്‌ ഇല്യൂഷന്‍സ്‌’ എന്ന മാജിക്‌ ഷോ ഒരുക്കുന്നതില്‍ ഐ. എസ്. സി. യോടൊപ്പം പങ്കു ചേരുന്നു.
ഒക്ടോബര്‍ 28 വെള്ളിയാഴ്ച വൈകീട്ട് 7.30 നു, നാഷണല്‍ തിയ്യേറ്ററില്‍ നടക്കുന്ന ‘വേള്‍ഡ്‌ ഇല്യൂഷന്‍സ്‌’ നായി 5.30 നു തന്നെ പ്രവേശനം ആരംഭിക്കും. പ്രവേശന പാസ്സുകള്‍ ഐ. എസ്. സി. , കെ. എസ്. സി., മലയാളി സമാജം, ഇസ്ലാമിക് സെന്റര് എന്നിവിട ങ്ങളിലും അബുദാബി യിലെ പ്രമുഖ വ്യാപാര സ്ഥാപന ങ്ങളിലും ലഭിക്കും.
പരിപാടിയെ കുറിച്ചു വിശദീകരിക്കാന്‍ കഴിഞ്ഞ ദിവസം വിളിച്ചു ചേര്‍ത്ത വാര്‍ത്താ സമ്മേളന ത്തില്‍ ഐ. എസ്. സി. പ്രസിഡന്‍റ് രമേശ്‌ പണിക്കര്‍, ജനറല്‍ സെക്രട്ടറി എം. എ. സലാം, എന്‍. എം. സി ഗ്രൂപ്പ് മാനേജിംഗ് ഡയറക്ടര്‍ ഡോ. ബി. ആര്‍. ഷെട്ടി, യു. എ. ഇ. എക്സ്ചേഞ്ച് സെന്റര് പ്രതിനിധി ബിനയ്‌ ഷെട്ടി, അല്‍ റിയാമി ഗ്രൂപ്പ് ഡിവിഷണല്‍ മാനേജര്‍ പി. കെ. ശ്യാം ദേവ്, ഐ. എസ്. സി. എന്‍റര്‍ ടെയിന്‍മെന്‍റ് സെക്രട്ടറി എം. എന്‍. അശോക്‌ കുമാര്‍ എന്നിവര്‍ പങ്കെടുത്തു.
- pma
വായിക്കുക: അബുദാബി, ഇന്ത്യ സോഷ്യല്‍ സെന്റര്, യു.എ.ഇ., സംഘടന
കുവൈത്ത് : കേരള ഇസ് ലാഹി സെന്റര് ശര്‍ഖ് യൂനിറ്റിന്റെ ആഭിമുഖ്യത്തില്‍ ഒക്ടോബര്‍ 13 വ്യാഴാഴ്ച വൈകിട്ട് എല്‍. സി. ഡി. പ്രദര്‍ശനം സംഘടിപ്പിക്കുമെന്ന് ഭാരവാഹികള്‍ പത്രക്കുറിപ്പില്‍ അറിയിച്ചു. രാത്രി 8 മണിക്ക് ശര്‍ഖ് മത്സ്യ മാര്‍ക്കറ്റിന് മുന്‍ വശത്തുള്ള കേരള ഹൌസില്‍ വെച്ച് നടക്കുന്ന പരിപാടിയില്‍ നിച്ച് ഓഫ് ട്രൂത്തിന്റെ പ്രബോധകനായ സുബൈര്‍ പീടിയേക്കലിന്റെ “പരലോകം മറക്കുന്ന പ്രവാസി” എന്ന വിഷയത്തിലുള്ള എല്‍. സി. ഡി. പ്രദര്‍ശനം നടത്തും. പരിപാടിയിലേക്ക് എല്ലാവരേയും സ്വാഗതം ചെയ്യുന്നതായി ഭാരവാഹികള്‍ അറിയിച്ചു. വിശദ വിവരങ്ങള്‍ക്ക് 22432079, 97862286, 60382082 എന്നീ നമ്പറുകളില്‍ ബന്ധപ്പെടാവുന്നതാണ്.
- ജെ.എസ്.
വായിക്കുക: കുവൈറ്റ് കേരള ഇസ്ലാഹി സെന്റര്, മതം
ദോഹ : പാവറട്ടി നിവാസികളുടെ ഖത്തറിലെ കൂട്ടായ്മയായ “ആസ്പയര്‍ ഖത്തര്‍” എന്ന സംഘടനയുടെ ഉദ്ഘാടനം കഴിഞ്ഞ ദിവസം ദോഹയിലെ ഷാലിമാര്‍ പാലസ് ഹോട്ടലില്‍ നടന്നു. കലാ സാംസ്കാരിക പരിപാടികള്‍ സംഘടിപ്പിച്ചു കൊണ്ട് ഇവിടെ ഒത്തു കൂടുകയും അതോടൊപ്പം കാരുണ്യ സാമൂഹ്യ ക്ഷേമ പ്രവര്‍ത്തനങ്ങള്‍ക്ക് മുന്‍‌തൂക്കം കൊടുത്ത് കൊണ്ട് മുന്നോട്ട് പോകുവാനുമാണ് ഈ കൂട്ടായ്മയുടെ ഉദ്ദേശം. സംഘടനയുടെ പ്രോജക്റ്റ്‌ കോ – ഓര്‍ഡിനേറ്റര്‍ ഷക്കീര്‍ ഷാലിമാര്‍ സ്വാഗതം പറഞ്ഞു. കലയും, സംഗീതവും എല്ലാം അവതരിപ്പിച്ച് കൊണ്ട് പുതിയ സംഘടനകള്‍ രൂപം കൊള്ളുമ്പോള്‍ അതോടൊപ്പം അര്‍ഹത ഉള്ളവരെ കണ്ടെത്തി എന്തെങ്കിലും കാരുണ്യ പ്രവത്തനങ്ങള്‍ ചെയ്യുമ്പോള്‍ ആണ് ഒരു സംഘടന വിജയത്തില്‍ എത്തുന്നതെന്ന് അദ്ധ്യക്ഷ പ്രസംഗത്തില്‍ നിഷാദ് ഗുരുവായൂര്‍ പറഞ്ഞു. കലയും, സംഗീതവും, കാരുണ്യ പ്രവര്‍ത്തനവുമെല്ലാം ഒരു സംഘടനയുടെ ഭാഗമാവുമ്പോള്‍ അതിലേക്ക് വര്‍ണ്ണ വിവേചനവും, രാഷ്ട്രീയ നിറവും കലര്‍ത്താതെ മുന്നേറുവാന്‍ ആശംസാ പ്രസംഗത്തില്‍ അസീസ്‌ ബ്ലാങ്ങാട് പറഞ്ഞു. പോപ്പുലര്‍ ഇലക്‌ട്രിക്കല്‍സ് എം. ഡി. ലതേഷ്, ഖാദര്‍ വന്മേനാട് എന്നിവര്‍ ആശംസകള്‍ അര്‍പ്പിച്ചു. യൂനുസ് പാലയൂര്‍ നന്ദിയും പറഞ്ഞു. തുടര്‍ന്ന് നടന്ന സംഗീത നിശയ്ക്ക് ഷക്കീര്‍ പാവറട്ടി നേതൃത്വം നല്‍കി.
ദോഹയിലെ പ്രമുഖ ഇലക്ട്രിക് കമ്പനിയായ പോപ്പുലര്‍ ഇലക്‌ട്രിക്കല്‍സ് സ്പോണ്സര്‍ ചെയ്ത്‌ കൊണ്ട് ജനുവരിയില്‍ “പ്രവാസി അമേസിംഗ് നൈറ്റ് – 2012 ” എന്ന പേരില്‍ കലാ സാംസ്കാരിക സംഗീത നിശ പാവറട്ടിയില്‍ സംഘടിപ്പിക്കുമെന്ന് ഭാരവാഹികള്‍ അറിയിച്ചു. പാവറട്ടി പ്രദേശത്തുള്ള ഏതൊരാള്‍ക്കും ഈ സംഘടനയില്‍ അംഗത്വം എടുക്കാവുന്നതാണ് .
കൂടുതല്‍ വിവരങ്ങള്‍ക്ക് വിളിക്കുക – 00974 66947098 , 77163331
(വാര്‍ത്ത അയച്ചത് : കെ. വി. അബ്ദുല്‍ അസീസ്‌ – ചാവക്കാട് – ദോഹ – ഖത്തര്‍)
- ജെ.എസ്.
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
