ദോഹ : ഖത്തറിലെ ഡി. പി. എസ്. മോഡേണ് സ്കൂള് വിദ്യാര്ത്ഥിനി സ്കൂള് ബസില് ശ്വാസം മുട്ടി മരിക്കാന് ഇടയായതില് സ്കൂള് മാനേജ് മെന്റ് കുറ്റക്കാരാണെന്ന് സുപ്രീം എജ്യുക്കേഷന് കൗണ്സില് നിയോഗിച്ച കമ്മിറ്റി കണ്ടെത്തി. സ്കൂള് മാനേജ് മെന്റിന്റെ അനാസ്ഥ മൂലമാണ് വിദ്യാര്ത്ഥിനി മരിച്ചതെന്നും ഇതിന് കടുത്ത ശിക്ഷയായിരിക്കും നല്കുകയെന്നും കൗണ്സില് അറിയിച്ചു. സെക്യൂരിറ്റി ഡിപ്പാര്ട്ട് മെന്റിന്റെ അന്വേഷണത്തിന് ശേഷമായിരിക്കും ശിക്ഷ പ്രഖ്യാപിക്കുകയെന്നും കൗണ്സില് അറിയിച്ചു.
കഴിഞ്ഞ തിങ്കളാഴ്ചയാണ് രാജസ്ഥാന് സ്വദേശിനിയായ കെ. ജി. വിദ്യാര്ത്ഥിനി മരിച്ചത്.
തൊഴിലുടമയ്ക്ക് ജാമ്യം നിന്ന മലയാളി കഴിഞ്ഞ 20 മാസമായി ഫുജൈറ ജയിലില്. പട്ടാമ്പി കരിങ്ങനാട് സ്വദേശി മുഹമ്മദ് മുസ്തഫയാണ് മലയാളി തൊഴിലുടമ മുങ്ങിയതിനാല് ജയിലില് ആയിരിക്കുന്നത്. പട്ടാമ്പിക്കടുത്ത് കരിങ്ങനാട് സ്വദേശിയായ കൊട്ടിലങ്ങാത്തൊടി മുഹമ്മദ് മുസ്തഫ കഴിഞ്ഞ 20 മാസമായി ഫുജൈറ ജയിലാണ്. താന് ഒന്പത് വര്ഷം ജോലി ചെയ്ത ഫുജൈറയിലെ ഇലക്ട്രോണിക്സ് സ്ഥാപനത്തിന്റെ പട്ടാമ്പി സ്വദേശിയായ ഉടമക്ക് ചെക്ക് കേസില് ജാമ്യം നിന്നതാണ് താന് ജയിലാകാന് കാരണമെന്ന് മുസ്തഫ പറയുന്നു. വല്ലപ്പോഴും ജയിലില് നിന്ന് വിളിക്കാന് കിട്ടുന്ന അവസരത്തിലാണ് മുസ്തഫ ഇക്കാര്യം ഒരു സ്വകാര്യ ചാനലിനോട് പറഞ്ഞത്
അബുദാബി : യു.എ.ഇ. യില് വെയിലത്ത് ജോലി ചെയ്യുന്ന തൊഴിലാളി കള്ക്കുള്ള ഉച്ച വിശ്രമം ജൂണ് 15 മുതല് ആരംഭിക്കും. മുന് വര്ഷങ്ങളില് നിന്ന് വ്യത്യസ്തമായി ഈ വര്ഷം ഉച്ച വിശ്രമ സമയം ഒരു മാസം കൂടി വര്ധിപ്പിച്ചിട്ടുണ്ട്.
റിയാദ് : ഒളിച്ച് വെക്കാനുള്ളതല്ല വിളിച്ച് പറയാനുള്ളതാണ് കവിതയെന്ന് കവി മുരുകന് കാട്ടാക്കട. റിയാദ് ഇന്ത്യന് മീഡിയ ഫോറം സംഘടിപ്പിച്ച മീറ്റ് ദ പ്രസില് സംസാരിക്കുകയായിരുന്നു അദ്ദേഹം. പ്രവാസി എഴുത്തുകാരെ സ്വീകരിക്കാനുള്ള വിമുഖത കാണിക്കുന്ന പ്രവണത മലയാള മുഖ്യാധാരാ സാഹിത്യത്തിലുണ്ടെന്നും മുരുകന് കാട്ടാക്കട പറഞ്ഞു. മീഡിയ ഫോറം പ്രസിഡന്റ് കെ. യു. ഇഖ്ബാല് അധ്യക്ഷത വഹിച്ചു. അഷ്റഫ് വേങ്ങാട്ട്, എസ്. എന്. ചാലക്കോടന് എന്നിവര് പ്രസംഗിച്ചു.
