അബുദാബി : മാട്ടൂൽ കെ. എം. സി. സി. നവംബർ 30 ന് ഹുദൈരിയാത്ത് സ്പോർട്സ് ഗ്രൗണ്ടിൽ സംഘടിപ്പി ക്കുന്ന മാട്ടൂൽ പ്രീമിയർ ലീഗ് (MPL) സെവൻസ് ഫുട് ബോൾ ടൂർണ്ണ മെന്റ് സീസൺ-8 ലോഗോ പ്രകാശനം ചെയ്തു.
ഇന്ത്യൻ ഇസ്ലാമിക് സെൻററിൽ നടന്ന ചടങ്ങിൽ മാട്ടൂൽ കെ. എം. സി. സി. ജനറൽ സെക്രട്ടറി സി. എം. വി. ഫത്താഹ് വെൽ ടെക് എം. ഡി. ഫൈസൽ സി. വി. എന്നിവർ ചേർന്നാണ് ലോഗോ പ്രകാശനം ചെയ്തത്.
ചടങ്ങിൽ അബുദാബി സ്റ്റേറ്റ് കെ. എം. സി. സി. ജനറൽ സെക്രട്ടറി യൂസഫ് സി. എച്ച്., കല്യാശ്ശേരി മണ്ഡലം പ്രസിഡണ്ട് മുസ്തഫ സി. എം. കെ., ലത്തീഫ് എം, നാസിഹ്, ഷഫീഖ് കെ. പി., ഹംദാൻ ഹനീഫ്, സിദ്ദിഖ് ടി. എം. വി., ഷഫീഖ് എം. എ. വി., നൗഷാദ്, മഷ്ഹൂദ്, ശുക്കൂർ മടക്കര എന്നിവർ സംബന്ധിച്ചു.
മാട്ടൂൽ പ്രീമിയർ ലീഗ് ടൂർണ്ണ മെന്റിൽ പ്രമുഖ ടീമുകൾ പങ്കെടുക്കും. കൂടാതെ 15 വയസ്സിനു താഴെ യുള്ള കുട്ടികളെ ഉൾപ്പെടുത്തി ജൂനിയർ MPL ടൂർണ്ണ മെന്റ് കൂടി ഇതേ ദിവസം നടക്കും.
മാട്ടൂൽ നിവാസികളുടെ ഉത്സവമായിട്ടാണ് MPL നെ കായിക പ്രേമികളായ നാട്ടുകാർ കാണുന്നത്. MPL സീസൺ -8 ഫുട് ബോൾ മാമാങ്കത്തിന് വേണ്ടി വിപുലമായ ഒരുക്കങ്ങളാണ് സംഘാടകർ നടത്തുന്നത്.
കൂടുതൽ വിവരങ്ങൾക്ക് ബന്ധപ്പെടുക :050 418 22 66 (സി. എം. വി. ഫത്താഹ്).
