ദോഹ: സമീക്ഷ പിക്‌ചേഴ്സിന്റെ ബാനറില്‍ നന്മ വിഷ്വല്‍ മീഡിയക്കു വേണ്ടി ബന്ന ചേന്ദമംഗല്ലൂര്‍ ഒരുക്കിയ ‘ഖുര്‍ആനിലെ ജന്തു കഥകള്‍’ എന്ന ആനിമേഷന്‍ സിനിമ യുടെ ഖത്തറിലെ പ്രകാശനം കാറ്റര്‍ കാറ്ററിംഗ് ഓഡിറ്റോറിയ ത്തില്‍ നടന്നു.
ഇന്‍കാസ് ഉപദേശക സമിതി ചെയര്‍മാന്‍ കെ. കെ. ഉസ് മാന് ആദ്യ സി. ഡി. നല്കി. സിജി ഖത്തര്‍ ചാപ്റ്റര്‍ പ്രസിഡണ്ട് ഡോ. എം. പി. ഷാഫി ഹാജി യാണ് പ്രകാശന കര്‍മം നിര്‍വഹിച്ചത്. തുടര്‍ന്ന് സിനിമ യുടെ പ്രിവ്യൂ നടന്നു.
പ്രശസ്ത അറബ് മാധ്യമ പ്രവര്‍ത്തകനും സാഹിത്യ കാരനുമായ അഹ്മദ് ബഹ്ജത്തിന്റെ ഗ്രന്ഥത്തെ അധികരിച്ച് റഹിമാന്‍ മുന്നൂരാണ് ആനിമേഷന്‍ ചിത്ര ത്തിന് സംഭാഷണം രചിച്ചത്.
സംസ്‌കൃതി ജനറല്‍ സെക്രട്ടറി പി. എന്‍. ബാബു രാജന്‍, അക്കോണ്‍ ഗ്രൂപ്പ് മാനേജിംഗ് ഡയറക്ടര്‍ ശുക്കൂര്‍ കിനാലൂര്‍, ഫാലഹ് നാസര്‍ ഫാലഹ് ഹൗണ്ടേഷന്‍ ജനറല്‍ മാനേജര്‍ കെ. വി. അബ്ദുല്ല ക്കുട്ടി, നീലിമ ഗ്രൂപ്പ് മാനേജിംഗ് ഡയറക്ടര്‍ അബ്ദുല്‍ നാസര്‍ കറണ്ടോത്ത്, സിജി ഖത്തര്‍ സ്ഥാപക പ്രസിഡണ്ട് കെ. പി. നൂറുദ്ധീന്‍ വകറ അല്‍ മദ്‌റസതുല്‍ ഇസ്ലാമിയ പ്രിന്‍സിപ്പല്‍ ആദം തുടങ്ങിയ പ്രമുഖര്‍ ചടങ്ങില്‍ സംബന്ധിച്ചു. അമാനുല്ല വടക്കാങ്ങര പരിപാടി നിയന്ത്രിച്ചു.
ശിഹാബുദ്ധീന്‍ മങ്കട, യൂനുസ് സലീം, സഞ്ജയ് ചപോല്‍ക്കര്‍, ശറഫുദ്ധീന്‍ തങ്കയത്തില്‍, അഫ്‌സല്‍ കിളയില്‍, സൈദ് അലവി അണ്ടേക്കാട്ട്, സിയാഹുറഹ്മാന്‍, ഖാജാ ഹുസൈന്‍ എന്നിവര്‍ പരിപാടിക്ക് നേതൃത്വം നല്കി.
കെ. വി .അബ്ദുൽ അസീസ്‌ – ചാവക്കാട്, ദോഹ – ഖത്തർ
