അബുദാബി : റമദാനില്‍ മവാഖിഫ്‌ (പെയ്ഡ്‌ പാര്‍ക്കിംഗ്) സമയ ത്തില്‍ മാറ്റം വരുത്തി യതായി ഡിപ്പാര്‍ട്ട്മെന്‍റ് ഓഫ് ട്രാന്‍സ്പോര്‍ട്ട് (DoT) പത്രക്കുറിപ്പില്‍ അറിയിച്ചു.
രാവിലെ 9 മണി മുതല്‍ വൈകീട്ട് 4 മണി വരെയും രാത്രി 10.30 മുതല്‍ പുലര്‍ച്ചെ 2.30 വരെയുമാണ് പാര്‍ക്കിങ്ങിനു പണം ഈടാക്കുക. എന്നാല്‍ പ്രാര്‍ത്ഥന സമയത്ത് പള്ളികള്‍ക്ക് സമീപം നിസ്കാര ത്തിനായി 45 മിനുട്ട് സൌജന്യമായി പാര്‍ക്ക് ചെയ്യാം.
വൈകീട്ട് 4 മുതല്‍ രാത്രി 10.30 വരെയും പുലര്‍ച്ചെ 2.30 മുതല്‍ കാലത്ത് 9 വരെ യുമായി ദിവസം 13 മണിക്കൂര്‍ സൌജന്യ പാര്‍ക്കിംഗ് ലഭിക്കും.
റമദാന്‍ 29 മുതല്‍ മൂന്നാം പെരുന്നാള്‍ ദിനം വരെ പാര്‍ക്കിംഗ് സൌജന്യ മായിരിക്കും. എന്നാല്‍ ഈദുല്‍ ഫിത്വര്‍ അവധിക്കു ശേഷം അബുദാബി യില്‍ മവാഖിഫ്‌ സമയ പരിധി മാറ്റും. രാവിലെ 8 മണി മുതല്‍ അര്‍ദ്ധരാത്രി 12 മണി വരെ നഗര ത്തിലെ വിവിധ ഭാഗങ്ങളില്‍ മവാഖിഫ്‌ കേന്ദ്ര ങ്ങളില്‍ പണം നല്‍കി വാഹനം പാര്‍ക്ക് ചെയ്യണം.
-പി. എം. അബ്ദുല്‍ റഹിമാന്‍ അബുദാബി.
അബുദാബി : പരിശുദ്ധ റമദാനില്‍ യു. എ. ഇ. പ്രസിഡന്റ് ശൈഖ് ഖലീഫ ബിന്‍ സായിദ് അല്‍ നഹ്യാന്റെ അതിഥികളായി എത്തിച്ചേരുന്ന പ്രഗല്‍ഭരായ മത പണ്ഡിതന്മാരില്‍ കേരളത്തില്‍ നിന്നും തെരഞ്ഞെടുക്കപ്പെട്ട പണ്ഡിതന്‍ സയ്യിദ് ഇബ്രാഹിമുല്‍ ഖലീലുല്‍ ബുഖാരി തങ്ങള്‍ റമദാന്‍ പ്രഭാഷണ ങ്ങള്‍ക്കായി വെള്ളിയാഴ്ച യു. എ. ഇ. യില്‍ എത്തും.
മസ്‌കറ്റ് : ഒമാനിലെ ഖാബൂറക്ക് സമീപം ടാക്‌സി ട്രക്കിലിടിച്ച് കണ്ണൂര്‍ സ്വദേശി മരിച്ചു. രണ്ടു പേര്‍ക്ക് പരിക്കേറ്റു. തളിപറമ്പ് ശ്രീകണ്ഠപുരം നെടിയങ്ങ അയ്യകത്ത് പുതിയ പുരയില്‍ മുഹമ്മദ്കുഞ്ഞിന്റെ മകന്‍ മുസ്തഫയാണ് (31) മരിച്ചത്. ബിദായ യില്‍ കഫ്തീരിയ നടത്തുന്ന ഇദ്ദേഹം ചൊവ്വാഴ്ച വൈകുന്നേരം ഖാബൂറയിലെ ഹൈപ്പര്‍ മാര്‍ക്കറ്റിലേക്ക് പോകവെ യാണ് അപകടം. മുസ്തഫ സഞ്ചരിച്ചിരുന്ന ടാക്‌സി നിയന്ത്രണംവിട്ട് ട്രക്കിലിടിക്കുക യായിരുന്നു എന്ന് ബന്ധുക്കള്‍ പറഞ്ഞു.
