 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : സി. അച്യുത മേനോന്‍ – കെ. ദാമോദരന്‍ ജന്മശതാബ്ദി പരിപാടികളോട് അനുബന്ധിച്ച് യുവ കലാ സാഹിതി നടത്തിയ അച്യുത മേനോന്‍ സ്മാരക ലേഖന മത്സര ത്തില്‍ റീജ അബ്രഹാമിന് ഒന്നാം സ്ഥാനവും നാന്‍സി റോജിക്ക് രണ്ടാം സ്ഥാനവും ലഭിച്ചു.
ജൂണ്‍ 22 വെള്ളിയാഴ്ച വൈകീട്ട് 6 മണിക്ക് അബുദാബി കേരള സോഷ്യല്‍ സെന്ററില്‍ നടക്കുന്ന ചടങ്ങില്‍ വെച്ച് മുന്‍ മന്ത്രിയും ജനയുഗം പത്രാധിപരുമായ ബിനോയ്‌ വിശ്വം അവാര്‍ഡുകള്‍ വിതരണം ചെയ്യും.
- pma
വായിക്കുക: യുവകലാസാഹിതി
അബുദാബി : മലയാളി സമാജ ത്തിന്റെ ഒരുവര്‍ഷം നീണ്ടു നില്‍ക്കുന്ന കലാ പ്രവര്‍ത്തനങ്ങള്‍ക്ക് തുടക്കമായി. സമാജം മുന്‍ പ്രസിഡന്റ് പള്ളിക്കല്‍ ഷുജാഹിയും മുന്‍ ജനറല്‍ സെക്രട്ടറി എന്‍. പി. മുഹമ്മദലിയും സംയുക്തമായി ദീപം തെളിയിച്ചാണ് ഉദ്ഘാടനം നിര്‍വഹിച്ചത്.
സമാജം പ്രസിഡന്റ് മനോജ് പുഷ്‌കര്‍ അദ്ധ്യക്ഷത വഹിച്ചു. ജനറല്‍ സെക്രട്ടറി സതീഷ്‌ കുമാര്‍, ട്രഷറര്‍ അബൂബക്കര്‍ മേലേതില്‍, വൈസ് പ്രസിഡന്റ് ഷിബു വര്‍ഗീസ്, വനിതാ കണ്‍വീനര്‍ ജീബ എം. സാഹിബ്, കലാവിഭാഗം സെക്രട്ടറി റഫീക് എന്നിവര്‍ സംസാരിച്ചു.
തുടര്‍ന്ന് മാനേജിംഗ് കമ്മിറ്റി അംഗങ്ങളെയും വനിതാ കമ്മിറ്റി അംഗങ്ങളെയും പ്രസിഡന്റ് സദസ്സിന് പരിചയപ്പെടുത്തി. എ. എം. അന്‍സാര്‍ നന്ദി പറഞ്ഞു. വിവിധ കലാപരിപാടികള്‍ അരങ്ങേറി.
- pma
വായിക്കുക: മലയാളി സമാജം
ദുബായ് : എയര്‍ ഇന്ത്യ സമരം മൂലം അവധിക്കാലത്ത് നാട്ടില്‍ എത്താനാകാതെ വിഷമിക്കുന്ന ഗള്‍ഫ് മലയാളികളെ സഹായിക്കാന്‍ സര്‍ക്കാര്‍ ‘ഓപ്പണ്‍ സ്കൈ’ സംവിധാനം ഒരുക്കണമെന്ന് പൊന്നാനി എം. ഇ. എസ്. കോളേജ് അലുംനെ യു. എ. ഇ. ചാപ്റ്റര്‍ ജനറല്‍ ബോഡി യോഗം സര്‍ക്കാറിനോട് അഭ്യര്‍ത്ഥിച്ചു.
ജൂലൈയില്‍ ആരംഭിക്കുന്ന അവധിക്കാലം ആഘോഷിക്കാന്‍ നാട്ടില്‍ പോകുന്നതിന്ന് എയര്‍ ഇന്ത്യയിലും എയര്‍ ഇന്ത്യ എക്സ്പ്രസ്സിലും ടിക്കറ്റ് എടുത്ത ആയിരക്കണക്കിനു കുടുംബങ്ങളാണ് എയര്‍ ഇന്ത്യ പൈലെറ്റു മാരുടെ സമരം മൂലം നട്ടം തിരിയുന്നതത്. അതെ സമയം ഈ സന്ദര്‍ഭം മുതലാക്കി മറ്റു വിമാന സര്‍വീസുകള്‍ ടിക്കറ്റ് നിരക്ക് രണ്ടിരട്ടിയും മൂന്നിരട്ടി യുമായി വര്‍ദ്ധി പ്പിച്ചിരിക്കുന്നു.
ഇതോടെ ഗള്‍ഫില്‍ ചെറിയ ശമ്പളത്തിന് ജോലി ചെയ്യുന്നവര്‍ക്ക് അവധിക്കാലം നാട്ടില്‍ ചിലവഴിക്കാം എന്നത് സ്വപ്നം മാത്രമായി തീര്‍ന്നിരിക്കുന്നു. ഈ സന്ദര്‍ഭത്തില്‍ ‘ഓപ്പണ്‍ സ്കൈ’ സംവിധാനം ഒരുക്കി ഗള്‍ഫ് മലയാളികളെ സഹായിക്കാന്‍ കേന്ദ്ര -സംസ്ഥാന സര്‍ക്കാറുകള്‍ക്ക് കഴിയും.
യോഗത്തില്‍ പ്രസിഡണ്ട് സലിം ബാബു അദ്ധ്യക്ഷത വഹിച്ചു. ജനറല്‍ സിക്രട്ടറി അക്ബര്‍ പാറമ്മേല്‍ പ്രവര്‍ത്തന റിപ്പോര്‍ട്ടും ഗിരീഷ് മേനോന്‍ വരവു ചിലവ് കണക്കും അവതരിപ്പിച്ചു. പ്രൊഫസര്‍ ഷംസുദ്ദീന്‍,നാരായണന്‍ വെളിയങ്കോട്, യാക്കൂബ് ഹസ്സന്‍, ഷാജി ഹനീഫ, അഡ്വ. വിനീത, വിവേകാനന്ദന്‍ എന്നിവര്‍ സംസാരിച്ചു. അബ്ദുള്‍ മജീദ് സ്വാഗതവും ഡോ. ഉണ്ണികൃഷ്ണന്‍ നന്ദിയും പറഞ്ഞു.
പുതിയ ഭാരവാഹികളായി ഹാരീസ് വക്കയില്‍ (പ്രസിഡണ്ട്), സുധീര്‍ സുബ്രമണ്യന്‍ (ജനറല്‍ സിക്രട്ടറി), അബ്ദുള്ളക്കുട്ടി (ട്രഷറര്‍), ഡോ. ഉണ്ണികൃഷ്ണന്‍, അബ്ദുള്‍ സത്താര്‍ (വൈസ് പ്രസിഡണ്ടുമാര്‍), ഷരീഫ് കുന്നത്ത്,മുഹമ്മദ് വെളിയങ്കോട് (സിക്രട്ടറിമാര്‍) എന്നിങ്ങനെ 27 അംഗ മേനേജിംഗ് കമ്മറ്റിയേയും യോഗം തെരഞ്ഞെടുത്തു.
-വാര്‍ത്ത അയച്ചത് : നാരായണന്‍ വെളിയങ്കോട്, ദുബായ്
- pma
വായിക്കുക: പൂര്‍വ വിദ്യാര്‍ത്ഥി, പ്രതിഷേധം
ദുബായ് : ഫ്രണ്ട്‌സ് ഓഫ് കേരള ശാസ്ത്ര സാഹിത്യ പരിഷത്ത് ദുബായ് മുനിസിപ്പാലിറ്റി എന്‍വയോണ്‍മെന്റ് ഡിപ്പാര്‍ട്ട്‌മെന്റിന്റെ സഹകരണ ത്തോടെ സ്‌കൂള്‍ വിദ്യാര്‍ത്ഥി കള്‍ക്കായി സംഘടിപ്പിച്ചു വരുന്ന ദുബായ് ചില്‍ഡ്രന്‍സ് സയന്‍സ് കോണ്‍ഗ്രസിന്റെ പ്രോജക്ട് അവതരണവും മൂല്യനിര്‍ണയ സമാപനവും ജൂണ്‍ 23 ശനിയാഴ്ച, ദുബായ് ലുലു ഹൈപ്പര്‍ മാര്‍ക്കറ്റിനു സമീപം അല്‍ അഹ്‌ലി ഓഡിറ്റോറിയത്തില്‍ നടക്കും.
വിദ്യാര്‍ത്ഥി കളില്‍ അന്വേഷണ ത്വരയും സര്‍ഗ ശേഷിയും വികസിപ്പിച്ച് സമൂഹത്തിലെ പ്രശ്‌നങ്ങള്‍ക്കുള്ള പരിഹാരം നിര്‍ദേശിക്കുക എന്ന ലക്ഷ്യ ത്തിലാണ് ബാലശാസ്ത്ര കോണ്‍ഗ്രസ് സംഘടിപ്പിച്ചിട്ടുള്ളത്.
എമിറേറ്റിലെ തെരഞ്ഞെടുക്കപ്പെട്ട ഇരുപത്തി അഞ്ചോളം സ്‌കൂളു കളില്‍ നിന്നുള്ള മുന്നൂറോളം വിദ്യാര്‍ത്ഥികള്‍ പങ്കെടുക്കും. കഴിഞ്ഞ ആറു മാസമായി ‘പരിസര ശുചിത്വം മാലിന്യ നിര്‍മാര്‍ജ്ജനത്തിലൂടെ’ എന്ന വിഷയം ആസ്പദമാക്കിയുള്ള വിവിധ പ്രോജക്ടുകള്‍ തെരഞ്ഞെടുത്ത് അദ്ധ്യാപകരുടെ മേല്‍നോട്ട ത്തില്‍ പഠന പ്രവര്‍ത്തന ങ്ങളില്‍ ഏര്‍പ്പെട്ടിരുന്നു.
ഈ പ്രോജക്ടുകളുടെ നിരന്തരമായ വിലയിരുത്തലും അവലോകനവും പ്രമുഖ ശാസ്ത്രകാരന്മാരുടെയും വിദ്യാഭ്യാസ വിദഗ്ധരുടെയും നേതൃത്വ ത്തില്‍ നടന്നിരുന്നു. ഈ പ്രോജക്ട് പ്രവര്‍ത്തന ങ്ങളുടെ റിപ്പോര്‍ട്ട് അവതരണവും ഓപ്പണ്‍ ഡിഫന്‍സുമാണ് 23-നു നടക്കുക.
ഗള്‍ഫു മേഖലയില്‍ ഇദംപ്രഥമ മായാണ് ശാസ്ത്ര ഉത്സവ ത്തിന്റെ സമാപനം നടക്കുന്നതെന്ന് ഫ്രണ്ട്‌സ് ഓഫ് കേരള ശാസ്ത്ര സാഹിത്യ പരിഷത് പ്രസിഡന്റ് ഡോ. കെ. പി. ഉണ്ണികൃഷ്ണന്‍, ഡയറക്ടര്‍ മനോജ് കുമാര്‍ എന്നിവര്‍ അറിയിച്ചു.
- pma
വായിക്കുക: കുട്ടികള്‍, ശാസ്ത്ര സാഹിത്യ പരിഷത്ത്
റിയാദ് : സൗദി അറേബ്യയുടെ കിരീടാവകാശി യായിരുന്ന നായിഫ് രാജകുമാരന്റെ മരണത്തെ ത്തുടര്‍ന്ന് പിന്‍ഗാമിയായി സല്‍മാന്‍ ബിന്‍ അബ്ദുല്‍ അസീസ് ആലു സഊദിനെ സൗദി ഭരണാധികാരി അബ്ദുള്ള രാജാവ് നിയമിച്ചു. നിലവില്‍ പ്രതിരോധ മന്ത്രിയായി സേവനം ചെയ്തു വരികയാണ് സല്‍മാന്‍ ബിന്‍ അബ്ദുല്‍ അസീസ്. ദീര്‍ഘകാലം റിയാദ് പ്രവിശ്യാ ഗവര്‍ണറായി ഏറെ ജനപ്രീതി നേടിയ ഭരണ കര്‍ത്താവാണ് ഇദ്ദേഹം.
അന്തരിച്ച നായിഫ് ബിന്‍ അബ്ദുല്‍ അസീസ് വഹിച്ചിരുന്ന ആഭ്യന്തരമന്ത്രി പദത്തിലേക്ക് അഹമദ് ബിന്‍ അബ്ദുല്‍ അസീസിനെയും അബ്ദുള്ള രാജാവ് നിയമിച്ചു.
- pma
വായിക്കുക: സൗദി അറേബ്യ
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
