ലഹരിക്ക് എതിരെ ബഹുജന കൂട്ടായ്മ ഒരുക്കി ഇന്ത്യൻ ഇസ്ലാഹി സെന്‍റര്‍

December 1st, 2022

logo-indian-islahi-center-uae-ePathram
അബുദാബി: വർദ്ധിച്ചു വരുന്ന ലഹരി ഉപയോഗ ത്തിന്‍റെ അപകടം പൊതു ജനങ്ങളെ ബോദ്ധ്യ പ്പെടുത്തുക എന്ന ലക്ഷ്യത്തോടെ ANTI DRUG INITIATIVE 2022 എന്ന പേരില്‍ അബുദാബി ഇന്ത്യൻ ഇസ്ലാഹി സെന്‍റര്‍ ബോധ വല്‍ക്കരണ ക്യാമ്പ് സംഘടിപ്പിക്കുന്നു.

യു. എ. ഇ. ദേശീയ ദിനത്തില്‍ ഡിസംബർ 2 വെള്ളിയാഴ്ച രാത്രി 8 മണിക്ക് അബുദാബി ഇന്ത്യൻ ഇസ്ലാമിക് സെന്‍ററിൽ നടക്കുന്ന പരിപാടിയില്‍ പ്രമുഖ ഫാമിലി കൗൺസിലറും മോട്ടിവേഷൻ സ്പീക്കറുമായ ഡോക്ടർ. ജൗഹർ മുനവ്വർ, “മാറുന്ന ലോകം, മയങ്ങുന്ന മക്കൾ” എന്ന വിഷയത്തിലും ഷാർജ അൽ അസീസ് മസ്ജിദ്‌ ഇമാം ഹുസ്സൈൻ സലഫി ‘ധാർമികതയുടെ വീണ്ടെടുപ്പിന്’ എന്ന വിഷയ ത്തിലും സംസാരിക്കും എന്ന് ഇസ്ലാഹി സെന്‍റര്‍ ഭാരവാഹികള്‍ വാർത്താ സമ്മേളനത്തിൽ അറിയിച്ചു.

press-meet-indian-islahi-center-anti-drug-initiative-2022-ePathram

ലഹരിക്ക് അടിമയായി സ്വയം നശിക്കുന്ന യുവ തലമുറ നഷ്ടപ്പെടുത്തുന്നത് സ്വന്തം ഭാവി യും നല്ല നാളെയും ആണ്. ഇതിനെതിരെ ശക്തമായ ബോധ വത്കരണം അനിവാര്യം ആണെന്നും അബു ദാബി ഇന്ത്യൻ ഇസ്‌ലാഹി സെന്‍റര്‍ പ്രസിഡണ്ടും പ്രമുഖ കാര്‍ഡിയോള ജിസ്റ്റുമായ ഡോക്ടർ ബഷീർ മുഹമ്മദ് അഭിപ്രായപ്പെട്ടു. ലഹരിക്ക് അടിമപ്പെട്ട് പൗരന്‍റെ ഉത്തരവാദിത്വവും ധാര്‍മിക ബോധ വും മറന്നു പോകുന്ന ഒരു ജനതയായി മാറുന്നത് അപലപനീയം ആണെന്നും അദ്ദേഹം അഭിപ്രായപ്പെട്ടു.

ഡോക്ടർ ബഷീറിനെ കൂടാതെ സെന്‍റര്‍ സെക്രട്ടറി അബ്‌ദുൾ റഹ്‌മാൻ സെയ്തുട്ടി, മർക്കസ് മാലിക്ക് ബിൻ അനസ് പ്രിൻസിപ്പൽ സയീദ് അൽ ഹികമി, ജനറൽ സെക്രട്ടറി മുഹമ്മദ് യാസിർ വി. കെ. എന്നിവർ വാർത്താ സമ്മേളന ത്തിൽ സംബന്ധിച്ചു.

islahi-center-anti-drug-initiative-2022-ePathram

വെള്ളിയാഴ്ച രാത്രി ഇസ്ലാമിക് സെന്‍ററില്‍ നടക്കുന്ന ANTI DRUG INITIATIVE 2022 എന്ന പ്രോഗ്രാമിലേക്ക് അബുദാബി യുടെ വിവിധ ഭാഗങ്ങ ളിൽ നിന്നും സൗജന്യ വാഹന സൗകര്യം ഒരുക്കും. സ്ത്രീകള്‍ക്ക് പ്രത്യേക സൗകര്യവും ഉണ്ടായിരിക്കും എന്നും അധികൃതർ വാർത്താ സമ്മേളനത്തിൽ അറിയിച്ചു.

- pma

വായിക്കുക: , , , , , , , , , ,

അഭിപ്രായം എഴുതുക »

ബോധവത്കരണ സെമിനാർ സംഘടിപ്പിച്ചു

November 23rd, 2022

vadakara-nri-forum-20-th-year-celebration-awareness-seminar-ePathram
ദുബായ് : വടകര എൻ. ആർ. ഐ. ഫോറം ഇരുപതാം വാർഷിക ആഘോഷത്തിന്‍റെ ഭാഗമായി ‘ലഹരിയും സമൂഹവും’ എന്ന വിഷയ ത്തിൽ ബോധ വത്കരണ സെമിനാർ സംഘടിപ്പിച്ചു. യു. എ. ഇ. യിലെ പ്രമുഖ മനഃശാസ്ത്രജ്ഞനായ ഡോ. ഷാജു ജോർജ്ജ് ക്ലാസ്സ് എടുത്തു.

അപരിചിതരുമായുള്ള സമ്പർക്കമാണ് യുവ തല മുറയെ മയക്കു മരുന്നിന്‍റെ കേന്ദ്രങ്ങളിലേക്ക് എത്തിക്കുന്നത് എന്നും അതിന്‍റെ വാഹകരും അടിമകളും ആക്കി ത്തീർക്കുന്നത് എന്നും അദ്ദേഹം പറഞ്ഞു. ഇതിൽ രക്ഷിതാക്കൾ ഏറെ ശ്രദ്ധാലുക്കള്‍ ആകേണ്ടതുണ്ട് എന്നും ഡോ. ഷാജു കൂട്ടിച്ചേർത്തു.

‘നിയമവും നിങ്ങളും’ എന്ന വിഷയത്തിൽ അഡ്വ. സാജിദ് അബൂബക്കർ ക്ലാസ്സെടുത്തു. സമൂഹത്തിൽ നിയമ അവബോധം ഉണ്ടാക്കണം എന്നും നിയമങ്ങളെ കുറിച്ചുള്ള അജ്ഞത, നിരപരാധികള്‍ ആയവരെ പോലും വലിയ കുരുക്കുകളിൽ എത്തിക്കുന്നു എന്നും അദ്ദേഹം ഓർമ്മിപ്പിച്ചു.

(രാജ്യത്തെ നിയമങ്ങളെക്കുറിച്ചുള്ള അവ ബോധം പൊതുജനങ്ങളില്‍ വർദ്ധിപ്പിക്കുവാന്‍ യു. എ. ഇ. പബ്ലിക് പ്രോസിക്യൂഷന്‍റെ നിരന്തര ശ്രമങ്ങളുടെ ഭാഗമായി നടത്തി വരുന്ന സാമൂഹിക മാധ്യമ ങ്ങളിലെ അപ്ഡേഷനുകള്‍ പിന്തുടരുക).

വടകര എൻ. ആർ. ഐ. ഫോറം ട്രഷറർ അഡ്വ. മുഹമ്മദ് സാജിദ് അദ്ധ്യക്ഷത വഹിച്ചു. രക്ഷാധികാരി കെ. പി. മുഹമ്മദ് സെമിനാർ ഉത്ഘാടനം ചെയ്തു. അഡ്വ. ഷാജി ബി. വടകര, ഫാജിസ്, ഇഖ്ബാൽ ചെക്യാട്, മുഹമ്മദ് ഏറാമല, ബഷീർ മേപ്പയൂർ എന്നിവർ സംസാരിച്ചു.

മൊയ്തു കുറ്റ്യാടി, സുഷി കുമാർ, അസീസ് പുറമേരി, എസ്. പി. മഹമൂദ്, ചന്ദ്രൻ കൊയി ലാണ്ടി, രമൽ, സി. എച്ച്. മനോജ് , ശംസുദ്ദീൻ കാർത്തിക പ്പള്ളി, മൊയ്തു പേരാമ്പ്ര, സലാം ചിത്ര ശാല, നൗഫൽ കടിയങ്ങാട്, ഫിറോസ് പയ്യോളി, അഹ്മദ് ചെനായി, അബ്ദുല്ല, റിയാസ് കടത്തനാട്, റഷീദ് ചൊക്ലി തുടങ്ങിയവർ ചർച്ചയിൽ പങ്കെടുത്തു. സെക്രട്ടറി കെ. വി. മനോജ് സ്വാഗതവും, ജിജു നന്ദിയും പറഞ്ഞു.

- pma

വായിക്കുക: , , , , , , , , , ,

അഭിപ്രായം എഴുതുക »

മുഷ്റിഫ് മാളിൽ വിസ സ്ക്രീനിംഗ് സെന്‍റര്‍ : അവധി ദിനങ്ങളില്‍ മെഡിക്കല്‍ ടെസ്റ്റ്

November 3rd, 2022

logo-seha-ePathram
അബുദാബി : വിസ സ്റ്റാമ്പിംഗ് സംബന്ധമായ രക്ത പരിശോധനക്കുള്ള മെഡിക്കല്‍ ടെസ്റ്റ് സെന്‍റര്‍ അബു ദാബി മുഷ്റിഫ് മാളിലും തുറന്നു പ്രവര്‍ത്തനം തുടങ്ങി. സേഹ യുടെ കീഴിലുള്ള വിസ സ്ക്രീനിംഗ് സെന്‍റര്‍ ആഴ്ചയിൽ ഏഴു ദിവസവും രാവിലെ 9 മണി മുതൽ വൈകുന്നേരം 7 മണി വരെ പ്രവര്‍ത്തിക്കും.

വാരാന്ത്യ അവധി ദിനങ്ങളിലും സേഹ സെന്‍റര്‍ തുറന്നു പ്രവര്‍ത്തിക്കുന്നത് പൊതു ജന സേവനം ഊർജ്ജിതം ആക്കുന്നതിന്‍റെ ഭാഗമായാണ്.

നിലവില്‍ മെഡിക്കല്‍ ടെസ്റ്റിനായി സേഹ ആപ്പിലൂടെ ബുക്കിംഗ് ചെയ്യേണ്ടതുണ്ട്. എന്നാല്‍ മുഷ്റിഫ് മാളിലെ വിസ സ്ക്രീനിംഗ് സെന്‍ററില്‍ ബുക്കിംഗ് ഇല്ലാതെയും എത്തി ടെസ്റ്റ് നടത്താം.

- pma

വായിക്കുക: , , , , ,

അഭിപ്രായം എഴുതുക »

ലഹരി ഉപയോഗിച്ച് വാഹനം ഓടിച്ചാൽ പിഴയും ജയിൽ ശിക്ഷയും

October 9th, 2022

logo-uae-public-prosecution-ePathram
അബുദാബി : ആല്‍ക്കഹോള്‍, നാര്‍ക്കോട്ടിക്ക് ഘടകങ്ങൾ അടങ്ങിയ പാനീയങ്ങളും മരുന്നുകളും ലഹരി വസ്തുക്കളും ഉപയോഗിച്ച് വാഹനം ഓടിച്ചാൽ 20,000 ദിർഹം പിഴയും തടവു ശിക്ഷയും എന്ന് യു. എ. ഇ. പബ്ലിക്ക് പ്രോസിക്യൂഷന്‍.

ലഹരി പദാർത്ഥങ്ങളുടെ സ്വാധീനത്തില്‍ വാഹനം ഓടിക്കുമ്പോൾ വാഹനത്തിന്മേല്‍ ഉള്ള നിയന്ത്രണം നഷ്ടപ്പെടും എന്നും അപകട സാദ്ധ്യത വർദ്ധിക്കും എന്നും പബ്ലിക്ക് പ്രോസിക്യൂഷൻ ഓര്‍മ്മിപ്പിച്ചു.

ഇത്തരം നിയമങ്ങളും നിയന്ത്രണങ്ങളും നടപ്പില്‍ വരുത്തുന്നത് ഗതാഗത സുരക്ഷ മുൻ നിർത്തിയാണ് എന്നും പബ്ലിക്ക് പ്രോസിക്യൂഷൻ  അറിയിച്ചു.

 

- pma

വായിക്കുക: , , , ,

അഭിപ്രായം എഴുതുക »

ആരോഗ്യ സേവനം വീട്ടു പടിക്കല്‍ : മൊബൈല്‍ ക്ലിനിക്കുമായി സേഹ

October 1st, 2022

logo-seha-ePathram

അബുദാബി : സഞ്ചരിക്കുന്ന ആശുപത്രി സം വിധാനം ഒരുക്കി ആബുദാബി ആരോഗ്യ വകുപ്പ്. സേഹയുടെ ആംബു ലേറ്ററി ഹെൽത്ത് കെയർ സർവ്വീസസ് ഇനി മുതല്‍ ഡോക്ടറും മരുന്നും അനുബന്ധ ആരോഗ്യ സേവനങ്ങളുമായി വീട്ടു പടിക്കല്‍ എത്തും. ഫാമിലി മെഡിസിൻ, പീഡിയാട്രിക്, ഇന്‍റേ ണൽ മെഡിസിൻ, ഡയബറ്റിസ് ആൻഡ് എൻഡോ ക്രൈനോളജി, ഗ്യാസ്ട്രോ എൻട്രോളജി, ഡെർമറ്റോളജി തുടങ്ങി വിദഗ്ധ ഡോക്ടർ മാരുടെ സേവനം ഇതിലൂടെ ലഭിക്കും. സമയം: രാവിലെ 8 മണി മുതൽ രാത്രി 10 മണി വരെ.

കുട്ടികൾക്കും മുതിർന്നവർക്കും ഉള്ള വാക്സിനേഷൻ, ലാബോറട്ടറി, ഫിസിയോ തെറാപ്പി, ഇ. സി. ജി., അൾട്രാ സൗണ്ട് സ്കാനിംഗ്, കേൾവി – കാഴ്ച പരിശോധനകൾ, ബോഡി മാസ് അനാലിസിസ്, മറ്റു വിവിധ മെഡിക്കൽ പരിശോധനകളും ലഭ്യമാണ്.

മുപ്പതില്‍ അധികം കമ്പനികളുടെ ഇൻഷ്വറൻസ് കാർഡുകള്‍ സ്വീകരിക്കും. ഇൻഷ്വറൻസ് പരിരക്ഷ ഇല്ലാത്തവർക്ക് കുറഞ്ഞ നിരക്കിലും ചികിത്സ ലഭ്യമാക്കും.

ബുക്കിംഗിന് : 02 7113737

- pma

വായിക്കുക: , , , , ,

അഭിപ്രായം എഴുതുക »

11 of 771011122030»|

« Previous Page« Previous « അൽ ബെയ്ക്ക് അബുദാബി അല്‍ വാഹ്ദാ മാളില്‍ തുറക്കുന്നു
Next »Next Page » അറ്റ്‌ലസ് രാമചന്ദ്രന്‍ അന്തരിച്ചു »



  • ലോഗോ പ്രകാശനം ചെയ്തു
  • കെ. എസ്. സി. ഈദ് ആഘോഷം ‘പെരുന്നാൾ നിലാവ്’ അരങ്ങേറി
  • കണ്ണൂർ ജില്ലാ കെ. എം. സി. സി. ഒരുക്കിയ ‘ഈദ് സംഗമം’ ശ്രദ്ധേയമായി
  • ഇമ ഇഫ്‌താർ വിരുന്നും കുടുംബ സംഗമവും
  • ഫാദേഴ്‌സ് എന്‍ഡോവ്‌മെന്റ് പദ്ധതി : ഡോ. ഷംഷീര്‍ വയലില്‍ അഞ്ച് ദശ ലക്ഷം ദിര്‍ഹം നല്‍കി
  • അബുദാബി മലയാളീസ് ഒരുക്കിയ ‘നൂറിഷ് റമദാൻ’ ശ്രദ്ധേയമായി
  • ഭരണാധികാരികൾക്ക് റമദാൻ ആശംസകൾ നേർന്ന് സലാം പാപ്പിനിശ്ശേരി
  • മുഹമ്മദ് ബിൻ സായിദ് ഫൗണ്ടേഷൻ ഫോർ ഹ്യുമാനിറ്റി സ്ഥാപിതമായി
  • ഇ. കെ. നായനാർ മെമ്മോറിയൽ ഫുട് ബോൾ : ഷാബിയ-നാദിസിയ മേഖലകൾ ചാമ്പ്യന്മാർ
  • സൗഹൃദ സ്നേഹ സംഗമമായി സമൂഹ നോമ്പുതുറ
  • ഇഖ്‌വ ഇഫ്‌താർ സൗഹൃദ സംഗമം
  • അനോര ഗ്ലോബൽ പുതിയ ഭരണ സമിതി
  • പത്തനംതിട്ട ജില്ലാ കെ. എം. സി. സി. റമദാൻ റിലീഫിന് തുടക്കമായി
  • ഇ. കെ. നായനാർ സ്മാരക റമദാൻ ഫുട് ബോൾ ടൂർണ്ണ മെന്റ് ശനിയാഴ്ച മുസ്സഫയിൽ
  • അബുദാബി മലയാളീസ് മെഡിക്കൽ ക്യാമ്പ് സംഘടിപ്പിച്ചു
  • ജ്വാല ഉത്സവ് 2025 ബ്രോഷർ പ്രകാശനം ചെയ്തു
  • കേരള സോഷ്യൽ സെന്റർ ഇഫ്‌താർ സംഗമം
  • ഐ. ഐ. സി. ഹോളി ഖുര്‍ആന്‍ : ബ്രോഷർ പ്രകാശനം ചെയ്തു
  • ഉപന്യാസ മത്സരം : സൃഷ്ടികൾ ക്ഷണിച്ചു
  • ഇഫ്താർ സംഗമവും അവാർഡ് ദാനവും സംഘടിപ്പിച്ചു



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine