അൽ തവക്കൽ രക്തദാന ക്യാമ്പ് വെള്ളിയാഴ്ച

January 25th, 2023

al-tawakkal-typing-blood-donation-camp-press-meet-ePathram

അബുദാബി : രക്ത ദാനത്തിന്‍റെ മഹത്വം പ്രവാസി സമൂഹത്തെ വീണ്ടും ഓര്‍മ്മിപ്പിച്ചു കൊണ്ട് തലസ്ഥാന നഗരിയിലെ പ്രമുഖ സ്ഥാപനമായ അൽ തവക്കൽ ടൈപ്പിംഗ് സെന്‍റര്‍ ജീവനക്കാര്‍ ബോധ വല്‍ക്കരണ ക്യാമ്പും രക്ത ദാനവും സംഘടിപ്പിക്കുന്നു.

മുസ്സഫ ഇന്‍ഡസ്ട്രിയല്‍ ഏരിയ (10) യിലാണ് അബു ദാബി ബ്ലഡ് ബാങ്കുമായി സഹകരിച്ച് അൽ തവക്കൽ ടൈപ്പിംഗ് സെന്‍ററിലെ 150 ഓളം ജീവനക്കാര്‍ രക്ത ദാനം ചെയ്യുക എന്ന് അധികൃതര്‍ വാര്‍ത്താ സമ്മേളനത്തില്‍ അറിയിച്ചു.

പോറ്റമ്മ നാടിനോടുള്ള സ്നേഹവും ബഹുമാനവും പ്രകടിപ്പിച്ചു കൊണ്ട് യു. എ. ഇ. യുടെ 51 ആം ദേശീയ ദിനത്തിൽ ആരംഭം കുറിച്ച രക്ത ദാന പരിപാടിയുടെ സമാപനം കൂടിയാണ് 2023 ജനുവരി 27 വെള്ളിയാഴ്ച ഒരുക്കുന്ന രക്ത ദാന ക്യാമ്പ്.

കേരളത്തിലെ പൊതു സമൂഹത്തിലും അൽ തവക്കല്‍ ടീം സജീവമായി പ്രവര്‍ത്തിച്ചു വരുന്നുണ്ട്. പ്രളയം, ഉരുൾ പൊട്ടൽ, കൊവിഡ് വ്യാപന സാഹചര്യങ്ങളും കേരളത്തിൽ ഒട്ടേറെ കാരുണ്യ പ്രവർത്തനങ്ങളില്‍ അൽ തവക്കല്‍ ടീം സജീവമായി ഇടപെടലുകള്‍ നടത്തിയിട്ടുണ്ട്.

സ്വദേശികളും വിദേശികളുമായ സാമൂഹ്യ സേവന രംഗത്തെ പ്രമുഖർ സംബന്ധിക്കുന്ന രക്തദാന ക്യാമ്പ് പരിപാടി യിൽ സാമൂഹ്യ സേവന രംഗത്തും മറ്റു ജീവ കാരുണ്യ പ്രവർത്തനങ്ങൾക്കും നേതൃത്വം നൽകുന്ന തിനായി തവക്കല്‍ മാനേജ് മെന്‍റിന്‍റെ കീഴില്‍ സ്ഥാപനത്തിലെ ജീവനക്കാരേയും കൂടി ഉൾക്കൊള്ളിച്ചു കൊണ്ട് സന്നദ്ധ സേവകരുടെ കൂട്ടായ്മയായി ‘തവക്കൽ വളണ്ടിയേഴ്സി’ ന് രൂപം നൽകും.

ഇതോട് അനുബന്ധിച്ച് ബ്ലഡ് ഡൊണേഴ്സ് യൂണിറ്റിനു രൂപം നൽകി അടിയന്തര ഘട്ടത്തിൽ ആവശ്യക്കാര്‍ക്ക് രക്തം എത്തിക്കുവാന്‍ സംവിധാനം ഒരുക്കും എന്നും തവക്കല്‍ മാനേജിംഗ് ഡയറക്ടര്‍ സി. കെ. മൻസൂർ പറഞ്ഞു.

അൽ തവക്കല്‍ ജനറൽ മാനേജർ സി. മുഹിയുദ്ദീൻ, സീനിയർ ജനറൽ മാനജർമാരായ കെ. ദേവദാസൻ, എം. ഷാജഹാൻ, പി. ഫൈസൽ അലി, കെ. വി. മുഹമ്മദ് ഷരീഫ്, സി. ഷമീർ, എൻ. മുഹമ്മദ് ആസിഫ് എന്നിവർ വാർത്താ സമ്മേളനത്തിൽ പങ്കെടുത്തു.

യു. എ. ഇ. യില്‍ 26 വർഷത്തെ സേവന പാരമ്പര്യമുള്ള അൽ തവക്കൽ ടൈപ്പിംഗ് സെന്‍ററിന് പത്തില്‍ അധികം ബ്രാഞ്ചുകളും 150 ൽ പരം വിദഗ്ധ പരിശീലനം ലഭിച്ച പരിചയസമ്പന്നരായ ജോലിക്കാരും ഉണ്ട്.

നവീന സാങ്കേതിക സംവിധാനങ്ങള്‍ മികവുറ്റ രീതിയില്‍ പ്രാവര്‍ത്തികമാക്കി പുതു യുഗത്തിന്‍റെ മാറ്റങ്ങൾ ഉള്‍ക്കൊണ്ടും ഉപഭോക്താക്കളുടെ ആവശ്യങ്ങൾ പരിഗണിച്ചും എറ്റവും എളുപ്പത്തില്‍ സേവനങ്ങള്‍ ലഭ്യമാവുന്ന ആൽഫാ തവക്കൽ എന്ന പ്രീമിയം സർവ്വീസ് വിഭാഗം ഉടന്‍ തുടങ്ങുന്നു എന്നും അൽ തവക്കല്‍ മാനേജ്മെന്‍റ് അറിയിച്ചു.  Twitter

- pma

വായിക്കുക: , , , , , , ,

അഭിപ്രായം എഴുതുക »

തൊഴിലാളികള്‍ക്ക് അടിയന്തര ആരോഗ്യ സേവനം : മുസ്സഫയില്‍ പ്രത്യേക അത്യാഹിത വിഭാഗം

January 17th, 2023

launching-emergency-department-at-musaffah-life-care-hospital-ePathram
അബുദാബി : വ്യാവസായിക തൊഴിലാളികൾക്ക് അടിയന്തര ആരോഗ്യ സേവനങ്ങൾ നൽകുന്നതിനായി മുസ്സഫയിൽ ലൈഫ്‌ കെയർ ഹോസ്പിറ്റൽ പ്രത്യേക അത്യാഹിത വിഭാഗം ആരംഭിച്ചു. പരിചയ സമ്പന്നരായ എമർജൻസി, ട്രോമ കെയർ വിദഗ്ധരുടെ നേതൃത്വ ത്തിലുള്ള മെഡിക്കല്‍ സംഘത്തിന്‍റെ മുഴുവൻ സമയ സേവനം അത്യാഹിത വിഭാഗത്തിൽ ലഭ്യമാവും.

രോഗികൾക്ക് അടിയന്തര പരിചരണം ലഭ്യമാക്കാനുള്ള മാനദണ്ഡങ്ങൾ കൈ വരിച്ച ആശുപത്രിക്ക് അബു ദാബി ആരോഗ്യ വകുപ്പ് (DoH) ലൈസൻസ് അനുവദിച്ചതിന് പിന്നാലെയാണ് പ്രത്യേക വിഭാഗം പ്രവർത്തനം തുടങ്ങിയത്.

മുസ്സഫ പോലീസ് ലെഫ്റ്റനന്‍റ് കേണൽ സുൽത്താൻ ഹാദിർ, മുസഫ മുനിസിപ്പാലിറ്റി മാനേജർ ഹമീദ് അൽ മർസൂഖി, ബുർജീൽ ഹോൾഡിംഗ്സ് സി. ഇ. ഒ. ജോൺ സുനിൽ, ബുർജീൽ സി. ഒ. ഒ. സഫീർ അഹമ്മദ് എന്നിവർ സംയുക്തമായി അത്യാഹിത വിഭാഗം ഉദ്ഘാടനം ചെയ്തു. മുസ്സഫ മുനിസിപ്പാലിറ്റി യിലെയും മുസ്സഫ പോലീസി ലെയും ഉദ്യോഗസ്ഥരുടെ പ്രതിനിധി സംഘവും പരിപാടി യിൽ പങ്കെടുത്തു.

വ്യാവസായിക മേഖലയിലെ സങ്കീർണ്ണവും വിട്ടു മാറാത്തതുമായ രോഗങ്ങൾക്ക് കഴിഞ്ഞ ഒമ്പത് വർഷത്തിൽ ഏറെയായി ചികിത്സ നൽകുന്ന ലൈഫ്‌ കെയർ ഹോസ്പിറ്റലിന് ഈ മേഖലയിലെ അനുഭവ സമ്പത്ത് അത്യാഹിത സേവനങ്ങൾക്കും ഗുണം ചെയ്യും.

നിർമ്മാണ സ്ഥലങ്ങളിൽ ഉണ്ടാകുന്ന ഹൃദയ സംബന്ധമായ അത്യാഹിതങ്ങൾ, സ്ട്രോക്കുകൾ, ആസ്ത്മ, അലർജി എന്നിവക്ക് ഉള്ള ചികിത്സകൾ ആശുപത്രിയിലുണ്ട്.

ജോലിസ്ഥലത്തെ ഗുരുതരവും അല്ലാത്തതുമായ പരിക്കു കൾ ഉൾപ്പെടെ നിരവധി കേസുകൾ കൈകാര്യം ചെയ്യാൻ പുതുതായി ആരംഭിച്ച അത്യാഹിത വിഭാഗം പ്രാപ്തം. കൂടാതെ എല്ലാവിധ അടിയന്തര ശസ്ത്ര ക്രിയകളും ചികിത്സയും വാഗ്ദാനം ചെയ്യുന്നു.

മുറിവുകൾ, സൂര്യാഘാതം, പൊള്ളൽ, ചൊറിച്ചിൽ, ഒടിവുകൾ, ചതവ്, തലക്ക് ഏൽക്കുന്ന പരിക്കുകൾ, നട്ടെല്ലിന്ന് ഏൽക്കുന്ന ആഘാതം തുടങ്ങിയവയാണ് മേഖലയിൽ അടിയന്തര പരിചരണം ആവശ്യമായ മറ്റു കേസുകൾ. സി. പി. ആറും സ്റ്റെബിലൈസേഷനും നൽകുന്ന പ്രീ-ഹോസ്പിറ്റൽ ആംബുലൻസ് സേവനവും വിഭാഗത്തിൽ ലഭ്യമാണ്.

രോഗികൾക്ക് അതിവേഗ പരിചരണം നൽകാനായി ഉന്നത പരിശീലനം ലഭിച്ച എമർജൻസി ഡോക്ടർമാർ, നഴ്‌സുമാർ, സപ്പോർട്ട് സ്റ്റാഫ് എന്നിവരാണ് അത്യാഹിത വിഭാഗത്തിലുള്ളത്.

ഹൃദയ പരിചരണം, ന്യൂറോ സർജറി, ഇ. എൻ. ടി, യൂറോളജി, പൾമണോളജി, ന്യൂറോളജി, ഇന്‍റേണല്‍ മെഡിസിൻ എന്നിവയിൽ സേവനം നൽകുന്ന സ്പെഷ്യലിസ്റ്റുകളും ആവശ്യാനുസരണം ഇവരുമായി ചേർന്നു പ്രവർത്തിക്കും. വ്യാവസായിക മേഖലകളിൽ അത്യാഹിത ആരോഗ്യ പരിചരണം, ആരോഗ്യ സ്‌ക്രീനിംഗുകൾ എന്നിവയെക്കുറിച്ചുള്ള ബോധ വൽക്കരണ ക്യാമ്പയിനുകളും പുതിയ അത്യാഹിത വിഭാഗം സംഘടിപ്പിക്കും.

മുസ്സഫയിലെ വ്യാവസായിക മേഖലയിലും പരിസരത്തും നൂതന ആരോഗ്യ സംരക്ഷണ വ്യവസ്ഥ സൃഷ്ടിക്കുന്നതിനുള്ള മറ്റൊരു ചുവടു വെപ്പാണ് ലൈഫ്‌ കെയർ ഹോസ്പിറ്റൽ പുതിയ അത്യാഹിത സേവനങ്ങള്‍ എന്ന് അത്യാഹിത വിഭാഗം തലവൻ ഡോ. ഹുസൈൻ ക്സാർ ബാസി അൽ-ഷമ്രി പറഞ്ഞു.

അത്യാഹിത വിഭാഗം മുസ്സഫ മേഖലയില്‍ ഉള്ളവര്‍ക്ക് ഏറ്റവും മികച്ച ആരോഗ്യ പരിചരണവും വിദഗ്ധ സേവനങ്ങളും ലഭ്യമാക്കും എന്ന് ബുർജീൽ ഹോൾഡിംഗ്‌സ് സി. ഇ. ഒ. ജോൺ സുനിൽ പറഞ്ഞു. ഇതിനായുള്ള പിന്തുണക്കും മാർഗ്ഗ നിർദ്ദേശങ്ങൾക്കും അബുദാബി ആരോഗ്യ വകുപ്പ് (DoH) അടക്കമുള്ള അധികൃതർക്ക് അദ്ദേഹം നന്ദി പറഞ്ഞു.

- pma

വായിക്കുക: , , , ,

അഭിപ്രായം എഴുതുക »

പേലി മിഡിൽ ഈസ്റ്റ് ക്ലിനിക്ക് ബുർജീൽ മെഡിക്കൽ സിറ്റിയിൽ

January 11th, 2023

dr-paley-middle-east-clinic-in-burjeel-medical-city-ePathram
അബുദാബി : മിഡിൽ ഈസ്റ്റിലെ ഏറ്റവും വലിയ ആരോഗ്യ സേവന ദാതാക്കളില്‍ ഒന്നായ ബുർജീൽ ഹോൾഡിംഗ്സ്, പ്രശസ്ത അസ്ഥി രോഗ വിദഗ്ദൻ ഡോ. ഡ്രോർ പേലിയുമായി ചേർന്ന് സങ്കീർണ്ണ ശസ്ത്ര ക്രിയകളും സേവനങ്ങളും പ്രദാനം ചെയ്യുന്ന ക്ലിനിക്ക് അബുദാബിയിൽ തുറന്നു.

സങ്കീർണ മെഡിക്കൽ സേവനങ്ങളിലും ശിശു രോഗ ചികിത്സാ വിഭാഗത്തിലെ ഉപ സ്പെക്ഷ്യാലിറ്റി കളിലും ശ്രദ്ധ ചെലുത്തുന്നതിന്‍റെ ഭാഗമായാണ് ഡോ. പേലിയു മായുള്ള ബുർജീൽ ഹോൾഡിംഗ്സിന്‍റെ പുതിയ പങ്കാളിത്തം. ബുർജീൽ മെഡിക്കൽ സിറ്റിയിൽ (ബി. എം. സി.) സ്ഥാപിച്ച പേലി മിഡിൽ ഈസ്റ്റ് ക്ലിനിക്ക്, മസ്കുലോസ്കെലെറ്റൽ പ്രശ്നങ്ങളുള്ളവർക്ക് ലോകോത്തര പരിചരണം നൽകി സങ്കീർണ്ണ ചികിത്സാ കേന്ദ്രമായി മാറുവാനാണ് ലക്ഷ്യം വെക്കുന്നത്.

ഇരുപതിനായിരത്തില്‍ അധികം കാൽ നീട്ടൽ ശസ്ത്ര ക്രിയകൾ ചെയ്തിട്ടുള്ള ഡോ. പേലിയുടെ മിഡിൽ ഈസ്റ്റിലെ ആദ്യ ക്ലിനിക്ക് ആണിത്. നൂറില്‍ അധികം വ്യത്യസ്‌ത ശസ്‌ത്ര ക്രിയകൾ വികസിപ്പിച്ച ഡോ. പേലി കാൽ നീട്ടൽ ശസ്ത്രക്രിയ, അസ്ഥി പുനർനിർമ്മാണം, കുട്ടികളുടെയും മുതിർന്നവരുടെയും കാൽ സന്ധി കളുടെ സംരക്ഷണം എന്നിവ കൈകാര്യം ചെയ്യുന്ന തിൽ ആഗോള തലത്തിൽ ശ്രദ്ധേയനാണ്.

ജന്മനായുള്ള അസ്ഥി വൈകല്യങ്ങൾ, പരിക്കുകളെ തുടർന്നുള്ള അസ്ഥികളുടെ സംരക്ഷണം, കാൽ വൈകല്യങ്ങൾ, സ്കെലെറ്റൽ ഡിസ്പ്ലാസിയ എന്നിവ ഉൾപ്പെടെയുള്ള പ്രത്യേക ഓർത്തോപീഡിക് അവസ്ഥ കളുടെ രോഗ നിർണ്ണയ ത്തിലും ചികിത്സ യിലും പുതിയ ക്ലിനിക്ക് നിർണ്ണായക സേവനങ്ങൾ ലഭ്യമാക്കും.

യു. എ. ഇ. യിൽ സേവനം ആരംഭിക്കുന്നതിൽ ഏറെ സന്തോഷം ഉണ്ട് എന്നും ലോകം എമ്പാടും ഉള്ള രോഗികളെ അത്യാധുനിക ചികിത്സകൾക്കായി ആകർഷിച്ച് സങ്കീർണ്ണ അസ്ഥിരോഗ ചികിത്സാ കേന്ദ്രമായി യു. എ. ഇ. യെ മാറ്റുകയാണ് ലക്ഷ്യം വെക്കുന്നത് – ഡോ. പേലി പറഞ്ഞു.

അന്താരാഷ്ട്ര തലത്തിലെ ഏറ്റവും മികച്ച ഡോക്ടർ മാരിലൂടെ ഏറ്റവും മികച്ച ചികിത്സാ സേവനങ്ങൾ യു. എ. ഇ. യിൽ ലഭ്യമാക്കാനുള്ള ബുർജീലിന്‍റെ ശ്രമ ങ്ങളുടെ തുടർച്ചയാണ് പേലി ക്ലിനിക്ക് എന്ന് ബുർജീൽ ഹോൾഡിംഗ്‌സ് സി. ഇ. ഒ. ജോൺ സുനിൽ പറഞ്ഞു.

ബുര്‍ജീല്‍ ഹോള്‍ഡിംഗ്സ് സ്ഥാപകനും ചെയര്‍മാനുമായ ഡോ. ഷംഷീര്‍ വയലില്‍ ബുര്‍ജീല്‍ ഹോള്‍ഡിംഗ്സ് ബിസിനസ്സ് ഡെവലപ്പ് മെന്‍റ് പ്രസിഡണ്ട് ഒമ്രാന്‍ അല്‍ഖൂരി, ബുര്‍ജീല്‍ ഹോള്‍ഡിംഗ്സ് സി. ഒ. ഒ. സഫീര്‍ അഹമ്മദ് എന്നിവരും പേലി ക്ലിനിക്ക് ഉദ്ഘാടന ചടങ്ങില്‍ പങ്കെടുത്തു.

- pma

വായിക്കുക: , , ,

അഭിപ്രായം എഴുതുക »

ആരോഗ്യ സേവനങ്ങള്‍ : ബുർജീലും അബുദാബി പോലീസും കൈ കോര്‍ത്തു

December 13th, 2022

health-sector-mou-signing-burjeel-holdings-with-abudhabi-police-ePathram
അബുദാബി : വൈദ്യ ശാസ്ത്രം, ശാസ്ത്ര ഗവേഷണം, വിദഗ്ദ പരിശീലനം എന്നീ മേഖലകളിൽ സഹകരിക്കു ന്നതിനും സേനാ അംഗങ്ങൾക്കും ജീവനക്കാർക്കും ഉന്നത നിലവാരമുള്ള മെഡിക്കൽ സേവനങ്ങൾ ലഭ്യമാക്കുവാനും അബുദാബി പോലീസ് ജനറൽ കമാൻഡും ബുർജീൽ ഹോൾഡിംഗ്സും തമ്മിൽ ധാരണയായി. അബുദാബി പോലീസ് ജനറൽ കമാൻഡ് ഫിനാൻസ് ആന്‍റ് സർവ്വീസസ് സെക്ടർ ഡയറക്ടർ മേജർ ജനറൽ ഖലീഫ മുഹമ്മദ് അൽ ഖൈലിയും ബുർജീൽ ഹോൾഡിംഗ്സ് സ്ഥാപകനും ചെയർമാനുമായ ഡോ. ഷംഷീർ വയലിലും ഇത് സംബന്ധിച്ച ധാരണാ പത്ര ത്തിൽ ഒപ്പു വച്ചു.

അനുഭവ സമ്പത്തും പ്രവർത്തന പരിചയവും പങ്കിടുവാനും മികവുറ്റ നൂതന സമ്പ്രദായങ്ങൾ അവലോകനം ചെയ്യുന്നതിനും ശാസ്ത്ര പുരോഗതിക്ക് അനുസൃതമായി പ്രകടന നിലവാരം ഉയർത്തുവാനും വിവിധ ഏജൻസികളുമായി പങ്കാളിത്തവും സഹകരണവും ശക്തമാക്കുവാന്‍ ഉള്ള അബുദാബി പോലീസിന്‍റെ ശ്രമങ്ങളുടെ ഭാഗമായാണ് പുതിയ കരാർ.

തന്ത്രപരമായ പങ്കാളിത്തം ശക്തിപ്പെടുത്താൻ അബുദാബി പോലീസ് നിരന്തര ശ്രമങ്ങളാണ് നടത്തുന്നത് എന്നും ജീവനക്കാർക്കും അവരുടെ കുടുംബങ്ങൾക്കും മികച്ച ആരോഗ്യ സേവനങ്ങൾ നൽകാൻ ബുർജീൽ ഹോൾഡിംഗ്സുമായുള്ള സഹകരണം വഴിയൊരുക്കും എന്നാണ് പ്രതീക്ഷ എന്നും മേജർ ജനറൽ ഖലീഫ മുഹമ്മദ് അൽ ഖൈലി പറഞ്ഞു.

mou-signing-burjeel-holdings-with-abudhabi-police-fields-of-medicine-and-scientific-research-ePathram

ധാരണ പ്രകാരം അബുദാബി പോലീസ് ജനറൽ കമാൻഡിലെ ജീവനക്കാർക്കും അവരുടെ കുടുംബ ങ്ങൾക്കും അബുദാബി, ദുബായ്, ഷാർജ, അൽ ഐൻ എന്നിവിടങ്ങളിലെ ബുർജീൽ ഹോൾഡിംഗ്സിനു കീഴിലുള്ള ആശുപത്രി കളിൽ ചികിത്സ തേടുന്നതിന് പ്രത്യേക പ്രിവിലേജ് കാർഡ് നൽകും.

യു. എ. ഇ. യിലും ഒമാനിലുമായി 16 ആശുപത്രികളും 23 മെഡിക്കൽ സെന്‍ററുകളും ഉള്ള ബുര്‍ജീലില്‍ വിദഗ്ദ ഡോക്ടർ മാരുടെ സേവനങ്ങളും അന്താരാഷ്ട്ര നിലവാരമുള്ള സൗകര്യങ്ങളും ഗുണ ഭോക്താക്കൾക്ക് ലഭ്യമാക്കും.

രാജ്യത്തെ പ്രധാന സുരക്ഷാ സേനകളില്‍ ഒന്നായ അബുദാബി പോലീസിലെ അംഗങ്ങൾക്കും അവരുടെ കുടുംബങ്ങൾക്കും മികച്ച ചികിത്സാ സൗകര്യങ്ങൾ നൽകു ന്നതിലും ശാസ്ത്ര ഗവേഷണ രംഗങ്ങളിൽ കൂട്ടായി പ്രവർത്തിക്കുന്നതിലും ഏറെ അഭിമാനം ഉണ്ട് എന്ന് ഡോ. ഷംഷീർ വയലിൽ പറഞ്ഞു.

ഉന്നത നിലവാരമുള്ള ആരോഗ്യ സേവനങ്ങൾ എല്ലാവർക്കും ലഭ്യമാക്കുക എന്ന ഞങ്ങളുടെ സാമൂഹ്യ ഉത്തര വാദിത്വത്തിന്‍റെ ഭാഗമായാണ് ഈ സഹകരണം എന്നും അദ്ദേഹം കൂട്ടിച്ചേർത്തു. യു. എ. ഇ. ആഭ്യന്തര മന്ത്രാലയം, വ്യാവസായിക സാങ്കേതിക മന്ത്രാലയം എന്നിവയുമായുള്ള സുപ്രധാന സഹകരണ കരാറു കൾക്ക് പിന്നാലെയാണ് അബുദാബി പോലീസ് ജനറൽ കമാൻഡുമായി ബുർജീൽ കൈ കോർക്കുന്നത്.

- pma

വായിക്കുക: , , , ,

അഭിപ്രായം എഴുതുക »

എൽ. എൽ. എച്ച്. ആശു പത്രിയിൽ വൈദ്യ ശാല പ്രവർത്തനം തുടങ്ങി

December 9th, 2022

vaidyashala-ayurveda-in-abudhabi-llh-hospital-ePathram
അബുദാബി : ആയുർവേദ വിദഗ്ദരുടെ സമഗ്ര സേവന ങ്ങൾ അബുദാബി യിൽ ലഭ്യമാക്കുക എന്ന ലക്ഷ്യ ത്തോടെ എൽ. എൽ. എച്ച്. ആശു പത്രിയിൽ ‘വൈദ്യ ശാല’ ആയുർ വേദ കേന്ദ്രം പ്രവർത്തനം തുടങ്ങി. ഇന്ത്യൻ എംബസി കോൺസൽ ഡോ. രാമസ്വാമി ബാലാജി കേന്ദ്രം ഉദ്ഘാടനം ചെയ്തു.

dr-ramaswamy-balaji-inagurating-vaidyashala-llh-ayurveda-hospital-ePathram

രോഗ ശാന്തി, പ്രതിരോധം, പുനരധിവാസം എന്നിവ യില്‍ ഊന്നിയുള്ള ആയുർ വേദ ചികിത്സയുടെ ഗുണ ഫലങ്ങളെപ്പറ്റി അവബോധം ഉയർന്നിട്ടുണ്ട് എന്ന് അദ്ദേഹം പറഞ്ഞു. ഇത് യു. എ. ഇ. അടക്കമുള്ള രാജ്യ ങ്ങളിൽ ആയുർ വേദത്തിന് പ്രചാരമേകുന്നുണ്ട്.

ആയുർവേദ ചികിത്സയെ ഇൻഷൂറൻസ് കവറേജ് പരിധിയിൽ കൊണ്ടു വരാനുള്ള അധികൃതരുടെ തീരുമാനം ഇക്കാര്യത്തിൽ ഏറെ സഹായകരമായി. വൈദ്യ ശാല പോലെയുള്ള ആയുർവേദ കേന്ദ്രങ്ങൾ അനുഭവ സമ്പന്നരായ ആയുർവേദ വിദഗ്ദരിൽ നിന്ന് മികച്ച നില വാരമുള്ള സേവനങ്ങൾ ലഭ്യമാക്കാൻ ജനങ്ങൾക്ക് സഹായകരമാകും എന്നും ഡോ. രാമ സ്വാമി ബാലാജി കൂട്ടിച്ചേർത്തു.

സാംക്രമികേതരമായ വിട്ടു മാറാത്ത രോഗങ്ങളുടെ ദോഷഫലങ്ങൾ ലഘൂകരിക്കുന്നതിനായി വിദഗ്ദ ഡോക്ടർമാരുടെ നേതൃത്വത്തിലാണ് വൈദ്യശാല പ്രവർത്തിക്കുക. സന്ധിവാതം, അലർജികൾ, ആസ്ത്മ, മൈഗ്രെയ്ൻ, ചർമ്മ രോഗങ്ങൾ, ഗൈനക്കോളജി സംബന്ധമായ പ്രശ്നങ്ങൾ എന്നിവക്ക് തെളിവുകൾ അടിസ്ഥാനമാക്കിയുള്ള ആയുർവേദ ചികിത്സയാണ് വൈദ്യശാല ഉറപ്പു നൽകുന്നത്.

ശാരീരിക വേദന, മാനസിക സമ്മർദ്ദം, ഉറക്കമില്ലായ്മ, എന്നിവയിൽ നിന്ന് മുക്തി നേടാനുള്ള ചികിത്സാ പാക്കേജു കളും ശരീര ഭാരം കുറക്കുക പ്രസവാനന്തര പരിചരണം, ഡിടോക്സ് ചികിത്സകൾ, ജീവിത ശൈലി പരിഷ്ക്കരണം എന്നിവക്കുള്ള സേവനങ്ങളും കേന്ദ്ര ത്തിൽ നിന്ന് ലഭ്യമാക്കാം.

ആധുനിക ചികിത്സാ രീതിയും പരമ്പരാഗത ആയുർ വേദവും സമന്വയിപ്പിച്ച് ഗുണ ഫലം ലഭ്യമാക്കാനാണ് ശ്രമം എന്ന് വൈദ്യശാല മേധാവി ഡോ. ശ്യാം വിശ്വ നാഥൻ പറഞ്ഞു. വിട്ടു മാറാത്ത രോഗങ്ങളുടെ ഫലങ്ങൾ കുറച്ചു കൊണ്ട് ആവശ്യമായ ആശ്വാസം നൽകുന്നതിൽ ആയുർവേദ സമ്പ്രദായം യു. എ. ഇ. യിലെ ജനങ്ങൾക്ക് ഏറെ ഗുണകരം ആകും എന്നും അദ്ദേഹം പറഞ്ഞു. FB Page

- pma

വായിക്കുക: , , , , , , ,

അഭിപ്രായം എഴുതുക »

10 of 77910112030»|

« Previous Page« Previous « കെ. കെ. ടി. എം. ഗവ. കോളേജ് അലുംനി കുടുംബ സംഗമം
Next »Next Page » എം. എ. യൂസഫലിക്ക് ഇന്‍റര്‍ നാഷണല്‍ ഇന്ത്യൻ ഐക്കണ്‍ പുരസ്‌കാരം സമ്മാനിച്ചു »



  • ലോഗോ പ്രകാശനം ചെയ്തു
  • കെ. എസ്. സി. ഈദ് ആഘോഷം ‘പെരുന്നാൾ നിലാവ്’ അരങ്ങേറി
  • കണ്ണൂർ ജില്ലാ കെ. എം. സി. സി. ഒരുക്കിയ ‘ഈദ് സംഗമം’ ശ്രദ്ധേയമായി
  • ഇമ ഇഫ്‌താർ വിരുന്നും കുടുംബ സംഗമവും
  • ഫാദേഴ്‌സ് എന്‍ഡോവ്‌മെന്റ് പദ്ധതി : ഡോ. ഷംഷീര്‍ വയലില്‍ അഞ്ച് ദശ ലക്ഷം ദിര്‍ഹം നല്‍കി
  • അബുദാബി മലയാളീസ് ഒരുക്കിയ ‘നൂറിഷ് റമദാൻ’ ശ്രദ്ധേയമായി
  • ഭരണാധികാരികൾക്ക് റമദാൻ ആശംസകൾ നേർന്ന് സലാം പാപ്പിനിശ്ശേരി
  • മുഹമ്മദ് ബിൻ സായിദ് ഫൗണ്ടേഷൻ ഫോർ ഹ്യുമാനിറ്റി സ്ഥാപിതമായി
  • ഇ. കെ. നായനാർ മെമ്മോറിയൽ ഫുട് ബോൾ : ഷാബിയ-നാദിസിയ മേഖലകൾ ചാമ്പ്യന്മാർ
  • സൗഹൃദ സ്നേഹ സംഗമമായി സമൂഹ നോമ്പുതുറ
  • ഇഖ്‌വ ഇഫ്‌താർ സൗഹൃദ സംഗമം
  • അനോര ഗ്ലോബൽ പുതിയ ഭരണ സമിതി
  • പത്തനംതിട്ട ജില്ലാ കെ. എം. സി. സി. റമദാൻ റിലീഫിന് തുടക്കമായി
  • ഇ. കെ. നായനാർ സ്മാരക റമദാൻ ഫുട് ബോൾ ടൂർണ്ണ മെന്റ് ശനിയാഴ്ച മുസ്സഫയിൽ
  • അബുദാബി മലയാളീസ് മെഡിക്കൽ ക്യാമ്പ് സംഘടിപ്പിച്ചു
  • ജ്വാല ഉത്സവ് 2025 ബ്രോഷർ പ്രകാശനം ചെയ്തു
  • കേരള സോഷ്യൽ സെന്റർ ഇഫ്‌താർ സംഗമം
  • ഐ. ഐ. സി. ഹോളി ഖുര്‍ആന്‍ : ബ്രോഷർ പ്രകാശനം ചെയ്തു
  • ഉപന്യാസ മത്സരം : സൃഷ്ടികൾ ക്ഷണിച്ചു
  • ഇഫ്താർ സംഗമവും അവാർഡ് ദാനവും സംഘടിപ്പിച്ചു



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine