ഗർഭ പാത്രത്തിലുള്ള കുഞ്ഞിൻ്റെ സങ്കീർണ്ണ ശസ്ത്ര ക്രിയ വിജയകരം

September 17th, 2023

burjeel-dr-mandeep-sing-repair-with-a-surgery-spina-bifida-ePathram
അബുദാബി : അമ്മയുടെ ഉദരത്തില്‍ ഗര്‍ഭാവസ്ഥയില്‍ കഴിയുന്ന കുഞ്ഞിന്‍റെ നട്ടെല്ലിലെ തകരാർ പരിഹരി ക്കുവാന്‍ ശസ്ത്ര ക്രിയക്ക് വിധേയയായ ശിശു രണ്ട് മാസത്തിന് ശേഷം ജീവിതത്തിലേക്ക്. കൊളംബിയൻ ദമ്പതികളുടെ കുഞ്ഞ് അബുദാബി ബുർജീൽ മെഡിക്കൽ സിറ്റിയില്‍ പിറന്നു.

സങ്കീർണ്ണ മെഡിക്കൽ കേസുകൾ കൈകാര്യം ചെയ്യുന്നതിലെ യു. എ. ഇ. യിലെ വൈദ്യ രംഗത്തിന്‍റെ വൈദഗ്ദ്യം വീണ്ടും ഒരിക്കല്‍ കൂടി തെളിയിച്ചിരി ക്കുകയാണ് മരിയ എന്ന കുഞ്ഞിന്‍റെ പിറവിയും മെച്ചപ്പെട്ട ആരോഗ്യ നിലയും.

ഗർഭാവസ്ഥയുടെ ഇരുപത്തി നാലാം ആഴ്ചയിൽ ശസ്ത്രക്രിക്കു വിധേയയായ ശിശു പിന്നീട് 37ാം ആഴ്ചയില്‍ ജനിച്ചു. കുഞ്ഞ് മരിയ വിയോലെറ്റ യുടെയും അമ്മ ലിസ് വാലന്‍റീന പരാ റോഡ്രിഗസിന്‍റെയും ആരോഗ്യ നില തൃപ്തികരം ആണെന്നും ആശുപത്രി യിൽ നിന്ന് ഡിസ്ചാർജ് ചെയ്തു ബുർജീൽ മെഡിക്കൽ സിറ്റി അധികൃതര്‍ അറിയിച്ചു.

spina-bifida-repair-in-burjeel-medical-city-ePathram

മുംബൈയിൽ കുടുംബ വേരുകളുള്ള ഡോ. മന്ദീപ് സിംഗ്, സ്‌പൈന ബൈഫിഡ ശസ്ത്ര ക്രിയ വിജയ കരമായി പൂർത്തിയാക്കിയ ആദ്യ ഇന്ത്യൻ വംശജനായി. ഡോ. മന്ദീപിന്‍റെ നേതൃത്വത്തിൽ ബുർജീൽ മെഡിക്കൽ സിറ്റിയിലെ കിപ്രോസ് നിക്കോളെയ്ഡ്‌സ് ഫീറ്റൽ മെഡിസിൻ ആൻഡ് തെറാപ്പി സെന്‍ററിലെ വിദഗ്ധ സംഘമാണ് ഗർഭസ്ഥ ശിശുവിന് ശസ്ത്രക്രിയ നടത്തിയത്.

ഗർഭ പാത്രത്തിൽ കീറലുണ്ടാക്കി ഗർഭസ്ഥ ശിശുവിനെ അൽപ്പം പുറത്തെടുത്തായിരുന്നു പിറകു വശത്ത് ശസ്ത്ര ക്രിയ. കുഞ്ഞിന്‍റെ നട്ടെല്ലിലെ വൈകല്യം പരിഹരിക്കാൻ ഡോക്ടർമാർ കൃത്രിമ പാച്ച് ഉണ്ടാക്കി. ഇതിനു ശേഷം അമ്നിയോട്ടിക് ദ്രാവകം വീണ്ടും ഗർഭ പാത്രത്തിലേക്ക് കുത്തി വച്ച് ഗർഭ പാത്രം അടച്ചു.

ഗർഭാവസ്ഥയുടെ ശേഷിക്കുന്ന കാലം ഗർഭ പാത്ര ത്തിൽ തന്നെ തുടർന്ന കുഞ്ഞ് 37 ആം ആഴ്ച സ്വാഭാവിക പ്രസവ ത്തിലൂടെയാണ് പുറത്തെത്തിയത്.

ഗൈനക്കോളജിസ്റ്റായ ഡോ. ഋതു നമ്പ്യാരാണ് മറിയത്തിന്‍റെ പിറവിക്ക് വൈദ്യ സഹായം നൽകിയത്. ജനന സമയത്ത് 2.46 കിലോഗ്രാം ഭാരമുള്ള കുഞ്ഞിന് പിറകിലെ ചർമത്തിൽ ചെറിയ വിടവുണ്ടായിരുന്നു. ന്യൂറോ സർജൻ ഡോ. എസ്സാം എൽഗമൽ ഇത് അടച്ചു.

പിറന്നു വീണു രണ്ടാഴ്ചയോളം നിയോനാറ്റോളജി ഡയറക്ടർ ഡോ. ഇവിയാനോ റുഡോൾഫ് ഒസുറ്റയുടെ നേതൃത്വത്തിലുള്ള നവജാത ശിശുക്കളുടെ മെഡിക്കൽ സംഘത്തിന്‍റെ പരിചരണത്തില്‍ കഴിഞ്ഞു കുഞ്ഞുമരിയ. കുട്ടിയുടെ ആരോഗ്യത്തിലും ഭാവിയെ കുറിച്ചും ശുഭാപ്തി വിശ്വാസം ഉണ്ട് എന്ന് ബുര്‍ജീലിലെ മെഡിക്കൽ സംഘം അറിയിച്ചു.

- pma

വായിക്കുക: , , , , , ,

അഭിപ്രായം എഴുതുക »

ഏക ദിന പഠന ക്യാമ്പ് ‘RECAP’ ശ്രദ്ധേയമായി

August 23rd, 2023

kmcc-recap-one-day-camp-ePathram
അബുദാബി : തവനൂർ നിയോജക മണ്ഡലം കെ. എം. സി. സി. കമ്മറ്റി ‘RECAP’ എന്ന ശീർഷകത്തിൽ ഇന്ത്യന്‍ ഇസ്ലാമിക് സെന്‍ററിൽ സംഘടിപ്പിച്ച ഏക ദിന പഠന ക്യാമ്പ്, പരിപാടിയുടെ വൈവിധ്യത്താല്‍ ശ്രദ്ധേയമായി.

മണ്ഡലം കെ. എം. സി. സി. കമ്മിറ്റി പ്രസിഡണ്ട് നാസർ മംഗലം അദ്ധ്യക്ഷത വഹിച്ചു. അബുദാബി കെ. എം. സി. സി. പ്രസിഡണ്ട് ശുക്കൂറലി കല്ലിങ്ങൽ ഉൽഘാടനം ചെയ്തു. റസ്മുദ്ധീൻ തൂമ്പിൽ ഖിറാഅത്ത് നടത്തി. ബാഫഖി തങ്ങള്‍, ശിഹാബ് തങ്ങള്‍ എന്നീ മഹാന്മാരെ അനുസ്മരിച്ചു സംസാരിച്ചു. ഹസീബ് പുറത്തൂർ അനുസ്മരണ ഗാനം ആലപിച്ചു.

thavanoor-kmcc-recap-ePathram

‘ആരോഗ്യം’ എന്ന വിഷയത്തില്‍ ഡോക്ടര്‍ നവീൻ ഹൂദ്, ‘പ്രവാസി ക്ഷേമ പദ്ധതികൾ’ എന്ന വിഷയ ത്തില്‍ നിർമൽ തോമസ് എന്നിവര്‍ ക്ലാസുകളെടുത്തു.

മലപ്പുറം ജില്ലാ മുസ്ലിം ലീഗ് വൈസ് പ്രസിഡണ്ട് ഇബ്രാഹിം മൂദൂർ മുഖ്യാതിഥി ആയിരുന്നു. ഇസ്ലാമിക് സെന്‍റർ ട്രഷറർ ഹിദായത്തുള്ള പറപ്പൂർ, കെ. എം. സി. സി. നേതാക്കളായ ബാസിത്, റഷീദ് പട്ടാമ്പി, ഹംസ ക്കോയ, നൗഷാദ് തൃപ്രങ്ങോട്, അഷറഫലി പുതുക്കൂടി, അബ്ദുറഹ്മാൻ മുക്രി, ഷാഹിദ് കോട്ടക്കൽ, സിറാജ്, ഇസ്മായിൽ ഏറാമല എന്നിവര്‍ സംസാരിച്ചു.

ഹംസക്കുട്ടി തൂമ്പിൽ, നൗഫൽ ആലിങ്ങൽ എന്നിവർ വിവിധ സെഷനുകൾ നിയന്ത്രിച്ചു. നൗഫൽ ചമ്രവട്ടം, നിസാർ കാലടി, ബീരാൻ പൊയ്ലിശ്ശേരി, അനീഷ് മംഗലം വിവിധ സെഷനുകളിൽ സ്വാഗതവും റഹീം തണ്ഡലം, അഷ്‌റഫ്‌ മുട്ടനൂർ, മനാഫ് തവനൂർ, മുഹമ്മദ്‌ വട്ടംകുളം വിവിധ സെഷനുകളിൽ നന്ദിയും പറഞ്ഞു.

കൾച്ചറൽ വിംഗ് കൺവീനർ ഹസീബ് പടിഞ്ഞാറേക്കരയുടെ നേതൃത്വത്തില്‍ വിവിധ പരിപാടികള്‍ അരങ്ങേറി.

- pma

വായിക്കുക: , , , ,

അഭിപ്രായം എഴുതുക »

മെഡിക്കൽ ക്യാമ്പ്‌ സംഘടിപ്പിച്ചു

August 13th, 2023

blood-donation-epathram

അബുദാബി :  എല്‍. എല്‍. എച്ച്. ആശുപത്രിയുടെ സഹകരണത്തോടെ തൃപ്രങ്ങോട് പഞ്ചായത്ത് കെ. എം. സി. സി. കമ്മിറ്റി സൗജന്യ മെഡിക്കൽ ക്യാമ്പ്‌ സംഘടിപ്പിച്ചു. വിവിധ വിഭാഗങ്ങളിലെ ഡോക്ടർമാർ പങ്കെടുത്ത ക്യാമ്പില്‍ നൂറില്‍ അധികം കെ. എം. സി. സി. പ്രവര്‍ത്തകര്‍ സംബന്ധിച്ചു.

ക്യാമ്പിന്‍റെ ഉല്‍ഘാടന യോഗത്തില്‍ ആരിഫ് ആലത്തിയൂർ അദ്ധ്യക്ഷത വഹിച്ചു. അസീസ് കാളിയാടൻ ഉദ്ഘാടനം ചെയ്തു. ഡോക്ടര്‍. കൃഷ്ണ പ്രസാദ് ബോധ വല്‍ക്കരണ ക്ലാസ് നടത്തി.

jeevan-raksha-llh-privilage-card-ePathram

കെ. എം. സി. സി. അംഗങ്ങള്‍ക്കുള്ള ‘ജീവൻ രക്ഷ’ പ്രിവിലേജ്‌‌ കാർഡ്‌ വിതരണം എല്‍. എല്‍. എച്ച്. ആശുപത്രി റിലേഷൻ ഷിപ്പ് ഓഫീസർ സലീം നാട്ടിക തവനൂർ മണ്ഡലം പ്രസിഡണ്ട് ടി. കെ. നാസറിന് കൈമാറി. റഷീദ് പട്ടാമ്പി, അഷ്റഫ് അലി, നൗഷാദ് തൃപ്രങ്ങോട്, ഷാഹിദ് ചെമ്മുക്കൻ, സിറാജ് ആതവനാട്, നൗഫൽ ചമ്രവട്ടം എന്നിവർ സംസാരിച്ചു.

നൗഫൽ ആലുങ്ങൾ, കാദർ ചമ്രവട്ടം, ഷമീർ പെരുന്തല്ലൂർ, മുഹമ്മദ്കുട്ടി എന്നിവർ ക്യാമ്പിന് നേതൃത്വം നൽകി. താജുദ്ധീൻ ചമ്രവട്ടം സ്വാഗതവും ട്രഷറർ അയ്യൂബ് കൈനിക്കര നന്ദിയും പറഞ്ഞു.

- pma

വായിക്കുക: , , , ,

അഭിപ്രായം എഴുതുക »

അഡ്നോക് അല്‍ ദന്ന ആശുപത്രി യുടെ പ്രവര്‍ത്തന നടത്തിപ്പ് ചുമതല ബുര്‍ജീലിന്

July 25th, 2023

adnoc-s-al-dannah-hospital-operation-to-burjeel-holdings-ePathram
അബുദാബി : അഡ്നോക് ഉടമസ്ഥതയിലുള്ള അല്‍ ദഫ്ര മേഖലയിലെ ഏറ്റവും വലിയ ആശുപത്രിയുടെ പ്രവര്‍ത്തന ത്തിനും നടത്തിപ്പിനും ഉളള ചുമതല മിഡില്‍ ഈസ്റ്റിലെ ഏറ്റവും വലിയ ആരോഗ്യ സേവന ദാതാക്കളില്‍ ഒന്നായ ബുര്‍ജീല്‍ ഹോള്‍ഡിംഗ്സ് കരസ്ഥമാക്കി. ആരോഗ്യ സ്ഥാപനങ്ങളുടെ ഓപ്പറേഷന്‍ & മാനേജ്മെന്‍റ് രംഗത്തെ മികവിനുള്ള അംഗീകാരം ആയിട്ടാണ് പടിഞ്ഞാറന്‍ മേഖലയിലെ സുപ്രധാന ആശു പത്രി യുടെ പൂര്‍ണ്ണ ചുമതല ബുര്‍ജീല്‍ ഗ്രൂപ്പിന് കൈ വരുന്നത്.

അഡ്‌നോക് ജീവനക്കാർക്കും കുടുംബങ്ങൾക്കും അൽ ദഫ്ര മേഖലയിലെ ജനങ്ങൾക്കും മികച്ച ആരോഗ്യ സേവനങ്ങൾ പ്രദാനം ചെയ്യുക എന്ന ലക്ഷ്യത്തോടെ യാണ് ആശുപത്രിയുടെ ചുമതല ബുർജീൽ ഹോൾഡിംഗ്സിനു നൽകിയത്.

ഡോ. ഷംഷീർ വയലിൽ ചെയർമാനായ ബുർജീൽ ഹോള്‍ഡിംഗ്സ് വിവിധ രാജ്യങ്ങളിൽ പ്രവർത്തന വിപുലീകരണ പദ്ധതികളുമായി മുന്നോട്ടു പോകുന്നതിനിടെയാണ് അഡ്‌നോക് നിർണ്ണായക ചുമതല ബുര്‍ജീല്‍ ഗ്രൂപ്പിനെ ഏൽപ്പിക്കുന്നത്. സംയോജിത ക്ലിനിക്കൽ പ്രവർത്തനങ്ങൾ, ഏകോപിത നടപടികൾ, രോഗീ കേന്ദ്രീ കൃതമായ പരിചരണം എന്നിവയിലൂടെ ആഗോള നിലവാരത്തില്‍ ഉള്ള സേവനങ്ങൾ മേഖല യിൽ ലഭ്യമാക്കുവാൻ ഈ നിയമനം ഗ്രൂപ്പിനെ പ്രാപ്തമാക്കും.

ആരോഗ്യ സേവന രംഗത്തെ അനുഭവ സമ്പത്ത് മുതൽക്കൂട്ടാക്കി ക്കൊണ്ട് അൽ ദന്ന ആശു പത്രി യിൽ കൂടുതല്‍ മികച്ച സേവന ങ്ങൾ ലഭ്യമാക്കും എന്ന് ബുർജീൽ ഹോൾഡിംഗ്സ് സി. ഇ. ഒ. ജോൺ സുനിൽ അറിയിച്ചു.

വിദഗ്ദ്ധരും പരിചയ സമ്പന്നരുമായ മെഡിക്കൽ സംഘത്തെ ആശുപത്രിയുടെ കാര്യക്ഷമത ഉറപ്പാക്കുവാനായി വിന്യസിക്കും. മികച്ച രോഗീ പരിചരണം നൽകുന്നതിനുള്ള വിപുലമായ സാങ്കേതിക സംവിധാനങ്ങൾ ഗ്രൂപ്പിനുണ്ട്. ട്രോമ, സ്ത്രീകളുടെ പരിചരണം, പീഡിയാട്രിക്സ്, ഓർത്തോ പീഡിക്സ്, നട്ടെല്ല്, ന്യൂറോ കെയർ, അവയവം മാറ്റി വെക്കൽ എന്നിവ ഉൾപ്പെടെ സങ്കീർണ്ണ ചികിത്സ പ്രദാനം ചെയ്യുന്നതിലെ വൈദഗ്ദ്യമാണ് ബുർജീൽ ഹോൾഡിംഗ്സിന്‍റെ മറ്റൊരു സവിശേഷത.

ഒക്യുപേഷണൽ മെഡിസിൻ, ഓർത്തോ പീഡിക്‌സ്, പീഡിയാട്രിക്‌സ്, അത്യാഹിത വിഭാഗം എന്നിവ യടക്കമുള്ള മൾട്ടി-സ്പെഷ്യാലിറ്റി സേവനങ്ങളാണ് ജോയിന്‍റ് കമ്മീഷൻ ഇന്‍റർ നാഷണലിന്‍റെ (ജെ. സി.ഐ.) അംഗീകാരം ഉള്ള അൽ ദന്ന ഹോസ്പിറ്റൽ പ്രദാനം ചെയ്യുന്നത്.

- pma

വായിക്കുക: , , ,

അഭിപ്രായം എഴുതുക »

പൂർവ്വ വിദ്യാർത്ഥി കൂട്ടായ്മ നിവേദനം നൽകി

May 30th, 2023

അബുദാബി : പൂടുംങ്കല്ല് ആശുപത്രിയുടെ അടിസ്ഥാന സൗകര്യം വർദ്ധിപ്പിച്ച് ആശുപത്രിയിൽ ആവശ്യത്തിന് ഡോക്ടർമാരുടെയും മറ്റു സ്റ്റാഫുകളുടെയും ഒഴിവുകൾ നികത്തുവാനും അത്യാഹിത വിഭാഗം സ്ഥാപിച്ച് അപകടങ്ങളില്‍ പെടുന്നവരും ഹൃദയാഘാതം പോലെ യുള്ള എമര്‍ജന്‍സി കേസുകള്‍ അറ്റന്‍ഡ് ചെയ്യാനും സൗകര്യം ഒരുക്കണം എന്ന് ആവശ്യപ്പെട്ടും ഹോളി ഫാമിലി സ്കൂളിന് ഒരു സ്കൂൾ ബസ്സ് അനുവദി ക്കണം എന്ന് ആവശ്യപ്പെട്ടും കാസർ കോട് എം. പി. രാജ്‌ മോഹൻ ഉണ്ണിത്താന് ഹോളി ഫാമിലി ഹയർ സെക്കൻഡറി സ്കൂൾ യു. എ. ഇ. കൂട്ടായ്മ അബുദാബി ഘടകം നിവേദനം നൽകി.

- pma

വായിക്കുക: , , , ,

അഭിപ്രായം എഴുതുക »


« Previous Page« Previous « വാണിമേൽ സംഗമം : പുരസ്കാരങ്ങൾ സമ്മാനിച്ചു
Next »Next Page » പ്രവാസി സംഘടനകൾ ജീവ കാരുണ്യ പ്രവർത്തനങ്ങൾക്ക് മാതൃക »



  • ലോഗോ പ്രകാശനം ചെയ്തു
  • കെ. എസ്. സി. ഈദ് ആഘോഷം ‘പെരുന്നാൾ നിലാവ്’ അരങ്ങേറി
  • കണ്ണൂർ ജില്ലാ കെ. എം. സി. സി. ഒരുക്കിയ ‘ഈദ് സംഗമം’ ശ്രദ്ധേയമായി
  • ഇമ ഇഫ്‌താർ വിരുന്നും കുടുംബ സംഗമവും
  • ഫാദേഴ്‌സ് എന്‍ഡോവ്‌മെന്റ് പദ്ധതി : ഡോ. ഷംഷീര്‍ വയലില്‍ അഞ്ച് ദശ ലക്ഷം ദിര്‍ഹം നല്‍കി
  • അബുദാബി മലയാളീസ് ഒരുക്കിയ ‘നൂറിഷ് റമദാൻ’ ശ്രദ്ധേയമായി
  • ഭരണാധികാരികൾക്ക് റമദാൻ ആശംസകൾ നേർന്ന് സലാം പാപ്പിനിശ്ശേരി
  • മുഹമ്മദ് ബിൻ സായിദ് ഫൗണ്ടേഷൻ ഫോർ ഹ്യുമാനിറ്റി സ്ഥാപിതമായി
  • ഇ. കെ. നായനാർ മെമ്മോറിയൽ ഫുട് ബോൾ : ഷാബിയ-നാദിസിയ മേഖലകൾ ചാമ്പ്യന്മാർ
  • സൗഹൃദ സ്നേഹ സംഗമമായി സമൂഹ നോമ്പുതുറ
  • ഇഖ്‌വ ഇഫ്‌താർ സൗഹൃദ സംഗമം
  • അനോര ഗ്ലോബൽ പുതിയ ഭരണ സമിതി
  • പത്തനംതിട്ട ജില്ലാ കെ. എം. സി. സി. റമദാൻ റിലീഫിന് തുടക്കമായി
  • ഇ. കെ. നായനാർ സ്മാരക റമദാൻ ഫുട് ബോൾ ടൂർണ്ണ മെന്റ് ശനിയാഴ്ച മുസ്സഫയിൽ
  • അബുദാബി മലയാളീസ് മെഡിക്കൽ ക്യാമ്പ് സംഘടിപ്പിച്ചു
  • ജ്വാല ഉത്സവ് 2025 ബ്രോഷർ പ്രകാശനം ചെയ്തു
  • കേരള സോഷ്യൽ സെന്റർ ഇഫ്‌താർ സംഗമം
  • ഐ. ഐ. സി. ഹോളി ഖുര്‍ആന്‍ : ബ്രോഷർ പ്രകാശനം ചെയ്തു
  • ഉപന്യാസ മത്സരം : സൃഷ്ടികൾ ക്ഷണിച്ചു
  • ഇഫ്താർ സംഗമവും അവാർഡ് ദാനവും സംഘടിപ്പിച്ചു



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine