മദേഴ്‌സ് എൻഡോവ്‌മെൻ്റ് ക്യാംപയിൻ : ഡോ. ഷംഷീർ വയലിൽ ഒരു മില്യൺ ദിർഹം സംഭാവന നൽകി

April 2nd, 2024

dr-shamsheer-vayalil-burjeel-holdings-ePathram
ദുബായ് : അമ്മമാർക്ക് ആദരവ് അർപ്പിക്കുവാൻ യു. എ. ഇ. വൈസ് പ്രസിഡണ്ടും പ്രധാന മന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിൻ റാഷിദ് അൽ മഖ്‌തൂം തുടങ്ങിയ മദേഴ്‌സ് എൻഡോവ്‌മെൻ്റ് ക്യാംപയിനിലേക്ക് ഒരു മില്യൺ ദിർഹം (2.25 കോടി രൂപ) സംഭാവന പ്രഖ്യാപിച്ച് ബുർജീൽ ഹോൾഡിംഗ്സ് സ്ഥാപകനും ചെയർമാനുമായ ഡോ. ഷംഷീർ വയലിൽ.

സ്വന്തം അമ്മമാരോടുള്ള ആദര സൂചകമായി സംഭാവന നൽകാൻ ആഹ്വാനം ചെയ്യുന്ന ഉദ്യമം വിദ്യാഭ്യാസത്തിലൂടെ അധഃസ്ഥിതരായ വ്യക്തികളെ പിന്തുണക്കുവാനും ശാക്തീകരിക്കാനുമാണ് ലക്ഷ്യമിടുന്നത്. മാതാ പിതാക്കളെ ബഹുമാനിക്കുന്ന മൂല്യങ്ങൾ, ദയ, അനുകമ്പ, ഐക്യ ദാർഢ്യം എന്നിവ പ്രോത്സാഹിപ്പിക്കുക എന്നതോടൊപ്പം മാനുഷിക ദൗത്യങ്ങളിലെ യു. എ. ഇ. യുടെ പങ്ക് ഉയർത്തിക്കാട്ടുക കൂടിയാണ് മദേഴ്‌സ് എൻഡോവ്‌മെൻ്റ്.

ലോകത്തിലെ ദുരിതങ്ങൾ ലഘൂകരിച്ചു കൊണ്ട് ദയയിലും അനുകമ്പയിലും ഊന്നിയ യു. എ. ഇ. യുടെ സന്ദേശം വ്യാപിപ്പിക്കുകയാണ് ഹിസ് ഹൈനസ് ശൈഖ് മുഹമ്മദ് ബിൻ റാഷിദ് അൽ മഖ്‌തൂം ആരംഭിച്ച മദേഴ്‌സ് എൻഡോവ്‌ മെൻ്റ് ക്യാംപയിൻ എന്ന് ഡോ. ഷംഷീർ പറഞ്ഞു. മുഹമ്മദ് ബിൻ റാഷിദ് അൽ മഖ്‌തൂം ഗ്ലോബൽ ഇനിഷ്യേറ്റീ വിൻ്റെ സാമൂഹ്യ പ്രതിബദ്ധതക്കും യു. എ. ഇ. യുടെ സഹായ സന്നദ്ധത പിന്തുണ ഏകിയാണ് ക്യാംപയിനിലേക്കുള്ള സംഭാവന എന്നും അദ്ദേഹം കൂട്ടിച്ചേർത്തു.

ആഗോള തലത്തിലെ മാനുഷികവും വികസന പരവുമായ സംരംഭങ്ങൾക്കുള്ള ഏറ്റവും വലിയ പ്രാദേശിക ഫൗണ്ടേഷൻ, മുഹമ്മദ് ബിൻ റാഷിദ് അൽ മഖ്‌തൂം ഗ്ലോബൽ ഇനിഷ്യേറ്റീവിന് കീഴിലാണ് മദേഴ്‌സ് എൻഡോവ്‌മെൻ്റ് പുരോഗമിക്കുന്നത്. ശൈഖ് മുഹമ്മദ് ബിൻ റാഷിദ് അൽ മക്തൂമിൻ്റെ നിർദ്ദേശ പ്രകാരം മുൻ വർഷങ്ങളിൽ നടപ്പാക്കിയ മാനുഷിക ഉദ്യമങ്ങളുടെ നേട്ടങ്ങളെ അടിസ്ഥാനമാക്കിയാണ് ഈ വർഷത്തെ പരിപാടി.

- pma

വായിക്കുക: , , , , , , , , , ,

അഭിപ്രായം എഴുതുക »

ഇന്ത്യൻ മീഡിയ അബുദാബിയുടെ ഇഫ്താർ സംഗമം

April 2nd, 2024

ima-indian-media-abudhabi-ifthar-2024-ePathram
അബുദാബി : ഇന്ത്യൻ മീഡിയ അബുദാബി (I M A) ഇഫ്താർ സംഗമം സംഘടിപ്പിച്ചു. അബുദാബി മുഷ്‌രിഫ് മാളിലെ ഇന്ത്യാ പാലസില്‍ നടന്ന ഇഫ്താറില്‍ ഇന്ത്യന്‍ എംബസ്സി തേര്‍ഡ് സെക്രട്ടറി (പ്രസ്സ് & ഇന്‍ഫര്‍മേഷന്‍) അനീസ് ഷഹല്‍, ബിന്‍ അലി മെഡിക്കല്‍ & സെയ്ഫ് കെയര്‍ മെഡിക്കല്‍ ഇന്‍ഡസ്ട്രീസ് സി. ഇ. ഒ. ഒമര്‍ അലി എന്നിവര്‍ മുഖ്യ അതിഥികൾ ആയിരുന്നു.

എസ്. എഫ്. സി. ഗ്രൂപ്പ് വൈസ് പ്രഡിസണ്ട് (ബിസിനസ്സ് ഡവലപ്പ് മെന്റ് & ഓപ്പറേഷന്‍സ്) ജോര്‍ജ്ജ് ജോസഫ്, കോര്‍പ്പറേറ്റ് എക്‌സലന്‍സ് ഓഫീസര്‍ അന്‍ഡലീപ് മന്നന്‍ എന്നിവരും ഇഫ്താറില്‍ സംബന്ധിച്ചു. അനീസ് ഷഹൽ, ഒമര്‍ അലി എന്നിവരെ ആദരിച്ചു.

പ്രസിഡണ്ട് എന്‍. എം. അബൂബക്കര്‍ (മലയാള മനോരമ), ജനറല്‍ സെക്രട്ടറി ടി. എസ്. നിസാമുദ്ദീന്‍ (മാധ്യമം), വൈസ് പ്രസിഡണ്ട് പി. എം. അബ്ദുല്‍ റഹ്‌മാന്‍ (ഇ-പത്രം), ജോയിന്റ് സെക്രട്ടറി അനില്‍ സി. ഇടിക്കുള (ദീപിക), ഭരണ സമിതി അംഗങ്ങളായ റസാഖ് ഒരുമനയൂര്‍ (ചന്ദ്രിക), സഫറുല്ല പാലപ്പെട്ടി (ദേശാഭിമാനി), സമീര്‍ കല്ലറ (24/7) എന്നിവര്‍ നേതൃത്വം നല്‍കി.

- pma

വായിക്കുക: , , , , , , ,

അഭിപ്രായം എഴുതുക »

മാധ്യമ പ്രവർത്തകരുടെ തിരിച്ചറിയൽ കാർഡ് പുറത്തിറക്കി

November 23rd, 2022

pm-abdul-rahiman-ima-press-card-ePathram
അബുദാബി : ഇന്ത്യന്‍ മീഡിയ അബുദാബി (ഇമ) അംഗ ങ്ങളുടെ തിരിച്ചറിയൽ കാർഡ് പുറത്തിറക്കി. മുസ്സഫ മുഹമ്മദ് ബിൻ സായിദ് സിറ്റിയിലെ ബുർജീൽ മെഡിക്കൽ സിറ്റിയിൽ നടന്ന ലളിതമായ ചടങ്ങില്‍ വെച്ചാണ് ബുർജീൽ ഹോൾഡിംഗ്സ് സ്ഥാപകനും ചെയർമാനുമായ ഡോക്ടർ ഷംഷീർ വയലിൽ  ഇമ തിരിച്ചറിയൽ കാർഡ് പുറത്തിറക്കിയത്.

ima-press-card-release-by-dr-shamsheer-vayalil-burjeel-ePathram

ബുർജീൽ ഹോൾഡിംഗ്സ് സി. ഒ. ഒ. സഫീർ അഹമ്മദ്, ബുർജീൽ ഹോൾഡിംഗ്സ് കമ്യൂണിക്കേഷൻസ് ഓഫീസർ എം. ഉണ്ണി കൃഷ്ണൻ, ബുർജീൽ ഹോൾഡിംഗ്സ് ചെയർമാൻ ഓഫീസ് മാനേജർ എ. വിജയ കുമാർ, മുഹമ്മദ് സർഫറാസ് (ചെയർമാൻ ഓഫീസ്) എന്നിവരും ഇമയുടെ മാനേജിംഗ് കമ്മിറ്റി അംഗ ങ്ങളായ എൻ. എം. അബൂബക്കർ, ടി. എസ്. നിസാമുദ്ദീൻ, ടി. പി. ഗംഗാധരൻ, റാഷിദ് പൂമാടം, റസാഖ് ഒരുമനയൂർ എന്നിവരും സംബന്ധിച്ചു.

- pma

വായിക്കുക: , , , , ,

അഭിപ്രായം എഴുതുക »

സദു അഴിയൂര്‍ : അദ്ധ്യാപകരിലെ സൌമ്യ സാന്നിദ്ധ്യം

April 27th, 2012

artist-sadhu-azhiyur-artista-art-group-ePathram
ദുബായ് : പ്രശസ്ത ജലച്ഛായ ചിത്രകാരനായ സദു അഴിയൂരിനെ അദ്ദേഹ ത്തിന്റെ വിദ്യാര്‍ത്ഥി കളായ ആര്‍ട്ടിസ്റ്റ ആര്‍ട്ട് ഗ്രൂപ്പിലെ അംഗങ്ങള്‍ ദുബായില്‍ വരവേറ്റു.

വളരെ അധികം പ്രയാസ കരവും വെല്ലുവിളികള്‍ ഉള്ളതുമായ ജലച്ഛായ ചിത്ര രചന യില്‍ തന്റെതായ വ്യക്തി മുദ്ര പതിപ്പിച്ച വ്യക്തി യാണ് സദു അഴിയൂര്‍. തന്റെ അസാമാന്യമായ പാടവവും കഴിവുകളും ഓരോ ചിത്രങ്ങളിലും പ്രതിഫലി പ്പിക്കുന്നതില്‍ സദു അഴിയൂര്‍ ശ്രദ്ധിച്ചിരുന്നു.

കണ്മുന്നില്‍ കാണുന്ന, അല്ലെങ്കില്‍ മനസ്സില്‍ വിരിയുന്ന ഓരോ സ്ഥലങ്ങളും ദൃശ്യങ്ങളും അതിന്റെതായ തനിമ യോടെ അവതരിപ്പി ക്കുന്നതില്‍ സദു അഴിയൂര്‍ ശ്രമിച്ച തിന്റെ അംഗീകാരം ആണ് അദ്ദേഹത്തിന് ഈ വര്‍ഷം ലഭിച്ച കേരള ലളിത കലാ അക്കാദമി അവാര്‍ഡ്. കേരളത്തിന് അകത്തും പുറത്തും ചിത്ര പ്രദര്‍ശനം നടത്തി പ്രസിദ്ധനാണ് അദ്ദേഹം.

audiance-of-artista-art-group-reception-sadhu-azhiyur-ePathram

അദ്ധ്യാപകരിലെ സൌമ്യ സാന്നിദ്ധ്യമാണ് സദു അഴിയൂര്‍. ജലച്ചായ ചിത്ര രചനയില്‍ അവാര്‍ഡ് ലഭിക്കുന്ന അപൂര്‍വ്വം ചിലരില്‍ അദ്ദേഹം അറിയ പ്പെടുന്നതില്‍ നമുക്ക് അഭിമാനിക്കാം എന്ന് ആര്‍ട്ടിസ്റ്റ ആര്‍ട്ട് ഗ്രൂപ്പിലെ അംഗങ്ങള്‍ പറഞ്ഞു.

ചിത്രകാരന്മാരായ റോയ് മാത്യു, ശ്രീമ ശ്രീരാജ്, ജോഷ്‌ കുമാര്‍, ഹരിഷ്‌ കൃഷ്ണന്‍, ബാബു, ഷാജഹാന്‍ ഡി എക്സ് ബി, കാര്‍ട്ടൂണിസ്റ്റ് അജിത്ത് എന്നിവര്‍ ദുബായ് ജെ. എസ്. എസ്. സ്കൂള്‍ അങ്കണ ത്തില്‍ നടന്ന ചടങ്ങില്‍ ആശംസകള്‍ അര്‍പ്പിച്ചു. ആര്‍ടിസ്റ്റ് ശശിന്‍സ ചടങ്ങില്‍ നന്ദി രേഖപ്പെടുത്തി.

- pma

വായിക്കുക: , , ,

അഭിപ്രായം എഴുതുക »

സഹൃദയ അഴീക്കോട് പുരസ്ക്കാരം പ്രഖ്യാപിച്ചു

February 26th, 2012

sahrudhaya-azheekodu-awards-2012-ePathram
ദുബായ് : 2012 ലെ സഹൃദയ – അഴീക്കോട് പുരസ്‌ക്കാരങ്ങള്‍ പ്രഖ്യാപിച്ചു. സലഫി ടൈംസ് സ്വതന്ത്ര പത്രിക യുടേയും കേരള റീഡേഴ്‌സ് & റൈറ്റേഴ്‌സ് സര്‍ക്കിള്‍ ചാപ്റ്റര്‍ (ദുബായ് വായനക്കൂട്ടം) സംയുക്താഭി മുഖ്യത്തില്‍ നാട്ടിലും മറു നാടുകളിലും കഴിഞ്ഞ നാല് പതിറ്റാണ്ടുകളായി സാമൂഹ്യ പ്രതി ബദ്ധതക്കും മാധ്യമ പ്രവര്‍ത്തന മേഖല കളിലെ അര്‍ഹത പ്പെട്ടവര്‍ക്കും സമ്മാനിച്ചു വരുന്നതാണ് സഹൃദയ പുരസ്‌കാരങ്ങള്‍ .

സലഫി ടൈംസ് വായനക്കൂട്ടം സഹൃദയ- അഴീക്കോട് പുരസ്‌കാരങ്ങള്‍ക്ക് പൊതു സേവന മാധ്യമ പ്രവര്‍ത്തന മേഖലകളിലെ മികവിന് തെരെഞ്ഞെടുക്കപ്പെട്ടവര്‍ :

മന്‍സൂര്‍ മാവൂര്‍ – മിഡിലീസ്റ്റ് ചന്ദ്രിക (അന്വേഷണാത്മക പത്ര പ്രവര്‍ത്തനം), ജിഷി സാമുവല്‍ – ഇ പത്രം (അന്വേഷണാത്മക ഇ ജേണലിസം), ജലീല്‍ രാമന്തളി  (സമഗ്ര സംഭാവന), നാരായണന്‍ വെളിയങ്കോട് (സമഗ്ര സംഭാവന), പുന്നയൂര്‍ക്കുളം സൈനുദ്ധീന്‍ (സമഗ്ര സംഭാവന), ജീന രാജീവ് -ഇ വനിത (ന്യൂ മീഡിയ), സലീം ഐഫോക്കസ് (നവാഗത ഫോട്ടോ ജേണലിസ്റ്റ്), ഷാനവാസ് പാലത്ത്, അഷറഫ് കൊടുങ്ങല്ലൂര്‍ (ഫാക്‌സ് ജേണലിസം), കാസിം ചാവക്കാട് – തണല്‍ സാംസ്‌കാരിക വേദി (ജീവ കാരുണ്യം),

sahrudhaya-awards-2012-winners-ePathram
മുഹമ്മദ്കുട്ടി സലഫി (വൈജ്ഞാനിക പ്രവര്‍ത്തനം), കെ. വി. ശംസുദ്ധീന്‍ (പ്രവാസി കുടുംബ ക്ഷേമം), അബ്ദുസ്സമദ് മേപ്പയൂര്‍ (മാതൃക ഗുരുനാഥന്‍ ) കെ. കെ – ഹിറ്റ് 96.7റേഡിയോ (ശ്രവ്യ മാധ്യമം), സഫറുള്ള പാലപ്പെട്ടി (സാഹിത്യ സപര്യ), അമാനുള്ള ഖാന്‍ -കൈരളി പ്രവാസലോകം (സാമൂഹ്യ പ്രതിബദ്ധത), മോനി ദുബായ് (ദൃശ്യ മാധ്യമ സമഗ്ര സംഭാവന), പി. പി. മൊയ്ദീന്‍ (സാമൂഹ്യ സാംസ്‌കാരികം) തന്‍വീര്‍ കണ്ണൂര്‍ (ഏഷ്യാനെറ്റ്‌ ഗള്‍ഫ് റൌണ്ട് അപ്- ദൃശ്യ മാധ്യമം), റഹ്മാന്‍ എളങ്കമ്മല്‍ – ഗള്‍ഫ് മാധ്യമം (അന്വേഷണാത്മക പത്ര പ്രവര്‍ത്തനം), വിജു വി നായര്‍ (സാമൂഹ്യ സേവനം), അഡ്വ:ഹാഷിഖ് (മികച്ച സംഘാടകന്‍ ), നജീബ് മുഹമ്മദ് ഇസ്മായില്‍ . ഇ. എസ്. (പരിസ്ഥിതി), സൈഫ് കൊടുങ്ങല്ലൂര്‍ (വ്യക്തിഗത സമഗ്ര സംഭാവന).

sahrdaya-azheekod-puraskaram-2012-winners-ePathram

2012 സഹൃദയ - അഴീക്കോട് പുരസ്ക്കാര ജേതാക്കള്‍

സലഫി ടൈംസ് ഡോട്ട് കോം  വഴി പൊതു ജനാഭിപ്രായം രൂപീകരിച്ചു വില യിരുത്തിയും വിവിധ മാധ്യമ ങ്ങള്‍ വഴിയും വേദികള്‍ വഴിയും എന്‍ട്രികള്‍ സ്വീകരിച്ചും അഡ്വ : എ ആര്‍ ബിമല്‍ ,കെ. എച്ച്. എം. അഷ്‌റഫ്, ഷീല പോള്‍ ,എന്നിവര്‍ അടങ്ങുന്ന ജൂറി അംഗങ്ങളാണ് ഈ വര്‍ഷത്തെ പുരസ്‌കാര ജേതാക്കളെ പ്രഖ്യാപിച്ചത്.

ഇ – പത്രം മൂന്നാമത് തവണയാണ് സഹൃദയ പുരസ്കാര ത്തിന് അര്‍ഹ മാവുന്നത്. 2009 ല്‍ മികച്ച സൈബര്‍ പത്ര പ്രവര്‍ത്തകനുള്ള സഹൃദയ പുരസ്കാരം e പത്രം അബുദാബി കറസ്പോണ്ടന്റ്  പി. എം. അബ്ദുള്‍ റഹിമാനും മികച്ച പരിസ്ഥിതി പത്ര പ്രവര്‍ത്തന ത്തിനുള്ള പുരസ്കാരം  e പത്രം കോള മിസ്റ്റായ ഫൈസല്‍ ബാവ ക്കും ലഭിച്ചിരുന്നു.

അഡ്വ : ജയരാജ് തോമസ് (വായനകൂട്ടം പ്രസിഡന്റ്) ഒ. എസ്. എ. റഷീദ് (വായനകൂട്ടം ജനറല്‍ സെക്രട്ടറി) കെ.എ. ജബ്ബാരി (മാനേജിംഗ് എഡിറ്റര്‍ സലഫി ടൈംസ്) എന്നിവരും പുരസ്‌കാര പ്രഖ്യാപന ത്തില്‍ പങ്കെടുത്തു. മാര്‍ച്ച് ആദ്യ വാരം ദുബായില്‍ പ്രമുഖര്‍ പങ്കെടുക്കുന്ന സഹൃദയ സംഗമ ത്തില്‍ പുരസ്‌കാര ദാനം നടക്കും. ആദര ഫലകവും കീര്‍ത്തി പത്രവും പൊന്നാടയും അടങ്ങുന്നതാണ് സഹൃദയ – അഴീക്കോട് പുരസ്‌കാരം.

- pma

വായിക്കുക: , , , , ,

അഭിപ്രായം എഴുതുക »

1 of 6123»|

« Previous « ഭാര്യമാര്‍ സൂക്ഷിക്കുക : വീട്ടുജോലിക്കാരി സുന്ദരിയാണ്
Next Page » പുല്ലുറ്റ് അസോസിയേഷന്‍ സ്നേഹ സംഗമം »



  • മെഹ്ഫിൽ ഹ്രസ്വ ചിത്ര-മാധ്യമ പുരസ്കാരങ്ങൾ സമ്മാനിച്ചു
  • ബാഫഖി തങ്ങളുടെ സംഭാവന പുതു തലമുറ പഠന വിഷയം ആക്കണം : എം. എ. റസാഖ് മാസ്റ്റർ
  • ഹെൽത്ത് കെയർ വീഡിയോ സീരിസ് എച്ച് ഫോർ ഹോപ്പ് പുറത്തിറങ്ങി
  • കെ. എം. സി. സി. ഇവന്റസ്‌ ഓഫീസ് തുറന്നു പ്രവർത്തനം ആരംഭിച്ചു
  • സിഗ്നലിൽ ചുവപ്പ് ലൈറ്റ് മറി കടന്നാൽ 1000 ദിർഹം പിഴ
  • ഡോ. ഷംഷീർ വയലിൽ അനുശോചനം അറിയിച്ചു.
  • എയർ പോർട്ട് സിറ്റി ചെക്ക്-ഇന്‍ സേവനം മുസ്സഫ ഷാബിയയിലും
  • ശൈ​ഖ് ത​ഹ്‍​നൂ​ൻ ബി​ൻ മുഹമ്മദ് അല്‍ നഹ്യാന്‍ അന്തരിച്ചു
  • വീണ്ടും മഴ മുന്നറിയിപ്പ് : മുന്നോടിയായി പൊടിക്കാറ്റ് വീശുന്നു
  • മെഹ്ഫിൽ അവാർഡ് നിശ മെയ്‌ 12 ഞായറാഴ്ച ഷാർജയിൽ
  • മഠത്തിൽ മുസ്തഫയുടെ ചിത്രം ലൈബ്രറിയിൽ സ്ഥാപിച്ചു
  • ദുബായ് വിമാനത്താവളം സാധാരണ നിലയിലേക്ക്
  • ഈദ് പ്രോഗ്രാം ‘ശവ്വാൽ നിലാവ്’ ശ്രദ്ധേയമായി
  • വിഷു – ഈദ് – ഈസ്റ്റർ ആഘോഷങ്ങൾ സംഘടിപ്പിച്ചു
  • കെ. എസ്. സി. സംഘടിപ്പിച്ച ഈദ് വിഷു ഈസ്റ്റർ ആഘോഷം വേറിട്ടതായി
  • യൂസഫലിയുടെ പ്രവാസത്തിൻ്റെ അര നൂറ്റാണ്ട് : 50 കുട്ടികൾക്ക് പുതു ജീവൻ പകർന്ന് ഗോൾഡൻ ഹാർട്ട് ഇനിഷ്യേറ്റീവ്
  • ക്രിക്കറ്റ് ടൂർണ്ണമെൻ്റ് : മാർത്തോമാ യുവജന സഖ്യം ജേതാക്കൾ
  • സസ്നേഹം സമസ്യ : സാഹിത്യ സദസ്സും ആദരിക്കലും
  • ഈദുൽ ഫിത്വർ അവധി ദിനങ്ങൾ
  • ജിമ്മിജോർജ്ജ് സ്മാരക വോളി : എൽ. എൽ. എച്ച്. ഹോസ്പിറ്റൽ ജേതാക്കൾ



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine