അബുദാബി : തന്റെ സിനിമകളിലൂടെ ഇന്ത്യന്‍ സിനിമയ്ക്ക് ലോക സിനിമ യില്‍ ഒരിടം നേടിക്കൊടുത്ത സംവിധായകനും അഭിനെതാവുമായ് ഋതുപര്‍ണ ഘോഷിന്റെ അകാല ത്തിലുള്ള വിയോഗം ഇന്ത്യൻ സിനിമക്ക് മാത്രമല്ല ലോകസിനിമക്ക് തന്നെ തീരാ നഷ്ടമാണ്.
സത്യജിത്റെ, ഘട്ടക്, ബുദ്ധ ദേവ് ദാസ്‌ ഗുപ്ത തുടങ്ങിയ ബംഗാൾ സിനിമാ ധാര യുടെ തുടര്‍ച്ചയും തന്റേതായ വ്യത്യസ്ത രീതിയിൽ ബംഗാൾ സിനിമയെ ലോക ശ്രദ്ധ യിൽ എത്തിക്കാൻ ഏറെ സംഭാവനകൾ ചെയ്ത ഒരു തികഞ്ഞ കലാകാരന്‍ ആയിരുന്നു ഋതുപര്‍ണ ഘോഷ്.
സംവിധാന രംഗത്തും അഭിനയ ത്തിലും തിളങ്ങിയ ഈ വലിയ കലാകാരന്റെ വിയോഗ ത്തിൽ അബുദാബി കേരള സോഷ്യൽ സെന്റര്‍ അനുശോചനം രേഖപ്പെടുത്തുന്നു എന്ന് പ്രസിഡന്റ് എം. യു. വാസു അറിയിച്ചു
