അബുദാബി : അറബ് ജനതയോട് അടുപ്പം പുലര്‍ത്തുന്ന ഇസ്രയേലി കലാകാരന്മാരിൽ ഒരാളായ എറാന്‍ റിക്ലിസ് എന്ന സംവിധായകന്റെ പ്രശസ്തമായ ചിത്രം “ലെമണ്‍ ട്രീ” ഇന്ന് അബുദാബി കേരള സോഷ്യൽ സെന്ററിൽ പ്രദർശിപ്പിക്കും.

പാരമ്പര്യമായി ലഭിച്ച തന്റെ ചെറുനാരങ്ങാ തോട്ടം നോക്കി നടത്തി അതില്‍ നിന്നുള്ള വരുമാനത്തിലൂടെ ജീവിതം നയിക്കുന്ന നായിക. ഒരു സുപ്രഭാതത്തില്‍ ഈ തോട്ടത്തിനടുത്ത് ഒരു മന്ത്രിയുടെ വീട് വരുന്നു. അതോടെ സുരക്ഷയുടെ പേരില്‍ തോട്ടം നീക്കണമെന്ന ആവശ്യവും അതിനെതിരെ ആ സ്ത്രീ നടത്തുന്ന പോരാട്ടവുമാണ് സിനിമ. സാധാരണക്കാരിയായ ഒരു സ്ത്രീ അതിജീവനത്തിനായി നടത്തുന്ന പോരാട്ടം സിനിമയെ മികച്ചതാക്കുന്നു.

ലോക സിനിമകള്‍ കാണുവാനും കൂടുതല്‍ മനസിലാക്കുവാനും വേണ്ടിയാണ് കെ. എസ്. സി. യും പ്രസക്തിയും ചേര്‍ന്ന് സംഘടിപ്പിക്കുന്ന പ്രതിമാസ സിനിമാ പ്രദര്‍ശനത്തിലേക്ക് പ്രവേശനം സൌജന്യമാണ്.

ഇന്ന് (22 ജനുവരി) രാത്രി 8:30നാണ് പ്രദർശനം.

അബുദാബി : സ്റ്റീവന്‍ സോടെര്‍ബര്‍ഗ്ഗ് സംവിധാനം ചെയ്ത ‘ചെ’ എന്ന സ്പാനിഷ് ചലച്ചിത്രം ഒക്ടോബര്‍ 23 ചൊവ്വാഴ്ച വൈകീട്ട് 8 മണിക്ക് അബുദാബി കേരള സോഷ്യല്‍ സെന്ററില്‍ പ്രദര്‍ശിപ്പിക്കും. തുടര്‍ന്ന് ഓപ്പണ്‍ ഫോറവും ഉണ്ടായിരിക്കും.

കെ. എസ്. സി., പ്രസക്തി, നാടകസൗഹൃദം, കോലായ, ആര്‍ട്ടിസ്റ്റ ആര്‍ട്ട്‌ ഗ്രൂപ്പ്‌ എന്നിവ യുടെ സംയുക്താഭിമുഖ്യ ത്തിലാണ് സിനിമ പ്രദര്‍ശനം. പ്രവേശനം സൗജന്യമായിരിക്കും.

അബുദാബി : ഇസിയാർ ബൊല്ലെയിൻ സംവിധാനം ചെയ്ത “ഈവന്‍ ദി റെയിൻ” എന്ന ചലച്ചിത്രം സെപ്റ്റംബര്‍ 16, ഞായറാഴ്ച്ച വൈകീട്ട് 8 മണിക്ക് അബുദാബി കേരള സോഷ്യല്‍ സെന്‍റെറില്‍ പ്രദര്‍ശിപ്പിക്കും. തുടര്‍ന്ന് ഓപ്പണ്‍ ഫോറവും ഉണ്ടായിരിക്കും. കേരള സോഷ്യല്‍ സെന്‍റെര്‍, പ്രസക്തി, നാടക സൗഹൃദം, കോലായ, ആര്‍ട്ടിസ്റ്റ ആര്‍ട്ട്‌ ഗ്രൂപ്പ്‌ എന്നിവയുടെ സംയുക്ത ആഭിമുഖ്യത്തിലാണ് സിനിമാ പ്രദര്‍ശനം. പ്രവേശനം സൗജന്യമായിരിക്കും.