അബുദാബി : തലസ്ഥാന നഗരി യിലെ ചരിത്ര പ്രാധാന്യമുള്ള ‘ഖസ്ര്‍ അല്‍ ഹുസ്ന്‍’ കോട്ടയുടെ 250ആം വാര്‍ഷിക ആഘോഷങ്ങള്‍ രാജ കുടുംബാംഗ ങ്ങളുടെ സാന്നിധ്യം കൊണ്ട് ശ്രദ്ധേയമായി.

അല്‍ മന്‍ഹാല്‍ പാലസില്‍ നിന്നും അല്‍ ഖസ്ര്‍ കോട്ടയിലേക്ക് നടന്ന ഘോഷയാത്ര, യു എ ഇ വൈസ് പ്രസിഡന്റും പ്രധാന മന്ത്രിയും ദുബായ് ഭരണാധി കാരിയുമായ ഷേഖ് മുഹമ്മദ്‌ ബിന്‍ റാഷിദ്‌ അല്‍ മക്തൂം നയിച്ചു.

അബുദാബി കീരിടവകാശിയും യു എ ഇ സായുധ സേനയുടെ ഡപ്യുട്ടി കമാന്‍ഡറുമായ ജനറല്‍ ഷേഖ് മുഹമ്മദ്‌ ബിന്‍ സായിദ് അല്‍ നഹ്യാന്‍, ദുബൈ കിരീടാവകാശി ഷേഖ് ഹംദാന്‍ ബിന്‍ മുഹമ്മദ്‌ ബിന്‍ റാഷിദ്‌ അല്‍ മക്തൂം എന്നിവര്‍ മുന്‍ നിരയില്‍ അണി നിരന്നു. വിവിധ എമിരേറ്റു കളിലെ ഭരണാധി കാരികള്‍, മന്ത്രിമാര്‍ മറ്റു രാജ കുടുംബാംഗങ്ങളും പങ്കെടുത്തു.

യു എ ഇ യുടെ പൗരാണികതയും പാരമ്പര്യവും വരച്ചു കാട്ടുന്ന വിവിധ കലാ പരിപാടികളും ഒരാഴ്ച നീണ്ടു നില്‍ക്കുന്ന ആഘോഷ പരിപാടി കളില്‍ അരങ്ങേറും.