അബുദാബി : അക്ബര്‍ ട്രാവല്‍സിന്‍റെ പുതിയ ശാഖ അബുദാബി യില്‍ പ്രവര്‍ത്തനം ആരംഭിക്കും. ഡിസംബര്‍ 28 ബുധനാഴ്‌ച ഉച്ചക്ക്‌ 12 മണിക്ക് ഇന്ത്യന്‍ സ്ഥാനപതി എം. കെ. ലോകേഷ് ആണ് അബുദാബി ശാഖ ഉദ്ഘാടനം ചെയ്യുക.

ഖലീഫാ സ്ട്രീറ്റിലെ പുതിയ സെന്‍ട്രല്‍ മാര്‍ക്കറ്റിനു സമീപമാണ് അക്ബര്‍ ട്രാവല്‍സ് പുതിയ ശാഖ.

1978 -ല്‍ ആരംഭിച്ച സ്ഥാപനത്തിന് ഇന്ത്യയില്‍ 55 ശാഖകളും ജി. സി. സി. യില്‍ 22 ശാഖകളും ഉണ്ട്. യു. എ. ഇ. യിലെ പതിനഞ്ചാമത്തെ ശാഖയാണ് അബുദാബി യില്‍ തുറക്കുന്നത് എന്നും അക്ബര്‍ ട്രാവല്‍സ് പ്രതിനിധികള്‍ വാര്‍ത്താ സമ്മേളന ത്തില്‍ അറിയിച്ചു.

ദുബായ്, ഷാര്‍ജ, അലൈന്‍, റാസ് അല്‍ ഖൈമ എന്നിവിട ങ്ങളിലാണ് യു. എ. ഇ. യിലെ മറ്റു ബ്രാഞ്ചുകള്‍.

അബുദാബി: എട്ടുനില കെട്ടിടത്തിലെ പാചകവാതക പൈപ്പിനു തീ പിടിച്ചതിനെ തുടര്‍ന്ന് ഉണ്ടായ സ്ഫോടനത്തില്‍ രണ്ടു പേര്‍ക്ക് പരിക്ക്. മുസഫ്ഫ ഷാബിയ പത്തില്‍ ഇന്നലെ വെളുപ്പിന് മൂന്നുമണി യോടെയാണ് സംഭവം. സ്ഫോടനത്തെ തുടര്‍ന്ന് ഇരുപതിലധികം കെട്ടിടങ്ങള്‍ക്ക് കേടുപാടുകള്‍ പറ്റി. പരിസരത്ത്‌ പാര്‍ക്ക് ചെയ്തിരുന്ന അന്‍പതോളം കാറുകള്‍ ഭാഗികമായി തകര്‍ന്നു. കെട്ടിടത്തിന്റെ ഭിത്തി വിണ്ടുകീറിയിട്ടുണ്ട്. സമീപ വാസികള്‍ എല്ലാം തന്നെ ഭൂമികുലുക്ക മാണെന്ന് കരുതി പുറത്തേക്കോടി. പാചകവാതക ലൈനില്‍ ഉണ്ടായ ചോര്ച്ചയാണ് അപകടകാരണമെന്ന് കരുതുന്നു. തക്ക സമയത്ത്‌ തന്നെ സിവില്‍ ഡിഫന്‍സും പോലീസും എത്തി നിയന്ത്രണം ഏറ്റെടുത്തു.