അബുദാബി: കേരള യൂത്ത് കള്ച്ചറല് ക്ലബ്ബ്, അബുദാബി സായിദ് സ്പോര്ട്സ് സിറ്റിയില് നടത്തിയ പ്രഥമ ‘കേരള സെവന്സ് 2010’ ഏകദിന ഫുട്ബോള് ടൂര്ണമെന്റില്, കോപ്പി കോര്ണര് ദുബായ് ജേതാക്കളായി. മിനാ ബ്രദേഴ്സ് അബുദാബിയെ മൂന്നിനെതിരെ നാലു ഗോളുകള്ക്കാണ് കോപ്പി കോര്ണര് പരാജയപ്പെടുത്തിയത്.
യു. എ. ഇ. യിലെ പല നമ്പര് വണ് പ്രവാസി ടീമുകളെയും തോല്പ്പിച്ചുകൊണ്ടാണ് ഇരു ടീമുകളും ഫൈനലിലെത്തിയത്. സെമിഫൈനലില് മികച്ച കളി കാഴ്ച്ചവെച്ച ഡൈവ്ടെക് ദുബായിയെയും ഇഞ്ചോടിഞ്ച് പോരാടി നിന്ന തൈസി ദുബായിയെയും മലര്ത്തിയടിച്ചാണ് ഇരു ടീമുകളും ഫൈനല് ഉറപ്പാക്കിയത്.
കേരള യൂത്ത് കള്ച്ചറല് ക്ലബ് (കെ. വൈ. സി. സി.) അബുദാബി ഘടകം ഒരുക്കിയ കേരള സെവന്സ് 2010 ഏകദിന ഫുട്ബോള് ടൂര്ണമെന്റില് 24 ടീമുകള് മാറ്റുരച്ചിരുന്നു. അതില് രണ്ട് ഗോവന് ടീമുകളും പങ്കെടുത്തിരുന്നു. എന്നാല് മലയാളി ടീമുകള്ക്ക് മുമ്പില് ഗോവന് ടീമുകളായ ഔട്ട്സൈഡേ്ഴ്സ് കാനകോനയും, ചിക്കാലിംഗ് ബോയ്സ് വാസ്കോയും പ്രീക്വാര്ട്ടര് മത്സരത്തില്തന്നെ പരാജയപ്പെട്ടു.
അബുദാബി സായിദ് സ്പോര്ട്സ് സിറ്റിയിലെ രണ്ട് ഗ്രൗണ്ടുകളിലായി ഉച്ചയ്ക്ക് രണ്ടുമണിക്ക് ആരംഭിച്ച പ്രാഥമിക റൗണ്ട് രാത്രി എട്ടുമണിവരെ നീണ്ടു നിന്നു.
 |
 |
 |
 |
 |
 |
 |
 |
 |
 |
 |
 |
 |
 |
അബുദാബി: അബുദാബി അതോറിറ്റി ഫോര് കള്ച്ചര് ആന്ഡ് ഹെറിറ്റേജിന്റെയും ഫ്രാങ്ക്ഫുട്ട് ബുക്ക് ഫെയറിന്റെയും സംയുക്താ ഭിമുഖ്യത്തില് അഞ്ചു ദിവസം നീണ്ടു നില്ക്കുന്ന അന്താരാഷ്ട്ര പുസ്തകോത്സവം അബുദാബി ഇന്റര്നാഷണല് എക്സിബിഷന് സെന്ററില് സമാപിച്ചു. അബുദാബി ക്രൗണ് പ്രിന്സ് കോര്ട്ടിന്റെ അധിപന് ഹംദാന് ബിന് സായിദ് അല് നഹ്യാന് പുസ്തകോത്സവം ഉദ്ഘാടനം ചെയ്തു. 
അബുദാബി: ജീവകാരുണ്യ രംഗത്ത് കൂടുതല് പദ്ധതികള് ഏറ്റെടുക്കാന് പയ്യന്നൂര് സൗഹൃദ വേദി അബുദാബി ഘടകം തീരുമാനിച്ചു. പയ്യന്നൂര് സൗഹൃദ വേദിയുടെ വാര്ഷിക ജനറല് ബോഡി യോഗമാണ് ഇക്കാര്യത്തില് തീരുമാനമെടുത്തത്. ഭാരവാഹികളായി പി. പി. ദാമോദരന് (പ്രസി.), ഖാലിദ് തയ്യില്, എം. അബാസ് (വൈ. പ്രസി.), സുരേഷ് ബാബു പയ്യന്നൂര് (ജന. സെക്ര.), കെ. കെ. നമ്പ്യാര്, ടി. ഗോപാലന് (ജോ. സെക്ര.), യു. ദിനേശ് ബാബു (ട്രഷ.), കെ. ടി. പി. രമേശന് (കലാ വിഭാഗം), വി. ടി. വി. ദാമോദരന് (ജീവ കാരുണ്യം), വി. കെ. ഷാഫി (തല ചായ്ക്കാന് ഒരിടം പദ്ധതി) എന്നിവരെ തിരഞ്ഞെടുത്തു.
