 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : വിസാ നിയമം ലംഘിച്ച് രാജ്യത്ത് തുടരുന്ന പ്രവാസികൾക്ക് രേഖകൾ ശരിയാക്കുവാൻ 2024 സെപ്തംബർ 1 മുതൽ രണ്ടു മാസക്കാലം ഗ്രേസ് പിരീഡ് നൽകും എന്ന് യു. എ. ഇ. അധികൃതർ.
താമസരേഖകൾ ഇല്ലാതെ അനധികൃതമായി രാജ്യത്ത് തങ്ങുന്നവർക്കും വിസയുടെ കാലാവധി കഴിഞ്ഞു രാജ്യത്ത് തുടരുന്നവർക്കും പിഴ അടക്കാതെ രാജ്യം വിട്ടു പോകുവാൻ അവസരം നൽകും.
മാത്രമല്ല സ്വന്തം താമസ രേഖകൾ നിയമപരം ആക്കുവാനും ഈ കാലയളവ് ഉപയോഗപ്പെടുത്താം.
- pma
ദുബായ് : യു. എ. ഇ. യില്‍ എത്തുന്ന സന്ദര്‍ശക വിസക്കാര്‍ക്കും ഇനി മുതൽ ഹെൽത്ത് ഇന്‍ഷ്വറന്‍സ് എടുക്കണം.
വിനോദ സഞ്ചാരത്തിനായി യു. എ. ഇ. യിലേക്കുള്ള വിസക്ക്‌ അപേക്ഷിക്കുമ്പോൾ ആരോഗ്യ പരിരക്ഷാ പദ്ധതിയുടെ ഭാഗമായുള്ള ഇന്‍ഷ്വറന്‍സിനും അപേക്ഷ നൽകാൻ ഐ. സി. പി. യുടെ വെബ്‌ സൈറ്റിലും മൊബൈൽ ആപ്പിലും സംവിധാനം ഒരുക്കും.
പുതിയ പദ്ധതി ഉടന്‍ നിലവില്‍ വരും എന്നും ഫെഡറല്‍ അതോറിറ്റി ഫോര്‍ ഐഡന്റിറ്റി, സിറ്റിസണ്‍ ഷിപ്പ്, കസ്റ്റംസ് ആന്‍ഡ് പോര്‍ട്ട് സെക്യൂരിറ്റി (ഐ. സി. പി.) ഡയറക്ടര്‍ ജനറല്‍ മേജര്‍ ജനറല്‍ സുഹൈല്‍ സഈദ് അല്‍ ഖൈലി അറിയിച്ചു.
തൊഴില്‍ വിസക്കാര്‍ക്ക് ആരോഗ്യ പരിരക്ഷാ പദ്ധതി നിലവിലുണ്ട്. അടിയന്തര ഘട്ടങ്ങളില്‍ സന്ദർശകർക്കും ആരോഗ്യ പരിരക്ഷ നല്‍കുവാനാണ് പുതിയ പദ്ധതി.
- pma
വായിക്കുക: health, visa-rules, തൊഴിലാളി, പൂര്‍വ വിദ്യാര്‍ത്ഥി, പ്രവാസി, യു.എ.ഇ., വിനോദസഞ്ചാരം
അബുദാബി : സംസ്ഥാന കെ. എം. സി. സി. യുടെ നേതൃത്വത്തിൽ 2024 ആഗസ്റ്റ് 8 നു ഡൽഹിയിൽ വെച്ച് സംഘടിപ്പിക്കുന്ന ഡയസ്പോറ സമ്മിറ്റ് പ്രചാരണ കൺവെൻഷൻ ജൂലായ് 20 ശനിയാഴ്ച രാത്രി 7:30 നു അബുദാബി ഇന്ത്യൻ ഇസ്ലാമിക് സെന്ററിൽ വെച്ച് നടക്കും.
സീസൺ സമയത്തെ വിമാന യാത്രാ നിരക്ക് വർദ്ധന, പ്രവാസി വോട്ടവകാശം തുടങ്ങി പ്രവാസികൾ നേരിടുന്ന വിവിധങ്ങളായ വിഷയങ്ങളിൽ അബുദാബിയിലെ പ്രവാസി സംഘടനകളുടെ സഹകരണത്തോടെയാണ് ഡയസ്പോറ സമ്മിറ്റ് ആദ്യ രണ്ടു സെഷനുകൾ കഴിഞ്ഞ ഫെബ്രുവരി 11, മെയ്‌ 5 ദിവസങ്ങളിൽ നടന്നത്.
ഇതിന്റെ അടുത്ത ഘട്ടം എന്ന നിലയിലാണ് കേരളത്തിൽ നിന്നുള്ള ജന പ്രതിനിധികളെ കൂടി ഉൾപ്പെടുത്തിയുള്ള വിപുലമായ യോഗം ഡൽഹിയിൽ ചേരുവാൻ തീരുമാനിച്ചിരി ക്കുന്നത്.
- pma
വായിക്കുക: social-media, അബുദാബി, കെ.എം.സി.സി., ഗതാഗതം, പൂര്‍വ വിദ്യാര്‍ത്ഥി, പ്രതിഷേധം, പ്രവാസി, വിമാനം, സംഘടന
അബുദാബി : സായിദ് അന്താരാഷ്ട്ര വിമാന ത്താവള ത്തില്‍ 24 മണിക്കൂറും പ്രവർത്തിക്കുന്ന പുതിയ ക്ലിനിക്ക് തുറന്ന് ബുര്‍ജീല്‍ ഹോള്‍ഡിംഗ്‌സ്.
യാത്രക്കാര്‍ക്കും എയര്‍ പോര്‍ട്ട് ജീവനക്കാര്‍ക്കും മികച്ച വൈദ്യ സഹായം ഉടനടി ലഭ്യമാക്കുവാൻ കഴിയും വിധം അത്യാധുനിക സൗകര്യങ്ങൾ ഒരുക്കിയാണ് ബുര്‍ജീല്‍ എയര്‍ പോര്‍ട്ട് ക്ലിനിക്ക് പ്രവർത്തിക്കുന്നത്. യാത്രക്കാര്‍ക്ക് വിമാനത്താവളത്തിന് പുറത്തു പോകാതെ തന്നെ ആരോഗ്യ പരിരക്ഷ ഉറപ്പാക്കും.
സായിദ് ഇന്റർ നാഷണൽ എയര്‍ പോര്‍ട്ടില്‍ നടന്ന ചടങ്ങില്‍ ബുര്‍ജീല്‍ ഹോൾഡിംഗ്‌സ് സ്ഥാപകനും ചെയര്‍ മാനുമായ ഡോ. ഷംഷീര്‍ വയലില്‍, എയര്‍ പോര്‍ട്ട്‌സ് മാനേജിംഗ് ഡയറക്ടറും ചീഫ് എക്‌സി ക്യൂട്ടീവ് ഓഫീസറുമായ എലീന സോര്‍ലിനി എന്നിവര്‍ ചേർന്ന് ക്ലിനിക്ക് ഉദ്ഘാടനം ചെയ്തു. ബുര്‍ജീല്‍ സി. ഇ. ഒ. ജോണ്‍ സുനില്‍, ഗ്രൂപ്പ് സി. ഒ. ഒ. സഫീര്‍ അഹമ്മദ് എന്നിവർ സംബന്ധിച്ചു.
We are happy to announce the launch of the Burjeel Airport Clinic at Zayed International Airport! Open 24/7, the clinic offers top-tier medical services, ensuring the well-being of airport staff and passengers at one of the world's largest airport terminals. @ad_airports pic.twitter.com/VAhZQzPINb
— Burjeel Holdings (@BurjeelHoldings) July 16, 2024
മികച്ച ഡോക്ടര്‍മാരും അനുബന്ധ മെഡിക്കല്‍ പ്രൊഫഷണലുകളും ഉള്‍പ്പെടുന്ന ക്ലിനിക്ക്, ബുര്‍ജീലിൻ്റെ വിപുലമായ ആരോഗ്യ ശൃംഖലയുടെ ഭാഗമായി പ്രവര്‍ത്തിക്കും.
യാത്രികർക്ക് ഉണ്ടായേക്കാവുന്ന വിവിധ ആരോഗ്യ പ്രശ്നങ്ങളെ നേരിടാന്‍ സജ്ജമാണ് ക്ലിനിക്ക്. കൂടുതല്‍ സങ്കീർണ്ണമായ കേസുകള്‍, ലോകോത്തര സൗകര്യ ങ്ങളോടെ പ്രവര്‍ത്തിക്കുന്ന മറ്റു ബുര്‍ജീൽ ആശുപത്രി കളിലേക്ക് റഫര്‍ ചെയ്യും.
ഒക്യുപേഷനല്‍-പ്രിവന്റീവ് കെയര്‍, ഹെല്‍ത്ത് സ്‌ക്രീനിംഗുകള്‍, ഇ. സി. ജി. കുത്തി വെപ്പുകള്‍, ഇന്‍ഫ്യൂഷനുകള്‍, സ്ത്രീ പരിചരണം എന്നീ സൗകര്യങ്ങളും ക്ലിനിക്കില്‍ ലഭ്യമാണ്. കൂടുതല്‍ നിരീക്ഷണം ആവശ്യമായിട്ടുള്ള രോഗികള്‍ക്കായി ഒബ്‌സര്‍ വേഷന്‍ റൂമും ഉണ്ട്. പൊതു ആരോഗ്യ സേവങ്ങള്‍ക്ക് പുറമെ വാക്‌സിനേഷന്‍ സഹായവും ക്ലിനിക് ലഭ്യമാക്കും. എയര്‍ പോര്‍ട്ടിലൂടെ യാത്ര ചെയ്യുന്ന ലേ-ഓവര്‍ യാത്രക്കാര്‍ക്കും ക്ലിനിക്ക് സഹായകരമാകും.
- pma
വായിക്കുക: air-india, vps-burjeel, അബുദാബി, ആരോഗ്യം, പൂര്‍വ വിദ്യാര്‍ത്ഥി, പ്രവാസി, വിമാനം, വ്യവസായം, സാമൂഹ്യ സേവനം
ദുബായ് : ചിന്മയ മിഷൻ കോളേജ് അലുമിനി യു. എ. ഇ. ചാപ്റ്റർ ആർട്ട്സ് ക്ലബ്ബ് ഉദ്ഘാടനം നടന്നു. ദുബായ് ആക്കാഫ് ഹാളിൽ സംഘടിപ്പിച്ച പരിപാടിയിൽ സെക്രട്ടറി രമേഷ് നായർ ക്ലബ്ബിൻ്റെ ഔദ്യോഗിക ഉദ്ഘാടനം നിർവ്വഹിച്ചു. ആർട്സ് ക്ലബ്ബ് സെക്രട്ടറിയായി വിനോദ് രാമകൃഷ്ണനെ തെരഞ്ഞെടുത്തു.
കരോക്കെ നൈറ്റിൽ അംഗങ്ങളായ രമേഷ് നായർ, വിനോദ് രാമകൃഷ്ണൻ, ശ്രീപ്രിയ, ശരൺഞ്ജിത്ത്, നിസാർ, ശ്രീലക്ഷ്മി,രേഷ്മ, ഐശ്വര്യ, അനഘ, അജേഷ്, അജിൻ കുമാർ, അജിത്, ശ്രീജിത്ത്‌, ഷനീജ്, സിജോ ജോസ് എന്നിവർ പങ്കെടുത്തു.
ഹരിഹരൻ പങ്ങാരപ്പിള്ളി അവതാരകൻ ആയിരുന്നു. ജോ. സെക്രട്ടറി മിഥുൻ, എക്സിക്യൂട്ടീവ് അംഗം നിധിൻ, സ്പോർട്സ് ക്ലബ്ബ് സെക്രട്ടറി സലീം, ആക്കാഫ് പ്രതിനിധി ലൊവിൻ മുഹമ്മദ്‌ എന്നിവർ സന്നിഹിതരായിരുന്നു.
* FB Page
- pma
വായിക്കുക: music-album, ദുബായ്, പൂര്‍വ വിദ്യാര്‍ത്ഥി, സംഗീതം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
