അബുദാബി : മാട്ടൂൽ കെ. എം. സി. സി. സംഘടിപ്പിക്കുന്ന മാട്ടൂൽ സൂപ്പർ ലീഗ് ക്രിക്കറ്റ് ടൂര്‍ണ്ണമെന്‍റ് ആറാമത് സീസൺ മത്സരങ്ങൾ 2023 ഡിസംബര്‍ 2 ശനിയാഴ്ച ഉച്ചക്ക് 2 മണി മുതല്‍ അബുദാബി ഹുദരിയാത്ത് ഗ്രൗണ്ടില്‍ വെച്ച് നടക്കും. യു. എ. ഇ. യിലെ പന്ത്രണ്ട് പ്രമുഖ ടീമുകൾ പങ്കെടുക്കുന്ന എം. എസ്. എല്‍. ക്രിക്കറ്റ് ടൂര്‍ണ്ണമെന്‍റ് സീസൺ – 6 ലോഗോ പ്രകാശനം അഹല്യ എക്സ് ചേഞ്ച് കോര്‍പ്പറേറ്റ് ഓഫീസില്‍ വെച്ച് നടന്നു.
ലോഗോ പ്രകാശന ചടങ്ങില്‍ അഹല്യ ഉന്നത ഉദ്യോഗസ്ഥരായ മുഹമ്മദ് മറുഗൂബ്, ഷാനിഷ് കൊല്ലാറ, രാജശേഖർ, മുംതാസ് മൊയ്തീൻ ഷാ, കെ. എം. സി. സി. നേതാക്കളായ സി. എച്ച്. യൂസഫ്, സി. എം. കെ. മുസ്തഫ, കെ. വി. ആരിഫ്, സി. എം. വി. ഫത്താഹ്, എ. കെ. സാഹിർ, ഷഫീഖ്, റഹീം ആഷിക്, ഹാഷിം ചള്ളകര, നൗഷാദ്, സാദിഖ് തെക്കുമ്പാട് എന്നിവർ സംബന്ധിച്ചു.
എം. എസ്. എല്‍. ക്രിക്കറ്റ് ടൂര്‍ണ്ണമെന്‍റ് സീസൺ – 6 ന്‍റെ ഭാഗമായി യു. എ. ഇ. ദേശീയ ദിന ആഘോഷവും മാട്ടൂൽ കെ. എം. സി. സി. കോൽക്കളി ടീമിന്‍റെ അരങ്ങേറ്റവും നടക്കും.
