അബുദാബി : കുറ്റ്യാടി മണ്ഡലം കെ. എം. സി. സി. ഇന്ത്യന്‍ ഇസ്ലാമിക് സെന്ററില് സംഘടിപ്പിച്ച മാപ്പിളപ്പാട്ട് അന്താക്ഷരി ശ്രദ്ധേയമായി. വാശിയേറിയ അന്താക്ഷരി മത്സര ത്തില്‍ ഹാഷിം, ഷെറിന്‍ സലാം എന്നിവര്‍ അവതരിപ്പിച്ച ഗ്രൂപ്പായ ഇശല്‍ ഒന്നാം സമ്മാനം നേടി.
മാപ്പിള കലയെ സ്നേഹിക്കുന്നവര്‍ക്കും ഓമനിക്കുന്നവര്‍ക്കും ആവേശമായി മാപ്പിളപ്പാട്ട് അന്താക്ഷരി. മാപ്പിളപ്പാട്ടിനെ കുറിച്ചറിയാനും പഠിക്കാനും വേണ്ടിയുള്ള ഒരു അവസര മായിരുന്നു അന്താക്ഷരി. തുടക്കം മുതല്‍ അവസാനം വരെ നിശബ്ദമായി ശ്രവിക്കുക യായിരുന്നു സദസ്സ്.
എല്ലാ വര്‍ഷവും മാപ്പിളപ്പാട്ട് അന്താക്ഷരി നടത്തുമെന്ന് സംഘാടകര്‍ അറിയിച്ചു. കലാ രംഗത്തെ പ്രമുഖരും കെ. എം. സി. സി. നേതാക്കളും സംബന്ധിച്ചു.
-അബൂബക്കര്‍ പുറത്തീല്‍ – അബുദാബി
