ദുബായ് : ഇന്ത്യന് ഹൌഡിനി എന്ന് അറിയപ്പെടുന്ന സുപ്രസിദ്ധ മാന്ത്രികന് സാമ്രാജ് ഇന്ന് ദുബായില് നടക്കുന്ന “ദി ഇന്ത്യന് ഗ്രേറ്റ് റണ് 2011” ന്റെ മുന്നില് കണ്ണ് കെട്ടി ബൈക്ക് ഓടിക്കുന്ന തന്റെ മാന്ത്രിക വിദ്യ പ്രദര്ശിപ്പിക്കും. ഇതാദ്യമായായിരിക്കും ഇത്തരമൊരു മാന്ത്രിക വിസ്മയം ദുബായില് അരങ്ങേറുന്നത്. യു. എ. ഇ. വൈസ് പ്രസിഡണ്ടും, പ്രധാന മന്ത്രിയും, ദുബായ് ഭരണാധികാരിയുമായ ഷെയ്ഖ് മുഹമ്മദ് ബിന് റാഷിദ് അല് മക്തൂമിന്റെ ഭരണ നേതൃത്വത്തോടുള്ള ബഹുമാനാര്ത്ഥവും, ഇന്ത്യ റിപ്പബ്ലിക്ക് ആയതിന്റെ 62ആമത് വാര്ഷികത്തോ ടനുബന്ധിച്ചും, ദുബായ് ഫൌണ്ടേഷന് ഫോര് വിമന് ആന്ഡ് ചില്ഡ്രന് എന്ന സംഘടനയ്ക്ക് വേണ്ടിയാണ് ഇന്ന് രാവിലെ 7 മണിക്ക് മംസാര് ബീച്ച് റോഡില് അക്കാഫിന്റെ (AKCAF – All Kerala College Alumni Forum) ആഭിമുഖ്യത്തില് കൂട്ട ഓട്ടം സംഘടിപ്പിക്കുന്നത്.
ഷാര്ജ : സീതി സാഹിബ് വിചാര വേദി സംഘടിപ്പി ക്കുന്ന വിദ്യാഭ്യാസ – അനുസ്മരണ സമ്മേളന വിജയ ത്തിനായി ജനുവരി 27 വ്യാഴാഴ്ച രാത്രി 8 മണിക്ക് സ്വാഗത സംഘം രൂപികരണ യോഗം ചേരുന്നു. ഷാര്ജ കെ. എം. സി. സി. യില് വെച്ചു നടക്കുന്ന സ്വാഗത സംഘം രൂപീകരണ ത്തില് എല്ലാ പ്രവര്ത്ത കരും പങ്കെടുക്കണം എന്ന് സീതി സാഹിബ് വിചാരവേദി യു. എ. ഇ. ചാപ്റ്റര് ഭാരവാഹികള് അറിയിച്ചു. 
