ദുബായ് : കേരളാ റീഡേഴ്സ് ആന്ഡ് റൈറ്റേഴ്സ് സര്ക്കിള് (വായനക്കൂട്ടം), ‘അഖിലേന്ത്യാ സ്ത്രീധന വിരുദ്ധ മുന്നേറ്റം’, എന്നിവയുടെ ആഭിമുഖ്യത്തില് സലഫി ടൈംസ് സ്വതന്ത്ര സൗജന്യ പത്രിക യുടെ രജത ജൂബിലി ആഘോഷ ങ്ങളോടനു ബന്ധിച്ച് ഈ വര്ഷത്തെ ‘അന്താരാഷ്ട്ര സാക്ഷരതാ ദിനം’ ഇന്ന് (സെപ്റ്റംബര് 16 ന് വ്യാഴം) രാത്രി 7:30 ന് ദുബായ് ദേരയിലുള്ള കെ. എം. സി. സി. ഓഡിറ്റോറിയത്തില് നടക്കുന്നു.
1966 മുതല് ലോകമെമ്പാടും വര്ഷാവര്ഷം ഐക്യ രാഷ്ട്ര സഭയുടെ വിദ്യാഭ്യാസ, ശാസ്ത്ര, സാംസ്ക്കാരിക സംഘടനയായ യുനെസ്കോ (UNESCO) യുടെ ആഭിമുഖ്യത്തില് അന്താരാഷ്ട്ര സാക്ഷരതാ ദിനം ആചരിച്ചു വരുന്നു.
അന്താരാഷ്ട്ര സാക്ഷരതാ ദിനത്തോടനുബന്ധിച്ച് യുനെസ്കോ ഇറക്കിയ പോസ്റ്റര്
“നമ്മുടെ മാധ്യമങ്ങളും സാംസ്ക്കാരികതയും“ എന്ന വിഷയത്തില് നടക്കുന്ന സിമ്പോസിയം പ്രമുഖ എഴുത്തുകാരനും മാധ്യമ പ്രവര്ത്തകനുമായ എ. റഷീദുദ്ദീന് ഉദ്ഘാടനം നിര്വ്വഹിക്കും. മസ്ഹര് മോഡറേറ്ററാകുന്ന സിമ്പോസിയത്തില് ജലീല് പട്ടാമ്പി, റാം മോഹന് പാലിയത്ത്, കെ. എം. അബ്ബാസ്, അഡ്വ: ജയരാജ് തോമസ്, ഇസ്മയില് മേലടി, നാസ്സര് ബേപ്പൂര്, ഫൈസല് ബിന് അഹമ്മദ്, റീന സലീം, കെ. കെ. മൊയ്തീന്കോയ, സൈനുദ്ദീന് ഖുറൈഷി, വി. എം. സതീഷ്, ജിഷി സാമുവല്, ഒ. എസ്. എ. റഷീദ്, ഉബൈദ് ചേറ്റുവ, നാരായണന് വെളിയംകോട്, പൊളിറ്റിക്കല് കുട്ടി എന്നിവര് പങ്കെടുക്കും.
ഇതോടനുബന്ധിച്ച് “സലഫി ടൈംസ് സ്വതന്ത്ര സൗജന്യ പത്രിക“ യുടെ കേരളത്തിലും ഗള്ഫ് രാജ്യങ്ങളിലുമായി ഒരു വര്ഷമായി നടന്ന് വന്നിരുന്ന “ലോക വായനാ വര്ഷം” ആഘോഷങ്ങളുടെ സമാപനവും നടക്കുന്നുതാണ്.
കൂടുതല് വിവരങ്ങള്ക്ക് 055 8287390 / 050 5842001 എന്നീ നമ്പറുകളില് ബന്ധപ്പെടുക.
ദുബായ് : കേരളാ റീഡേഴ്സ് ആന്ഡ് റൈറ്റേഴ്സ് സര്ക്കിള് (വായനക്കൂട്ടം), ‘അഖിലേന്ത്യാ സ്ത്രീധന വിരുദ്ധ മുന്നേറ്റം’ (All India Anti – Dowry Movement) എന്നിവയുടെ സംയുക്ത ആഭിമുഖ്യത്തില് ദുബായില് സംഘടിപ്പിക്കാനിരുന്ന ഈ വര്ഷത്തെ ‘അന്താരാഷ്ട്ര സാക്ഷരതാ ദിന’ ആചരണം ഈദിന് ശേഷം നടത്തും എന്ന് ഭാരവാഹികള് അറിയിച്ചു.
ദുബായ് : സാന്ത്വനം എന്ന പേരില് എസ്. വൈ. എസ്. നടപ്പിലാക്കുന്ന ജീവ കാരുണ്യ, ആതുര സേവന പ്രവര്ത്തനങ്ങളുടെ തൃശൂര് ജില്ലാ തല വിഭവ സമാഹരണ ഉദ്ഘാടനം അല് ശിഫ മെഡിക്കല് ഗ്രൂപ്പ് ചെയര്മാന് ഡോ. മുഹമ്മദ് കാസിമില് നിന്നും സഹായം സ്വീകരിച്ച് ജില്ലാ ഖാസി സയ്യിദ് ഇബ്റാഹീമുല് ഖലീലുല് ബുഖാരി നിര്വഹിച്ചു. ദുബൈ മര്കസില് നടന്ന ജില്ലാ മഹല്ല് സൗഹൃദ സംഗമത്തില് വെച്ചായിരുന്നു ഉദ്ഘാടനം. ജില്ലാ പ്രസിഡന്റ് പി. കെ. ബാവ ദാരിമി സംഗമം ഉദ്ഘാടനം ചെയ്തു.
ഷാര്ജ : മത – ഭൌതിക വിദ്യാഭ്യാസം സമന്വയിപ്പിച്ച് കൊണ്ടുള്ള ഉല്കൃഷ്ടമായ വിദ്യാഭ്യാസ രീതിയാണ് ഇസ്ലാമിക് കോംപ്ലക്സ് നടപ്പാക്കി വരുന്നതെന്ന് കേന്ദ്ര കമ്മിറ്റി സെക്രട്ടറി യു. എം. അബ്ദു റഹിമാന് മൌലവി പറഞ്ഞു. മലബാര് ഇസ്ലാമിക് കോംപ്ലക്സ് ഷാര്ജ ഘടകം നല്കിയ സ്വീകരണത്തിന് നന്ദി പ്രകാശിപ്പിച്ചു സംസാരി ക്കുകയായിരുന്നു അദ്ദേഹം.
