അബുദാബി : ഈ വര്‍ഷത്തെ സി. ബി. എസ്. ഇ. പരീക്ഷാ ഫലം പ്രഖ്യാപിച്ചപ്പോള്‍ നൂറു മേനി വിജയം നേടി അബുദാബി മുസ്സഫയിലെ സണ്‍ റൈസ് ഇംഗ്ലീഷ്‌ പ്രൈവറ്റ്‌ സ്കൂള്.
സയന്‍സ് വിഭാഗ ത്തില്‍ 96.8 ശതമാനം മാര്‍ക്കു വാങ്ങി നന്ദിനി കുമാര്‍ ബാലരാമന്‍, 96.6 ശതമാനം മാര്‍ക്കോടെ മാളവിക വിനോദ് എന്നിവര്‍ ഒന്നും രണ്ടും സ്ഥാനങ്ങള്‍ കരസ്ഥമാക്കി.
സയന്‍സ് വിഭാഗ ത്തില്‍ 96.2 ശതമാനം മാര്‍ക്കു നേടി മൂന്നാം സ്ഥാനത്ത് എത്തിയത് അരവിന്ദ് ജയചന്ദ്രന്‍ നായര്‍. ആണ്‍ കുട്ടികളില്‍ ഏറ്റവും കൂടുതല്‍ മാര്‍ക്കു കരസ്ഥ മാക്കിയതും ഈ മിടുക്കന്‍ തന്നെ
കോമേഴ്സ് വിഭാഗത്തില്‍ ഒന്നും രണ്ടും മൂന്നും സ്ഥാനങ്ങള്‍ നേടിയവര്‍
കോമേഴ്സ് വിഭാഗ ത്തില്‍ 94.8 ശതമാനം മാര്‍ക്കോടെ നീതു അജിത് കുമാര്‍, 93.8 ശതമാനം മാര്‍ക്കോടെ ലിന്‍ഡ ചാര്‍ളി, 91.8 ശതമാനം മാര്‍ക്കോടെ നിവേദ്യ സുജിത് എന്നിവര്‍ ഒന്നും രണ്ടും മൂന്നും സ്ഥാന ങ്ങള്‍ നേടി.
