 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : വടകര എന്‍. ആര്‍. ഐ. ഫോറം ദുബായ് കമ്മിറ്റി യുടെ ഈ വര്‍ഷ ത്തെ വിഷു ആഘോഷം ഏപ്രില്‍ 22 വെള്ളിയാഴ്ച ഉച്ചക്ക് 12 മണി മുതല്‍ ദുബായ് കരാമ സെന്റര്‍ ഓഡിറ്റോറിയ ത്തില്‍ വെച്ച് നടക്കും.
പ്രശസ്ത മിമിക്രി കലാകാരനും നടനും സംവിധായകനു മായ കെ. എസ്. പ്രസാദ്‌ മുഖ്യ അതിഥി ആയിരിക്കും. വിഷു സദ്യ, ഗാനമേള, മിമിക്സ് പരേഡ്, തിരുവാതിര ക്കളി, വിവിധ നൃത്ത നൃത്ത്യ ങ്ങള്‍ എന്നിവ ഉണ്ടായിരിക്കും. എന്നു സംഘാടര്‍ അറിയിച്ചു.
- pma
ദുബായ് : സ്വരുമ കലാ സാംസ്കാരിക വേദി ദുബായ് യുടെ എട്ടാം വാര്‍ഷികവും ‘പൊലിമ 2011’ വിഷു ആഘോഷവും വിപുലമായ പരിപാടി കളോടെ മെയ്‌ 6 വെള്ളിയാഴ്ച വൈകീട്ട് 6 മണിക്ക് ദേര ഡൌണ്‍ ടൌണ്‍ മെട്രോ ഹോട്ടലില്‍ അല്‍ യസ്മീന്‍ ഓഡിറ്റോറിയ ത്തില്‍ വെച്ച് നടക്കും.
പ്രശസ്ത മിമിക്രി താരവും നടനുമായ അബിയും സംഘവും അവതരിപ്പിക്കുന്ന ഹാസ്യ കലാ വിരുന്നും സോണി ടി. വി. ബൂഗി ബൂഗി റിയാലിറ്റി ഷോ ജൂനിയര്‍ വേള്‍ഡ് വിന്നര്‍ പ്രണവ് പ്രദീപ്‌ നയിക്കുന്ന നൃത്ത നൃത്ത്യങ്ങള്‍, യു. ഏ. ഇ. യിലെ പ്രശസ്ത ഗായകര്‍ അണി നിരക്കുന്ന ഗാനമേള, തിരുവാതിര, ഭരതനാട്യം, കോല്‍ക്കളി, ഖവാലി, തുടങ്ങിയവ ഉണ്ടായിരിക്കും.
ചടങ്ങില്‍ വി. എം. കുട്ടി, നെല്ലറ ഷംസുദ്ധീന്‍, ഡോക്ടര്‍. കെ. പി. ഹുസൈന്‍, സലാം പാപ്പിനിശ്ശേരി, ഏഷ്യാനെറ്റ്‌ മമ്മൂട്ടി ദി ബെസ്റ്റ് ആക്ടര്‍ അവാര്‍ഡ്‌ വിന്നര്‍ ബേബി മാളവിക എന്നിവരെ ചടങ്ങില്‍ ഉപഹാരം നല്‍കി ആദരിക്കും.
പൊലിമ 2011 നടത്തിപ്പിനായി, ഹുസൈനാര്‍ ഹാജി എടാച്ചകൈ, പുന്നക്കന്‍ മുഹമ്മദാലി, ബഷീര്‍ തിക്കൊടി, സബാ ജോസഫ്‌, ചന്ദ്രന്‍ ആയഞ്ചേരി, ഷീല പോള്‍, ടി. സി. ഏ. റഹ്മാന്‍, എന്നിവര്‍ രക്ഷാധികാരി കളും, ഹുസൈനാര്‍. പി. എടാച്ചകൈ ചെയര്‍മാനും, സുബൈര്‍ വെള്ളിയോട് വൈസ് ചെയര്‍മാന്‍, ലത്തീഫ് തണ്ടലം ജ. കണ്‍വീനര്‍, റീന സലിം കോഡിനേറ്റര്‍ ആയും കമ്മറ്റി നിലവില്‍ വന്നു.
- pma
വായിക്കുക: ആഘോഷം, ദുബായ്, സ്വരുമ ദുബായ്
ദുബായ് : കോഴിക്കോട് സഹൃദയവേദി യുടെ മൂന്നാം വാര്‍ഷിക ത്തോട് അനുബന്ധിച്ച് കുടുംബ സംഗമവും സെമിനാറും സംഘടിപ്പിക്കുന്നു.
ഏപ്രില്‍ 9 ശനിയാഴ്ച രാത്രി 8 മണിക്ക് ദുബായ് ദേര മലബാര്‍ റസ്റ്റോറന്‍റ് ഹാളില്‍ ചേരുന്ന കുടുംബ സംഗമം, ഇന്ത്യന്‍ മീഡിയ ഫോറം പ്രസിഡന്‍റ് ഇ. സതീഷ് ഉദ്ഘാടനം ചെയ്യും.
സെമിനാറില്‍ സാമ്പത്തിക വിദഗ്ദന്‍ കെ. വി. ഷംസുദ്ദീന്‍ “ഒരു നല്ല നാളേക്കു വേണ്ടി” എന്ന വിഷയ ത്തില്‍ ക്ലാസ്സ് എടുക്കും. സാമൂഹിക സാംസ്കാരിക മാധ്യമ രംഗത്തെ പ്രമുഖര്‍ പങ്കെടുക്കുമെന്ന് കണ്‍വീനര്‍ സി. എ. ഹബീബ് അറിയിച്ചു.
വിവരങ്ങള്‍ക്ക് : 050 36 24 989 – 055 26 828 78
-അയച്ചു തന്നത് : അബ്ദുള്ളകുട്ടി ചേറ്റുവ.
- pma
വായിക്കുക: ആഘോഷം
ദുബായ് : ഇന്ത്യയും ശ്രീലങ്കയും ഏറ്റു മുട്ടിയ ക്രിക്കറ്റ്‌ ലോക കപ്പ് മത്സര ത്തിന്‍റെ തല്‍സമയ സംപ്രേഷണം പ്രവാസി ഇന്ത്യക്കാരില്‍ ആവേശ ത്തിന്‍റെ അലകടല്‍ തീര്‍ത്തു.
ഈ ലോക കപ്പില്‍ ശ്രീശാന്തിന്‍റെ സാന്നിദ്ധ്യം മലയാളികള്‍ ക്ക് അഭിമാന ത്തിന്‍റെ നിമിഷ ങ്ങളായിരുന്നു. ടെലിവിഷന് മുന്നില്‍ ഇരിക്കുമ്പോഴും, തങ്ങളുടെ ഫേയ്സ്ബുക്ക് സൌഹൃദ ക്കൂട്ടായ്മ കളില്‍ കളി യുടെ വിശേഷങ്ങള്‍ പങ്കു വെക്കുന്നതില്‍ മലയാളി സമൂഹം മുന്നില്‍ ആയിരുന്നു.
ഫേയ്സ്ബുക്കിലെ കിടിലന്‍ ടി. വി. ഡോട്ട് കോം പ്രവര്‍ത്തകര്‍ ഒത്തു കൂടിയതിന്‍റെ യും ആഹ്ലാദ പ്രകടന ങ്ങളുടെയും ചില നിമിഷങ്ങള്‍:
കളി അവസാനിച്ചപ്പോള്‍ അതാ വരുന്നു അഭിപ്രായങ്ങളും.
” ചിലര്‍ കണ്ണുകള്‍ ഇറുകെയടച്ചു. മറ്റ് ചിലര്‍ പ്രാര്‍ത്ഥനകള്‍ ഉരുവിട്ടു. വേറൊരു കൂട്ടര്‍ ഓരോ റണ്ണിനും ആര്‍ത്തു വിളിച്ചു. ആവേശം ഒരോ അണുവിലും.
നിമിഷങ്ങള്‍ക്ക് മണിക്കൂറിനേക്കാളും ദൈര്‍ഘ്യം. ഒടുവില്‍ ആ അസുലഭ മുഹൂര്‍ത്തം സംഭവിച്ചു. കോടിക്കണക്കിന് ആരാധകര്‍ക്കുള്ള സമ്മാനമായി 48.2 ഓവറില്‍ ധോണി കുലശേഖരയെ നിലം തൊടാതെ പറത്തി. ഫലം ലോകകപ്പ് കിരീടം ഇന്ത്യക്ക് സ്വന്തം.”
തുടര്‍ന്ന് വര്‍ണ്ണ കടലാസുകള്‍ വിതറിയും, മധുര പലഹാരങ്ങള്‍ വിതരണം ചെയ്‌തും ആര്‍പ്പു വിളികളു മായിട്ടായിരുന്നു ആരാധകര്‍ വിജയം ആഘോഷി ച്ചത്‌.
– അയച്ചു തന്നത്: ഷക്കീര്‍ അറക്കല്‍, ദുബായ്. (എയെമ്മെസ് കുട്ടമംഗലം)
- pma
ദുബൈ: ഇന്നലെ ശ്രിലങ്കയോട് എതിരിട്ടു ഇന്ത്യ നേടിയ ക്രിക്കറ്റ്‌ ലോക കപ്പ് വിജയം ഗള്‍ഫിലെ ഇന്ത്യക്കാര്‍ ഗംഭീരമായി ആഘോഷിച്ചു. അല്‍ ഖയില്‍ ഗേറ്റില്‍ രാത്രി 10.30 യോടെ ജാഥയായി നീങ്ങിയ ഇന്ത്യന്‍ ആരാധകര്‍ മധുരം വിതരണം ചെയ്‌തും ആര്‍പ്പു വിളികളുമായിട്ടായിരുന്നു ആഘോഷിച്ചത്‌. ആളുകള്‍ ത്രിവര്‍ണ പതാകയും ബലൂണുകളുമായി തെരുവിലിറങ്ങി. ഇതോടെ ഇവിടെ ഗതാഗത സ്‌തംഭനമുണ്ടായി.ഒഴിഞ്ഞ വെള്ളകുപ്പികളിലും പാട്ടകളിലും അടിച്ച് ആര്‍പ്പുവിളിക്കുന്നവരും, നിറഞ്ഞ പെപ്സി കുപ്പികള്‍ ചീറ്റിച്ച് ആഹ്ലാദം പങ്കു വയ്ക്കുന്നവരും സംഘത്തില്‍ ഉണ്ടായിരുന്നു. മലയാളികളും ഉത്തരേന്ത്യക്കാരുമായിരുന്നു ഇതിന്‌ മുന്നില്‍. ആഘോഷം രാത്രി വൈകുവോളം നീണ്ടുനിന്നു.
യു.എ.ഇ യില്‍ ഇതിനു മുമ്പ് ഇന്ത്യക്കാരുടെ ഇത്രെയും വലിയ ഒരു ആഹ്ലാദ പ്രകടനം കണ്ടിട്ടില്ല എന്ന് കാണികളില്‍ പലരും അഭിപ്രായപ്പെട്ടു. മുന്‍പെങ്ങും ഇല്ലാത്ത വിധം കാറിനു മുകളില്‍ വരെ കയറി പ്രകടനം നടത്തിയായിരുന്നു ഇന്ത്യക്കാരുടെ ആഘോഷ പ്രകടനങ്ങള്‍. മുഖത്ത് ഇന്ത്യന്‍ പാതക വരച്ചും റോഡുകളില്‍ വര്‍ണ്ണ കടലാസുകള്‍ വിതറിയും ആരാധകര്‍ ആഘോഷിച്ചപ്പോള്‍ ഏപ്രില്‍ 2 ന് യു.എ.ഇ ദേശീയ ദിനമായ ഡിസംബര്‍ 2 നോട് സാമ്യം തോന്നി. ഇതിനിടയില്‍ കൂടി വാഹനങ്ങള്‍ കടത്തി കൊണ്ടു പോകാന്‍ മറ്റു രാജ്യക്കാരായ ചില സ്ഥല വാസികള്‍ക്ക് തടസ്സം നേരിട്ടപ്പോള്‍ നേരിയ സംഘര്‍ഷം ഉണ്ടായി എങ്കിലും പ്രത്യേകിച്ച് വലിയ പ്രശ്നങ്ങള്‍ ഒന്നും തന്നെ ഉണ്ടാക്കാതെ പ്രകടനക്കാര്‍ വഴി മാറി കൊടുത്തു.
ഓഫീസുകളിലും മറ്റും ജോലി ചെയ്യുന്നവര്‍ ഇന്നലെ ഉച്ചയ്ക്ക്‌ ശേഷം അവധി എടുത്തു കളി കാണാന്‍ ടെലിവിഷന് മുന്നില്‍ എത്തിയിരുന്നു. സാധാരണയായി ക്രിക്കെറ്റ് കാണാത്ത പല ഇന്ത്യാക്കാരും ഈ ലോക കപ്പില്‍ ഇന്ത്യ മുത്തമിടുമോ എന്നറിയാന്‍ ആകാംക്ഷയോടെ കളി കണ്ടിരുന്നു. പൊതു വീതികളെല്ലാം ഏറെക്കുറെ വിജനമായിരുന്നു. വലിയ സ്ക്രീനില്‍ കൂട്ടുകാരുമൊത്ത് കളി കാണുവാന്‍ ഒത്തു കൂടിയവര്‍ അനവധിയായിരുന്നു.
- ലിജി അരുണ്‍
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
