 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : മലയാളത്തിന്‍റെ മെഗാ താരം മമ്മൂട്ടി യുടെ ജന്മദിനത്തിനോട് അനുബന്ധിച്ച് ‘രക്ത ദാനം മഹാ ദാനം’ എന്ന പേരിൽ മമ്മൂട്ടി ഫാൻസ്‌ ഇന്റർ നാഷണൽ യു. എ. ഇ. ചാപ്റ്റർ അബുദാബിയില്‍ സംഘടിപ്പിക്കുന്ന രക്ത ദാന ക്യാമ്പ് സെപ്റ്റംബർ 10 ശനിയാഴ്ച വൈകുന്നേരം 5 മണി മുതൽ 10 മണി വരെ അബുദാബി അല്‍ വഹ്ദ മാളില്‍ വെച്ച് നടക്കുന്നു. പങ്കെടുക്കാൻ താല്പര്യമുള്ളവർ ബന്ധപ്പെടുക : +971 50 671 5353, +971 56 323 2746.
- pma
അബുദാബി : ചരിത്ര – സാംസ്കാരിക – രാഷ്ട്രീയ പഠന ത്തിനും പരിശീലനത്തിനും വേണ്ടി അബുദാബി കെ. എം. സി. സി. സംസ്ഥാന കമ്മിറ്റി സംഘടിപ്പിച്ച ‘ടോപിക റീഡിംഗ് ആന്‍റ് ലേണിംഗ് കോഴ്സ്’ സമാപിച്ചു.
നസീർ രാമന്തളി ഒന്നാം റാങ്കും അബ്ദുല്ല ചേലക്കോട്, സുനീർ ബാബു ചുണ്ടമ്പറ്റ, നൗഷാദലി നാഷ്മഹൽ എന്നിവർ യഥാക്രമം രണ്ട്, മൂന്ന്, നാല് റാങ്കുകളും നേടി.
രണ്ടു വർഷം നീണ്ടു നിന്ന പഠനത്തിനും പരിശീലന ത്തിനും ശേഷമാണ് ടോപിക പാഠ്യ പദ്ധതിയിൽ രജിസ്റ്റർ ചെയ്ത വിദ്യാർത്ഥികള്‍ക്ക് കോൺവോക് ചടങ്ങ് സംഘടിപ്പിച്ചത്.
രണ്ട് സെമസ്റ്ററുകളിലായി നടന്ന കോഴ്‌സിന്‍റെ അവസാന ഘട്ട പരീക്ഷകൾക്ക് ശേഷം വിജയികകള്‍ ആയവരെ അബുദാബി ഇന്ത്യൻ ഇസ്ലാമിക് സെന്‍ററിൽ നടന്ന കോൺവോക് ചടങ്ങില്‍ ആദരിച്ചു. റാങ്ക് ജേതാക്കളെ ചടങ്ങിൽ പ്രത്യേകം ആദരിച്ചു.
ചരിത്രവും സമകാലിക ഇന്ത്യയുടെ നേർ ചിത്രങ്ങളും ന്യൂന പക്ഷ രാഷ്ട്രീയത്തിന്‍റെ പ്രസക്തിയും സാംസ്കാരിക മുന്നേറ്റങ്ങളും നാഗരികതകളുടെ പഠനവും വ്യക്തി വികാസ പദ്ധതികളുമെല്ലാം ഉൾക്കൊള്ളുന്നത് ആയിരുന്നു ടോപിക പാഠ്യ പദ്ധതി. 67 പഠിതാക്കളാണ് ടോപികയിൽ പരീക്ഷ എഴുതി സർട്ടിഫിക്കറ്റ് കരസ്ഥമാക്കിയത്.
ഷുക്കൂറലി കല്ലുങ്ങൽ ഉദ്ഘാടനം ചെയ്തു. പി. കെ. അഹമ്മദ് അദ്ധ്യക്ഷത വഹിച്ചു. ടോപിക കോഴ്സ് ഡയറക്ടർ ഷെരീഫ് സാഗർ, ഇ. ടി. മുഹമ്മദ് സുനീർ, മജീദ് അണ്ണാൻതൊടി എന്നിവര്‍ പ്രസംഗിച്ചു.
അസീസ് കാളിയാടൻ, സമീർ തൃക്കരിപ്പൂർ, അഷ്റഫ് പൊന്നാനി, ബഷീർ ഇബ്രാഹീം, വീരാൻ കുട്ടി ഇരിങ്ങാ വൂർ, മുഹമ്മദ് ആലം, റഷീദ് പട്ടാമ്പി, റഷീദലി മമ്പാട, അബ്ദുല്ല കാക്കുനി, സഫീഷ് താമരക്കുളം എന്നിവർ നേതൃത്വം നൽകി.
- pma
വായിക്കുക: islamic-center-, ആഘോഷം, കെ.എം.സി.സി., പ്രവാസി, ബഹുമതി, വിദ്യാഭ്യാസം
അബുദാബി : ലുലു പൊന്നോണം എന്ന പേരില്‍ അബുദാബി മലയാളി സമാജം ലുലു ഗ്രൂപ്പുമായി സഹകരിച്ച് സംഘടിപ്പിക്കുന്ന ഓണാഘോഷ പരിപാടികൾ സെപ്തംബർ 4 ഞായറാഴ്ച മുതൽ ആരംഭിക്കും എന്ന് സമാജം ഭാര വാഹികൾ വാർത്താ സമ്മേളനത്തിൽ അറിയിച്ചു.
ഓണാഘോഷങ്ങളിലെ ആദ്യ പരിപാടി യു. എ. ഇ. തല അത്തപ്പൂക്കള മത്സരം സെപ്തംബര്‍ നാല് ഞായറാഴ്ച വൈകുന്നേരം നാലു മണി മുതല്‍ മുസ്സഫ ക്യാപിറ്റൽ മാളിലെ ലുലു ഹൈപ്പർ മാർക്കറ്റിൽ നടക്കും.
പതിനഞ്ചോളം ടീമുകൾ മാറ്റുരക്കുന്ന പൂക്കള മത്സര ത്തിൽ ഒന്നാം സ്ഥാനം നേടുന്നവര്‍ക്ക് 2,000 ദിർഹം, രണ്ടാം സ്ഥാനം നേടുന്നവര്‍ക്ക് 1,500 ദിർഹം, മൂന്നാം സ്ഥാനം നേടുന്നവര്‍ക്ക് 1,000 ദിർഹം സമ്മാനം നൽകും.
ലുലു ഹൈപ്പര്‍ മാര്‍ക്കറ്റും മലയാളി സമാജവും സംയുക്തമായി സംഘടിപ്പിക്കുന്ന പൂക്കള മത്സര പരിപാടിക്കു മാറ്റു കൂട്ടാന്‍ നാട്ടില്‍ നിന്നെത്തുന്ന കലാ പ്രതിഭകള്‍ പങ്കെടുക്കുന്ന വിവിധ പരിപാടികൾ അരങ്ങേറും. പിന്നണി ഗായിക അനിത ശൈഖ് നേതൃത്വം നല്‍കുന്ന സംഗീത പരിപാടിയും സമാജം ബാലവേദിയും വനിതാ വേദിയും അവതരി പ്പിക്കുന്ന വ്യത്യസ്തമായ കലാ പരിപാടികളും നടക്കും.
സമാജം ഓണ സദ്യ സെപ്തംബര്‍ 17 ശനിയാഴ്ച അബു ദാബി ഇന്ത്യ സോഷ്യല്‍ സെന്‍ററില്‍ നടക്കും. രണ്ടായിര ത്തില്‍ അധികം പേർക്കുള്ള ഓണ സദ്യയാണ് സമാജം ഈ വർഷം ഐ. എസ്. സി. യിൽ ഒരുക്കുന്നത്.
ഇതോട് അനുബന്ധിച്ച് വിവിധ സാംസ്കാരിക പരിപാടികള്‍, ഘോഷ യാത്ര, പ്രശസ്ത പിന്നണി ഗായകരായ സുമി അരവിന്ദ്, പ്രദീപ് ബാബു, നിഖിൽ തമ്പി എന്നിവര്‍ അവതരിപ്പിക്കുന്ന സംഗീത സദ്യ അടക്കം നിരവധി കലാ പരിപാടികളും അരങ്ങേറും.
മധുരം പൊന്നോണം എന്ന പേരിൽ സമാജം വനിതാ വിഭാഗം ഒരുക്കുന്ന ‘പായസം ചാലഞ്ച്’ സെപ്റ്റംബര്‍ 24 നു സമാജത്തിൽ നടക്കും.
സമാജം പ്രസിഡണ്ട് റഫീഖ് കയനയിൽ, ജനറൽ സെക്രട്ടറി എം. യു. ഇർഷാദ്, സമാജം കോഡിനേഷന്‍ ചെയര്‍മാന്‍ ബി. യേശുശീലന്‍, മീഡിയ കണ്‍വീനര്‍ പി. ടി. റഫീഖ് എന്നിവർ ആഘോഷ പരിപാടികളെ കുറിച്ച് വിശദീകരിച്ചു.
വൈസ് പ്രസിഡണ്ട് രേഖിന്‍ സോമന്‍, ട്രഷറര്‍ അജാസ് അപ്പാടത്ത്, അസി.ട്രഷറര്‍ അബ്ദുല്‍ റഷീദ്, വനിതാ വിഭാഗം കണ്‍വീനര്‍ അനുപ ബാനര്‍ജി, ഓഡിറ്റർ ഫസലുദ്ദീന്‍, ആര്‍ട്‌സ് സെക്രട്ടറി പി. ടി. റിയാസുദ്ധീന്‍, സാഹിത്യ വിഭാഗം സെക്രട്ടറി ടി. ഡി. അനില്‍ കുമാര്‍ തുടങ്ങിയവര്‍ സംബന്ധിച്ചു.
- pma
വായിക്കുക: ആഘോഷം, കുട്ടികള്‍, പ്രവാസി, മലയാളി സമാജം, സംഘടന, സാംസ്കാരികം
ദുബായ് : കേരളത്തിലെ കോളേജുകളിലെ പൂർവ്വ വിദ്യാര്‍ത്ഥി കളുടെ യു. എ. ഇ. യിലെ സംഘടന അക്കാഫ്, 2022 സെപ്റ്റംബർ 25 ന് സംഘടിപ്പിക്കുന്ന മെഗാ ഓണാഘോഷ പരിപാടി വിജയിപ്പിക്കാനും അക്കാഫിന്‍റെ ഭാഗമായി പ്രവർത്തി ക്കുവാനും കൊടുങ്ങല്ലൂർ കെ. കെ. ടി. എം. ഗവണ്മെന്‍റ് കോളേജ് അലുംനി യു. എ. ഇ. ചാപ്റ്റർ യോഗം തീരുമാനിച്ചു.
ഓണാഘോഷ പരിപാടികൾ വിജയിപ്പിക്കുന്നതിന് നജീബ് മതിലകം ചീഫ് കോഡിനേറ്ററായി ഏഴംഗ സംഘാടക സമിതി രൂപം നൽകി. പ്രസിഡണ്ട് ഷാജി അബ്ദുൽ കാദർ അദ്ധ്യക്ഷത വഹിച്ചു. സെപ്റ്റംബർ മൂന്നിന് ഇതിനായി പ്രത്യേക പൊതു യോഗം അക്കാഫ് ഹാളിൽ ചേരും. ഭാരവാഹികൾ അക്കാഫ് പ്രതിനിധി കളുമായി ചർച്ചകൾ നടത്തി അഫിലിയേഷൻ പൂർത്തിയാക്കി.
യോഗത്തിൽ എം. കെ. ഷാജഹാൻ, അജിത് പോള ക്കുളത്ത്, നജീബ് മതിലകം, അനിൽ കുമാർ, ബിജു നാഥ്, അനസ് മാള, സലിം ബഷീർ, സുനിൽ രാജ് എന്നിവർ പങ്കെടുത്തു. ജനറൽ സെക്രട്ടറി രമേഷ് നായർ ചെന്ത്രാപ്പിന്നി സ്വാഗതവും ട്രഷറർ അഷ്റഫ് കൊടുങ്ങല്ലൂർ നന്ദിയും പറഞ്ഞു.
- pma
അബുദാബി : ഇന്ത്യൻ സ്വാതന്ത്ര്യ ദിന ആഘോഷ ങ്ങളുടെ ഭാഗമായി ഗള്‍ഫിലെ ലുലു ശാഖകളിൽ വര്‍ണ്ണാഭമായ പരി പാടികളോടെ ‘ഇന്ത്യ ഉത്സവ്’ ആഘോഷിച്ചു. ആസാദി കാ അമൃത് മഹോത്സവിന്‍റെ ഭാഗമായി ഒരുക്കുന്ന ഇന്ത്യാ ഉത്സവ് യു. എ. ഇ. തല ഉദ്ഘാടനം, അബുദാബി അൽ വഹ്ദ മാളിൽ ഇന്ത്യന്‍ സ്ഥാനപതി സഞ്ജയ് സുധീര്‍ നിർവ്വഹിച്ചു. ലുലു ഗ്രൂപ്പ് ചെയര്‍മാനും മാനേജിംഗ് ഡയറക്ടറുമായ എം. എ. യൂസഫലി, ലുലു ഗ്രൂപ്പ് സി. ഇ. ഒ. സെയ്ഫീ രുപാവാല, അര്‍ച്ചന ആനന്ദ് തുടങ്ങിയവരും ലുലു ഗ്രൂപ്പ് ഉന്നത ഉദ്യോഗസ്ഥരും സംബന്ധിച്ചു.
ആസാദി കാ അമൃത് മഹോത്സവ് നടക്കുന്ന ചരിത്ര പരമായ ഈ വേളയില്‍ ലുലു ഗ്രൂപ്പ് തങ്ങളുടെ ഷോപ്പു കളില്‍ ഇന്ത്യ ഉത്സവ് ആഘോഷിക്കുന്നതില്‍ സന്തോഷം ഉണ്ട് എന്ന് സഞ്ജയ് സുധീര്‍ പറഞ്ഞു. ഇന്ത്യയും യു. എ. ഇ. യും തമ്മിലുള്ള വ്യാപാര ബന്ധം കൂടുതല്‍ ഊഷ്മളമാക്കാന്‍ ഇത് ഉപകരിക്കും എന്നും അദ്ദേഹം കൂട്ടിച്ചേര്‍ത്തു.
ഇന്ത്യ സാമ്പത്തിക ശക്തിയായി അതി വേഗം വളര്‍ന്നു കൊണ്ടിരിക്കുകയാണ്. പ്രധാനമന്ത്രി നരേന്ദ്ര മോഡി യുടെ വിദേശ നയം ഇന്ത്യ- ജി. സി. സി. ബന്ധം കൂടുതല്‍ ദൃഡമാക്കുവാന്‍ സഹായിക്കും എന്നും എം. എ. യൂസഫലി പറഞ്ഞു.
വര്‍ഷം തോറും 5,000 കോടി രൂപയുടെ ഉല്‍പ്പന്നങ്ങള്‍ ലുലു ഗ്രൂപ്പ് ഇന്ത്യയില്‍ നിന്ന് ഇറക്കുമതി ചെയ്യുന്നുണ്ട്. ഇന്ത്യ ഉത്സവിന്‍റെ ഭാഗമായി ഹൈപ്പര്‍ മാര്‍ക്കറ്റുകളില്‍ വിവിധ സാംസ്കാരിക പരിപാടികളും നിരവധി പ്രതിഭകളെ പങ്കെടുപ്പിച്ചു കൊണ്ടുള്ള കലാ പരിപാടി കളും സംഘടിപ്പിക്കും എന്നും ലുലു ഗ്രൂപ്പ് മാര്‍ക്കറ്റിംഗ് ആന്‍ഡ് കമ്മ്യൂണിക്കേഷന്‍സ് ഡയറക്ടര്‍ വി. നന്ദ കുമാര്‍ പറഞ്ഞു.
ലുലുവിന്‍റെ 235 ഹൈപ്പര്‍ മാര്‍ക്കറ്റുകളിലാണ് സ്വാതന്ത്ര്യ ദിന ആഘോഷങ്ങള്‍ നടത്തുന്നത്. മറ്റു ഗള്‍ഫ് രാജ്യങ്ങളിലെ ലുലു ഉത്സവ് അതാതു രാജ്യ ങ്ങളിലെ ഇന്ത്യന്‍ സ്ഥാനപതിമാര്‍ ഉദ്ഘാടനം ചെയ്തു.
- pma
വായിക്കുക: lulu-group, ആഘോഷം, ഇന്ത്യന്‍ കോണ്സുലേറ്റ്, ഒമാന്, കുവൈറ്റ്, ഖത്തര്‍, പ്രവാസി, ബഹറൈന്, യു.എ.ഇ., വ്യവസായം, സാമ്പത്തികം, സൗദി അറേബ്യ
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
