ഷാര്‍ജ്ജ: വിഖ്യാത ചിത്രകാരന്‍ എം. എഫ്.ഹുസൈന്റെ നിര്യാണത്തില്‍ യു. എ. ഇ. യിലെ ചിത്രകാരന്മാരുടെ കൂട്ടായ്മയായ ആര്‍ട്ടിസ്റ്റ ആര്‍ട്ട് ഗ്രൂപ്പ്‌ അനുശോചനം രേഖപ്പെടുത്തി. അനുശോചന യോഗത്തില്‍, ആര്‍ട്ടിസ്റ്റ കേന്ദ്രസമിതി കോര്‍ഡിനേറ്റര്‍ ഇ. ജെ. റോയിച്ചന്‍ അദ്ധ്യക്ഷത വഹിച്ചു. പ്രമുഖ ചിത്രകാരി പ്രിയ ദിലീപ്കുമാര്‍ അനുശോചനപ്രമേയം അവതരിപ്പിച്ചു. ആര്‍ട്ടിസ്റ്റ കേന്ദ്രസമിതി അംഗങ്ങളായ ശശിന്‍സ് സാ, ഹരീഷ് തചോടി, രഞ്ജിത്ത് രാമചന്ദ്രന്‍, ഷാഹുല്‍ കൊല്ലങ്കോട്, അനില്‍ താമരശ്ശേരി, അജി രാധാകൃഷ്ണന് എന്നിവര്‍ പ്രസംഗിച്ചു.
അബുദാബി : മുസ്സഫ വ്യവസായ നഗര ത്തിലേക്ക് പ്രവര്‍ത്തനം മാറ്റിയ അബുദാബി മലയാളി സമാജ ത്തിന്‍റെ 2011 – 2012 വര്‍ഷത്തെ പ്രവര്‍ത്തന ഉദ്ഘാടനം മെയ് 5 വ്യാഴാഴ്ച രാത്രി 8 മണിക്ക് മുസ്സഫ (10) യിലെ എമിറേറ്റ്സ് നാഷണല്‍ ഫ്യൂച്ചര്‍ അക്കാദമി സ്‌കൂളില്‍ വൈവിധ്യ മാര്‍ന്ന പരിപാടി കളോടെ നടക്കും.
