.
അബുദാബി : കേരള സോഷ്യല്‍ സെന്ററിന്റെ ആഭിമുഖ്യത്തില്‍ എന്‍ഡോസള്‍ഫാന്‍ വിരുദ്ധ സത്യാഗ്രഹ സമരത്തിന് ഐക്യദാര്‍ഢ്യം പ്രഖ്യാപിച്ചു കൊണ്ട് നടത്തിയ ഓപ്പണ്‍ ഫോറത്തിന്റെ ഉദ്ഘാടനം കേരള സോഷ്യല്‍ സെന്റര്‍ പ്രസിഡന്റ് കെ. ബി. മുരളി നിര്‍വഹിച്ചു. സെക്രട്ടറി അഡ്വ. അന്‍സാരി സൈനുദ്ദീന്‍ അദ്ധ്യക്ഷനായിരുന്നു. വി. ടി. വി. ദാമോദരന്‍, ബീരാന്‍ കുട്ടി, റഫീഖ്‌ സഖറിയ, ഗോവിന്ദന്‍ നമ്പൂതിരി, e പത്രം പരിസ്ഥിതി സംഘം പ്രതിനിധി ഫൈസല്‍ ബാവ, അജി രാധാകൃഷ്ണന്‍ എന്നിവര്‍ സംസാരിച്ചു.
ചിത്ര രചന, ഒപ്പുമരം, ചിത്ര പ്രദര്‍ശനം എന്നിവയും നടന്നു. ഒപ്പുമരത്തില്‍ നൂറകണക്കിന് ആളുകള്‍ ഒപ്പു വെച്ചു.
ദുബായ്‌ : കേരളത്തില്‍ എന്‍ഡോസള്‍ഫാന്‍ വിരുദ്ധ ദിനം ആചരിക്കുന്ന ഏപ്രില്‍ 25ന് ഫ്രണ്ട്സ്‌ ഓഫ് കേരള ശാസ്ത്ര സാഹിത്യ പരിഷത്ത്‌ യു. എ. ഇ. യുടെ ആഭിമുഖ്യത്തില്‍ ഉപവാസം ആചരിക്കുന്നു. ഉപവാസം ആചരിക്കുന്നതിന്റെ ഫലമായി ലഭിക്കുന്ന പണം എന്‍ഡോസള്‍ഫാന്‍ ദുരിത ബാധിതരുടെ സഹായത്തിനായി അയച്ചു കൊടുക്കും എന്ന് പരിഷത്തിന്റെ ഭാരവാഹികള്‍ അറിയിച്ചു. 
