 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : പാം സാഹിത്യ സഹകരണ സംഘ ത്തിന്റെ അക്ഷര മുദ്ര പുരസ്കാര ജേതാവും പ്രശസ്ത എഴുത്തു കാരനും സാമൂഹിക പ്രവര്‍ത്തകനു മായ ലത്തീഫ് മമ്മിയൂരിനെ മാതൃ സംഘടന യായ ഭാവനാ ആര്‍ട്‌സ് സൊസൈറ്റി ആദരിച്ചു.
ജനറല്‍ സെക്രട്ടറി സുലൈമാന്‍ തണ്ടിലം അദ്ധ്യക്ഷത വഹിച്ചു. കഴിഞ്ഞ കാല്‍ നൂറ്റാണ്ടായി ഭാവന ക്കും മറ്റ് ഇതര സംഘടന കള്‍ക്കും ലത്തീഫ് മമ്മിയൂര്‍ തയ്യാറാക്കിയ ചിത്രീകരണങ്ങള്‍ അഭിനന്ദനാര്‍ഹാമാണ്.
ഷാനവാസ് ചാവക്കാട്, ബഷീര്‍ തിക്കോടി, ഷാജി ഹനീഫ്, വി. പി. മമ്മുട്ടി തുടങ്ങിയവര്‍ സന്നിഹിതരായിരുന്നു
- pma
അബുദാബി : പ്രവാസി പുനരധിവാസ പദ്ധതികള്‍ ആസൂത്രണം ചെയ്തു കൊണ്ട് ‘അല്‍സലാമ കണ്ണാശുപത്രി’ യുടെ ഷോണ്‍ ഒപ്റ്റിക്കല്‍ & വിഷന്‍ സെന്ററുകള്‍ കേരള ത്തില്‍ 30 സുപ്രധാന നഗരങ്ങളില്‍ പ്രവര്‍ത്തനം ആരംഭിക്കുന്നു. ഇതിന്റെ ആദ്യ പടിയായി മഞ്ചേരി, മലപ്പുറം, കൊണ്ടോട്ടി, പട്ടാമ്പി, വേങ്ങര, കോട്ടയ്ക്കല്‍ ,തിരൂര്‍ എന്നിവിടങ്ങളില്‍ വിഷന്‍ സെന്ററുകള്‍ വിജയകരമായി മുന്നേറുന്നു.
അബുദാബി യില്‍ എത്തിയ ‘അല്‍സലാമ ഗ്രൂപ്പി’ന്റെ പ്രതിനിധി സംഘം വാര്‍ത്താ സമ്മേളന ത്തില്‍ പറഞ്ഞതാണ് ഇക്കാര്യം. നേത്ര ചികിത്സാ രംഗത്ത് ചുരുങ്ങിയ കാലം കൊണ്ട് കേരള ത്തില്‍ ശ്രദ്ധേയരായ ‘അല്‍സലാമ’ പ്രവാസി കളുടെ പങ്കാളിത്ത ത്തോടെ വിപുലീകരി ക്കാനുള്ള പദ്ധതികള്‍ ആവിഷ്‌കരിക്കുന്നു എന്നും പ്രതിനിധി സംഘം പറഞ്ഞു. ഈ വിഷന്‍ സെന്ററുകളില്‍ നിശ്ചിത തുക നിക്ഷേപിക്കുന്ന പ്രവാസി മലയാളികള്‍ക്ക്‌ ഇവിടെ ഡയറക്ടര്‍ സ്ഥാനം കൂടാതെ ശമ്പളവും നിക്ഷേപിച്ച തുക യുടെ ലാഭ വിഹിതവും നല്‍കും.
നേത്ര പരിശോധനാ രംഗത്ത് ഇന്ത്യയിലും വിദേശത്തും ലക്ഷ ക്കണക്കിന് ഒപ്‌ട്രോമെട്രിസ്റ്റുകളെ ആവശ്യ മുള്ളപ്പോള്‍ വളരെ കുറച്ച് സ്ഥാപന ങ്ങള്‍ മാത്രമാണ് ഈ മേഖല യില്‍ പരിശീലനം നല്കുന്നത്. കേരളത്തില്‍ ഈ രംഗത്ത് പ്രവര്‍ത്തിക്കുന്നത് ഏതാനും സ്ഥാപനങ്ങള്‍ മാത്ര മാണ്.കേരള ത്തില്‍ ബി. എസ്സ്. സി. ഒപ്‌റ്റോ മെട്രിക്കിന് കേരള മെഡിക്കല്‍ യൂണിവേഴ്‌സിറ്റി യുടെ അംഗീകാരം ലഭിച്ച ഏക സ്ഥാപനമാണ് അല്‍സലാമ ആശുപത്രി. ഈ കോഴ്സിനു പുറമെ എം. ബി. എ. കോഴ്‌സും അല്‍ സലാമ നടത്തുന്നുണ്ട്.
കേരളത്തില്‍ ആദ്യമായി സഞ്ചരിക്കുന്ന ഐ ടെസ്റ്റിംഗ് യൂണിറ്റ് അല്‍ സലാമ പുറത്തിറക്കിക്കഴിഞ്ഞു. ഗ്ലൂക്കോമ, ഡയബറ്റിക് റെറ്റിനോപ്പതി, കോങ്കണ്ണ് തുടങ്ങിയ നേത്ര സംബന്ധമായ എല്ലാ അസുഖ ങ്ങളുടെയും പ്രാഥമിക പരിശോധനാ സൗകര്യങ്ങള്‍ തികച്ചും സൗജന്യ മായി ഇതില്‍ ഒരുക്കിയിട്ടുണ്ട്.
വാര്‍ത്താ സമ്മേളന ത്തില്‍ അല്‍ സലാമ ആശുപത്രി ചെയര്‍മാന്‍ മുഹമ്മദ്കുട്ടി, മാനേജിംഗ് ഡയറക്ടര്‍ അഡ്വ. എം. ഷംസുദ്ദീന്‍ ,മെഡിക്കല്‍ ഡയറക്ടര്‍ ഡോ. മുഹമ്മദ് സാദിഖ്, വൈസ് ചെയര്‍മാന്‍ അഷറഫ് കിഴിശ്ശേരി, എക്‌സിക്യൂട്ടീവ് ഡയറക്ടര്‍ അലവി ഹാജി പാട്ടശ്ശേരി എന്നിവര്‍ പങ്കെടുത്തു.
കൂടുതല്‍ വിവര ങ്ങള്‍ക്ക് അല്‍സലാമ വെബ്‌സൈറ്റ് സന്ദര്‍ശിക്കുകയോ 056 121 82 84 ( മുഹമ്മദ്കുട്ടി ) , 055 11 34 025 (അഷറഫ് കിഴിശ്ശേരി) എന്നീ നമ്പറുകളില്‍ ബന്ധപ്പെടുകയോ ചെയ്യാം.
- pma
ദുബായ് : ‘ശാന്തി തേടുന്ന മനുഷ്യന്‍ ‘ എന്ന പ്രമേയ ത്തില്‍ മുസ്‌രിസ് ഹെറിറ്റേജിന്റെ (കൊടുങ്ങല്ലൂര്‍ പൈതൃകം) ആഭിമുഖ്യ ത്തില്‍ സംഘടിപ്പിച്ച സ്നേഹ സംഗമ ത്തില്‍ മുജാഹിദ് ബാലുശ്ശേരി നടത്തിയ മുഖ്യ പ്രഭാഷണ ത്തിന്റെ സി ഡി, കെ. കെ മൊയ്ദീന്‍ കോയക്ക് നല്‍കി ഇന്ത്യന്‍ മീഡിയ ഫോറം പ്രസിഡന്റ് എന്‍ . വിജയ മോഹന്‍ പ്രകാശനം ചെയ്തു. മുസ്‌രിസ് ഹെറിറ്റേജ് വര്‍ക്കിംഗ് പ്രസിഡന്റ് കെ. എ. ജബ്ബാരി സന്നിഹിതനായിരുന്നു.
- pma
ദുബായ് : യു. എ. ഇ. പുല്ലുറ്റ് അസോസി യേഷന്‍ സ്നേഹ സംഗമം ഫെബ്രുവരി 24 വെള്ളിയാഴ്ച കാലത്ത് 10 മണി മുതല്‍ ദുബായ് സബീല്‍ പാര്‍ക്കില്‍ നടക്കും. യു. എ. ഇ. യിലുള്ള എല്ലാ അംഗ ങ്ങളും കുടുംബ സമേതം പങ്കെടുക്കണം എന്ന് പ്രോഗ്രാം ചീഫ് വി. കെ. മുരളിധരന്‍ അറിയിച്ചു. കൂടുതല്‍ വിവരങ്ങള്‍ക്ക് 050 62 49 215 എന്ന നമ്പരില്‍ ബന്ധപ്പെടണം.
അതാതു എമിറേറ്റു കളില്‍ ബന്ധപ്പെടേണ്ട നമ്പരുകള്‍ :
ഷാര്‍ജ, അജ്മാന്‍ (സജയന്‍ : 050 80 80 638 ) ഫുജൈറ, റാസ്‌ അല്‍ ഖൈമ, ഉമ്മുല്‍ ഖുവൈന്‍ ( സുനില്‍ : 050 38 20 123 ) ദുബായ് (സുനില്‍ പി. വി. : 050 67 47 206 ) അബുദാബി (ഷാജി : 050 44 69 325 )
- pma
ദുബായ് : ഒരു മില്യണ്‍ ദിര്‍ഹം യു.എ.എ. യിലെ ദേശീയ സമ്പാദ്യ പദ്ധതിയുടെ ഭാഗ്യക്കുറിയില്‍ സമ്മാനമായി ലഭിച്ചതായി പ്രഖ്യാപിച്ചിട്ടും അത് കയ്യില്‍ ലഭിക്കാതെ ഉള്ള ജോലിയും രാജി വെച്ച് മാസങ്ങളോളം കാത്തിരുന്ന മലയാളിക്ക്‌ ഒടുവില്‍ സമ്മാന തുക ലഭിച്ചു.
ദുബായില്‍ ഹോട്ടലില്‍ പാത്രം കഴുകുന്ന ജോലി ചെയ്തു വന്ന പൊട്ടെങ്ങല്‍ അഹമ്മദിനെയാണ് നാല് മാസം മുന്‍പ് ഭാഗ്യ ദേവത കടാക്ഷിച്ചത്. യു.എ.ഇ. യുടെ ദേശീയ സമ്പാദ്യ പദ്ധതിയായ നാഷണല്‍ ബോണ്ട്സില്‍ അഹമ്മദ്‌ 3000 ദിര്‍ഹം നിക്ഷേപിച്ചിരുന്നു. പ്രതിമാസം നറുക്കെടുപ്പ്‌ നടത്തി നിക്ഷേപകര്‍ക്ക്‌ വന്‍ തുകകള്‍ സമ്മാനമായി നല്‍കുന്ന പദ്ധതിയാണ് നാഷണല്‍ ബോണ്ട്സ്‌. ഇത്തരമൊരു നറുക്കെടുപ്പിലാണ് അഹമ്മദിന് സമ്മാനം ലഭിച്ചത്. ഒരു മില്യണ്‍ ദിര്‍ഹാമായിരുന്നു (1.3 കോടി രൂപ) സമ്മാനത്തുക.
എന്നാല്‍ വിവരം എസ്. എം. എസ്. സന്ദേശമായി ലഭിച്ച ഇദ്ദേഹത്തിന് തുടര്‍ന്ന് എന്ത് ചെയ്യണം എന്ന് അറിയാത്ത അവസ്ഥയായിരുന്നു. മലയാളം മാത്രം അറിയുന്ന അഹമ്മദ്‌ സമ്മാന തുക ലഭിക്കുവാന്‍ എന്ത് ചെയ്യണം എന്നറിയാത്തതിനാല്‍ മൊബൈല്‍ ഫോണില്‍ വന്ന സന്ദേശവുമായി ബാങ്കുകളിലും മറ്റും സമീപിക്കുകയാണ് ചെയ്തത്. ഭാഗ്യക്കുറി ലഭിച്ച ആവേശത്തില്‍ ജോലി രാജി വെയ്ക്കുകയും ചെയ്തു. നാല് മാസത്തോളം ഇങ്ങനെ പല വാതിലുകളും മുട്ടിയ ഇദ്ദേഹത്തിന് നിരാശയായിരുന്നു ഫലം.
ഒടുവില്‍ ഒരു പ്രാദേശിക ദിനപത്രമായ ഗള്‍ഫ്‌ ന്യൂസ് ഈ കാര്യം അറിയുകയും ഇത് നാഷണല്‍ ബോണ്ട്സ്‌ മേധാവി ഖാസിം അലിയുടെ ശ്രദ്ധയില്‍ കൊണ്ട് വരികയും ചെയ്തു. ഇതിനെ തുടര്‍ന്നാണ് കഴിഞ്ഞ ഞായറാഴ്ച ഇദ്ദേഹത്തെ നാഷണല്‍ ബോണ്ട്സ്‌ അധികൃതര്‍ ഓഫീസില്‍ വിളിച്ചു വരുത്തി സമ്മാനത്തുകയുടെ ചെക്ക് കൈമാറുകയും ചെയ്തത്.
അടുത്ത ആഴ്ച നാട്ടില്‍ പോകുന്ന അഹമ്മദ്‌ തിരികെ ദുബായില്‍ വന്ന് ഒരു പലചരക്ക്‌ കട തുടങ്ങണം എന്നാണ് തന്റെ ആഗ്രഹം എന്ന് പറയുന്നു.
- ജെ.എസ്.
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
