 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : ഇന്ത്യന്‍ പാര്‍ലിമെന്‍റ് പ്രവര്‍ത്തന രീതികള്‍, ചട്ടങ്ങള്‍, കീഴ്വഴക്കങ്ങള്‍ എന്നിവ അടുത്തറിയാനും സംശയങ്ങള്‍ തീര്‍ക്കുവാനും പ്രവാസി കള്‍ക്ക് ഒരവസരം ഒരുക്കുകയാണ് കേരളാ സോഷ്യല്‍ സെന്‍റര്‍ സാഹിത്യ വിഭാഗം.
ഒക്ടോബര്‍ 08 ശനിയാഴ്ച വൈകീട്ട് 8 മണിക്ക് സംഘടിപ്പിക്കുന്ന ജനശക്തി യുടെ മന്ദിരം – ഓപ്പണ്‍ ഫോറത്തില്‍ – ലോകസഭാ മുന്‍ സെക്രട്ടറി ജനറല്‍ പി. ഡി. ടി. ആചാര്യ മുഖ്യപ്രഭാഷണം നടത്തും.
വിശദ വിവരങ്ങള്‍ക്ക് : സുരേഷ് പാടൂര്‍. 050 – 570 81 91
- pma
വായിക്കുക: കേരള സോഷ്യല്‍ സെന്‍റര്‍, പ്രവാസി
ദുബായ് : പുന്നയൂര്‍ക്കുളം ആര്‍ട്ട്സ് ആന്‍ഡ്‌ റിക്രിയേഷന്‍ സെന്ററിന്റെ (Punnayoorkulam Arts & Recreation Centre – PARC) ഒന്നാം വാര്‍ഷികം സെപ്റ്റംബര്‍ 23 വെള്ളിയാഴ്ച ഉച്ചയ്ക്ക് 3 മണിക്ക് ദുബായ് ചില്‍ഡ്രന്‍സ് സിറ്റി ഓഡിറ്റോറിയത്തില്‍ വെച്ച് വിപുലമായ പരിപാടികളോടെ ആഘോഷിച്ചു.
പ്രവാസി സാഹിത്യകാരനായ ലത്തീഫ് മമ്മിയൂര്‍ ഉദ്ഘാടന കര്‍മ്മം നിര്‍വഹിച്ചു. പാര്‍ക് പ്രസിഡണ്ട് രഘുനാഥ് അദ്ധ്യക്ഷ പ്രസംഗം നടത്തി. പ്രവാസി സാഹിത്യകാരന്‍മാരായ സൈനുദ്ദീന്‍ പുന്നയൂര്‍ക്കുളം, ഷാജി ഹനീഫ്‌, മറ്റു പ്രമുഖ വ്യക്തിത്വങ്ങളും ചടങ്ങില്‍ പങ്കെടുത്തു സംസാരിച്ചു.
ജ്ഞാനപീഠം ജേതാവും സിനിമാ സാഹിത്യ ലോകത്തെ പ്രശസ്തനും പുന്നയൂര്‍ക്കുളവുമായി വളരെ അടുത്ത ബന്ധവുമുള്ള എം. ടി. വാസുദേവന്‍ നായര്‍ പുന്നയൂര്‍ക്കുളത്തുകാരുടെ ഈ സംരംഭത്തിന് എല്ലാ ഭാവുകങ്ങളും നേര്‍ന്ന് കൊണ്ടയച്ച സന്ദേശം സദസിന് മുന്‍പാകെ വായിച്ചു കേള്‍പ്പിച്ചു. പുതിയ ഭരണ സമിതി അംഗങ്ങളെയും പരിചയപ്പെടുത്തി.
വാര്‍ത്ത അയച്ചു തന്നത് : രാമചന്ദ്രന്‍ പി., ദുബായ്
- ജെ.എസ്.
ദുബായ് : നിത്യ ജീവിതത്തില്‍ വേദനകളും ഉത്ക്കണ്ഠകളും പങ്കിടാന്‍ കൂട്ടില്ലാതെ ഇരിക്കുമ്പോള്‍ കൂട്ടായ്മകള്‍ക്ക് പ്രത്യാശയുടെ പൊന്‍തിരി തെളിയിക്കുവാന്‍ കഴിയുമെന്ന് പ്രശസ്ത സാഹിത്യകാരന്‍ എം.ടി. വാസുദേവന്‍ നായര്‍ അഭിപ്രായപ്പെട്ടു. കേരളത്തിലെ 55 കോളേജുകളിലെ പൂര്‍വവിദ്യാര്‍ഥി സംഘടനകളുടെ സംഗമ വേദിയായ അക്കാഫ്‌ അല്‍ നാസര്‍ ലെഷര്‍ ലാന്‍ഡില്‍ വെള്ളിയാഴ്ച സംഘടിപ്പിച്ച ഓണവിരുന്ന് 2011 എന്ന വേദിയില്‍ മുഖ്യപ്രഭാഷണം നിര്‍വഹിച്ചു സംസാരിക്കുകയായിരുന്നു എം.ടി. പഠിച്ച കോളേജില്‍ വര്‍ഷങ്ങള്‍ക്കു ശേഷം വീണ്ടും പഠിക്കാന്‍ എത്തുന്ന സുഹൃത്തുക്കളുടെ കഥ പറയുന്ന ”സീനിയേഴ്സ്” എന്ന ചിത്രത്തിലെ താരങ്ങളായ മനോജ്‌.കെ.ജയന്‍, സിന്ദു മേനോന്‍, പത്മപ്രിയ, മീര നന്ദന്‍, ചിത്രത്തിന്റെ അണിയറ പ്രവര്‍ത്തകരും ഓണവിരുന്ന് അവിസ്മരണീയമാക്കാന്‍ സദസ്സിലും വേദിയിലും ആദിയോടന്തം ഉണ്ടായിരുന്നു.
രാവിലെ പതിനൊന്നരയ്ക്ക് മുവ്വായിരത്തിലധികം പേര്‍ക്കുള്ള ഓണസദ്യയോടെ ആരംഭിച്ച ഓണവിരുന്നില്‍ എം.ടി തിരി തെളിച്ചു. വൈകിട്ട് നാലരയ്ക്ക് ആരംഭിച്ച ഘോഷയാത്രയില്‍ അനേകം പേര്‍ പങ്കെടുത്തു. തനത് നാടന്‍ കലാരൂപങ്ങളാല്‍ സമ്പന്നമായ ഘോഷയാത്രയില്‍ ചെണ്ട മേളം, ശിങ്കാരിമേളം, പുലികളി, തെയ്യം, കഥകളി, വിവിധ രൂപത്തിലുള്ള മാവേലിമാര്‍ എന്നിവര്‍ അണി നിരന്നു.
അക്കാഫ്‌ പ്രസിഡന്റ്‌ എം. ഷാഹുല്‍ ഹമീദ്‌ അധ്യക്ഷത വഹിച്ചു. I.C.W.C കണ്‍വീനര്‍ കെ. കുമാര്‍, സിനിമ നിര്‍മാതാവ് വൈശാഖ്‌ രാജന്‍, അക്കാഫ്‌ സ്ഥാപക പ്രസിഡന്റ്‌ ജി.നടരാജന്‍, ബിസിനസ്‌ മേധാവി ഷിബു ചെറിയാന്‍, അക്കാഫ്‌ ജനറല്‍ സെക്രട്ടറി ഷിനോയ് സോമന്‍, ട്രഷറര്‍ സി. ഷൈന്‍ ജെനെറല്‍ കണ്‍വീനര്‍ ദീപു ചാള്‍സ് എന്നിവര്‍ പ്രസംഗിച്ചു.
- ലിജി അരുണ്‍
വായിക്കുക: ആഘോഷം, ദുബായ്, പൂര്‍വ വിദ്യാര്‍ത്ഥി, പ്രവാസി, സംഘടന
ദുബായ് : ഇത്തവണ ഓണം പ്രവാസി മലയാളികള്‍ ശരിക്കും ആഘോഷിക്കുകയാണ്. അവധി ദിവസമായ വെള്ളിയാഴ്ച തന്നെ തിരുവോണം വന്നത് പ്രവാസി ഓണത്തിന്റെ മാറ്റു കൂട്ടിയിട്ടുണ്ട്. വിവിധ പ്രവാസി സംഘടനകള്‍ വിപുലമായാണ് ഓണാഘോഷങ്ങള്‍ സംഘടിപ്പിച്ചിട്ടുള്ളത്. ജാതി മത ഭേദമന്യേ കുടുംബമായി താമസിക്കുന്നവര്‍ മാത്രമല്ല ബാച്ചിലേഴ്സ് “റൂമുകളിലും” ഓണ സദ്യക്കുള്ള ഒരുക്കങ്ങള്‍ കാര്യമായി തന്നെ നടക്കുന്നു. ലേബര്‍ ക്യാമ്പുകളില്‍ ഭാഷ ദേശ വ്യത്യാസമില്ലാതെ നടത്തുന്ന ഓണാഘോഷം പ്രവാസ ലോകത്തിന്റെ മാത്രം പ്രത്യേകതയാണ്. സദ്യയൊരുക്കിയും കുടുംബാംഗങ്ങള്‍ പരസ്പരം വീടുകള്‍ സന്ദര്‍ശിച്ചും പാര്‍ക്കുകള്‍ ബീച്ചുകള്‍ തുടങ്ങിയ സ്ഥലങ്ങളില്‍ ഒത്തു കൂടിയും ഓണം ആഘോഷിക്കുന്നു.
വ്യാഴാഴ്ച കേരളത്തിലേതിനേക്കാള്‍ വലിയ ഉത്രാട പാച്ചിലായിരുന്നു ഗള്‍ഫിലും. വാഴയില മുതല്‍ ഓണ സദ്യക്ക് വേണ്ട സകല വിഭവങ്ങളും കടകളില്‍ പ്രത്യേകമായി തന്നെ ഒരുക്കിയിട്ടുണ്ട്. വലിയ ഷോപ്പിങ്ങ് മാളുകളിലും സ്വര്‍ണ്ണക്കടകളിലും മലയാളികളുടെ വന്‍ തിരക്കാണ് വ്യാഴാഴ്ച വൈകുന്നേരം അനുഭവപ്പെട്ടത്. ബഹ്‌റൈന്‍ കേരളീയ സമാജത്തില്‍ വിപുലമായ ഓണാഘോഷ പരിപാടികളാണ് സംഘടിപ്പിച്ചത്. പൂക്കള മത്സരം, തിരുവാതിര കളി മത്സരം തുടങ്ങി നിരവധി മത്സരങ്ങള്‍ ഓണാഘോഷങ്ങളുടെ ഭാഗമായി നടത്തി. തുടര്‍ന്ന് വരുന്ന അവധി ദിനങ്ങളില്‍ ഗള്‍ഫ് മേഘലയില്‍ പ്രവാസി സംഘടനകളുടേയും മറ്റു കൂട്ടായമകളുടേയും ഓണാഘോഷ പരിപാടികള്‍ ഉണ്ടാകും.
കഴിഞ്ഞ കുറച്ച് വര്‍ഷങ്ങളായി റംസാന്‍ നോയമ്പിന്റെ ദിനങ്ങളിലായിരുന്നു ഓണം വരാറ്. എന്നാല്‍ ഇത്തവണ റംസാന്‍ കഴിഞ്ഞതിനു ശേഷമാണ് ഓണം. തിരുവോണം അവധി ദിവസമായ വെള്ളിയാഴ്ചയുമാണ്. അതിനാല്‍ പ്രവാസി മലയാളികള്‍ ഇത്തവണ ശരിക്കും ആഘോഷ ലഹരിയിലാണ്.
- എസ്. കുമാര്‍
ദുബായ് : പ്രവാസി കളുടെ പ്രശ്‌നങ്ങള്‍ ചര്‍ച്ച ചെയ്ത് പരിഹാരം കാണുക എന്ന ഉദ്ദേശ ത്തോടെ സംഘടിപ്പിക്കുന്ന ‘മലബാര്‍ പ്രവാസി ദിവസ്’ സെപ്തംബര്‍ മൂന്നിന് കോഴിക്കോട്ട് നടക്കും.
മലബാര്‍ പ്രവാസി കോ – ഓര്‍ഡിനേഷന്‍ കൗണ്‍സില്‍ സംഘടിപ്പിക്കുന്ന സമ്മേളന ത്തില്‍ മുഖ്യമന്ത്രി ഉമ്മന്‍ചാണ്ടി, കേന്ദ്രമന്ത്രി എ. കെ. ആന്‍റണി എന്നിവര്‍ പങ്കെടുക്കും. പങ്കെടുക്കാന്‍ താത്പര്യമുള്ള മലബാറിലെ പ്രവാസികള്‍ 99 46 44 32 78 എന്ന നമ്പറില്‍ ബന്ധപ്പെടണം.
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
