കേരളത്തിലെ വൈജ്ഞാനിക മുന്നേറ്റം മാതൃകാപരം: ശൈഖ് അലി അൽ ഹാഷിമി

November 23rd, 2022

ali-al-hashimi-release-sabeelul-hidaya-islamic-college-al-nahda-magazine-ePathram
അബുദാബി : കേരളത്തിലെ വൈജ്ഞാനിക പ്രവർത്തനങ്ങൾ മാതൃകാ പരം എന്ന് യു. എ. ഇ. പ്രസിഡണ്ടിന്‍റെ മുൻ മതകാര്യ ഉപദേഷ്ടാവും പ്രമുഖ പണ്ഡിതനുമായ ശൈഖ് അലി അൽ ഹാഷിമി. പറപ്പൂര്‍ സബീലുല്‍ ഹിദായ ഇസ്‍ലാമിക് കോളേജ് യു. എ. ഇ. കമ്മിറ്റി സംഘടിപ്പിച്ച അല്‍ മുല്‍തഖ സ്‌നേഹ സംഗമം ഉദ്ഘാടനം ചെയ്ത് സംസാരി ക്കുകയായിരുന്നു അദ്ദേഹം.

കേരളവും യു. എ. ഇ. യും തമ്മിൽ പതിറ്റാണ്ടുകൾ നീണ്ട ബന്ധമാണുള്ളത്. പാണക്കാട് സയ്യിദ് കുടുംബം ആ ബന്ധത്തിന്‍റെ അംബാസഡർമാരാണ് എന്നും അദ്ദേഹം പറഞ്ഞു. അബുദാബി ഇന്ത്യൻ ഇസ്‌ലാമിക് സെന്‍ററില്‍ വെച്ച് നടന്ന സംഗമത്തില്‍ സബീലുൽ ഹിദായ പ്രസിഡണ്ട് പാണക്കാട് സയ്യിദ് മുനവ്വറലി ശിഹാബ് തങ്ങൾ അദ്ധ്യക്ഷത വഹിച്ചു.

സ്ഥാപനത്തിൽ നിന്നും പുറത്തിറങ്ങുന്ന അന്താ രാഷ്ട്ര അറബിക് പ്രസിദ്ധീകരണമായ അന്നഹ്ദ അറബിക് മാഗസിന്‍റെ യു. എ. ഇ. പ്രത്യേക പതിപ്പ് അലി അൽ ഹാഷിമി, ഡോ. സിദ്ദീഖ് അഹമദ് എന്നിവര്‍ ചേര്‍ന്ന് പ്രകാശനം ചെയ്തു. പതിനാറു വര്‍ഷമായി പ്രസാധനം തുടരുന്ന അന്നഹ്ദ, കേരളത്തെയും അറബ് ദേശത്തെയും പരസ്പരം ബന്ധിപ്പിക്കുന്ന കണ്ണിയാണ് എന്ന് സയ്യിദ് മുനവ്വറലി ശിഹാബ് തങ്ങൾ പറഞ്ഞു.

സബീലുല്‍ ഹിദായ പൂര്‍വ്വ വിദ്യാര്‍ത്ഥിയും ന്യൂയോര്‍ക്ക് യൂണിവേഴ്‌സിറ്റി ഇന്‍സ്റ്റിറ്റ്യൂട്ട് ഓഫ് ഫൈന്‍ ആര്‍ട്‌സ് ഗവേഷകനും കൂടിയായ സി. എച്ച്. സ്വാലിഹ് ഹുദവി പറപ്പൂരിനുള്ള ഉപഹാര സമര്‍പ്പണം ചടങ്ങില്‍ വെച്ച് നടന്നു. സ്ഥാപനത്തിലെ ഡിപ്പാർട്മെന്‍റ് ഓഫ് സിവിലൈസേഷണൽ സ്റ്റഡീസിന്‍റെ ലോഗോ പ്രകാശനം സയ്യിദ് മുനവ്വറലി ശിഹാബ് തങ്ങൾ, അബൂബക്കർ ഒറ്റപ്പാലം എന്നിവര്‍ ചേര്‍ന്ന് നിര്‍വ്വഹിച്ചു.

സി. എച്ച്. ബാവ ഹുദവി പ്രാര്‍ത്ഥനക്ക് നേതൃത്വം നല്‍കി. മുസ്തഫ ഹുദവി ആക്കോട് സന്ദേശ പ്രഭാഷണം നിര്‍വ്വഹിച്ചു. സ്ഥാപന ശിൽപിയും സൂഫിവര്യനും ആയിരുന്ന പറപ്പൂർ സി. എച്ച്. ബാപ്പുട്ടി മുസ്‍ലിയാരെ അനുസ്മരിച്ച് പ്രമുഖ വാഗ്മി സ്വാലിഹ് ഹുദവി സംസാരിച്ചു.

ഇന്ത്യന്‍ ഇസ്‍ലാമിക് സെന്‍റര്‍ ജനറല്‍ സെക്രട്ടറി ടി. കെ. അബ്ദുസലാം, സബീലുല്‍ ഹിദായ സെക്രട്ടറി ടി. അബ്ദുൽ ഹഖ്, കെ. എം. സി. സി. നേതാക്കളായ ഡോ. പുത്തൂര്‍ റഹ്‍മാന്‍, അന്‍വര്‍ നഹ, യു. അബ്ദുല്ല ഫാറൂഖി, അബ്ദു റഊഫ് അഹ്‌സനി, യു. എ. നസീര്‍, ടി. മുഹമ്മദ് ഹിദായത്തുള്ള, അബു ഹാജി കളപ്പാട്ടില്‍ തുടങ്ങി യവർ സംസാരിച്ചു.

- pma

വായിക്കുക: , , , , ,

അഭിപ്രായം എഴുതുക »

വടകര എൻ. ആർ. ഐ. ഫോറം ഇരുപതിന്‍റെ നിറവിൽ

November 23rd, 2022

vatakara-nri-forum-logo-ePathram
ദുബായ് : യു. എ. ഇ. യുടെ സാമൂഹിക സാംസ്കാരിക രംഗത്ത് സജീവമായി നില്‍ക്കുന്ന പ്രവാസി കൂട്ടായ്മ വടകര എൻ. ആർ. ഐ. ഫോറം ഇരുപതാം വാർഷ ത്തിന്‍റെ നിറവിൽ. യു. എ. ഇ. യിലെ ആദ്യ കാല പ്രവാസികളായ വടകര പാർല മെന്‍റ് നിയോജക മണ്ഡല ത്തിലെ ഏതാനും പേര്‍ ചേർന്ന് 2002 നവംബർ ഒന്നിന് കേരള പിറവി ദിനത്തില്‍ ആയിരുന്നു ദുബായില്‍ വെച്ച് വടകര എൻ. ആർ. ഐ. ഫോറം യു. എ. ഇ.  എന്ന പേരിൽ ഈ പ്രവാസി കൂട്ടായ്മക്ക് രൂപം നൽകിയത്.

സ്ഥാപക നേതാക്കളിൽ പലരും ഇന്ന് ജീവിച്ചിരിപ്പില്ല. ഒട്ടേറെ പേര് പ്രവാസം മതിയാക്കി നാട്ടിലേക്കു മടങ്ങു കയും ചെയ്തു. സ്ഥാപക നേതാക്കളിൽ വിരലില്‍ എണ്ണാവുന്നവർ മാത്രമേ ഇന്ന് പ്രവാസ ജീവിതം നയിക്കുന്നുള്ളൂ എങ്കിലും നാട്ടിലും ഗള്‍ഫിലുമായി ഒട്ടേറെ ജീവ കാരുണ്യ, വിദ്യാഭ്യാസ, സാമൂഹിക ക്ഷേമ പ്രവർത്തനങ്ങളാൽ ഇന്നും പതിന്മടങ്ങോടെ ഈ കൂട്ടായ്മ, പുതു തലമുറയുടെ ശക്തമായ ഇടപെടലു കളാല്‍ കർമ്മ രംഗത്ത് സജീവമാണ് ഇന്നും.

kk-rama-vatakara-mla-inaugurate-nri-forum-ePathram

ഇരുപതാം വാർഷിക ദിനാചാരണത്തോട് അനുബന്ധിച്ചു നടന്ന ചടങ്ങുകള്‍ വടകര നിയോജക മണ്ഡലം എം. എൽ. എ. കെ. കെ. രമ കേക്ക് മുറിച്ചു ഉദ്‌ഘാടനം ചെയ്തു.

പ്രവാസ ലോകത്തു ഒരു പ്രാദേശിക കൂട്ടായ്മ ഇരുപതു വര്‍ഷം സേവന സന്നദ്ധരായിരിക്കുന്നു എന്നത് ഏറെ ശ്ലാഘനീയമാണ് എന്നും നോക്കെത്താ ദൂരത്തു നിന്നും നാടിന്‍റെ നന്മ ക്കായി പ്രവാസികൾ നടത്തുന്ന പ്രവർത്തന ങ്ങൾക്കു എത്ര നന്ദി പറഞ്ഞാലും മതിയാകില്ല എന്നും കെ. കെ. രമ എം. എൽ. എ. പറഞ്ഞു.

അഡ്വ. മുഹമ്മദ് സാജിദ് അദ്ധ്യക്ഷത വഹിച്ചു. അഡ്വ. ഷാജി ബി.വടകര, അഡ്വ. സാജിദ് അബൂബക്കർ, കെ. പി. മുഹമ്മദ്, ഫാജിസ്, ഇഖ്ബാൽ ചെക്യാട്, മുഹമ്മദ് ഏറാമല, ബഷീർ മേപ്പയൂർ എന്നിവർ സംസാരിച്ചു. സെക്രട്ടറി കെ. വി. മനോജ് സ്വാഗതവും കൺവീനർ ജിജു കാർത്തിക പ്പള്ളി നന്ദിയും പറഞ്ഞു.

മൊയ്തു കുറ്റ്യാടി, സുഷി കുമാർ, അസീസ് പുറമേരി, എസ്. പി. മഹമൂദ്, ചന്ദ്രൻ കൊയിലാണ്ടി, സി. എച്ച്. മനോജ്, രമൽ, ശംസുദ്ദീൻ കാർത്തികപ്പള്ളി, മൊയ്‌തു പേരാമ്പ്ര, സലാം ചിത്ര ശാല, നൗഫൽ കടിയങ്ങാട്, ഫിറോസ് പയ്യോളി, അഹ്മദ് ചെനായി, അബ്ദുല്ല, റിയാസ് കടത്തനാട് തുടങ്ങിയവർ നേതൃത്വം നൽകി.

- pma

വായിക്കുക: , , , , ,

അഭിപ്രായം എഴുതുക »

അബുദാബിയിലേക്ക് അജ്മാനിൽ നിന്നും പുതിയ ബസ്സ് സർവ്വീസ്

November 22nd, 2022

capital-express-new-bus-service-from-ajman-to-abu-dhabi-ePathram

അജ്‌മാൻ : അബുദാബിയിലേക്ക് അതിവേഗ ബസ്സ് സർവ്വീസുമായി അജ്‌മാൻ ട്രാൻസ്‌പോർട്ട് അഥോറിറ്റി. ആഴ്ചയിൽ എല്ലാ ദിവസവും അജ്മാനിൽ നിന്നും അബു ദാബിയിലേക്കും തിരിച്ച് അജ്മാനിലേക്കും സർവ്വീസ് നടത്തുന്നതിനായി ക്യാപിറ്റൽ എക്സ്പ്രസ്സ് ബസ്സ് കമ്പനി യുമായി അജ്‌മാൻ ഗതാഗത വകുപ്പ് ധാരണാ പത്ര ത്തിൽ ഒപ്പു വെച്ചു.

കരാര്‍ പ്രകാരം അജ്മാൻ എമിറേറ്റിലെ അൽ മുസല്ല ബസ്സ് സ്റ്റേഷനിൽ നിന്നും അബുദാബി എമിറേറ്റിലേ ക്കും തിരിച്ചും ദിവസവും 4 ഫാസ്റ്റ് ലൈൻ ബസ്സുകൾ ഒരുക്കും. ഒരു വശത്തേക്കുള്ള ടിക്കറ്റ് നിരക്ക് 35 ദിർഹം ആയിരിക്കും.

അജ്മാനിൽ നിന്ന് ആദ്യ ട്രിപ്പ് ദിവസവും രാവിലെ 7 മണിക്ക് പുറപ്പെടും. അവസാന ട്രിപ്പ് വൈകുന്നേരം 6 മണിക്കും ആയിരിക്കും.

അതു പോലെ അബുദാബി ബസ്സ് സ്റ്റേഷനിൽ നിന്നും അജ്മാനിലേക്കുള്ള ആദ്യ ട്രിപ്പ് രാവിലെ 10 മണിക്ക് ആരംഭിക്കും. വൈകുന്നേരം 9 മണിക്ക് ആയിരിക്കും അവസാന ബസ്സ്.

- pma

വായിക്കുക: , , ,

അഭിപ്രായം എഴുതുക »

ബ്ലഡ് ഡൊണേഷൻ ഡ്രൈവ് സംഘടിപ്പിച്ചു

November 21st, 2022

team-abudhabinz-blood-donation-drive-with-doners-4-u-ePathram
അബുദാബി : സാമൂഹിക സാംസ്‌കാരിക കൂട്ടായ്മ ടീം അബുദബിന്‍സും ബ്ലഡ് ഡോണേഴ്സ് 4U (BD4U)വും സംയുക്തമായി അബുദാബി മുസഫ ഷാബിയാ പാർക്കിൽ സംഘടിപ്പിച്ച ബ്ലഡ് ഡൊണേഷൻ ഡ്രൈവ്, ഡോക്ടർ ധനലക്ഷ്മി ഉദ്ഘാടനം ചെയ്തു.

ജീവ കാരുണ്യ പ്രവര്‍ത്തന രംഗത്ത് പുതിയ ഒരു കാല്‍ വെപ്പു കൂടി നടത്തിക്കൊണ്ടാണ്ടീം അബുദബിന്‍സ് ഈ ബ്ലഡ് ഡൊണേഷൻ ഡ്രൈവിന്‍റെ ഭാഗമായത്. രണ്ടു വൃക്കകളും തകരാരില്‍ ആയിട്ടുള്ള ഒരു പ്രവാസിക്ക് ചികില്‍സാ ചെലവിനുള്ള സമ്പത്തിക സഹായം ഫൈസൽ അദൃശ്ശേരി, ജാഫർ റബീഹ്‌ ചേർന്നു അബുദാബി മലയാളി സമാജം മുന്‍ പ്രസിഡണ്ട് സലീം ചിറക്കലിനു ഇവിടെ വെച്ചു കൈമാറി.

BD4U അംഗങ്ങളായ സഹീർ എം. ഉണ്ണി, സഹർ, ടീം അബുദാബിസ് പ്രതി നിധികളായ നജാഫ് മൊഗ്രാൽ, ഷാമി പയ്യോളി, അജ്മൽ, ഷബീർ, അനീസ്, നൗഫൽ‌ എന്നിവർ ബ്ലഡ് ഡൊണേഷൻ ഡ്രൈവിന്‌ നേതൃത്വം നൽകി.

- pma

വായിക്കുക: , , , ,

അഭിപ്രായം എഴുതുക »

കാനത്തിൽ ജമീല എം. എൽ. എ. ക്ക് സ്വീകരണം നൽകി

November 3rd, 2022

kanathil-jameela-basheer-thikkodi-peruma-payyoli-ePathram
ദുബായ് : ഹ്രസ്വ സന്ദര്‍ശനാര്‍ത്ഥം യു. എ. ഇ. യില്‍ എത്തിയ കൊയിലാണ്ടി നിയോജക മണ്ഡലം എം. എൽ. എ. കാനത്തിൽ ജമീലക്ക്, പ്രവാസി സാംസ്കാരിക കൂട്ടായ്മ പെരുമ പയ്യോളി യു. എ. ഇ. സ്വീകരണം നൽകി.

പയ്യോളി മുനിസിപ്പാലിറ്റി, തിക്കോടി പഞ്ചായത്ത്, തുറയൂർ പഞ്ചായത്ത് എന്നീ പ്രദേശങ്ങളിലെ യു. എ. ഇ. യിലെ പ്രവാസി കൂട്ടായ്മയായ പെരുമ പയ്യോളിയിലെ അംഗങ്ങള്‍ നാട്ടിലെയും പ്രവാസ മേഖല യിലെയും സുപ്രധാന വിഷയ ങ്ങളിൽ എം. എൽ. എ. യുമായി സംവദിച്ചു. പ്രവാസികൾ നേരിടുന്ന വിഷയങ്ങൾ ഗൗരവ പൂർവ്വം കാണുന്നു എന്നും കൃത്യമായ ഇട പെടലുകള്‍ നടത്താൻ ശ്രമിക്കും എന്നും എം. എൽ. എ. വ്യക്തമാക്കി.

peruma-payyoli-gathering-with-quilandi-mla-ePathram
പ്രസിഡണ്ട് സാജിദ് പുറത്തൂട്ട് അദ്ധ്യക്ഷത വഹിച്ചു. ബഷീർ തിക്കോടി ഉപഹാരം സമ്മാനിച്ചു. ജോയിന്‍റ് സെക്രട്ടറി ഷഹനാസ് തിക്കോടി നിവേദനം കൈമാറി. ഇസ്മായിൽ മേലടി, അഡ്വ. മുഹമ്മദ് സാജിദ്, കരീം വടക്കയിൽ, ഷാജി ഇരിങ്ങൽ, ബിജു പണ്ടാര പറമ്പിൽ, ഫൈസൽ മേലടി, ഗഫൂർ ടി. കെ, ജ്യോതിഷ്, സുരേഷ്, വേണു, ശ്രീജേഷ്, മൊയ്തീൻ പട്ടായി, സതീശൻ പള്ളി ക്കര എന്നിവർ സംസാരിച്ചു. സെക്രട്ടറി സുനിൽ പാറേമ്മൽ സ്വാഗതവും ട്രഷറർ ഷമീർ കാട്ടടി നന്ദിയും പറഞ്ഞു.

- pma

വായിക്കുക: , , , , ,

അഭിപ്രായം എഴുതുക »


« Previous Page« Previous « മുഷ്റിഫ് മാളിൽ വിസ സ്ക്രീനിംഗ് സെന്‍റര്‍ : അവധി ദിനങ്ങളില്‍ മെഡിക്കല്‍ ടെസ്റ്റ്
Next »Next Page » ബ്ലഡ് ഡൊണേഷൻ ഡ്രൈവ് സംഘടിപ്പിച്ചു »



  • ലോഗോ പ്രകാശനം ചെയ്തു
  • കെ. എസ്. സി. ഈദ് ആഘോഷം ‘പെരുന്നാൾ നിലാവ്’ അരങ്ങേറി
  • കണ്ണൂർ ജില്ലാ കെ. എം. സി. സി. ഒരുക്കിയ ‘ഈദ് സംഗമം’ ശ്രദ്ധേയമായി
  • ഇമ ഇഫ്‌താർ വിരുന്നും കുടുംബ സംഗമവും
  • ഫാദേഴ്‌സ് എന്‍ഡോവ്‌മെന്റ് പദ്ധതി : ഡോ. ഷംഷീര്‍ വയലില്‍ അഞ്ച് ദശ ലക്ഷം ദിര്‍ഹം നല്‍കി
  • അബുദാബി മലയാളീസ് ഒരുക്കിയ ‘നൂറിഷ് റമദാൻ’ ശ്രദ്ധേയമായി
  • ഭരണാധികാരികൾക്ക് റമദാൻ ആശംസകൾ നേർന്ന് സലാം പാപ്പിനിശ്ശേരി
  • മുഹമ്മദ് ബിൻ സായിദ് ഫൗണ്ടേഷൻ ഫോർ ഹ്യുമാനിറ്റി സ്ഥാപിതമായി
  • ഇ. കെ. നായനാർ മെമ്മോറിയൽ ഫുട് ബോൾ : ഷാബിയ-നാദിസിയ മേഖലകൾ ചാമ്പ്യന്മാർ
  • സൗഹൃദ സ്നേഹ സംഗമമായി സമൂഹ നോമ്പുതുറ
  • ഇഖ്‌വ ഇഫ്‌താർ സൗഹൃദ സംഗമം
  • അനോര ഗ്ലോബൽ പുതിയ ഭരണ സമിതി
  • പത്തനംതിട്ട ജില്ലാ കെ. എം. സി. സി. റമദാൻ റിലീഫിന് തുടക്കമായി
  • ഇ. കെ. നായനാർ സ്മാരക റമദാൻ ഫുട് ബോൾ ടൂർണ്ണ മെന്റ് ശനിയാഴ്ച മുസ്സഫയിൽ
  • അബുദാബി മലയാളീസ് മെഡിക്കൽ ക്യാമ്പ് സംഘടിപ്പിച്ചു
  • ജ്വാല ഉത്സവ് 2025 ബ്രോഷർ പ്രകാശനം ചെയ്തു
  • കേരള സോഷ്യൽ സെന്റർ ഇഫ്‌താർ സംഗമം
  • ഐ. ഐ. സി. ഹോളി ഖുര്‍ആന്‍ : ബ്രോഷർ പ്രകാശനം ചെയ്തു
  • ഉപന്യാസ മത്സരം : സൃഷ്ടികൾ ക്ഷണിച്ചു
  • ഇഫ്താർ സംഗമവും അവാർഡ് ദാനവും സംഘടിപ്പിച്ചു



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine