 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : ഇന്ത്യൻ റിപ്പബ്ലിക് ദിന ആഘോഷ ത്തിന്റെ ഭാഗമായി അബുദാബി സാംസ്കാരിക വേദി വിമുക്ത ഭടന്മാരെ ആദരിക്കുന്നു.
ഇന്ത്യൻ സൈന്യത്തിൽ സേവനം അനുഷ്ടിക്കുകയും ശേഷം പ്രവാസ ജീവിത ത്തിലേക്ക് എത്തിയവരുമായ മുന്‍ കാല സൈനികരെയാണ് 2022 ജനുവരി 30 ന് അഹല്യ ആശുപത്രി യിൽ നടക്കുന്ന ചടങ്ങില്‍ വെച്ച് ആദരിക്കുക. യു. എ. ഇ. യിലുള്ള വിമുക്ത ഭടന്മാർ ജനുവരി 29 ന് മുമ്പായി ബന്ധപ്പെടണം എന്ന് അബു ദാബി സാംസ്കാരിക വേദി ഭാരവാഹികൾ അറിയിച്ചു.
ഫോൺ : 055 705 9769, 055 466 0798
- pma
വായിക്കുക: ആഘോഷം, പൂര്‍വ വിദ്യാര്‍ത്ഥി, പ്രവാസി, ബഹുമതി, സംഘടന
അബുദാബി : കേരളത്തിലെ രണ്ടു വിമാന ത്താവള ങ്ങളില്‍ നിന്നും മണിക്കൂറുകളുടെ വിത്യാസത്തില്‍ നടത്തിയ കൊവിഡ് പി. സി. ആര്‍. പരിശോധനയില്‍ രണ്ടു വ്യത്യസ്ത ഫലങ്ങള്‍ ലഭിച്ചതിന്റെ അനുഭവം വ്യക്തമാക്കി പ്രവാസി സമ്മാന്‍ പുരസ്കാര ജേതാവും സാമൂഹ്യ പ്രവര്‍ത്തകനുമായ അഷ്റഫ് താമരശ്ശേരി ഇട്ട ഫേയ്സ് ബുക്ക് പോസ്റ്റ് വൈറലായി.
നാട്ടിലെ കൊവിഡ് ആർ. ടി. പി. സി. ആര്‍. ടെസ്റ്റു കളിലെ ക്രമക്കേടുകളെ ക്കുറിച്ചുള്ള വിമർശനവും പരിശോധനാ സംവിധാന ങ്ങളിലെ അശാസ്ത്രീ യതയും സാങ്കേതിക തകരാറുകളും അതോടൊപ്പം ഉദ്യോസ്ഥരുടെ മാന്യത ഇല്ലാത്തതും ധാര്‍ഷ്ട്യം നിറഞ്ഞതുമായ പെരുമാറ്റ വും വ്യക്തമാക്കുന്നതാണ് ടെസ്റ്റ് റിസള്‍ട്ടുകളുടെ ചിത്രങ്ങള്‍ അടക്കം പങ്കു വെച്ചുള്ള ഫേയ്സ് ബുക്ക് പോസ്റ്റ്.
ഒരു സ്വകാര്യ ചടങ്ങില്‍ സംബന്ധിക്കുവാന്‍ നാട്ടിലേ ക്കുള്ള യാത്രക്കായി ഷാര്‍ജയില്‍ നിന്നും കൊവിഡ് ടെസ്റ്റ് നടത്തി നെഗറ്റീവ് സര്‍ട്ടിഫിക്കറ്റുമായി തിരുവനന്ത പുരത്ത് വിമാനം ഇറങ്ങിയ അഷ്രഫ് താമരശ്ശേരി, ഏതാനും മണിക്കൂറുകള്‍ക്കു ശേഷം തിരികെ ഷാർജയിലേക്കുളള വിമാനത്തിൽ യാത്ര ചെയ്യുവാനായി തിരുവനന്ത പുരം വിമാന ത്താവള ത്തില്‍ 2490 രൂപ നല്‍കി എടുത്ത റാപ്പിഡ് ടെസ്റ്റ് റിസള്‍ട്ടില്‍ കൊവിഡ് പോസിറ്റീവ് കാണിച്ചു.
24 മണിക്കൂര്‍ മുമ്പ് ഷാര്‍ജയിൽ നിന്ന് എടുത്ത RT- PCR നെഗറ്റീവ് ആയിരുന്നല്ലോ. അത് കൊണ്ട് ഒരിക്കല്‍ കൂടി ടെസ്റ്റ് ചെയ്യാമോ എന്ന് അപേക്ഷിച്ചപ്പോള്‍ “ഒരു രക്ഷയുമില്ല” എന്നതായിരുന്നു മറുപടി. മാത്രമല്ല ‘ഗൾഫിൽ പോയി കൊറോണ കൊണ്ട് വന്നിട്ട് ഇപ്പോൾ ഇവിടത്തെ മെഷീനാണോ കുഴപ്പം’ എന്നതായിരുന്നു ഉദ്യോഗസ്ഥരുടെ ചോദ്യം. ‘സമയം കളയാതെ ഇവിടെ നിന്ന് പൊയക്കോ’ എന്ന ധാര്‍ഷ്ട്യം കലർന്ന മറുപടിയും.
തുടര്‍ന്ന് നെടുമ്പാശ്ശേരിയില്‍ നിന്നും ഷാര്‍ജയിലേക്കുള്ള ടിക്കറ്റ് എടുത്ത് അദ്ദേഹം കൊച്ചിയില്‍ വരികയും നെടുമ്പാശ്ശേരി വിമാന ത്താവളത്തില്‍ ടെസ്റ്റ് നടത്തി നെഗറ്റീവ് റിസള്‍ട്ടുമായി ഷാര്‍ജ യിലേക്ക് യാത്ര ചെയ്തു. ഷാര്‍ജ വിമാനത്താവളത്തിലെ നടത്തിയ ടെസ്റ്റിലും ഫലം നെഗറ്റീവ് ആയിരുന്നു.
നാട്ടിലെ ഭരണാധികാരികളുടേയും ഉദ്യോഗസ്ഥരുടേയും വിമാനത്താവള അധികൃതരുടേയും കണ്ണു തുറപ്പി ക്കാന്‍ ഉതകുന്ന ഈ കുറിപ്പ് സോഷ്യല്‍ മീഡിയ ഏറ്റെടുത്തു കഴിഞ്ഞു.
വിമാനത്താവളങ്ങളിലെ ഉദ്യോഗസ്ഥരുടെ ധാര്‍ഷ്ട്യം വ്യക്തമാക്കി കൊണ്ടുള്ള ഈ കുറിപ്പി ന്ന് കമന്‍റ് ചെയ്തിരിക്കുന്ന പലരും അവരവരുടെ യാത്രാ വേള കളിലെ ദുരനുഭവങ്ങളും കൂടെ കുറിച്ചിട്ടുണ്ട്. ഫേയ്സ് ബുക്ക് പോസ്റ്റ് ഇവിടെ വായിക്കാം.
- pma
വായിക്കുക: social-media, viral-video, പ്രതിഷേധം, പ്രവാസി, വിമാനം
അബുദാബി : മാട്ടൂൽ കെ. എം. സി. സി. സംഘടിപ്പിക്കുന്ന മാട്ടൂൽ സൂപ്പർ ലീഗ് സീസൺ-4 ക്രിക്കറ്റ് ടുർണ്ണമെന്‍റ് ലോഗോ പ്രകാശനം ചെയ്തു. അഹല്യ എക്സ് ചേഞ്ച് കോർപ്പറേറ്റ് ഓഫീസിൽ നടന്ന ചടങ്ങിൽ സ്റ്റേറ്റ് കെ. എം. സി. സി. സെക്രട്ടറി കെ. കെ. അഷ്റഫ്, അഹല്യ എക്സ് ചേഞ്ച് ഡെപ്യൂട്ടി ഓപ്പറേഷൻ മാനേജർ ഷാനിഷ് കൊല്ലാറ എന്നിവര്‍ ചേര്‍ന്നാണ് ലോഗോ പ്രകാശനം നിര്‍വ്വഹിച്ചത്.
ചടങ്ങിൽ റോബിൻ വർഗ്ഗീസ്, സി. എം. കെ. മുസ്തഫ, സി. എച്ച്. യൂസഫ്, കെ. വി. ആരിഫ്, സി. എം. വി. ഫത്താഹ്, എ. കെ. സാഹിർ, എം. ലത്തീഫ്, കെ. വി. മുഹമ്മദലി, സി. കെ. ടി. ഇബ്രാഹിം, ആഷിഖ് എന്നിവർ സംബന്ധിച്ചു.
2022 ജനുവരി 1 ശനിയാഴ്ച രാവിലെ 9 മണി മുതൽ രാത്രി 8 മണി വരെ അബുദാബി ഹുദരിയാത്ത് സ്പോർട്സ് ഗ്രൗണ്ടിൽ നടക്കുന്ന മാട്ടൂൽ സൂപ്പർ ലീഗ് സീസൺ-4 ക്രിക്കറ്റ് ടൂര്‍ണ്ണമെന്റില്‍ 12 പ്രമുഖ ടീമുകൾ പങ്കെടുക്കും.
വിവരങ്ങള്‍ക്ക് : 050 990 4324, 055 202 7984, 050 313 4834.
- pma
വായിക്കുക: കായികം, കെ.എം.സി.സി., പ്രവാസി
അബുദാബി : പ്രവാസികളായ അമുസ്ലീംങ്ങള്‍ ക്കായി കുടുംബ കോടതി അബുദാബിയിൽ തുറന്നു. വ്യക്തി പദവി, വിവാഹം, വിവാഹ മോചനം, പിതൃത്വം, പാരമ്പര്യ സ്വത്ത് തുട ങ്ങി യ വിഷയങ്ങളില്‍ ഏറ്റവും പെട്ടെന്നു തീര്‍പ്പ് ഉണ്ടാക്കുവാനും കൂടിയാണ് ഈ കോടതി പ്രവര്‍ത്തിക്കുക.
അറബി ഭാഷ കൂടാതെ ഇംഗ്ലീഷ് ഭാഷയിലും കോടതി നടപടികള്‍ ഉണ്ടാവും. എല്ലാ രാജ്യ ക്കാര്‍ക്കും കോടതി നടപടികള്‍ മനസ്സിലാവുന്നതിനാണ് ദ്വിഭാഷ ഉപയോഗിക്കുന്നത്.
- pma
വായിക്കുക: nri, public-prosecution, അബുദാബി, നിയമം, പ്രവാസി
അബുദാബി : 2022 ജനുവരി 1 മുതൽ യു. എ. ഇ. യിലെ വാരാന്ത്യ അവധി വെള്ളിയാഴ്ച ഉച്ച മുതല്‍ ശനി, ഞായര്‍ എന്നീ ദിവസങ്ങള്‍ കൂടി രണ്ടര ദിവസവും ആയിരിക്കും എന്ന് അധികൃതര്‍. ഈ പ്രഖ്യാപനം അനുസരിച്ച് സര്‍ക്കാര്‍ ഓഫീസുകളുടെ പ്രവൃത്തി ദിനങ്ങള്‍ ആഴ്ചയിൽ നാലര ദിവസം ആയിരിക്കും. എന്നാല്‍ പ്രതിദിന പ്രവൃത്തി സമയം ഒരു മണിക്കൂർ വർദ്ധിപ്പിക്കുകയും ചെയ്യും.
തിങ്കള്‍, ചൊവ്വ, ബുധന്‍, വ്യാഴം എന്നീ ദിവസങ്ങളില്‍ രാവിലെ 7.30 മുതൽ ഉച്ച തിരിഞ്ഞ് 3.30 വരെ സര്‍ക്കാര്‍ ഓഫീസുകള്‍ പ്രവര്‍ത്തിക്കും. വെള്ളിയാഴ്ച രാവിലെ 7.30 മുതൽ ഉച്ചക്ക് 12.00 വരെയും.
Abu Dhabi Government to implement a four and a half working days week, with weekends moved to Saturday and Sunday, with a half-day starting 1 January 2022, in line with the UAE’s vision to enhance its global competitiveness, and keep pace with global developments. pic.twitter.com/XAKSJGYsBO
— مكتب أبوظبي الإعلامي (@admediaoffice) December 7, 2021
നിലവിൽ സര്‍ക്കാര്‍ തലത്തില്‍ മാത്രമാണ് വാരാന്ത്യ അവധി മാറ്റം നടപ്പാക്കുന്നത്. തുടര്‍ന്ന് സ്വകാര്യ സ്ഥാപനങ്ങൾക്കും ഈ നിയമം ബാധകമാകും എന്നു കരുതുന്നു.
രാജ്യത്തെ ഏഴു പ്രവിശ്യകളെയും ചേര്‍ത്ത് യുണൈറ്റഡ് അറബ് എമിറേറ്റ്സ് രൂപീകരിച്ച 1971 മുതൽ 1999 വരെ വാരാന്ത്യ അവധി വെള്ളിയാഴ്ച ആയിരുന്നു. പിന്നീട് 2006 വരെ വ്യാഴാഴ്ച കൂടി ചേര്‍ത്ത് രണ്ടു ദിവസങ്ങള്‍ വാരാന്ത്യ അവധി ആക്കി മാറ്റിയിരുന്നു. തുടര്‍ന്ന് 2006 മുതല്‍ വ്യാഴം പ്രവൃത്തി ദിനം ആക്കുകയും വെള്ളി, ശനി എന്നീ ദിവസങ്ങൾ വാരാന്ത്യ അവധി ആക്കുകയും ചെയ്തു.
രാജ്യം അന്‍പതാം ജന്മ വാര്‍ഷികം ആഘോഷിക്കുന്ന വേളയിലാണ് അറബ് രാജ്യങ്ങള്‍ക്ക് അനുകരിക്കാവുന്ന ഈ സമഗ്ര മാറ്റങ്ങള്‍ യു. എ. ഇ. പ്രാവര്‍ത്തികം ആക്കുന്നത്.
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
