 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : വയനാട് ഉരുള്‍പ്പൊട്ടലില്‍ അനാഥരായ എല്ലാ കുട്ടികളെയും ദത്തെടുക്കുവാനും അവരെ വളര്‍ത്തുവാനും അവര്‍ക്കു വേണ്ടതായ വിദ്യാഭ്യാസം അവര്‍ ആഗ്രഹിക്കുന്ന തലം വരെ നല്‍കുവാനും അബുദാബി ആസ്ഥാനമായ അഹല്യ മെഡിക്കല്‍ ഗ്രൂപ്പ് സന്നദ്ധത പ്രകടിപ്പിച്ചു.
അഹല്യയുടെ പാലക്കാട് ക്യാമ്പസില്‍ പ്രവര്‍ത്തിച്ചു വരുന്ന അഹല്യ ചില്‍ഡ്രന്‍സ് വില്ലേജ് ഇതിനായി ഒരുങ്ങി ക്കഴിഞ്ഞു എന്നാണു റിപ്പോർട്ട്.
അഹല്യ ചില്‍ഡ്രന്‍സ് വില്ലേജുമായി +91 95440 00122 (ശരത് എം. എസ്) ഈ നമ്പറിൽ ബന്ധപ്പെടാം.
- pma
വായിക്കുക: ahalia-hospital, health, hospital, nri, social-media, ആരോഗ്യം, കുട്ടികള്‍, ജീവകാരുണ്യം, വിദ്യാഭ്യാസം, വൈദ്യശാസ്ത്രം, സാമൂഹ്യ സേവനം
അബുദാബി : വയനാട് ദുരന്തത്തില്‍ മരിച്ചവര്‍ക്കും മറ്റ് നാശ നഷ്ടങ്ങള്‍ നേരിട്ടവർക്കും വി. പി. എസ്. ലേക്‌ ഷോര്‍ ഗ്രൂപ്പ് ഒരു കോടി രൂപയുടെ സഹായം പ്രഖ്യാപിച്ചു. വയനാട്ടില്‍ നടന്നു കൊണ്ടിരിക്കുന്ന ദുരിതാശ്വാസ പ്രവര്‍ത്തനങ്ങളെ പിന്തുണക്കുവാൻ അടിയന്തര ആവശ്യമുള്ള മരുന്നുകള്‍, മെഡിക്കല്‍ ഉല്‍പ്പന്നങ്ങള്‍ എന്നിവയായാണ് ദുരിത ബാധിത മേഖലയില്‍ എത്തിക്കുക.
അണുബാധകള്‍ ചികിത്സിക്കുന്നതിനും അടിയന്തര പരിചരണം നല്‍കുന്നതിനും ദീര്‍ഘകാല രോഗ ചികിത്സക്കും ആവശ്യമായ മരുന്നുകള്‍, ഇന്‍സുലിന്‍ തുടങ്ങിയവ ദുരിതാശ്വാസ പാക്കേജില്‍ ഉണ്ടാകും. കൂടാതെ സാനിറ്ററി പാഡുകള്‍, ബെഡ് ഷീറ്റുകള്‍ എന്നീ അവശ്യ വസ്തുക്കളും പാക്കേജില്‍ ഉള്‍പ്പെടുന്നു. വിവിധ മേഖലകളില്‍ വര്‍ഷങ്ങളായി നടപ്പാക്കുന്ന സന്നദ്ധ പ്രവര്‍ത്തനങ്ങളുടെ തുടര്‍ച്ചയായാണ് വയനാടിന് കൈത്താങ്ങ് എത്താനുള്ള വി. പി. എസ്. ലേക്‌ ഷോര്‍ ഗ്രൂപ്പിൻ്റെ ഇടപെടൽ.
- pma
വായിക്കുക: health, nri, vps, ജീവകാരുണ്യം, പ്രവാസി, വ്യവസായം, സാമൂഹ്യ സേവനം
ദുബായ് : യു. എ. ഇ. യില്‍ എത്തുന്ന സന്ദര്‍ശക വിസക്കാര്‍ക്കും ഇനി മുതൽ ഹെൽത്ത് ഇന്‍ഷ്വറന്‍സ് എടുക്കണം.
വിനോദ സഞ്ചാരത്തിനായി യു. എ. ഇ. യിലേക്കുള്ള വിസക്ക്‌ അപേക്ഷിക്കുമ്പോൾ ആരോഗ്യ പരിരക്ഷാ പദ്ധതിയുടെ ഭാഗമായുള്ള ഇന്‍ഷ്വറന്‍സിനും അപേക്ഷ നൽകാൻ ഐ. സി. പി. യുടെ വെബ്‌ സൈറ്റിലും മൊബൈൽ ആപ്പിലും സംവിധാനം ഒരുക്കും.
പുതിയ പദ്ധതി ഉടന്‍ നിലവില്‍ വരും എന്നും ഫെഡറല്‍ അതോറിറ്റി ഫോര്‍ ഐഡന്റിറ്റി, സിറ്റിസണ്‍ ഷിപ്പ്, കസ്റ്റംസ് ആന്‍ഡ് പോര്‍ട്ട് സെക്യൂരിറ്റി (ഐ. സി. പി.) ഡയറക്ടര്‍ ജനറല്‍ മേജര്‍ ജനറല്‍ സുഹൈല്‍ സഈദ് അല്‍ ഖൈലി അറിയിച്ചു.
തൊഴില്‍ വിസക്കാര്‍ക്ക് ആരോഗ്യ പരിരക്ഷാ പദ്ധതി നിലവിലുണ്ട്. അടിയന്തര ഘട്ടങ്ങളില്‍ സന്ദർശകർക്കും ആരോഗ്യ പരിരക്ഷ നല്‍കുവാനാണ് പുതിയ പദ്ധതി.
- pma
വായിക്കുക: health, visa-rules, തൊഴിലാളി, പൂര്‍വ വിദ്യാര്‍ത്ഥി, പ്രവാസി, യു.എ.ഇ., വിനോദസഞ്ചാരം
അബുദാബി: ആഗോള പ്രീ-ഹോസ്പിറ്റൽ മെഡിക്കൽ രംഗത്തെ ഏറ്റവും വലിയ സേവന ദാതാക്കളിൽ മുന്നിലെത്താനുള്ള വൻ ചുവടുവയ്പ്പുമായി മലയാളി നേതൃത്വത്തിലുള്ള റെസ്പോൺസ് പ്ലസ് ഹോൾഡിംഗ്‌സ് (ആർ. പി. എം.).
യുദ്ധ മേഖലകളിലേത് അടക്കം അടിയന്തര മെഡിക്കൽ സേവനങ്ങൾക്ക് പരിശീലനവും കൺസൾട്ടൻസി സേവന ങ്ങളും നൽകുന്ന യു. കെ. കമ്പനി പ്രോമിത്യൂസ് മെഡിക്കലിൻ്റെ ഏറ്റെടുക്കൽ ആർ. പി. എം. പ്രഖ്യാപിച്ചു. നൂതന എമർജൻസി മെഡിക്കൽ സാങ്കേതിക വിദ്യകളും പ്രത്യേക പരിശീലനവും നൽകുന്ന സേഫ്‌ ഗാർഡ് മെഡിക്കലിൻ്റെ ഭാഗമായിരുന്നു പ്രൊമിത്യൂസ്.
പ്രവാസി സംരംഭകൻ ഡോ. ഷംഷീർ വയലിൽ സ്ഥാപിച്ച റെസ്പോൺസ് പ്ലസ് ഹോൾഡിംഗ് പി. ജെ. എസ്. സി. യുടെ ഭാഗമാണ് ആർ. പി. എം. അബുദാബി സെക്യൂരിറ്റീസ് എക്സ്ചേഞ്ചിൽ ലിസ്റ്റ് ചെയ്തിരിക്കുന്ന കമ്പനി യു. എ. ഇ. യിലെയും സൗദി അറേബ്യ യിലെയും ഏറ്റവും വലിയ പ്രീ-ഹോസ്പിറ്റൽ മെഡിക്കൽ സേവന ദാതാവാണ്.
അടിയന്തര മെഡിക്കൽ സേവനങ്ങൾ നൽകുന്ന കമ്പനികൾക്ക് പരിശീലനവും കൺസൾട്ടൻസി സേവനങ്ങളും നൽകുന്ന ആഗോള കമ്പനിയാണ് പ്രോമിത്യൂസ് മെഡിക്കൽ. രണ്ട് പ്രമുഖ ആരോഗ്യ സേവന ദാതാക്കളെ ഒരുമിപ്പിക്കുന്ന ഏറ്റെടുക്കൽ പ്രതിരോധ, എണ്ണ-വാതക മേഖലകളിലെ പ്രധാന കമ്പനികൾക്ക് സമഗ്ര മെഡിക്കൽ കവറേജ് ലഭ്യമാക്കാൻ ആർപിഎമ്മിന്‌ വഴിയൊരുക്കും.
Image Credit: FB Page
- pma
വായിക്കുക: expat, health, vps-burjeel, ആരോഗ്യം, വ്യവസായം, സാമൂഹ്യ സേവനം
അബുദാബി : കുഞ്ഞുങ്ങൾക്കും സ്ത്രീകൾക്കും വേണ്ടിയുള്ള അത്യാധുനിക സൗകര്യങ്ങളോടു കൂടിയുള്ള മില്ലേനിയം ഹോസ്പിറ്റൽ മുസഫ ഷാബിയ ഒൻപതിൽ തുറന്നു പ്രവർത്തനം ആരംഭിച്ചു.
അബുദാബി രാജ കുടുംബാംഗം ശൈഖ അൽ യാസിയാ ബിൻത് സുൽത്താൻ ബിൻ ഖലീഫ അൽ നഹ്യാൻ, അഹല്യ മെഡിക്കൽ ഗ്രൂപ്പ് സ്ഥാപകനും മാനേജിംഗ് ഡയറക്ടറുമായ ഡോക്ടർ വി. എസ്. ഗോപാൽ എന്നിവരുടെ സാന്നിദ്ധ്യ ത്തിൽ അബുദാബി ഹെൽത്ത് അഥോറിറ്റി എക്സിക്യൂട്ടീവ് ഡയറക്ടർ ഡോക്ടർ ഐഷാ അൽ ഖൂറി മില്ലേനിയം ഹോസ്പിറ്റൽ ഉത്‌ഘാടനം ചെയ്തു.
50 കിടക്കകൾ ഉള്ള ഹോസ്പിറ്റലിൽ 24 മണിക്കൂറും സേവനം ലഭിക്കും. ഇതിൽ 20 കിടക്കകൾ നവജാത ശിശുക്കളുടെ പ്രത്യേക പരി ചരണത്തിനായി നീക്കി വെച്ചിരിക്കുന്നു.
പീഡിയാട്രിക്, ഗൈനക്കോളജി, പീഡിയാട്രിക് ഐ. സി. യു., ജനറൽ ആൻ‍ഡ് പീഡിയാട്രിക് സർജറി, കാർഡിയോളജി, ഡെന്റൽ, ഒഫ്താൽമോളജി, ഡെർമറ്റോളജി, ഇ. എൻ. ടി. ഫാമിലി മെഡിസിൻ, ഡയബറ്റിക് ക്ലിനിക്, സൈക്യാട്രി, ഇന്റേണൽ മെഡിസിൻ, ജനറൽ പ്രാക്ടീസ്, നിയോനേറ്റോളജി, ലബോറട്ടറി, റേഡിയോളജി തുടങ്ങിയ വിഭാഗങ്ങൾക്കു പുറമെ സ്പീച്ച് തെറാപ്പി സേവനവും ലഭ്യമാണ്
നവജാത ശിശുക്കളുടെ പരിപാലനത്തിനായുള്ള ലെവൽ 3 എൻ. ഐ. സി. യു. ഹോസ്പിറ്റലിൻ്റെ പ്രത്യേകതയാണ്.
ഇരുപത്തിനാലു മണിക്കൂറും പ്രവർത്തിക്കുന്ന മില്ലേനിയം ഹോസ്പിറ്റൽ കുട്ടികൾക്കും സ്ത്രീകൾക്കും മികച്ച കോംപ്രിഹെൻസീവ് കെയർ നൽകാൻ ബാദ്ധ്യസ്ഥരാണ് എന്ന് മെഡിക്കൽ ഡയറക്ടർ വി. ആർ. അനിൽ അറിയിച്ചു.
അബുദാബി പോലീസ്, മുനിസിപ്പാലിറ്റി, റെഡ് ക്രസന്റ്, വിവിധ ഇൻഷ്വറൻസ് കമ്പനി മേധാവികൾ, സ്‌കൂൾ പ്രതി നിധികൾ, സംഘടനാ പ്രതിനിധികൾ, പൗര പ്രമുഖരും ഉത്‌ഘാടന ചടങ്ങിൽ പങ്കെടുത്തു.
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
