അബുദാബി : കേരള സോഷ്യല്‍ സെന്റര്‍ ബാലവേദി യുടെ പ്രവര്‍ത്തനോദ്ഘാടനവും ഏക ദിന പരിസ്ഥിതി ക്യാമ്പിന്റെ ഉദ്ഘാടനവും ‘കൂട്’ എന്ന പരിസ്ഥിതി മാസികയുടെ യു. എ. ഇ. യിലെ പ്രചരണോ ദ്ഘാടനവും കേരള സോഷ്യല്‍ സെന്റര്‍ പ്രസിഡന്റ് എം. യു. വാസു നിര്‍വഹിച്ചു.

സ്‌കിറ്റ്, കൊളാഷ്, പോസ്റ്റര്‍ നിര്‍മാണം, നാടന്‍ പാട്ട്, ചര്‍ച്ച, സംഘ ചിത്ര രചന തുടങ്ങിയ പരിപാടികള്‍ കുട്ടികള്‍ക്ക് പുതിയ അനുഭവമായി. ക്യാമ്പിനോട് അനുബന്ധിച്ച് കുട്ടികള്‍ തയ്യാറാക്കിയ ‘ഉറവ’ എന്ന പത്രം പ്രകാശനം ചെയ്തു. നൂറോളം കുട്ടികള്‍ ക്യാമ്പില്‍ പങ്കെടുത്തു.

കൂട് മാസികയെ ഫൈസല്‍ ബാവ പരിചയപ്പെടുത്തി. ബാലവേദി പ്രസിഡന്റ് അറഫ താജുദ്ദീന്‍ അധ്യക്ഷത വഹിച്ചു. കെ. എസ്. സി. വൈസ് പ്രസിഡന്റ് എം. സുനീര്‍, വനിതാ വിഭാഗം കണ്‍വീനര്‍ സിന്ധു ഗോവിന്ദന്‍ എന്നിവര്‍ സംസാരിച്ചു. കലാ വിഭാഗം സെക്രട്ടറി രമേശ് രവി ക്യാമ്പിനെപ്പറ്റിയും കൊളാഷ് പോസ്റ്റര്‍ നിര്‍മാണത്തെ പ്പറ്റി ഒമര്‍ ഷരീഫും ക്ലാസ്സെടുത്തു. ഐശ്വര്യ ഗൗരി നാരായണന്‍ സ്വാഗതവും അഭിഷേക് ജോളി നന്ദിയും പറഞ്ഞു.

അബുദാബി : ലോക പരിസ്ഥിതി ദിനത്തോട് അനുബന്ധിച്ച് കേരള സോഷ്യൽ സെന്റര്‍ ബാലവേദി, കുട്ടികൾക്കായി സംഘടിപ്പിക്കുന്ന ഏകദിന പരിസ്ഥിതി ക്യാമ്പ്‌ കെ. എസ്. സി. അങ്കണ ത്തിൽ ജൂണ്‍ 8 ശനിയാഴ്ച രാവിലെ 10 മണിക്ക് നടക്കും.

“പരിസ്ഥിതി സംരക്ഷണവും ഭൂമിയും” എന്നതാണ് കേന്ദ്ര വിഷയം. ഈ വിഷയ ത്തെ ആസ്പദമാക്കി തയ്യാറാകുന്ന പോസ്റ്ററുകൾ, കൊളാഷ്, ചർച്ചകൾ, തിയറ്റർ സ്കിറ്റ്, പ്രദർശന ങ്ങൾ തുടങ്ങി വിവിധ പരിപാടികൾ ഒരു ദിവസത്തെ ക്യാമ്പിൽ ഉണ്ടായി രിക്കുന്നതാണ്.

പങ്കെടുക്കാൻ ആഗ്രഹിക്കുന്നവർ മുൻ‌കൂർ രജിസ്റ്റർ ചെയ്യണം.

കൂടുതൽ വിവരങ്ങൾക്ക് : 02 631 44 56, 050 78 82 028, 050 54 15 172